ភ្ជាប់ដងព្រែកនៃសេចក្តីរីករាយ

ឃុំ Long Điền គឺជាតំបន់មួយដែលមានព្រែកបឹងទន្លេ និងប្រឡាយជាច្រើន ធ្វើឱ្យការដឹកជញ្ជូន និងការជួញដូររបស់បងប្អូនប្រជាជនជួបនឹងការលំបាកខ្លាំង។ ដោយយល់ឃើញពីរឿងនេះ គណៈកម្មាធិការបក្ស គណៈកម្មាធិការប្រជាជន និងគណៈកម្មាធិការរណសិរ្សមាតុភូមិ Việt Nam ឃុំ បានកៀរគរធនធានទាំងអស់ ជាពិសេសឧបត្ថម្ភពីអង្គការ និងបុគ្គលជាច្រើនទាំងក្នុង និងក្រៅតំបន់ ដើម្បីសាងសង់ស្ពានជាច្រើនខ្សែសម្រាប់ប្រជាជន ដោយជំនួសស្ពានបណ្តោះអាសន្ន និងស្ពានទ្រុឌទ្រោមមិនអាចដំណើរការបាន។

អនុប្រធានគណៈកម្មាធិការប្រជាជនខេត្ត Lê Văn Sử រួមជាមួយប្រតិភូតំណាងថ្នាក់ដឹកនាំឃុំ Long Điền និងម្ចាស់ឧបត្ថម្ភ រួមជាមួយមាមីងបងប្អូនលើភូមិសាស្ត្រ ធ្វើដំណើរលើស្ពាន Vươn Tầm នៃថ្ងៃសម្ពោធឆ្លង។

ចាប់ពីដើមឆ្នាំ ២០២៦ រហូតមកដល់បច្ចុប្បន្ន ឃុំ Long Điền បានចាប់ផ្តើមសាងសង់ស្ពានចរាចរណ៍ជនបទសរុបទាំងអស់ចំនួន ១៤ ខ្សែ ដែលក្នុងនោះស្ពាន ៧ ខ្សែសង់សម្រេច និងដាក់ឱ្យប្រើប្រាស់ជាផ្លូវការផងដែរ។ តម្លៃដ៏ធំបំផុតសម្រាប់ស្ពានទាំងនេះដែលតភ្ជាប់ច្រាំងព្រែកបឹងទន្លេពីម្ខាងទៅម្ខាងគឺជាក្តីសប្បាយរីករាយជាខ្លាំងណាស់សម្រាប់បងប្អូនប្រជាជនក្នុងតំបន់។ ជាតំបន់ដែលមានជនរួមជាតិ Khmer រស់នៅច្រើន ស្ពានចរាចរណ៍ជនបទឆ្លងកាត់ភូមិ Rạch Rắn (ភូមិ Thạnh Trị ចាស់) ពីមុនត្រូវបានទ្រុឌទ្រោម មានត្រឹមតែអ្នកដើរឆ្លងទៅឆ្លងមកប៉ុណ្ណោះ ហើយវាអាចបង្កគ្រោះថ្នាក់ និងរារាំងការដឹកជញ្ជូនទំនិញ ព្រមទាំងផលិតផលកសិកម្ម ប្រជាកសិករពិតជាជួបលំបាកខ្លាំងណាស់។

ផ្តើមពីការជាក់ស្តែងនោះ ស្ពាន Tường Vân ៣៩ ត្រូវបានសាងសង់ឡើងតាមរយៈការខិតខំប្រឹងប្រែងរបស់ការិយាល័យបច្ចេកទេស និងបន្ទាត់ខាងក្រៅ (នគរបាលខេត្ត Cà Mau) សហការជាមួយសមាគមសប្បុរសធម៌វត្ត Tường Quân (ទីក្រុង Hồ Chí Minh) ឧបត្ថម្ភជាទឹកប្រាក់សរុបចំនួន ២០០ លានដុង។ ស្ពានរឹងមាំ និងសាងសង់បានល្អ កំពុងដំណើរការនាពេលបច្ចុប្បន្ននេះ មិនត្រឹមតែឆ្លើយតបតាមក្តីបំណងប្រាថ្នារបស់ប្រជាជនក្នុងតំបន់ប៉ុណ្ណោះទេ ថែមទាំងជួយសម្រួលដល់ការផលិត និងលើកកម្ពស់ជីវភាពសេដ្ឋកិច្ចរបស់អ្នកស្រុកនៅទីនេះទៀតផង។

លោក Danh Văn Hoàng នៅភូមិ Rạch Rắn បានចែករំលែកថា៖ «យើងពិតជារីករាយណាស់ដែលមានស្ពានដ៏រឹងមាំបែបនេះ។ យើងលែងភ័យខ្លាចគ្រោះថ្នាក់ទៀតហើយនៅពេលឆ្លងកាត់តាមព្រែកទន្លេ ហើយការដឹកជញ្ជូនទំនិញក៏កាន់តែមានភាពងាយស្រួលផងដែរ។ យើងខ្ញុំសូមអំណរគុណយ៉ាងខ្លាំងចំពោះរដ្ឋអំណាចភូមិភាគ ព្រមទាំងម្ចាស់ឧបត្ថម្ភផងដែរ»។

លោក Lâm Minh Quang ប្រធានសមាគមកសិករភូមិ Rạch Rắn បាននិយាយដោយរីករាយថា៖ «ភូមិនេះមានប្រជាជន Khmer ច្រើនជាងគេទូទាំងឃុំ។ ចាប់តាំងពីស្ពានទឿនវឹនចំនួន ៣៩ ខ្សែត្រូវបានសម្ពោធដាក់ឱ្យប្រើប្រាស់ជាផ្លូវការមក ប្រជាជនអាចធ្វើដំណើរបានកាន់តែងាយស្រួល ហើយការជួញដូរក៏ត្រូវបានតភ្ជាប់ រួមចំណែកដល់ការលើកកម្ពស់ជីវភាពរស់នៅរបស់បងប្អូនប្រជាជនក្នុងតំបន់ផងដែរ»។

អនុប្រធានគណៈកម្មាធិការប្រជាជនខេត្ត Lê Văn Sử (ពីបីគិតពីឆ្វេង) រួមជាមួយប្រតិភូតំណាងថ្នាក់ដឹកនាំឃុំ Long Điền និងម្ចាស់ឧបត្ថម្ភ ប្រារព្ធពិធីកាត់ខ្សែបូសម្ពោធស្ពាន Vươn Tầm។

ថ្មីៗនេះដែរ កម្មវិធី "ដំណើរសុខភាពពណ៌បៃតងរដូវកាលទី៤" ដែលរៀបចំរួមគ្នាដោយសមាគមអាជីវករវ័យក្មេងរបស់បណ្តាខេត្ត ក្រុង មានដូចជា៖ Cà Mau, Tây Ninh ទីក្រុង Hồ Chí Minh, Đồng Nai ដែលបានសហការចាត់តាំងឡើងនៅឃុំ Long Điền។​ កម្មវិធីនេះបានជ្រើសរើសសាងសង់ស្ពាន Vươn Tầm ដែលមានទីតាំងស្ថិតនៅភូមិ Diêm Điền។ ស្ពាន Vươn Tầm ត្រូវបានផ្តើមកសាងសង់ចាប់ពីថ្ងៃទី ៥ ខែមិថុនា ឆ្នាំ២០២៦ ជាមួយនឹងការវិនិយោគទឹកប្រាក់សរុបជាង ៧០០ លានដុង។

រួមជាមួយនោះដែរ កម្មវិធីនេះបានផ្តល់អំណោយជាច្រើនចំណែក មានទាំងគ្រឿងសម្ភារៈសំណង់ កម្លាំងពលកម្មរាប់ពាន់ថ្ងៃ និងទម្រង់នៃឧបត្ថម្ភផ្សេងៗដទៃទៀតផងដែរ ជាមួយនឹងធនធានប៉ាន់ស្មានសរុបជាង ៦ ពាន់លានដុង។ កម្មវិធីនេះបានតភ្ជាប់នូវក្តីសប្បាយរីករាយ និងផ្តល់ការឧបត្ថម្កម្ភយ៉ាងជាក់ស្តែងសម្រាប់សិស្សានុសិស្ស និងបងប្អូនប្រជាជន ព្រមទាំងគ្រួសារជាច្រើនដែលមានជីវភាពជួបលំបាកទៀតផង ជាពិសេសគ្រួសារជនរួមជាតិ Khmer  ទាំងឡាយលើភូមិសាស្ត្រឃុំទាំងមូល។

ស្ពានទាំងនេះមិនត្រឹមតែជួយសម្រួលដល់ការដឹកជញ្ជូនប្រកបដោយភាពងាយស្រួលសម្រាប់ប្រជាជនឃុំ Long Điền ប៉ុណ្ណោះទេ ថែមទាំងរួមចំណែកដល់ការជំរុញការអភិវឌ្ឍសេដ្ឋកិច្ច-សង្គមរបស់ភូមិភាគផងដែរ ជាពិសេសនៅក្នុងតំបន់ដែលមានប្រជាជន Khmer រស់នៅច្រើនកុះករ៕

Kim Phượng - Ngọc Thắm