ខិតខំសម្រេចល្បឿននៃកម្មវិធីគោលដៅសម្រាប់តំបន់ជនជាតិភាគតិច

មកទល់ពេលនេះ កម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ ដំណាក់កាល ២០២១-២០៣០ ដំណាក់កាលទី ១៖ ២០២១-២០២៥ (កម្មវិធី) ខេត្តបានដោះស្រាយថវិកាចំនួន ៣០០.២៤៦ លានដុង ដោយឡែកក្នុងឆ្នាំ ២០២៥ ដោះស្រាយបានចំនួន ៦១.៥៨១ លានដុង។

ក្នុងការអនុវត្តកម្មវិធី មកទល់ពេលនេះ ខេត្តបានឧបត្ថម្ភផ្ទះសម្រាប់ស្នាក់នៅជូនបាន ១.៤៤២ គ្រួសារ។

តាមរយៈការអនុវត្តពេញលេញទាំង ១០ គម្រោង ១០/១៤ អនុគម្រោង និងខ្លឹមសារសមាសភាគចំនួន ៣១/៣៦ ស្ថិតក្រោមកម្មវិធីនេះ បណ្តាមូលដ្ឋានក្នុងតំបន់ជនជាតិភាគតិចរបស់ខេត្តបានផ្តល់ការឧបត្ថម្ភដីធ្លី លំនៅឋាន ផ្ទះសម្បែង ការងារធ្វើ និងទឹកស្អាតសម្រាប់ប្រើប្រាស់ជូន ៣.៩៥៥ គ្រួសារ (ក្នុងនោះឧបត្ថម្ភផ្ទះនៅ ១.៤៤២ គ្រួសារ រួមចំណែកយ៉ាងសំខាន់ក្នុងភាពជោគជ័យរបស់គម្រោងនៃការលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមលើភូមិភាគ។ សម្រេចជាមូលដ្ឋាននូវការរៀបចំលំនឹងអាសយជនតាមទម្រង់កន្លែងនឹងនរសម្រាប់ ១៨៥ គ្រួសារ។

ផ្សព្វផ្សាយ និងឧបត្ថម្ភគម្រោងអភិវឌ្ឍន៍ការបង្កបង្កើនផល ១២៨ គម្រោង ពហុមុខរបរចិញ្ចឹមជីវភាពសហគមន៍ (បច្ចុប្បន្នមាន ១០២ គម្រោងបានស​ម្រេចជាស្ថាពរ) ដោយមានការចូលរួមពីគ្រួសារប្រមាណជាង ១.៣០០ គ្រួសារ។ កសាងទម្រង់បង្កើតអាជីវកម្ម និងផ្តើមអាជីពសម្រេចបានចំនួន ៤/៦ នៅលើភូមិភាគ ៥ ឃុំ តំបន់៣។ បានឧបត្ថម្ភការវិនិយោគសាងសង់សំណង់ថ្មី ១៤១ កន្លែង កែជួសជុល ១៦៧ សំណង់ដែលមានទីតាំងស្ថិតនៅលើភូមិ និងឃុំជួបលំបាកពិសេសជាដើម។

កម្មវិធីនេះបានរួមចំណែកបណ្តុះបណ្តាលវិជ្ជាជីវៈ បង្កើតការងារសម្រាប់ពលករជនបទ។

លោកស្រី Nguyễn Thu Tư នាយិកាមន្ទីរជនជាតិ និងសាសនា មានប្រសាសន៍ថា៖ “ទន្ទឹមនឹងលទ្ធផលដែលសម្រេចបាន ការរៀបចំអនុវត្តកម្មវិធីនេះរបស់ខេត្តក៏បានជួបប្រទះការលំបាកជាច្រើន កំពុងបានជំនះ ដូចជាវឌ្ឍនភាពនៃការអនុវត្តគម្រោង អនុគម្រោង និងខ្លឹមសារសមាសភាគនៅមានភាពយឺតយ៉ាវ អត្រានៃការចាត់ចែងប្រភពប្រាក់ទុនមិនទាន់សម្រេចបានតាមសំណូមពរ ជាពិសេសគឺទុនវិនិយោគ។ ផែនការទុនវិនិយោគសម្រាប់ឆ្នាំ ២០២៥ បានបែងចែកយឺតយ៉ាវ (ខែឧសភា ២០២៥) លុះដល់ពេលអនុវត្តការរួមបញ្ចូលអង្គភាព នីតិវិធីនៃការប្រគល់ និងផ្តល់ឡើងវិញនូវ លេខកូដទំនាក់ទំនងថវិកា កែសម្រួលសំណុំរឿងពាក់ព័ន្ធ។ល។ បានជះឥទ្ធិពលខ្លាំងដល់វឌ្ឍនភាពនៃការចែកចាយថវិកា”។

ទន្ទឹមនឹងនោះ ការអនុវត្តគោលនយោបាយបានជះឥទ្ធិពលផ្ទាល់ដល់ជីវភាពរបស់ជនរួមជាតិភាគតិច ដូចជាការឧបត្ថម្ភដីលំនៅឋាន ដីបង្កបង្កើនផល ជួបប្រទះសម្ពាធខ្លាំង ដោយសារមូលនិធិដីធ្លីដែលមិនមាននៅសល់។ គោលនយោបាយឧបត្ថម្ភប្តូរមុខរបរជំនួសឱ្យដីបង្កបង្កើនផលមានកម្រិតនៃការឧបត្ថម្ភទាប (ច្រើនបំផុត១០ លានដុងសម្រាប់មួយគ្រួសារ) ពិបាកផ្លាស់ប្តូរឱ្យមានស្ថេរភាព។

ការពិនិត្យអង្កេតនៅមានភាពខ្វះខាត៖ ទិន្នន័យប្រមូលច្រើន រាយប៉ាយជាច្រើនទីតាំងក្នុងពេលរបបរាយការណ៍មិនទាន់ស្រុះស្រួលគ្នា ជះឥទ្ធិពលដល់គុណភាពនៃការបូកសរុបនិងចង្អុលការណែនាំ។ មជ្ឈិមមិនទាន់ដាក់ឱ្យដំណើរការប្រព័ន្ធគ្រប់គ្រងទិន្នន័យកម្មវិធីនៅឡើយទេ មូលដ្ឋានមិនទាន់មានលក្ខណៈអនុវត្តដំណោះស្រាយខាងឌីជីថល។ កងជួរកម្មាភិបាលអនុវត្តកម្មវិធីប្រចាំមូលដ្ឋាននៅមានចំនួនតិច ភាគច្រើនធ្វើការក្រៅម៉ោងគ្មានបទពិសោធន៍។ ខណៈដែលចំណុចចាប់ផ្តើមនៃតំបន់ជនជាតិភាគតិចមានកម្រិតទាប តែងរងឥទ្ធិពលអវិជ្ជមានពីគ្រោះធម្មជាតិ និងការប្រែប្រួលអាកាសធាតុ កាន់តែធ្វើឱ្យការអនុវត្តពិបាកជាង។

ការងារព័ត៌មាន និងការផ្សព្វផ្សាយអំពីកម្មវិធីបានអនុវត្តមានប្រសិទ្ធភាពដោយសមាគម និងអង្គការនានា ដើម្បីមុខសញ្ញាទទួលអត្ថប្រយោជន៍យល់ច្បាស់អំពីគោលនយោបាយ។

ក៏យោងតាមលោកស្រី Nguyễn Thu Tư ផងដែរ ទោះជាជួបប្រទះការជាប់ជំពាក់ជាច្រើនក៏ដោយ ការអនុវត្តកម្មវិធីនេះនៅក្នុងខេត្តតែងធានាបាននូវខ្លឹមសារសម្រាប់ការដឹកនាំ និងចង្អុលការរបស់មជ្ឈិម។ ខេត្តបានចេញផ្សាយគ្រប់គ្រាន់នូវផែនការ និងសេចក្តីសម្រេចស្តីពីការបែងចែកភារកិច្ចអនុវត្តកម្មវិធីដំណាក់កាល ២០២១-២០២៥។  ប្រគល់មន្ទីរវិស័យធ្វើអាធិបតីតាមគម្រោង អនុគម្រោងនីមួយៗ។ ភូមិភាគរៀបចំការអនុវត្តផ្ទាល់ដល់តំបន់ជនជាតិភាគតិច។ វិស័យជំនាញផ្សេងៗបានសហការជាមួយគណៈកម្មាធិការប្រជាជនថ្នាក់ឃុំ សម្រាប់ក្នុងការត្រួតពិនិត្យមុខសញ្ញា​រៀបចំបញ្ជីសំណង់ ហ្វឹកហ្វឺន និងការណែនាំបច្ចេកទេស។

លោកស្រី Nguyễn Thu Tư បានសង្កត់ធ្ងន់ថា៖ “ដើម្បីលើកកម្ពស់ប្រសិទ្ធភាពនៃការអនុវត្ត មន្ទីរជនជាតិ និងសាសនាបានប្រគល់ជាស្ថាប័នអចិន្ត្រៃយ៍ ទទួលខុសត្រូវលើការបូកសរុប ផ្តល់យោបល់ ជំរុញស៊ើបអង្កេតការអនុវត្តកម្មវិធីទូទាំងខេត្ត។ មូលដ្ឋានច្ចាប់ទាក់ទិននឹងកម្មវិធីត្រូវបានសុក្រឹត ឯកភាព ដោយបានកំណែទម្រង់នូវចំណុចជាប់ជំពាក់មុននេះមួយចំនួនជាលំដាប់ ជួយឱ្យភាគមានក្របខ័ណ្ឌច្បាប់ស៊ីសង្វាក់សម្រាប់អនុវត្ត។ ខេត្តបានបែងចែកអំណាចកាន់តែខ្លាំងសម្រាប់ភូមិភាគ ពង្រីក ជ្រើសរើសទម្រង់ផ្សព្វផ្សាយអនុវត្តសមស្របជាមួយតំបន់ជនជាតិភាគតិច។ ខិតខំសម្រេចតាមផែនការដែលបានដាក់ចេញ”។

Quỳnh Anh