ឧបត្ថម្ភជាក់ស្តែង ជីវភាពផ្លាស់ថ្មី

នៅឃុំ Khánh Lâm ស្រុក U Minh អាស្រ័យការណែនាំយ៉ាងអស់ពីចិត្តរបស់គណៈកម្មាធិការបក្ស​ និងរដ្ឋអំណាចភូមិភាគ និងមានច្រើនគោលនយោបាយឧនត្ថម្ភជាក់ស្តែងដែលត្រូវបានផ្សព្វផ្សាយយ៉ាងមានប្រសិទ្ធភាព។ ផ្តើមពីនោះ មុខមាត់ជនបទក៏មានការផ្លាស់ប្តូរយ៉ាងសកម្ម ជីវភាពបងប្អូនជនរួមជាតិ Khmer មានការលើកកម្ពស់ពីមួយថ្ងៃទៅមួយថ្ងៃ គ្រួសារក្រក៏បានបន្ថយចុះ។

លោក Lê Thanh Mãi អនុប្រធានគណៈកម្មាធិការប្រជាជនឃុំ Khánh Lâm ឱ្យដឹង៖ ទូទាំងឃុំមាន៥៥២គ្រួសារ Khmer។ បញ្ជាក់ច្បាស់នូវតួនាទីរបស់ជនរួមជាតិ Khmer ក្នុងការអភិវឌ្ឍន៍សេដ្ឋកិច្ច-សង្គមនៅភូមិភាគ។ គណៈកម្មាធិការបក្សឃុំបាននាំយកនូវខ្លឹមសារលើកកម្ពស់ជីវភាពរស់នៅរបស់បងប្អូនជនរួមជាតិ Khmer ចូលក្នុងសេចក្តីសម្រេចចិត្តដើម្បីធ្វើជាមូលដ្ឋានគ្រប់ជ្រុងជ្រោយ។ បណ្តាកម្មវិធី គម្រោងការដែលត្រូវបានផ្សព្វផ្សាយយ៉ាងទូលំទូលាយក្នុងរាល់គ្រប់បណ្តាគណៈផ្នែក រណសិរ្សមាតុភូមិ និង​អង្គការ​មហាជន។​ដោយ​សារ​តែ​ការ​សម្របសម្រួល​ត្រូវ​បាន​ពង្រឹង​បង្កើត​កម្លាំង​រួម​គ្នា​ក្នុង​ការ​ចលនាឧបត្ថម្ភ និង​ការរួម​ដំណើរការ​ជាមួយ​បងប្អូនជនរួមជាតិ Khmer ក្នុងការ​អភិវឌ្ឍ​សេដ្ឋកិច្ច លំនឹង​ជីវភាព​រស់នៅ។

សាលាទានទទួលបានការកែជួសជុលឡើងវិញកាលពីដើមឆ្នាំ២០២៥។

អាស្រ័យភូមិភាគបានផ្សព្វផ្សាយព្រមគ្នារាល់បណ្តាគោលនយោបាយ៖​ ឧបត្ថម្ភដីធារ បណ្តុះបណ្តាលមុខរបរការងារធ្វើ​ និងផ្តល់ឥណទានអនុគ្រោះ ជីវភាពរស់នៅរបស់បងប្អូនជនរួមជាតិ Khmer ក៏មានភាពប្រសើរឡើងជាលំដាប់។​ ចំនួនគ្រួសារក្រីក្របានថយចុះគួរឱ្យកត់សម្គាល់ពីមួយឆ្នាំទៅមួយឆ្នាំ។

តួយ៉ាងដូចជាគ្រួសារ​លោក Nguyễn Văn Giàu ជាជនជាតិ Khmer នៅភូមិលេខ៦ ពីមុនជាគ្រួសារក្រជួបលំបាក ប្រភពចំណូលក៏មិននឹងនរ អាស្រ័យបានចូលរួមថ្នាក់ហ្វឹកហ្វឺនខាងបច្ចេកទេស និងបានចូលជិតគោលនយោបាយឧបត្ថម្ភរបស់រដ្ឋនិងការក្លាហានផ្លាស់ប្តូររបៀបរកស៊ី លោកបានអនុវត្តជោគជ័យទម្រង់ផលិតចម្រុះ។

“បច្ចុប្បន្នគ្រួសារខ្ញុំធ្វើស្រែ២រដូវមានក៏មានការលំរៀងរាល់ឆ្នាំផងដែរ គួបផ្សំជាមួយដាំដូង ក្រូចថ្លុងតាមភ្លឺប្រឡាយ ដើម្បីការពារសំណឹកដីផង និងបង្កើនប្រ ភពចំណូលដែលផ្តើមពីឈើហូបផ្លែផងដែរ។ ជាពិសេស ឆ្លៀតយកស្រះចម្ការសម្រាប់ចិញ្ចឹមត្រីទឹកសាប ផ្តល់មកនូវប្រភពសេដ្ឋកិច្ចគួរឱ្យចាប់អារម្មណ៍។​ អាស្រ័យទម្រង់នេះ គ្រួសារមួយជំហានឈានឡើងជីវភាពធូរធា និងទទួលបានប្រាក់ចំណូលនឹងនរ”​ លោក Giàu បានចែករំលែកដូច្នេះ។

ប្រពៃណីប្រឡងប្រណាំងផលិតក្នុងជនរួមជាតិ Khmer មួយថ្ងៃកាន់តែមានការអភិវឌ្ឍន៍ និងពង្រីកទូលំទូលាយក្នុងសហគម។ អាស្រ័យការយកចិត្តទុកដាក់ជំនួយឧបត្ថម្ភពីរដ្ឋអំណាចភូមិភាគនិងបណ្តាអង្គការចាត់តាំង អង្គការមហាជន និងច្រើនគ្រួសារដទៃទៀតបានក្លាហានក្នុងការផ្លាស់ប្តូរផលិត សកម្មអនុវត្ត​ល្បឿនខាងបច្ចេកវិទ្យាចូលក្នុងការផលិត និងចិញ្ចឹមសត្វ។ តួយ៉ាងដូចជាគ្រួសារលោក Lương Văn Nghi នៅភូមិលេខ៦ ជាកសិករ Khmer ផលិតពូកែរបស់ភូមិភាគ។ ទន្ទឹមជាមួយការផលិតស្រូវ២រដូវប្រចាំ លោកថែមទាំងឆ្លៀតយកផ្ទៃដីជុំវិញផ្ទះសម្រាប់ដាំបន្លែបង្ការគួបផ្សំជាមួយចិញ្ចឹមមាន់ ទា។ល។ ដើម្បីបង្កើនប្រាក់ចំណូល។

លោក Trần Văn Sĩ លេខាបក្សភូមិ និងជាប្រធានភូមិលេខ៦ ឱ្យដឹង៖ ទូទាំងភូមិមាន២០៥គ្រួសារ Khmer។ ប៉ុន្មានឆ្នាំកន្លង អាស្រ័យការអនុវត្តកម្មវិធីកសាងជនបទថ្មី មានដងផ្លូវជាច្រើនទទួលបានការវិនិយោគកសាង សាលារៀនក៏សាងសង់យ៉ាងធំទូលាយស្អាតផងដែរ បង្កលក្ខណៈងាយស្រួលសម្រាប់កូនក្មួយសិក្សារៀនសូត្រ។ គ្រប់សង្គមគ្រួសារនីមួយៗសុទ្ធតែបានប្រើប្រាស់ប្រព័ន្ធអាគ្គីសនីជាតិ និងប្រភពទឹកស្អាតស្របអនាម័យទៀតផង។ ដោយសារបែបនេះហើយ សម្រស់ភូមិស្រុកមួយថ្ងៃកាន់តែមានការផ្លាស់ប្តូរគ្រប់វិស័យ គេហដ្ឋានធំស្កឹមស្កៃ ជីវភាពសម្ភារៈនិងស្មារតីរបស់បងប្អូនប្រជាជនក៏មានការលើកកម្ពស់ ឆ្ពោះទៅជីវភាពសុខក្សេមក្សាន្ត និងសុភមង្គល។

ទន្ទឹមនិងការលើកកំពស់ជីវភាពសម្ភារៈ គណៈកម្មាធិការបក្សគ្រប់លំដាប់ថ្នាក់ និងរដ្ឋអំណាចភូមិភាគថែមទាំងយកចិត្តទុកដាក់ដល់ការរស់នៅ​បង្កលក្ខណៈដើម្បីបងប្អូនជនរួមជាតិអភិរក្សនិងពង្រីកអត្តសញ្ញាណវប្បធម៌។ ឆ្នាំ២០១៣ នៅភូមិលេខ៦ សំណង់សាលាទានក៏ត្រូវបានសាងសង់និងដាក់ឱ្យប្រើប្រាស់ជាផ្លូវការ។ ជារៀងរាល់ឆ្នាំ សាលាទានទទួលបានការវិនិយោគធ្វើពីពិធកម្មនិងកែជួសជុលឡើងវិញដើម្បីឆ្លើយតបបានល្អតាមត្រូវការសកម្មភាពសហគមន៍និងជំនឿរបស់បងប្អូនជនរួមជាតិ Khmer។

បណ្តាដងផ្លូវដែលត្រូវបានកែលម្អឡើងវិញយ៉ាងធំទូលាយ បងប្អូនប្រជាជនសកម្មចូលរួមដាំផ្កាលម្អសម្រាប់ធ្វើជារបង និងតុបតែងភាពស្រស់ស្អាតផងដែរ អាស្រ័យហេតុនេះហើយទើបសម្រស់ភូមិស្រុកមួយថ្ងៃកាន់តែមានភាពស្រស់ស្អាត។

បច្ចុប្បន្ន ឃុំ Khánh Lâm ទាំនូវមាន៧៥គ្រួសារក្រជាជនជាតិ Khmer។ លោក Lê Thanh Mãi បានឱ្យដឹងបន្ថែមទៀតថា៖ “នាពេលខាងមុខ ភូមិភាគនិងបន្តប្រមូលផ្តុំ និងរួមបញ្ចូលយ៉ាងមានប្រសិទ្ធភាពដើម្បីគ្រួសារក្រមានឱកាសអភិវឌ្ឍន៍ផលិត និងលើកកម្ពស់ប្រភពប្រាក់ចំណូល។ ទន្ទឹមនិងនោះ យកចិត្តទុក ដាក់ក្នុងការពង្រីកបណ្តាទម្រង់នៃការកាត់បន្ថយក្រមានប្រសិទ្ធភាព សមស្របជាមួយលក្ខណៈជាក់ស្តែងនិងលក្ខណៈនៃគ្រួសារនីមួយៗ។ កម្មាភិបាល​បក្ខ ជនត្រូវបានចាត់វិធានការឱ្យតាមដាន និងរួមដំណើរការជាមួយគ្រួសារក្រ បន្តណែនាំអំពីរៀបចាត់តាំងផ្សព្វផ្សាយ និងប្រើប្រាស់មានប្រសិទ្ធភាពបណ្តាប្រ ភពនៃការជំនួយឧបត្ថម្ភ"៕

Tiểu Ái