ឃុំចុងបំផុតរបស់ស្រុកឆ្ពោះទៅគោលដៅនៃជនបទថ្មី

លទ្ធផលនៃដំណើរការជាង១៣ឆ្នាំនៃការអនុវត្តកម្មវិធីកសាងជនបទថ្មី រួមជាមួយស្មារតីសាមគ្គី ប្តេជ្ញាចិត្តកសាងមាតុភូមិមួយថ្ងៃឱ្យកាន់តែមានការអភិវឌ្ឍន៍។ បក្ខភាគ និងប្រជាជនឃុំ Khánh Bình Tây ស្រុក Trần Văn Thời រីករាយខណៈពេលដែលឃុំសម្រេចជាមូលដ្ឋានបាន១៩/១៩បទដ្ឋានជនបទថ្មី។

Khánh Bình Tây ជាតំបន់កោះ និងជាឃុំសុវត្ថិភាព ចម្ងាយពីមណ្ឌលស្រុកប្រមាណ២៥គីឡូម៉ែត្រ។ ដោយសរុបទាំងអស់មាន១២ភូមិ។ សក្តានុពលសម្រាប់ការអភិវឌ្ឍន៍សេដ្ឋកិច្ចចម្បងរបស់ឃុំគឺវិស័យកសិកម្ម នេសាទកម្ម ពាណិជ្ជកម្ម និងសេវាកម្មទេសចរណ៍។ ក្នុងប៉ុន្មានឆ្នាំកន្លងមកនេះ ហេដ្ឋារចនាសម្ព័ន្ធត្រូវបានវិនិយោគជាបន្តបន្ទាប់ តួយ៉ាងដូចជាបណ្តាដងផ្លូវគមនាគមតភ្ជាប់ពីភូមិមួយទៅភូមិមួយ ព្រមទាំងបណ្តាដងផ្លូវពីមណ្ឌល ធានាពាណិជ្ជកម្មទំនិញ។ ផ្លូវ​ឃុំ​មាន​ផ្លូវចាក់​កៅស៊ូ ២០/២០គីឡូម៉ែត្រ សម្រេច​១០០%។ ប្រព័ន្ធ​អគ្គិសនី​ត្រូវ​បាន​តភ្ជាប់​ស្រប​គ្នា អត្រា​គ្រួសារ​ដែល​បានប្រើប្រាស់​បណ្តាញ​អគ្គិសនី​ជាតិ​ឡើង​ដល់​ជិត១០០%។ សកម្មភាពផ្នែកខាងធារាសាស្ត្រ ជលផល និងកសិផលក៏ទទួលបានការវិនិយោគ ធានាស្រស់ឆ្ងាញ់។

បងស្រី Ngô Kim Đính នៅភូមិ Cơi 6B មានប្រសាសន៍៖ “ពីមុនផ្លូវតូចចង្អៀត ការធ្វើដំណើរក៏ពិបាក ហើយជីវភាពបងប្អូនប្រជាជននៅតំបន់នេះក៏មានការអភិវឌ្ឍន៍យឺតយ៉ាវផងដែរ។ តែអាស្រ័យបានរដ្ឋវិនិយោគសាងសងផ្លូវ និងរដ្ឋអំណាចភូមិភាគចលនាបងប្អូនប្រជាជនដាំផ្កាធ្វើជារបង រក្សាការពារអនាម័យបរិស្ថាន។ សព្វថ្ងៃ អ្វីៗគឺអំណោយផលណាស់ដែរ បងប្អូនប្រជាជនលំនឹងចិត្តពលកម្ម បង្កើនប្រភពប្រាក់ចំណូល ជីវភាពឈានឡើងធូរធារ”។

ដោយផ្ទៃដីកសិកម្មប្រមាណជាង៥.០០០ម៉ែត្រការេ គ្រួសារបងស្រី Đính ដាំដំចាប់ណាំពី៣-៤ រដូវក្នុងមួយឆ្នាំ ដាំបន្លែជាច្រើនប្រភេទ មានដូចជា៖ ស្ពៃ ម្រះ ត្រសក់ ស្ពៃក្តោបជាដើម។ បន្ទាប់ពីគិតចំណាយរួចរាល់នូវសល់ជិត១០០លានដុង។

ចំណុចសំខាន់របស់ឃុំគឺលទ្ធផលនៃការកាត់បន្ថយភាពក្រីក្រ។ ចាប់ពីឆ្នាំ២០១១ មកទល់ដល់បច្ចុប្បន្ន ចំនួនគ្រួសារក្រីក្របានថយចុះជាសន្សឹមៗពីមួយឆ្នាំទៅមួយឆ្នាំ។ តាមការពិនិត្យខាងអត្រាគ្រួសារក្រតាមខ្សែបន្ទាត់ក្រីក្រពហុទិសឆ្នាំ២០២៤ ទូទាំងឃុំនូវមានគ្រួសារក្រីក្រចំនួន១៦គ្រួសារ និងគ្រួសារក្បែរបន្ទាត់ក្រ៧២គ្រួសារ (ក្នុងនោះមាន១២គ្រួសារខ្វះសមត្ថភាពពលកម្ម) ស្រូបអត្រា១,៩៣% ។ 

កោះដាបាក (Hòn Đá Bạc) ជាតំបន់ទេសចរណ៍ដ៏ចំណាប់អារម្មណ៍របស់ឃុំ Khánh Bình Tây។

ក្រៅពីប្រភពទុនវិនិយោគរបស់បណ្តាកម្មវិធីទិសដៅជាតិ ភូមិភាគក៏បានធ្វើការផ្សព្វផ្សាយបណ្តាទម្រង់នៃការកាត់បន្ថយក្រចីរភាព និងមានប្រសិទ្ធភាពសម្រាប់មុខសញ្ញាទទួលផល។ ជាមួយភាពសម្បូរបែបនៃទម្រង់ផ្សេងៗដូចជា៖ ចិញ្ចឹមកញ្ជ្រោងក្រអូប ត្រីក្នុងសំណាញ់ ដាំបន្លែបង្ការ។ល។ ផ្តល់ប្រសិទ្ថភាពជាក់ស្តែង ហើយក៏ជំនួយស្មារតីក្នុងការរួចចាកក្រសម្រាប់គ្រួសារជាច្រើនទៀតោង។ ភាគច្រើន បណ្តាគ្រួសារទាំងឡាយពេលដែលអនុវត្តបណ្តាទម្រង់ទាំងនេះ ក៏សន្សឹមៗមានលក្ខណៈស្តារជីវភាពខាងការផលិត អនុវត្តបច្ចេក វិទ្យា លើកកម្ពស់គុណភាពផលិតផល ទើបតម្លៃ និងការនាំចេញបានលំនឹងល្អ ជីវភាពមយយថ្ងៃកាន់តែប្រសើរឡើង បណ្តាគ្រួសារ ធូរធារមយយថ្ងៃកាន់តែកើនឡើង ចំណែកគ្រួសារក្រលំបាកក៏បន្ថយចុះផងដែរ។

សេដ្ឋកិច្ចមានការអភិវឌ្ឍន៍ ជីវភាពស្មារតីនិងសម្ភារៈរបស់បងប្អូនប្រជាជនមួយថ្ងៃកាន់តែល្អប្រសើរឡើង។ បច្ចុប្បន្ន ប្រាក់ចំណូលមធ្យនៃមនុស្សម្នាក់ៗរបស់ឃុំសម្រាប់បាន៦១,៩លានដុងក្នុងមួយឆ្នាំ។

លោក Nguyễn Cảnh Hạnh ប្រធានគណៈកម្មាធិការប្រជាជនឃុំ មានក្តីរំភើបថា៖ “ពេលដែលចាប់ផ្តើមកសាងជនបទថ្មីនាឆ្នាំ២០១១ ឃុំមានចំណុចចាប់ផ្តើមទាប ដោយសារជាតំបន់ឃុំកោះ ការរស់នៅរបស់បងប្អូនប្រជាជនក៏មានការជួបលំបាក។ តែទោះជាយ៉ាងណាក្តី រយៈពេលជាង១៣ឆ្នាំនៃការខិតខំតស៊ូ រហូតមកដល់ចំណុចនេះ ឃុំ Khánh Bình Tây មានមោទនភាពពេលដែលសម្រេចជាមូលដ្ឋានបាន១៩/១៩បទដ្ឋានកសាងជនបទថ្មី។ សម្រេចបាននូវលទ្ធផលទាំងនេះ កឺអាស្រ័យភូមិភាគ និងទទួលបានការយកចិត្តទុកដាក់របស់ផ្នែកសមត្ថកិច្ចគ្រប់លំដាប់ថ្នាក់ទូទាំងខេត្ត ព្រមទាំងស្រុក ដើម្បីវិនិយោគទានពេលខាងហេដ្ឋារចនាសម្ព័ន្ធជនបទ បង្កលក្ខណៈងាយស្រួលសម្រាបបងប្អូនប្រជាជនក្នុងការផលិត។ ផ្តើមពីនោះ មុខមាត់ជនបទក៏មានសម្រស់ស្រស់ស្អាត ជីវភាពរស់នៅរបស់បងប្អូនប្រជាជនមួយថ្ងៃកាន់តែឈានឡើងឆ្ពោះទៅមុខជាលំដាប់”។

បច្ចុប្បន្ន បណ្តាជំហាននៃការវាយតម្លៃជាមូលដ្ឋានក៏ត្រូវបានបញ្ចប់ ភូមិភាគកំពុងទន្ទឹងរង់ចាំការទទួលស្គាល់។ Khánh Bình Tây ជាឃុំចុងបំផុតរបស់ស្រុក Trần Văn Thời ដែលឆ្ពោះទៅកាន់ព្រត្រនៃជនបទថ្មី។

 “ជម្នះរាល់គ្រប់បញ្ហាប្រឈម រហូតទល់ពេលនេះ ដំណើរការឆ្ពោះទៅកាន់ព្រត្រនៃឃុំជនបទថ្មីក៏សម្រេចជាស្ថាពរ នេះជាការជំរុញទឹកចិត្តរបស់បក្ខភាគ និងប្រជាជនបន្តប្តេជ្ញាចិត្តក្នុងការកសាង និងអភិវឌ្ឍន៍ប្រទេសជាតិ មាតុភូមិ ជាពិសេសខាងសេវាសេដ្ឋកិច្ច សេវាកម្ម ទេសចរណ៍ ដើម្បីឃុំ Khánh Bình Tây ក្លាយជាតំបន់ដ៏ចំណាប់អារម្មណ៍សម្រាប់ភ្ញៀវទេសចរណ៍ទាំងឡាយផងដែរ” លោក Nguyễn Cảnh Hạnh បានសង្កត់ធ្ងន់ថាដូច្នេះ។

Hằng My

ប្រអប់៖

សរុបថវិកាសម្រាប់កសាងជនបទថ្មីចាប់តាំងពីឆ្នាំ២០១២ រហូតដល់ពេលនេះរបស់ឃុំ Khánh Bình Tây គឺមានទាំងអស់ ១.០១៦ ពាន់លានដុង និង៥៧៥លានដុង។​ ក្នុងនោះ ប្រជាជនបានចូលរួមវិភាគទានចំនួន៦៤៨ពាន់លានដុង និង៣២០លានដុង ស្រូបអត្រា៦៣,៧៧%៕