តំបន់ជនរួមជាតិផ្លាស់ថ្មី

នៅភូមិលេខ៧ ឃុំ Tân Lộc Bắc ស្រុក Thới Bình ជាភូមិលំបាកពិសេស និងមានបងប្អូនជនរួមជាតិ Khmer រស់នៅច្រើនកុះករទៀតផង។ ប៉ុន្មានឆ្នាំកន្លងមកនេះ សម្រស់ជនបទភូមិកាន់តែមានការផ្លាស់ប្តូរយ៉ាងសកម្ម។ ដោយទទួលបានលទ្ធផលបែបនេះក៏អាស្រ័យការយកចិត្តទុកដាក់របស់បក្សនិងរដ្ឋរួមជាមួយការខិតខំប្រឹងប្រែងរបស់បងប្អូនប្រជាជននៅទីនេះផងដែរ។

ពេលបាយដែលពេញដោយភាពកក់ក្តៅរបស់ប្តីប្រពន្ធលោកពូ Thạch Ngọc Đức ខណៈពេលដែលកូនៗរបស់ខ្លួនបានទៅរកស៊ីស្រុកឆ្ងាយ

គ្រួសារលោកពូ Thạch Ngọc Đức ក៏ជាអ្នកធ្លាប់ក្រដោយសារជីវភាពត្រឹមតែជាអ្នកស្រែ ផលិតស្រូវ ប្រភពចំណូលមិននឹងនរ ថែមទាំងចិញ្ចឹមកូន៥នាក់ទៀត​ផង។ ប៉ុន្តែ មិនរង់ចាំជំនួយឧបត្ថម្ភតែម្យ៉ាងនោះទេ លោកឌឹងថែមទាំងមានគំនិតគិតថា ប្រសិនបើចង់រួចចាកក្រត្រូវ ផ្តើមពីកម្លាំងរបស់ខ្លួន។ លោកក៏ក្លាហានបង្វែទៅចិញ្ចឹមបង្គា និងប្រកបរបរស៊ីឈ្នួល ឆ្លៀតពេលវេលានិងកម្លាំងរបស់ខ្លួនដើម្បីបង្កើនប្រភពចំណូល។

“ចាប់តាំងពីបង្វែមកចិញ្ចឹមបង្គា ក៏មានភាពរីកចម្រើនគួរឱ្យកត់សម្កល់ផងដែរ។ កាលពីមុន ធ្វើស្រែមិនបានផល តែខណៈពេលដែលបង្វែមកចិញ្ចឹមបង្គាក៏មានសភាពធូរធាជាង ពោលគឺមិនសូវពិបាកដូចមុនទៀត ប្រភពចំណូលកើនដល់ពី ៧០-៨០%។ ប៉ុន្មានឆ្នាំកន្លងមកនេះ កូនៗរបស់ខ្ញុំបានទៅធ្វើកម្មករនៅខេត្ត Bình Dương អស់ ចំណែកខ្ញុំនៅផ្ទះចិញ្ចឹមបង្គា។ គ្រួសារខ្ញុំមានគ្រប់គ្រាន់ហូប ទើបបណ្តាគោលនយោបាយឧបត្ថម្ភរបស់រដ្ឋ ខ្ញុំសូមផ្ទេរឱ្យទៅអ្នកដទៃដែលជួបពិបាកជាងខ្ញុំ” លោកពូ Đức មានប្រសាសន៍បែបនេះ។

ក្រៅពីចិញ្ចឹមបង្គា ជារៀងរាល់ថ្ងៃ ប្តីប្រពន្ធលោកពូ Đức រៀបចំផ្ទះសម្បែង និងដាំបន្លែសម្រាប់ផ្គត់ផ្គង់ប្រចាំថ្ងៃ។

អាស្រ័យដូច្នេះហើយ លោកពូ Đức មិនត្រឹមក្លាយជាគំរូដ៏ល្អក្នុងជនរួមជាតិ Khmer របស់ភូមិលេខ៧ដែលជាអ្នកមានឆន្ទៈក្នុងការខិតខំឈានឡើងប៉ុណ្ណោះទេ ថែមទាំងខាងស្មារតីចេះជួយចែករំលែកគ្នាទៅវិញទៅមកទៀតផង។ របៀបគិតគូរ និងរបៀបធ្វើរបស់លោកពូក៏បានរួមចំណែកបង្ករីកសាយភាយយ៉ាងសកម្ម​ក្នុងសហគមផងដែរ។

ក៏នៅភូមិលេខ៧ដូចគ្នា មានយ៉ាងច្រើនគ្រួសារកំពុងមានលក្ខណៈឈានឡើងផ្លាស់ប្តូរជីវភាពអាស្រ័យគោលនយោបាយឧបត្ថម្ភរបស់រដ្ឋ។ អ្នកមីង Thạch Thị Bảy ក្នុងចំណោមគ្រួសារជនជាតិភាគតិចដែលទទួលបានការឧបត្ថម្ភពូជសត្វចិញ្ចឹម បានឱ្យដឹង៖ ខ្ញុំទទួលបានការឧបត្ថម្ភពពូជជ្រូកចិញ្ចឹមជាច្រើនលើកផងដែរ ចិញ្ចឹមដល់កាលណាជ្រូកកើតក៏លក់កូនវិញ ព្រមទាំងទុកមកវិញខ្លះសម្រាប់ចិញ្ចឹមបន្តពូជ ដោយសារតែបែបនេះហើយ ទើបមានលក្ខណៈសម្រាប់ផ្គត់ផ្គង់ជីវភាពគ្រួសារ។

យោងតាមស្ថិតិ ដល់ចុងឆ្នាំ២០២៤ ភូមិលេខ៧នូវត្រឹម៦គ្រួសារក្រ និង៧គ្រួសារប្រកៀកបន្ទាត់ប៉ុណ្ណោះ បន្ថយចុះយ៉ាងសកម្មប្រៀបជាមួយ២០គ្រួសារក្រីក្រ និង៤០គ្រួសារប្រកៀកបន្ទាត់ក្រនៃឆ្នាំ២០២១។ ក្នុងនោះ គ្រួសារក្រជាជនជាតិ Khmer មានត្រឹម៣គ្រួសារ និងគ្រួសារប្រកៀកបន្ទាត់ក្រ២គ្រួសារប៉ុណ្ណោះ។ ប្រការនេះបានឆ្លុះឱ្យឃើញអំពីប្រសិទ្ធភាពជាក់ស្តែងដែលផ្តើមពីបណ្តាកម្មពីធីគោលដៅជាតិ៖ ឧបត្ថម្ភការរស់នៅ វិនិយោគហេដ្ឋរចនាសម្ព័ន្ធគមនាគមជន បទ​ព្រមទាំងជមនួយឧបត្ថម្ភពូជសត្វចិញ្ចឹម និងសាងសង់ផ្ទះសម្រាប់ស្នាក់នៅយ៉ាងសមរម្យទៀតផង។

លោក Nguyễn Việt Bắc ប្រធានភូមិលេខ៧ ឱ្យដឹង៖ យើងខ្ញុំបានផ្សព្វផ្សាយអំពីគោលនយោបាយដោយផ្តោតលើស្មារតីប្រជាជនយល់ ប្រជាជនវិភាគ ប្រ ជាជនធ្វើ ប្រជាជនត្រួតពិនិត្យ។ រាល់ការជំនួយឧបត្ថម្ភសុទ្ធតែត្រូវបានបើកជំហរជាសាធារណៈ លាតត្រដាង ត្រឹមត្រូវចំមុខសញ្ញា។ ប្រជាជនអាចមានសិទ្ធិក្នុងការជ្រើសរើសអ្នកទទួលផល។

អ្នកស្រី Lâm Thị Trúc Mai ប្រធានគណៈកម្មាធិការប្រជាជនឃុំ Tân Lộc Bắc ឱ្យដឹង៖ ភូមិលេខ៧ជាភូមិលំបាកពិសេស តែកំពុងមានជំហានផ្លាស់ប្តូរយ៉ាងសកម្មផងដែរ។ ឆ្នាំនេះ ឃុំនឹងវិនិយោគដងផ្លូវដែលមានប្រវែង១.០០០ម៉ែត្រផ្តើមពីប្រភពទុនមជ្ឈិម បន្តការឧបត្ថម្ភផ្ទះ និងបង្គន់អនាម័យដើម្បីលើកកម្ពស់ជីវភាពរស់នៅជូនមាមីងបងប្អូន។

បងប្អូនប្រជាជនភូមិលេខ៧ត្រូវបានផ្តល់ប័ណ្ណធានារ៉ាប់រងសុខភាពដោយកម្រិត១០០% បង្កលក្ខណៈងាយស្រួលក្នុងការថែទាំសុខមាលភាពបានល្អប្រសើរ។

យោងតាមខ្សែសង្វាក់នៃការអភិវឌ្ឍន៍ បងប្អូនប្រជាជនមិនត្រឹមយល់បានច្បាស់ពីរបៀបធ្វើមានសម្រាប់ខ្លួនផ្ទាល់ប៉ុណ្ណោះទេ ថែមទាំងចេះជួយចែករំលែកជាមួយសហគមទៀតផង។ តួយ៉ាងដូចជាលោកពូ Thạch Ngọc Đức កំពុងបន្តបង្កើនទំនុកចិត្តសម្រាប់ដំណើរការកាត់បន្ថយក្រចីរភាព បញ្ជាក់បានស្មារតីខិតខំប្រឹងប្រែងឈានឡើងដោយខ្លួនឯងរបស់បងប្អូនជនរួមជាតិ Khmer នៅលើតំបន់ដែនដីមាតុភូមិរបស់ខ្លួន។

ភូមិលេខ៧ ឃុំ Tân Lộc Bắc បច្ចុប្បន្នមិនមែនជាតំបន់ដីតម្លុកដូចកាលពីមុនទៀតនោះទេ។ បណ្តាអាគារទាំងឡាយដ៏ស្កឹមស្កៃ និងដងផ្លូវធំទូលាយ និងផ្តើម ពីក្រខ្សែភ្នែកពោរពេញដោយក្តីសប្បាយរីករាយរហូតដល់ឆន្ទៈយ៉ាងមុះមុតក្នុងការខិតខំឈានឡើងបង្កើតបាននូវផ្ទាំងរូបភាពដ៏ស្រស់ស្អាតស្តីពីតំបន់ដែលកំពុងមានការផ្លាស់ប្តូរយ៉ាងសកម្ម ចីរភាព និងពោរពេញដោយក្តីសង្ឃឹមផងដែរ៕

Hồng Phượng - Hằng My