រួមគ្នាកសាងជីវភាពសុខសាន្ត

ប៉ុន្មានថ្ងៃនាពាក់កណ្តាលខែមេសា យើងខ្ញុំបានវិលទ្រឡប់មកតំបន់វិរភាពឃុំខាញ់ឡឹម ស្រុកអ៊ូមិញក្នុងបរិយាកាសកម្សាន្តសប្បាយដែលមាមីងបងប្អូនជនរួមជាតិខ្មែរកំពុងទទួលបុណ្យចូលឆ្នាំថ្មី នឹងអាចបានឃើញនូវភាពប្តូរផ្លាស់របស់តំបន់ជនរួមជាតិដែលកាលពីមុនធ្លាប់ជួបលំបាក់ខ្លាំង។

ឃុំខាញ់ឡឹមមាន៥៥៣គ្រួសារខ្មែរ ប្រមូលផ្តុំច្រើននៅភូមិលេខ៦។ លោកត្រឹងវុំាងស៊ី ប្រធាន ភូមិលេខ៦ ឲ្យដឹង៖ “ទូទាំងភូមិមាន៤៤៤គ្រួសារ ក្នុងនោះមាន១៩៦គ្រួសារខ្មែរ។ ប្រៀបជាមួយ ប៉ុន្មានឆ្នាំមុននេះ ជីវភាពបងប្អូនជនរួមជាតិខ្មែរមានការឈានឡើងគួរឲ្យកត់សម្គាល់។ អត្រាគ្រួសារ ក្រត្រូវបានបន្ថយចុះ សព្វថ្ងៃទូទាំងភូមិនូវត្រឹម៤៥គ្រួសារក្រប៉ុណ្ណោះ (ក្នុងនោះមាន២១គ្រួសារខ្មែរ) ២គ្រួសារប្រកៀកក្រ ភូមិភាគក៏កំពុងខិតខំបន្ថយចុះឲ្យបានច្រើនថែមទៀត។ ថ្វីត្បិតអត្រាគ្រួសារក្រនូវស្រូបខ្ពស់ប្រៀបជាមួយភូមិភាគដទៃ តែលទ្ធផលនេះកួរឲ្យរីករាយណាស់ដែរ បានបញ្ជាក់យ៉ាង ច្បាស់អំពីការប្រែប្រួលយ៉ាងសកម្មរបស់ភូមិលំក្រលំបាក”។

មានសាលាទានសម្រាប់បងប្អូនខ្មែរចាត់តាំងបណ្តាសកម្មភាពវបប្បធម៌ជំនឿ។

ឥឡូវវិលមកកាន់តំបន់ភូមិលេខ៦ ពោលគឺមិនមានផ្លូវបែកបាក់រអិលដូចកាលពីមុនទៀតនោះទេ ចំណុះឲ្យផ្លូវបេតុងត្រង់ជួរ និងអាគារដ៏ធំស្កឹមស្កៃជាច្រើនទៀតផង។ បណ្តាគ្រួសារប្រជាជនប្រឡង ប្រណាំងផលិត និងគ្រួសារធូរធាកើនឡើងជាលំដាប់ លោកត្រឹងវុំាងស៊ី រីករាយនិយាយថា៖ “ដើមឆ្នាំ២០២៣ ឃុំក៏បានវិនិយោគកសាងដងផ្លូវដែលមានទំហំទទឹង៣ម៉ែត្រចាប់ពីស្ពានបានត ភ្ជាប់ជាមួយស្ពានបៃញ៉ ប្រវែងជិត៥គីឡូម៉ែត្រឆ្ពោះទៅកាន់ភូមិលេខ៥ បង្កលក្ខណៈងាយស្រួលក្នុងការធ្វើដំណើរទៅមកសម្រាប់បងប្អូនប្រជាជននៅទីនេះ។ ចាប់តាំងពីមានផ្លូវថ្នល់ ជីវភាពបងប្អូនប្រជាជនក៏មានការលើកកម្ពស់ ពិសេសការដោះដូរមុខទំនិញមានផាពងាយស្រួលជាង។ ក្រៅពីនោះ ក្នុងឆ្នាំ២០២៣ ផ្តើមពីប្រភពថវិកាជំនួយឧបត្ថម្ភ ឃុំក៏បានវិនិយោគកែជួសជុលសាលាទានភូមិ បង្កលក្ខណៈងាយស្រួលសម្រាប់បងប្អូនជនរួមជាតិមានទីតាំងសម្រាប់ចាត់តាំងសកម្មភាពវបប្បធម៌ មាមីងបងប្អូនក៏មានក្តីសប្បាយរីករាយណាស់ដែរ”។

ផ្លូវគមនាគមជនបទដ៏ធំទូលាយនៅតំបន់ជនរួមជាតិខ្មែរ។

“ជីវភាពរស់នៅរបស់មាមីងបងប្អូនទីនេះក៏មានភាពរីកចម្រើនជាសន្សឹមៗ។ យើងខ្ញុំបានឃើញជាក់ច្បាស់ចំពោះការយកចិត្តទុកដាក់របស់បក្សនិងរដ្ឋមកលើបងប្អូនជនរួមជាតិ ពិសេសគ្រួសារក្រ។ យើងខ្ញុំតែងខិតខំប្រឹងប្រែងដើម្បីឈានឡើង មិនបង្កើនភាពធ្ងន់ធ្ងូរដល់រដ្ឋអំណាចភូមិភាគនោះទេ” លោកយ័ញវុំាងយ៉ាវ ជាជនជាតិខ្មែរនៅភូមិលេខ៦ឲ្យដឹងដូច្នេះ។

ក្រៅពីនោះ ទូទាំងភូមិសាស្ត្រថែមទាំងទទួលបានការវិនិយោគកសាងសាលារៀន វ៉ទ្រឿងត្វង រួមមានទាំងអស់៥ថ្នាក់ ដោយមានសិស្សជាង១៥០រូប បង្កលក្ខណៈងាយស្រួលសម្រាប់កូនក្មួយតំ បន់ជនរួមជាតិខ្មែរសិក្សារៀនសូត្រនិងបង្ការការបោះបង់សិក្សា។ បងស្រី ហ្វិញធីភឿង ត្រូវជាម្តាយ សិក្ស មានប្រសាសន៍៖ “ដើមឆ្នាំ២០២៣ សាលាត្រូវបានកសាងសម្រេចជាស្ថាពរ និងដាក់ ឲ្យប្រើប្រាស់ជាផ្លូវការ ខ្ញុំពិតជាសប្បាយរីករាយខ្លាំងណាស់ ពីព្រោះកូនៗរបស់ខ្ញុំបានរៀននៅជិតផ្ទះ មិនបង់ខាតច្រើននិងចំណាយពេលនាំទៅនាំមក។ មិនតែប៉ុណ្ណោះ ខ្ញុំក៏អាចមានឱកាសទៅធ្វើជាងកំបោរដើម្បីរកប្រាក់ចំណូលបន្ថែម”។

ក្រៅពីនោះ ដើម្បីមាមីងបងប្អូនក្នុងតំបន់ជនជាតិអភិវឌ្ឍន៍សេដ្ឋកិច្ចទាន់ហេតុការណ៍ និងស្មើគ្នាជាមួយបណ្តាគ្រួសារដទៃទៀតក្នុងតំបន់ ភូមិភាគក៏បានធ្វើការផ្សព្វផ្សាយ ពិនិត្យសាឡើងវិញបណ្តា គ្រួសារប្រជាជនដែលមានគ្រប់លក្ខណៈទទួលអំណៅយផលការជំនួយឧបត្ថម្ភអំពីកម្មវិធីទិសដៅជាតិស្តីពីការកាត់បន្ថយក្រ។

លោកលេថាញ់ម៉ាយ អនុប្រធានគណៈកម្មាធិការប្រជាជនឃុំ រីករាយឲ្យដឹង៖ ឃុំក៏បានប្រមូលផ្តុំកម្លាំងដើម្បីជំនួយឧបត្ថម្ភគ្រួសារជនជាតិខ្មែរអភិវឌ្ឍន៍សេដ្ឋកិច្ច និងលើកកម្ពស់ការរស់នៅ។ ផ្តើមពីកម្មវិធីទិសដៅជាតិកាត់បន្ថយក្រ ឃុំក៏បានធ្វើការជំនួយសាងសង់ផ្ទះបានចំនួន២៨គ្រួសារ និង១២  គ្រួសារបានបុលទុនផ្លាស់ប្តូរមុខរបរការងារធ្វើ ព្រមទាំងឧបត្ថម្ភទឹកស្អាតនិងឧបករផ្ទុកទឹកជូន៤៣គ្រួសារ។ ពិសេសកសាងសម្រេចចំនួន៣ទម្រង់ចិញ្ចឹមសត្វដោយសរុបថវិកាជិត១បាន់លានដុង។ ជា មួយការយកចិត្តទុកដាក់របស់បក្សនិងរដ្ឋ សង្ឃឹមថាបណ្តាគ្រួសារទាំងឡាយលភូមិសាស្ត្រឃុំនឹង អូសបន្ថយមកវិញរវាងកម្លាតមាននិងក្រ”។

លើតំបន់ដែនដីនៃវិរភាព បក្ខភាគ រដ្ឋអំណាចនិងប្រជាជនឃុំខាញ់ឡឹមកំពុងតភ្ជាប់សរសៃនៃប្រភពបដិវត្តន៍ រួមគ្នាអនុវត្តល្អគោលនយោបាយបក្ស និងក្រឹត្យច្បាប់រដ្ឋ ព្រួតដៃគ្នាកសាងជីវភាពសុខ ក្សេមក្សាន្ត៕

អត្ថបទនិងរូបថត៖ គីមគឿង