ស្ពានតភ្ជាប់ច្រាំងប្រកបដោយភាពរីករាយ

លើកំដៅព្រះអាទិត្យចែងចាំងនៃថ្ងៃជិតឈានចូលឆ្នាំថ្មី សម្រស់ជនបទឃុំ Tân Hưng កាន់តែស្រស់ស្អាតឡើងដោយមានស្ពានបេតុងដ៏រឹងមាំដែលទើបតែសាងរួច និងដាក់ឱ្យប្រើប្រាស់ ជាផ្លូវការតភ្ជាប់ច្រាំងទាំងពីរ។ នោះគឺជាលទ្ធផលនៃទឹកចិត្តសប្បុរសជិតឆ្ងាយ រួមផ្សំជាមួយនឹងតួនាទីតភ្ជាប់យ៉ាងប្តេជ្ញាចិត្តរបស់គណៈកម្មាធិការរណសិរ្សមាតុភូមិឃុំផងដែរ។

ស្ពាន Tuệ Thanh និងស្ពាន Thiên Phước ត្រូវបានសម្ពោធរួមថ្ងៃតែមួយ ដោយសរុបទឹកប្រាក់ ២៥០ លានដុង។

នៅភូមិ Tân Biên និងភូមិHợp Tác Xã បងប្អូនប្រជាជនមានចិត្តសប្បាយរីករាយនិយាយតៗគ្នាអំពីរឿងរ៉ាវនៃការសាងស្ពាន ២ ខ្សែដែលទើបសម្ពោធនិងដាក់ឱ្យប្រើប្រាសជាផ្លូវការ រួមមាន៖ ស្ពាន Thiên Phước និងស្ពាន Tuệ Thanh ស្ពានទាំងពីរនេះរួមមានមានប្រវែង ២៦ ម៉ែត្រ ទទឹង ២ ម៉ែត្រ និងលាបពណ៌ខៀវដូចគ្នា។ នេះគឺជាអំណោយដ៏មានតម្លៃសម្រាប់ប្រជាជនក្នុងតំបន់ដែលទទួលបានការឧបត្ថម្ភពីអារាមសមាធិធម៌ Thiên Phước ទីក្រុង Hồ Chí Minh ដែលមានតម្លៃសរុប ២៥០ លានដុង។

ឈរលើស្ពានដែលទើបសាងថ្មី ព្រះតេជគុណ Thích Từ Lộc ព្រះចៅអធិការវត្ត Thiên Phước បានចែករំលែកដោយទឹកព្រះទ័យរីករាយថា៖ “សម្រាប់ព្រះសង្ឃ និងដូនជី ការបំពេញតាមបាវចនា “ជីវិតល្អ បវរសាសនា និងការចូលរួមសកម្មភាពសប្បុរសធម៌គឺមានសារៈសំខាន់ខ្លាំងណាស់។ ដោយយល់ឃើញពីការលំបាកដែលប្រជាជននៅតំបន់ដាច់ស្រយាលជួបប្រទះ យើងខ្ញុំគ្រាន់តែសង្ឃឹមថានឹងបានរួមចំណែកបន្តិចបន្តួចសម្រាប់ឧបត្ថម្ភដល់ការសាងសង់ស្ពានថ្មី ដើម្បីឱ្យបងប្អូនប្រជាជនអាចធ្វើដំណើរកាន់តែងាយស្រួលថែមទៀត”។

លោក Trương Phóng Sự នៅភូមិ Tân Biên រីករាយនិយាយថា៖ “ពីមុនមានផ្លូវទំហំត្រឹមតែ ៣ ម៉ែត្រប៉ុណ្ណោះ ហើយក៏គ្មានស្ពានដែរ បណ្តោយឱ្យការធ្វើដំណើរជួបផលពិបាកខ្លាំងសម្រាប់ប្រជាជន និងប្អូនៗសិស្សានុសិស្ស។ ឥឡូវនេះ ស្ពានថ្មីត្រូវបានសម្ពោធដាក់ឱ្យប្រើប្រាស់ ការធ្វើដំណើរកាន់តែងាយស្រួល ហើយថ្ងៃឈប់សម្រាកបុណ្យតេតនេះ អ្នកជិតខាងអាចទៅលេងគ្នាទៅវិញទៅមកបានកាន់តែងាយស្រួលទៀតផង”។

មិនត្រឹមតែការសាងស្ពានតភ្ជាប់រវាងច្រាំងទាំងពីរដែលប្រកបដោយភាពសប្បាយរីករាយប៉ុណ្ណោះទេ ក្រុមសប្បុរសធម៌នៃអារាមសមាធិកម្មដ្ឋាន Thiên Phước ថែមទាំងបានជូនអំណោយចំនួន ៦០ ចំណែកទៀតផងសម្រាប់គ្រួសារក្រីក្រមានលក្ខណៈទទួលបុណ្យ Tết  ប្រកបដោយភាពកក់ក្តៅជាទីបំផុត។

តំណាងឱ្យឃុំ Tân Hưng ប្រគល់ប័ណ្ណសរសើររបស់គណៈកម្មាធិការប្រជាជនខេត្តដល់ឯកជនដែលបានរួមចំណែកសាងស្ពានចរាចរណ៍។

ដើម្បីសាងបានស្ពានទាំងនេះ គួររំលឹកពីតួនាទីតភ្ជាប់របស់គណៈកម្មាធិការរណសិរ្សមាតុភូមិ Việt Nam ឃុំ Tân Hưng។ ក្នុងរយៈពេលត្រឹមតែ ៦ ខែប៉ុណ្ណោះ រណសិរ្សមាតុភូមិឃុំបានប្រមូលផ្តុំប្រភពធនធានដើម្បីសាងសង់ និងប្រគល់ស្ពានចរាចរណ៍ជនបទចំនួន ១៦ ខ្សែផងដែរ ដោយសរុបតម្លៃជាទឹកប្រាក់ប្រមាណជាង ១,៦ ពាន់លានដុង។

លោក Phan Vĩnh Phú ប្រធានគណៈកម្មាធិការរណសិរ្សមាតុភូមិឃុំ បានឱ្យដឹងថា៖ “ឃុំនេះមានបណ្តាញទន្លេ និងប្រឡាយទឹកដ៏ក្រាស់ក្រែល ដូច្នេះការសាងសង់ស្ពាន និងលូទឹកត្រូវការប្រភពធនធានច្រើន។ ដូច្នេះ យើងបានកំណត់ការកៀរគរប្រភពធនធានសម្រាប់ការសាងសង់ស្ពានចរាចរណ៍ជាកិច្ចការសំខាន់ខ្លាំងណាស់”។ ដោយបានឃើញពីភាពសប្បាយរីករាយរបស់បងប្អូនប្រជាជនខណៈពេលដែលមានស្ពានតភ្ជាប់ យើងខ្ញុំកាន់តែតាំងចិត្តថែមទៀត។ ឆ្នាំ២០២៦ រណសិសិរ្សឃុំនឹងខិតខំថែមទៀតដើម្បីមិនទុនឱ្យមានករណីមាមីងបងប្អូនជួបបញ្ហាខាងទូក.ដចម្លងដូចកាលពីមុនទៀតឡើយ”។

ស្ពានចរាចរណ៍មិនត្រឹមជាសំណង់ខាងវិស័យហេដ្ឋារចនាសម្ព័ន្ធប៉ុណ្ណោះទេ ថែមទាំងជាការតភ្ជាប់រវាងទឹកចិត្តប្រជាជនស្រុកឆ្ងាយបន្តពង្រីកស្មារតីសាមគ្គីទូទាំងជនជាតិទៀតផង។ និទាឃរដូវថ្មីកំពុងឈានចូលមកដល់ឃុំ Tân Hưng ដែលជានិទឃរដូវនៃការតភ្ជាប់ដងព្រែកទាំងសង្ខាង ធ្វើឱ្យភូមិស្រុករប់ខ្លួនកាន់តែមានការអភិវឌ្ឍខ្លាំងខ្លាប្រសើរឡើង៕

Trịnh Hải