គិតគូរបុណ្យចូលឆ្នាំដល់ជនរួមជាតិ Khmer

បុណ្យចូលឆ្នាំថ្មីប្រពៃណី Khmer ២០២៦ នឹងត្រូវបានប្រព្រឹត្តឡើងនៅថ្ងៃទី ១៤, ១៥ និង១៦ ខែមេសា។

បក្ស និងរដ្ឋតែងតែយកចិត្តទុកដាក់ជាពិសេសចំពោះជីវភាពរស់នៅរបស់ប្រជាជន Khmer ដោយបបង្កលក្ខណៈសម្រាប់មាមីងបងប្អូនទទួលអំណរឆ្នាំថ្មីដោយក្តីសប្បាយរីករាយ និងសុភមង្គល។ (រូបថតឯកសារ)

ដើម្បីបង្កលក្ខណៈគិតគូរដល់ជនជាតិ Khmer ក្នុងខេត្តទទួលអំណរបុណ្យចូលឆ្នាំថ្មីប្រពៃណី របស់ខ្លួនប្រកបដោយភាពសប្បាយរីករាយ សាមគ្គី រួបរួមគ្នា និងសុវត្ថិភាព គណៈកម្មាធិការប្រជាជនខេត្តបានចេញផែនការមួយដើម្បីរៀបចំសកម្មភាពសួរសុខទុក្ខ និងប្រសិទ្ធពរឆ្នាំថ្មី ២០២៦ លើភូមិសាស្ត្រខេត្ត ព្រមទាំងបង្ហាញពីការយកចិត្តទុកដាក់របស់បក្ស និងរដ្ឋចំពោះជនជាតិ Khmer រួមចំណែកដល់ការអនុវត្តប្រកបដោយប្រសិទ្ធភាពនៃកិច្ចការងាតជនជាតិ និង គោលនយោបាយជនជាតិលើភូមិសាស្ត្រខេត្តនិយាយរួម។ ផ្តើមពីនោះ ដើម្បីបំផុសចលនាស្មារតី បង្កើតបរិយាកាសសប្បាយរីករាយ សាមគ្គីទូទាំងជនជាតិ រួមចំណែកក្នុងការអភិរក្ស និងពង្រីកអត្តសញ្ញាណវប្បធម៌ប្រពៃណីដ៏ល្អផូរផង់របសជនរួមជាតិ Khmer ព្រមទាំងពង្រីកតួនាទីរបស់ព្រះសង្ឃ អ្នកមានកិត្យានុ ភាពចំពោះការបំផុសចលនាប្រជាជនអនុវត្តល្អគោលការណ៍ណែនាំ និងគោលនយោបាយរបស់បក្ស ក្រឹត្យច្បាប់រដ្ឋ រួមចំណែកអនុវត្តភារកិច្ចអភិវឌ្ឍសេដ្ឋកិច្ច-សង្គម ធានាការការពារជាតិ និងសន្តិសុខសណ្តាប់ធ្នាប់លើភូមិសាស្ត្រខេត្ត។

បងប្អូនជនរួមជាតិ Khmer ចូលរួមលេខល្បែងប្រជាប្រិយក្នុងឱកាសបុណ្យចូលឆ្នាំថ្មីប្រពៃណីជាតិ។

ទន្ទឹមនិងនោះ គណៈកម្មាធិការប្រជាជនខេត្តក៏បានណែនាំដល់មន្ទីរ ស្ថាប័ន និងគណៈកម្មាធិការប្រជាជនឃុំ និងសង្កាត់ ឱ្យរៀបចំសកម្មភាពប្រកបដោយភាពសកម្មក្នុងឱកាសបុណ្យចូលឆ្នាំថ្មីប្រពៃណីរបស់ជនរួមជាតិ Khmer ដោយផ្អែកលើមុខងារ និងភារកិច្ចដែលបានកំណត់ និងស្ថានភាពជាក់ស្តែងនៃវិស័យ និងមូលដ្ឋានរៀងៗខ្លួន ធានាថាសកម្មភាពទាំងនេះនឹងមានលក្ខណៈជាក់ស្តែង ព្រមទាំងមានអត្ថន័យ ធានាសុវត្ថិភាព និងប្រឹតសំចៃ។

យោងតាមផែនការ ឆ្នាំនេះ ខេត្តនឹងរៀបចំពិធីជួបជុំនៅឃុំ និងសង្កាត់ចំនួន ៧ ដែលស្ថិតក្នុងតំបន់ III នៃតំបន់ជនជាតិភាគតិចលើភូមិសាស្ត្រខេត្ត រួមមាន៖ សង្កាត់ Vĩnh Trạch សង្កាត់ Hiệp Thành ឃុំ Hưng Hội ឃុំ Khánh Lâm ឃុំ Ninh Thạnh Lợi ឃុំ Thanh Tùng និងឃុំ Vĩnh Hậu។ រាល់ឃុំ/សង្កាត់នីមួយៗនឹងរៀបចំចំណុចជួបជុំមួយ ដែលមានអ្នកចូលរួមចំនួន ១២០ ប្រតិភូ រួមមាន៖ អ្នកចូលរួមជាផ្លូវការចំនួន ១០០ នាក់ និងភ្ញៀវកិត្តិយសចំនួន ២០ នាក់ផងដែរ។

យោងតាមនោះ​ ខេត្តនឹងប្រគល់ឱ្យទៅមន្ទីរជនជាតិ និងសាសនា ធ្វើជាអធិបតី និងសម្របសម្រួលជាមួយមន្ទីរហិរញ្ញវត្ថុ ដើម្បីណែនាំ ត្រួតពិនិត្យ រៀបចំ និងផ្តល់យោបល់លើការបែងចែកថវិកាសម្រាប់ឃុំ និងសង្កាត់ទាំងឡាយ ដោយកម្រិតទឹកប្រាក់ឧបត្ថម្ភចំនួន ៥០ លានដុង/ឃុំ/សង្កាត់សម្រាប់រៀបចំពិធី ជួបជុំបុណ្យក្នុងឱកាសបុណ្យចូលឆ្នាំ។

ពិធីស្រស់ព្រះក្នុងថ្ងៃបុណ្យចូលឆ្នាំថ្មីប្រពៃណី Khmer។

ក្រៅពីនោះ ខេត្តនឹងចាត់តាំងក្រុមដើម្បីអញ្ជើញទៅសួរសុខទុក្ខ ប្រគេន និងប្រសិទ្ធពរ ព្រមទាំងអំណោយបុណ្យចូលឆ្នាំងដល់សមាគមព្រះសង្ឃសាមគ្គីស្នេហាជាតិខេត្ត និងតាមវត្តអារាម Khmer ទាំងឡាយក្នុងខេត្ត រួមទាំងតំណាងបុគ្គលឯកជន គ្រួសារគោលនយោបាយឆ្នើមក្នុងជនរួមជាតិ Khmer ព្រមទាំងបណ្តាស្ថាប័នដែលមានកម្មាភិបាល Khmer ធ្វើការ ដើម្បីលើកទឹកចិត្ត និងជំរុញស្មារតីបងប្អូន Khmer ឱ្យបន្តលះបង់ដើម្បីកិច្ចការងារជនជាតិ។ ឆ្លងតាមនោះ ក៏ពង្រឹង នឹងរឹតបន្តឹងថែមទៀតនូវចំណងសាមគ្គីទូទាំងជនជាតិ បង្កើនប្រភពកម្លាំងក្នុងការប្រឡងប្រណាំងស្នេហាជាតិ និងលើកទឹកចិត្តបងប្អូនជនរួមជាតិឱ្យបន្តរួមកម្លាំងគ្នាកសាងមាតុភូមិកាម៉ាវមួយថ្ងៃកាន់តែស៊ីវិល័យ ទំនើប​ និងអភិវឌ្ឍប្រកបដោយស្ថិរភាព៕

Danh Điệp