ស្តុកទឹកសាបសម្រាប់ឱ្យរដូវផលិតខែប្រាំង

19 tháng 05 2025 05:43

ចាប់ពីដើមរដូវប្រាំងមក ស្រុក Trần Văn Thời បានបិទប្រឡាយទឹកនៅតាមតំបន់ទឹកសាប ជួយបងប្អូនប្រជាជនក្នុងការស្តុកទឹកសាបសម្រាប់ចិញ្ចឹមត្រី ដាំដំណាំផង និងបម្រើដល់វិស័យទេសចរណ៍ផង។

រហូតមកទល់ពេលនេះ ប្រជាកសិករអ្នកដាំល្ពៅនៅភូមិលេខ៥ ឃុំ Trần Hợi តែងធានាបានល្អនូវប្រភពទឹកសម្រាប់ដល់ចុងរដូវផងដែរ។

តួយ៉ាងដូចជានៅឃុំ Trần Hợi ទោះបីជារដូវរាំងស្ងួតខ្លាំងនៅពាក់កណ្តាលខែមីនាក៏ដោយ អ្នតែបងស្រី Ngô Thị Hằng នៅភូមិលេខ៤ តែងសកម្មក្នុងការស្តុកប្រភពទឹកសម្រាប់ឱ្យការដាំដំណាំរបស់ខ្លួន ដោយមួយថ្ងៃស្រោចស្រពជាង១០ពាន់កុម្ភល្ពៅដែលកំពុងជិតប្រមូលផល។

អាស្រ័យការស្តុកទឹកនៅតាមបឹងប្រឡាយ ទើបចម្ការចេករបស់អ្នកមីង Cao Thị Hiền មានការលូតលាស់ល្អ។

អ្នកមីង Cao Thị Hiền នៅភូមិលេខ៦ មានផ្ទៃដីចំនួន១០កុងសម្រាប់ដាំចម្ការចេក និងផលដំណាំផ្សេងៗជាដើម អាស្រ័យការស្តុកទឹកបានល្អ ទើបអ្នកមីងមានប្រភពទឹកគ្រប់គ្រាន់សម្រាប់ស្រោចស្រពផលដំណាំនិងចិញ្ចឹមត្រី។ ក្រៅពីប្រភពធារាសាស្ត្រនៃការស្តុកទឹកសម្រាប់ចម្ការផលដំណាំ ផ្តើមពីនោះ ចម្ការបន្លែរបស់អ្នកមីងក៏មានការលូតលាស់ល្អ អ្នកមីង Hiền ទទួលបានប្រភពប្រាក់ចំណូលប្រមាណ៥០លានដុងក្នុងមួយរដូវ។

អ្នកមីង Cao Thị Hiền ឆ្លៀតយកប្រភពទឹកតាមបឹងប្រឡាយ និងប្រព័ន្ធឧបករស្រោចទឹកប្រឹតសំចៃសម្រាប់ដាំបន្លែ ប្រមូលផលបានទឹកប្រាក់ជាង៥០០ពាន់ដុង/ថ្ងៃ។

ក៏ដោយសាររក្សាបាននូវប្រភពទឹក គ្រួសារលោក Thi Văn Bình នៅភូមិលេខ៣ បានរក្សាទឹកក្នុងស្រះចំនួន ៥ សម្រាប់ចិញ្ចឹមត្រីក្រាញ់ លោក Bình ឱ្យដឹង៖ បន្ទាប់រយៈពេលជាង១ខែទៀត លោកនឹងលក់ត្រីក្រាញ់បានចំនួនជាង៥តោន សម្រាប់ការចិញ្ចឹមត្រីក្រាញ់បញ្ចា្រស់រដូវ ត្រីបានថ្លៃ ដោយគិតជាត្រួសៗអាចចំណេញប្រាក់បានជាង៦០លានដុងទៀតផង។

គ្រួសារលោក ស្តុThi Văn Bình កទឹកក្នុងស្រះចិញ្ចឹមត្រីចំនួន៥ បន្ទាប់ពីប្រមូលផលសម្រាប់ចិញ្ចឹមត្រីក្រាញ់បញ្ច្រាស់រដូវ។

តំបន់ទឹកសាបនៃស្រុក Trần Văn Thời គឺជាតំបន់ជាប់នឹងសមុទ្រ Cà Mau ខាងលិច។ ជារៀងរាល់ឆ្នាំនៅរដូវប្រាំង តែងមានការជ្រាបជាតិប្រៃ តែអាស្រ័យមានប្រភពធារាសាស្ត្របិទជិត បណ្តាស្រះស្តុកទឹក និងកាញប្រឡាយទាំងឡាយក៏មានប្រសិទ្ធភាពក្នុងការផ្តល់ទឹកគ្រប់គ្រាន់សម្រាប់ស្រោចស្រពផលដំណាំំក៏ដូចជាការរាំងកាត់ករណីរលេះដីតាមមាត់ព្រែកនិងប្រឡាយទឹកនារដូវប្រាំង។

ទម្រង់ស្តុកទឹកសម្រាប់ដាំបន្លែរបស់បងប្អូនប្រជាកសិករនៅឃុំ Khánh Bình នារដូវប្រាំង។

សព្វថ្ងៃ ទន្ទឹមជាមួយការស្តុកទឹកសាបសម្រាប់បម្រើឱ្យការចិញ្ចឹមត្រី ស្រោចបន្លែ និងឈើហូបផ្លែនារដូវប្រាំង បណ្តាទម្រង់នៃការស្តុកទឹកនៅតាមបណ្តាតំបន់ទេសចរណ៍ថែមទាំងបានរួមចំណែកក្នុងការអភិវឌ្ឍន៍ទេចរណ៍សហគម ទាក់ទាញភ្ញៀវអ្នកដំណើរដើម្បីមកចូលរួមទស្សនាកម្សាន្តសប្បាយទៀតផង៕

Huỳnh Lâm

Từ khóa: báo Cà Mau Cà Mau tin mới Cà Mau thời sự Cà Mau tin tức Cà Mau

ជនបទសព្វថ្ងៃ

ស្តុកទឹកសាបសម្រាប់ឱ្យរដូវផលិតខែប្រាំង

ខិតខំសម្រេចជោគជ័យរាល់ភារកិច្ចជនជាតិ

រសជាតិពីសមុទ្រ