ខិតខំបន្តកាត់បន្ថយគ្រួសារក្រជាជនជាតិភាគតិច

លោក Trần Hoàng Lê ប្រធានការិយាល័យជនជាតិស្រុក Thới Bình បានឲ្យដឹង៖ “នាប៉ុន្មានឆ្នាំកន្លង បងប្អូនជនរួមជាតិភាគតិចទូទាំងភូមិភាគក៏បានពង្រីកស្មារតីសាមគ្គីជួយគ្នាទៅវិញទៅមក ក្នុដើម្បីឈានឡើងក្នុងការរស់នៅ និងប្តេជ្ញាចិត្តរួមជាមួយរដ្ឋអំណាចភូមិភាគគ្រប់លំដាប់ថ្នាក់ អនុវត្តល្អភារកិច្ចអភិវឌ្ឍន៍សេដ្ឋកិច្ច-សង្គមរបស់ភូមិភាគ។ ជាពិសេស ស្រុកក៏សម្រេចបទដ្ឋាននៃការកាត់បន្ថយក្រក្នុងជនរួមជាតិភាគតិចចាប់ពី៣-៤%ផងដែរ”។

ទូទាំងស្រុក Thới Bình មានបណ្តាជនជាតិផ្សេងៗ ដូចជា៖ Khmer, Hoa, Chăm, Mường, Tày, Thái, S’tiêng…។ ក្នុងនោះ ជនជាតិ Khmer ស្រូបអត្រាច្រើនជាងគេបង្អស់ ដោយមាន១.៦១៧គ្រួសារ និងចំនួនប្រជាជន៦.៧២៥នាក់។ ចំណែកជនជាតិចិនវិញ មាន១០៤គ្រួសារ និងប្រជាជន៣៣៦នាក់។ ក្នុងនោះក៏មានកម្មាភិបាល និយោជិត និងកងកម្លាំងប្រដាប់អាវុធ រួមទាំងអ្នកទទួលបន្ទុកខាងការងាររដ្ឋតាំងពីឃុំរហូតដល់អនុសង្កាត់ដែលជាជនជាតិភាគតិចចំនួន៧៥រូបផងដែរ។

លោកស្រី Quách Kiều Mai អនុប្រធានគណៈជនជាតិខេត្ត ប្រគល់ប្រាក់ឧបត្ថម្ភដល់គ្រួសារ Khmer ក្រីក្រចំនួន២គ្រួសារ នៅភូមិ Đường Đào ឃុំ Hồ Thị Kỷ កាលពីថ្ងៃទី១ ខែតុលា។ 

យោងតាមប្រសាសន៍លោក Trần Hoàng Lê៖ ខាងវិស័យសេដ្ឋកិច្ច-សង្គមរបស់ស្រុកនិយាយរួម និងតំបន់ជនជាតិភាគតិចនិយាយដោយឡែក សម្រេចបានលទ្ធផលសំខាន់ៗជាច្រើន បង្កើនសេដ្ឋកិច្ចមធ្យមជាង៧% ប្រាក់ចំណូល និងកម្រិតនៃការរស់នៅរបស់បងប្អូនប្រជាជនកើនឡើងជាលំដាប់លំដោយ។

ចាប់ពីឆ្នាំ២០១៩ រហូតមកដល់ពេលនេះ ស្រុកចាត់តាំងថ្នាក់បង្រៀនបណ្តុះបណ្តាលវិជ្ជាជីវៈជូនពលករប្រមាណជាង១០ពាន់នាក់ ក្នុងនោះមានពlករ៣០០រូបដែលជាជនជាតិភាគតិច។ ដោះស្រាយការងារធ្វើជូនពលករជាង១៨.១០០នាក់ (ក្នុងនិងក្រៅខេត្ត ព្រមទាំងបញ្ជូនឱ្យទៅធ្វើជាកម្មករនៅក្រៅប្រទេសទៀតផង) ក្នុងនោះក៏មាន៣៦៣ពលករជាជនជាតិភាគតិចផងដែរ។

ភូមិភាគ ធ្វើការចលនាជាទឹកប្រាក់បានជាង២០ពាន់លានដុងសម្រាប់មូលនិធិដើម្បីអ្នកក្រ និងជំនួយឧបត្ថម្ភជួសជុល និងសាងសង់ មហាសាមគ្គីបានចំនួន៥០ខ្នងសម្រាប់គ្រួសារក្រីក្រទៀតផង។ (ក្នុងនោះមាន១៥គ្រួសារជនជាតិភាគតិច)។ កម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំលើភូមិសាស្ត្រស្រុកក៏ជំនួយឧបត្ថម្ភបាន៤២ខ្នងផង។ ផ្លាស់ប្តូរមុខរបរការងារធ្វើជូន២៩៤គ្រួសារ និងឧបត្ថម្ភការផលិតតាមសង្វាក់នៃតម្លៃសម្រាប់១៧គម្រោងការ ដោយមាន៧០គ្រួសារចូលរួម។

ក្រៅពីនោះ បណ្តាសម្បុរសជនទាំងឡាយថែមទាំងជំនួយឧបត្ថម្ភសង់ផ្ទះមេត្តាធម៌បាន២ខ្នង និងផ្ទះមហាសាមគ្គី២ខ្នង ព្រមទាំងចលនាអំណោយបានចាង៥០០ចំណែកសម្រាប់ជូនគ្រួសារក្រ និងក្បែរបន្ទាត់ក្រ គ្រួសារជួបលំបាក ជនឯកោអនាថា អ្នកវិកលចរិត ជនពិការដែលជាជនជាតិភាគតិច ព្រមទាំងជំនួយឧបត្ថម្ភស្វានម៉ាស៊ីនទឹកបាន១០គ្រឿងផងដែរ ដោយសរុបទឹកប្រាក់ជាង២ពាន់ លានដុង។

ជារៀងរាល់ឆ្នាំ អត្រាគ្រួសារក្ររបស់ស្រុកមានការថយចុះយ៉ាងសកម្ម។ ឆ្នាំ២០១៩ ទូទាំងស្រុកមាន៩២៨គ្រួសារ ស្រូបអត្រា២,៧%។ ៩៥៧ គ្រួសារក្បែរបន្ទាត់ក្រ ស្រូបអត្រា២,៨៥% (ក្នុងនោះ មាន១៥៤គ្រួសារក្រីក្រជាជនជាតិភាគតិច ស្រូបអត្រា៨,៥៣%។ ១១៦គ្រួសារក្បែរបន្ទាត់ក្រជាជនជាតិភាគតិច ស្រូបអត្រា៦,៤៣%)។ មកទល់ពេលនេះ គ្រួសារក្របានបន្ថយចុះនូវត្រឹម៦០០គ្រួសារ និងគ្រួសារក្បែរបន្ទាត់ក្រមានប្រមាណ៧០០គ្រួសារ (ក្នុងនោះ គ្រួសារក្រ និងក្បែរបន្ទាត់ក្រដែលជាជនជាតិភាគតិចបានបន្ថយចុះនូវត្រឹម២០០គ្រួសារប៉ុណ្ណោះ)។

សម្រស់ថ្មីនៃភូមិ Đường Đào ឃុំ Hồ Thị Kỷ ដែលជាភូមិភាគមានបងប្អូន Khmer រស់នៅច្រើនកុះកររបស់ស្រុក Thới Bình។

ភូមិ Đường Đào ឃុំ Hồ Thị Kỷ សព្វថ្ងៃមានផ្លូវបេតុងត្រង់ជួរ អាគារស្កឹមស្កៃជាច្រើនត្រូវបានសាងសង់ឡើងជាបន្តបន្ទាប់។ លោក Nguyễn Trọng Yêm ប្រធាន Đường Đào ឱ្យដឹង៖ “សកម្មភាពនៃការកាត់បន្ថយក្ររបស់ភូមិភាគតែងទទួលបានការយកចិត្តទុកដាក់។ ទន្ទឹមជាមួយបណ្តាគោលនយោបាយដែលបានផ្សព្វផ្សាយទាន់សភាពការ ភូមិភាគក៏យកចិត្តទុកដាក់ចំពោះការផ្សព្វផ្សាយ ចលនា និងរំលឹកឡើងវិញនូវស្មារតីខិតខំឈានឡើងរបស់បងប្អូនជនរួមជាតិផងដែរ។ ផ្តើមពីនោះ បង្កើតការការព្រមព្រៀងគ្នាសម្រាប់ក្នុងការអនុ វត្តបណ្តាគោលនយោបាយ និងសការងារសុខមាលភាពសង្គម  មានដូចការបរិច្ចាគដីសម្រាប់ធ្វើថ្នល់ជាដើម។ បងប្អូនជន ជាតិភាគតិចទាំងឡាយតែងក្លាហានក្នុងការអនុវត្តភាពជឿនលឿនខាងបច្ចេកទេស និងរបៀបធ្វើតាមបែបទំនើបថ្មី ដូច្នេះហើយក៏បង្កើតបានការអភិវឌ្ឍចីរភាពថែមទៀតផង”។

ជីវភាពមានការលើកកម្ពស់ទាំងសម្ភារៈ និងស្មារតី បងប្អូនជនរួមជាតិទាំងឡាយតែងជឿជាក់ចំពោះវិធានការ គោលនយោបាយរបស់បក្ស និងក្រិត្យច្បាប់រដ្ឋ លំនឹងចិត្តសម្រាប់ក្នុងការពលកម្មផលិត រួមចំណែកអភិវឌ្ឍន៍ប្រទេសជាតិ មាតុភូមិ។

នាពេលខាងមុខ ស្រុកនឹងបន្តអនុវត្តការរួមបញ្ជូលរាល់កម្មកម្មវិធី គម្រោងការ គោលនយោបាយ និងប្រមូលផ្តុំប្រភពធនធានជាច្រើនទៀយសម្រាប់អភិវឌ្ឍន៍សេដ្ឋកិច្ច-សង្គម។ ប្រមូលផ្តុំចាត់តាំងការបណ្តុះបណ្តាលវិជ្ជាជីវៈ និងឧទ្ទេសនាមការងារធ្វើ ព្រមទាំងអនុវត្តមានប្រសិទ្ធភាពការងារកាត់បន្ថយក្រ លើកកម្ពស់កម្រិតនៃការរស់នៅជូនបងប្អូនជនរួមជាតិភាគតិច ស្តារឡើងវិញ និងអភិវឌ្ឍន៍រាល់គ្រប់បណ្តាផ្នែ និងរបរប្រពៃណីទាំងឡាយ។ ខិតខំដល់ចុងឆ្នាំនេះ នឹងបន្តកាត់បន្ថយគ្រួសារក្រជាជនជាតិភាគតិចចុះនូវត្រឹម ៣-៤%ប៉ុណ្ណោះ” លោក Trần Hoàng Lê បានឱ្យដឹងបន្ថែមដូច្នេះ។

Văn Đum