ភាពផ្លាស់ថ្មីនៅតំបន់ភូមិស្រុក

ផ្តើមពីខ្សែសង្វាក់សេដ្ឋកិច្ចដែលមិនសូវបានផល ការធើ្វដំណើរទៅមកជួបលំបាក រួមជាមួយការយកចិត្តទុកដាក់របស់រដ្ឋអំណាចភូមិភាគ និងការស្របមតិរបស់បងប្អូនប្រជាជន បណ្តាភូមិស្រុកទាំងឡាយ ជាពិសេសតំបន់ដែលមានបងប្អូន Khmer រស់នៅច្រើនកុះករ បច្ចុប្បន្នក៏មានការផ្លាស់ប្តូរគ្រប់វិស័យផងដែរ។

បងប្អូនជនរួមជាតិ Khmer ឃុំ Phước Long ថែទាំរបងផ្កា បង្កើតភាពស្រស់ស្អាតជូនភូមិស្រុក។

គិតមកទល់ពេលនេះ មាន១០០% តំបន់ប្រជុំជនដែលមានបងប្អូនេជនរួមជាតិ Khmer រស់នៅច្រើនកុះករ ពោលគឺសុទ្ធតែមានផ្លូវរថយន្តតភ្ជាប់ទៅដល់មណ្ឌលឃុំ។ ១០០% ឃុំ សង្កាត់សម្រេចបទដ្ឋានជាតិស្តីពីសុខាភិបាល អាគារវប្បធម៌ភូមិ ឆ្លើយតបតម្រូវការសកម្មភាពផ្នែកខាងស្មារតីជូនបងប្អូនជនរួមជាតិ។ល។ គុណភាពខាងចំណេះដឹងក៏មានការលើកកម្ពស់ មួយថ្ងៃកាន់តែមានច្រើនគំរូឆ្នើមក្នុងការរកស៊ី​ និងគ្រួសារសង្វាតរៀនសូត្រក្នុងជនរួមជាតិ Khmer។

លោក Thạch Mít (ឃុំ Hưng Hội) បានចែករំលែក៖ “ជីវភាពបងប្អូនខ្មែរមានការរីកចម្រើនគួរឱ្យកត់សម្គាល់។ តាំងពីភូមិផងរបងជាមួយ រហូតដល់ខាងប្រព័ន្ធអាគ្គីសនីយ៍ ផ្លូវថ្នល់ តំណាក់សុខាភិបាលក៏ទទួលបានការវិនិយោគ កសាងយ៉ាងធំទូលាយស្អាតផងដែរ។ ការសិក្សារៀនសូត្ររបស់កូនក្មួយក៏បានល្អ។ អាស្រ័យដូច្នេះហើយទើបបងប្អូនប្រជាជនទាំងឡាយមានភាពសប្បាយរីករាយ និងជឿជាក់លើការដឹកនាំរបស់បក្ស និងរដ្ឋជានិច្ច”។

ទន្ទឹមនិងនោះ សកម្មភាពនៃការពិនិត្យថែទាំសុខមាលភាពជូនបងប្អូនជនរួមជាតិក៏បន្តយកចិត្តទុកដាក់អនុវត្តបានយ៉ាងល្អផងដែរ។ អត្តសញ្ញាណវប្បធម៌ប្រពៃណីក៏ត្រូវបានអភិរក្សយ៉ាងល្អប្រសើរផងដែរ។ ប្រព័ន្ធនយោបាយបានពង្រឹងគ្រប់ជ្រុងជ្រោយ។ ស្ថានភាពសន្តិសុខ និងសណ្តាប់ធ្នាប់សង្គមក៏បានលំនឹងល្អ។ សកម្មភាពកសាងបក្ស អង្គការមហាជន ព្រមទាំងការបណ្តុះបណ្តាលកម្មាភិបាលនៅតាមតំបន់ជនរួមជាតិ Khmer ក៏ទទួលបានការយកចិត្តទុកដាក់ ចំនួនបក្ខជនតែងកើនជារៀងរាល់ឆ្នាំ។ គ្រប់បណ្តាមូលដ្ឋានបក្ខ និងអង្គការចាត់តាំងនយោបាយក៏បានពង្រឹង បង្កើនទាំងគុណភាព និងស្ថិរភាព មួយថ្ងៃកាន់តែក្លាយជាស្នូលដ៏សំខាន់ក្នុងបុព្វហេតុកសាង និងការពារប្រទេសជាតិ។

លោក Huỳnh Thanh Hoà លេខាបក្សឃុំ Ninh Thạnh Lợi ឱ្យដឹង៖ ភូមិភាគតែងយកចិត្តទុកដាក់ដល់ការផ្សព្វផ្សាយ និងអនុវត្តល្អគោលនយោបាយនៅតាមតំបន់ជនជាតិភាគតិចដែលយោងតាមការវិនយោគ ព្រមទាំងអនុវត្តបណ្តាកម្មវិធី គម្រោងការឧបត្ថម្ភលើកកម្ពស់ជីវភាព ស្មារតី និងសម្ភារៈរបស់បងប្អូនប្រជាជន។ ចំពោះការងារកាត់បន្ថយក្រ ស្រុកតែងយកចិត្តទុកដាក់ដល់ការជំនួយឧបត្ថម្ភក្នុងការចូលជិតសារព័ត៌មាន និងប្រភពធនធាន កម្មវិធី គោលនយោបាយ​ និងសេវាសង្គម”។

ខណៈពេលដែលសេដ្ឋកិច្ចបានលំនឹង បងប្អូនជនរួមជាតិ Khmer ក៏ពង្រីកតួនាទី និងភារកិច្ច រួមជាមួយរដ្ឋអំណាចភូមិភាគអនុវត្តរាល់បណ្តាគោលដៅនៃកម្មវិធីដាក់ចេញ រួមចំណែកបង្កើតប្រភពធនធានជំរុញការអភិវឌ្ឍន៍សដ្ឋកិច្ច-សង្គមតំបន់ជនជាតិភាគតិចលើភូមិសាស្ត្រខេត្ត។ បញ្ជាក់ឱ្យឃើញថា នេះគឺជាសំណង់សម្រាប់បម្រើបងប្អូនប្រជាជន មានដូចជា៖ ការសាងស្ពាន ថ្នល់ សាលារៀន ប្រព័ន្ធអាគ្គីសនីយ៍... ខណៈពេលដែលរដ្ឋអំណាចភូមិភាគចេញគម្រោងការផ្សព្វផ្សាយ និងចលនាបងប្អូនប្រជាជនឱ្យចូលរួមក្រោមប្រធានបទ៖ “រដ្ឋ និងប្រជាជនរួមគ្នាធ្វើ” ទទួលបានការគាំទ្រយ៉ាងពេញទំហឹងអំពីបងប្អូនប្រជាជន។

មានយ៉ាងច្រើនគ្រួសារតែងម្ចាស់ការក្នុងការសម្អាតអនាម័យតាមផ្លូវថ្នល់ ឱ្យប្រើប្រាស់ភ្លើងអាគ្គីសនីយ៍ និងទឹកដោយមិនគិតប្រាក់សម្រាប់ដំណើរការសាងសង់។ អាស្រ័យហេតុនេះហើយ បណ្តាគម្រោងដែលបានជំរុញខ្លាំងខ្លាខាងល្បឿន សម្រេចមុនពេលកំណត់​ បម្រើសហគមន៍ ផ្តើមពីនោះរួមចំណែកធ្វើឱ្យផ្លាស់ប្តូរតំបន់ភូមិស្រុក។

ការសាងថ្នល់គមនាគមន៍ជនបទដែលមានបងប្អូនជនរួមជាតិ Khmer រស់នៅច្រើនកុះករនៃឃុំ Hoà Bình។

លោក Tăng Sân នៅឃុំ Ninh Thuận Lợi ចែករំលែក៖ ប៉ុន្មានឆ្នាំកន្លងមកនេះ រដ្ឋអំណាចភូមិភាគបានបើកកិច្ចប្រជុំស្តីពីការកសាងបណ្តាសំណង់សាធារណៈសម្រាប់បម្រើផលប្រយោជន៍រួមរបស់ភូមិស្រុក ទទួលបានការគាំទ្រយ៉ាងខ្ពស់ផងដែរ។

ទន្ទឹមនិងនោះ បងប្អូនជនរួមជាតិ Khmer ថែមទាំងម្ចាស់ការអភីវឌ្ឍន៍ដេ្ឋកិច្ចគ្រួសារ។ ផ្តើមពីបណ្តាប្រភពទុនអនុគ្រោះ ព្រមទាំងទទួលបានប្រភពទុនសម្រាប់អភិវឌ្ឍន៍សេដ្ឋកិច្ច មាមីងបងប្អូនកសាងបណ្តាទម្រង់សេដ្ឋកិច្ចយ៉ាងមានប្រសិទ្ធភាព លើកកម្ពស់ប្រភពប្រាក់ចំណូល រួមចំណែកជាមួយរដ្ឋអំណាចភូមិភាគកាត់បន្ថយភាពក្រីក្រយ៉ាងឆាប់រហ័ស ប្រសិទ្ធភាព និងស្ថិរភាពទៀតផង។ ផ្តើមពីនោះ ក៏បង្កើនប្រភពកម្លាំងក្នុងការប្រឡងប្រណាំងពលកម្មផលិត និងកសាងជីវភាពវប្បធម៌...៕

Song Nguyên