មាន ឬក្រមិនមែនស្ថិតលើព្រេងវាសនានោះទេ

និយាយអំពីការផ្លាស់ប្តូររបស់ភូមិស្រុក លោក Bùi Thanh Trà ប្រធានគណៈទទួលបន្ទុកការងារខាងរណសិរ្សភូមិលេខ៨ ឃុំ Khánh Bình Đông ស្រុក Trần Văn Thời បានលើកឡើងម្តងហើយម្តងទៀតអំពីបណ្តាគំរូដ៏ភ្លឺស្វាងខាងពលកម្មផលិតរបស់មាមីងបងប្អូននៅភូមិភាគ។ តួយ៉ាងដូចជាប្តីប្រពន្ធ បង Thạch Thái Quân និងបងស្រី Lý Thị Út។

ដើម្បីបញ្ជាក់នូវការពិត លោក Trà បាននាំយើងខ្ញុំទៅដល់ផ្ទះរបស់លោក Quân។ ដែលជាផ្ទះថ្ម ជុំវិញសុទ្ធតែចម្ការបន្លែបៃ តង មានទាំងស្រះចិញ្ចឹមត្រី និងវាលស្រែដែលគួរអោយចាប់អារម្មណ៍។ ឃើញភ្ញៀវមកដល់បងស្រី Út ដែលខ្លួនកំពុងមើលថែចម្ការបន្លែ បងស្រីក៏ប្រញាប់ហៅប្តីឲ្យឡើងពីស្រែភ្លាមមួយរំពេច។ ទាំងស្បែកពណ៌ក្រហមដែលត្រូវនឹងកំដៅថ្ងៃ និងដៃជើង ប្រឡាក់សុទ្ធតែភក់ ប្តីប្រពន្ធបងបានស្វាគមន៍យើងខ្ញុំដោយស្នាមញញឹម និងភាពស្មោះស្ម័គ្រហើយរៀបរាប់អំពីជីវភាពរបស់គ្រួសារគត់ជូនយើងខ្ញុំបានស្តាប់ផងដែរ។

ប្រាក់ចំណូលបានមកពីការដាំបន្លែ ជួយគ្រួសារបង Quân និងបងស្រី Út គ្រប់គ្រាន់សម្រាប់ការចំណាយប្រចាំថ្ងៃ។

ដំបូងទើបចេញរស់នៅដោយឡែកប្តីប្រពន្ធបង Quân ត្រូវរស់នៅក្នុងខ្ទមដ៏តូចចង្អៀតមួយ និងមានដីស្រែចំនួន១០កុងដែលធ្វើស្រែមិនសូវបានផលនោះទេ។ ប្តីប្រពន្ធបងក៏ក្លាហានក្នុងការផ្លាស់ប្តូររបៀបរកស៊ី មិនពឹងលើរបរធ្វើស្រែតែម្យ៉ាងនោះទេ ត្រូវមានការរួមបញ្ចូលគ្នាតាមពហុបែបទើបអាចមានប្រសិទ្ធភាព។

អ្នកស្រី Út គិតថា៖ ដីចម្ការដែលដាំដុះមិនសូវបានផល និងដីស្រែ២កុងត្រូវបានកែច្នៃមកដាំបន្លែ និងចិញ្ចឹមត្រីវិញនោះក៏ផ្តល់ប្រាក់ចំណូលអាចផ្គត់ផ្គង់ជីវវភាពប្រចាំថ្ងៃបាន។ ប្រភពចំណូលដែលបានអំពីធ្វើស្រែ គឺសន្សំទុកសម្រាប់ជួលដីផលិតបន្ថែម អាស្រាយហេតុនេះហើយ ទើបជីវភាពបានធូរធាប្រសើរឡើង។

ក្រៅពីធ្វើស្រែដោយផ្ទៃដីចំនួន១០កុងរបស់គ្រួសារ ង Quân ថែមទាំងទិញដីបន្ថែមបានរាប់សិបកុងទៀតផង ដើម្បីពង្រីកការផលិត និងបង្កើនប្រាក់ចំណូល។

ជាមួយនឹងគំនិតគិតថា អ្នកមាន ឬអ្នកក្រ មិនមែនជាបញ្ហានៃជោគវាសនានោះទេគឺវាស្ថិតលើការខិតខំប្រឹងប្រែងរបស់ខ្លួន ប្តីប្រពន្ធបង Quân និងបងស្រី Út ក៏បានបង្ហាញឱ្យឃើញពីលទ្ធផលទាំងនេះដែលផ្តើមពីកម្លាំងពលកម្មរបស់ខ្លួន។ដោយចាប់ផ្តើមពីចំណុចដែលមិនមែនជាដីបង្កបង្កើនផល បង Quân តែងសិក្សាស្រាវជ្រាវបន្ថែមខាងបច្ចេកទេសផលិត អនុវត្តពូជស្រូវថ្មី និងចូលរួមក្នុងថ្នាក់ជំរុញកសិកម្ម ដើម្បីបំពេញឱ្យខ្លួនឯងនូវចំណេះដឹងបន្ថែមខាងការដាំដុះ និងចិញ្ចឹមសត្វសម្រាប់ផ្តល់នូវប្រសិទ្ធភាពខាងវិស័យសេដ្ឋកិច្ច ប្រឹតសំចៃក្នុងការប្រើប្រាស់ ដើម្បីកសាងលំនៅឋានបានល្អប្រសើរ ព្រមទាំងគិតគូរដល់ការសិក្សារៀនសូត្ររបស់កូនទាំងពីរនាក់។

ប្តីប្រពន្ធបង Thạch Thái Quân តែងឯកភាព ចិត្តគំនិតតែមួយខិតសំប្រឹងប្រែងរកស៊ី កសាងជីវភាពសុខសាន្ត និងសុភមង្គល។

លោក Bùi Thanh Trà ប្រធានគណៈទទួលបន្ទុកការងារខាងរណសិរ្សភូមិលេខ៨ មានប្រសាសន៍ថា៖ ទូទាំងភូមិមាន៥២ គ្រួសារ Khmer សេដ្ឋកិច្ចពិសេសគឺផលិតកសិកម្ម។ ប៉ុន្មានឆ្នាំកន្លង ជីវភាពរស់នៅរបស់បងប្អូនប្រជាជនមានការផ្លាស់ប្តូរយ៉ាងសកម្មទម្រង់ពហុបែបរបស់បង Quân ក៏ត្រូវបានគ្រួសារជាច្រើនក្នុងភូមិអនុវត្តតាមយ៉ាងមានប្រសិទ្ធភាពផងដែរ។ ផ្តើមពីនោះ បងប្អូនប្រជាជនក៏ស្ម័គ្រចិត្តចូលរួមយ៉ាងសកម្មចំពោះប្រពៃណីផ្សេងៗរបស់ភូមិភាគ ព្រមទាំងចូលរួមវិភាគ ទានជាទឹកប្រាក់នៃមូលនិធិរបស់ភូមិភាគ និងសកម្មចូលរួមកសាងជនបទថ្មីទៀតផង៕

ម៉ុងធឿង