ជនរួមជាតិ Khmer នៅតំបន់មាត់សមុទ្រឈានឡើងជីវភាពធូរធារ

រយៈពេលកន្លង ជីវភាពរស់នៅរបស់បងប្អូនជនជាតិភាគតិចនៅនិគមSông Đốc ស្រុក Trần Văn Thời មួយថ្ងៃកាន់តែមានសម្រស់។ លទ្ធផលនេះក៏អាស្រ័យការខិតខំប្រឹងប្រែងរបស់ប្រព័ន្ធនយោបាយទាំង មូលក្នុងការផ្សព្វផ្សាយ អនុវត្តរាល់បណ្តាគោលនយោបាយជនជាតិ និងសន្តិសុខសង្គម ដោយហេតុនេះហើយ មួយថ្ងៃកាន់តែមានការលើកកម្ពស់ទាំងសម្ភារៈ និងស្មារតីសម្រាប់បងប្អូនជនរួមជាតិ រួមចំណែកកាត់បន្ថយភាពក្រីក្រប្រកបដោយចីរភាពនៅភូមិភាគ។

នៅលើភូមិសាស្ត្រនិគម Sông Đốc មានជនជាតិភាគតិចរស់នៅចំនួន៥ជនជាតិ រួមមាន៖ Khmer, Hoa, Chăm, Tày, Mường ដោយសរុបទាំងអស់មាន១៦១គ្រួសារ និងចំនួនប្រជាជន៧៥៨នាក់។ ក្នុង​នោះ ជនជាតិ​ Khmer ​មានចំនួនច្រើនជាងគេ ដោយមាន១៣១គ្រួសារ និងប្រជាជន៦៣៨នាក់ រស់ប្រមូលផ្តុំនៅអនុសង្កាត់លេខ១ និងអនុសង្កាត់៦B។

គោលនយោបាយជនជាតិភាគតិចជាច្រើនត្រូវបាននិគម Sốc Đốcធ្វើការផ្សព្វផ្សាយ អនុវត្តទាន់សភាពការ ដើម្បីជួយបងប្អូនជនរួមជាតិទាំងឡាយលើភូមិសាស្ត្រមួយថ្ងៃកាន់តែមានការអភិវឌ្ឍន៍។ (ក្នុងរូបថត៖ អ្នកមីង Kim Thị Phượng នៅអនុសង្កាត់៦B ប្រកបរបរប៉ះដេរមង សេដ្ឋកិច្ចគ្រួសារបានលំនឹងល្អ)។

លោក Trần Thanh Hải អនុប្រធានគណៈកម្មាធិការរណសិរ្សមាតុភូមិនិគម បានឱ្យដឹង៖ “ក្នុងឆ្នាំកន្លង អត្រាគ្រួសារក្រីក្រក្នុងជនរួមជាតិភាគតិចមានការបន្ថយចុះច្រើន ដោយទទួលបានការអាស្រ័យផលរាល់បណ្តាគោលនយោបាយ និងគម្រោងការស្តីលំនៅឋាន ផ្លាស់ប្តូរមុខរបរការងារធ្វើ និងបច្ចេកវិទ្យា ព្រមទាំងរាល់បណ្តាទម្រង់ អភិវឌ្ឍន៍សេដ្ឋកិច្ច... ក្រៅ ពីនេះ ស្មារតីរបស់បងប្អូនជនរួមជាតិមានការផ្លាស់ប្តូរយ៉ាងច្បាស់ក្រឡែត មាមីងបងប្អូនតែងខិតខំរកស៊ី សន្សឹមៗឈានឡើងជីវភាពធូរធា។ បច្ចុប្បន្ន លើភូមិសាស្ត្រនូវមានត្រឹមតែ៦គ្រួសារក្រប៉ុណ្ណោះ បន្ថយបាន៩គ្រួសារប្រៀបជាមួយឆ្នាំ ២០២៣ គ្រួសារប្រកៀកក្រនូវត្រឹម២គ្រួសារ”។

បងប្អូនជនជាតិភាគតិចទូទាំងភូមិសាស្ត្រ ភាគច្រើនក្នុជាអ្នកប្រកបរបរនេសាទ បងប្អូននារីប្រកបរបរខាងប៉ះដេរមង ជីវភាពមិនសូវនឹងនរ។ បង Danh Ca នៅអនុសង្កាត់លេខ១ មានប្រសាសន៍៖  ជីវភាពគ្រួសារខ្ញុំកាលពីមុនជួបលំបាកខ្លាំងណាស់ ខ្ញុំទៅសមុទ្រមួយលើកអារកបានប្រាក់ត្រឹមពី៥-៧លានដុងប៉ុណ្ណោះ ចំណេកប្រពន្ធខ្ញុំវិញ នៅផ្ទះមើលថែកូន។ បន្ទាប់ មក គ្រួសារខ្ញុំទទួលបានការជំនួយឧបត្ថម្ភសង់ផ្ទះតាមកម្មវិធី១៣៤ ផ្តើមពីនោះក៏កាន់តែមានទឹកចិត្តក្នុងការខិតខំ ប្រឹងប្រែងរកស៊ី។ ទន្ទឹមនិងនោះ កម្មាភិបាលភូមិភាគក៏តែងអញ្ជើញមកសាកសួរសុខទុក្ខ និងលើកទឹកចិត្ត ណែនាំអំពីរបៀបរកស៊ី ទើបសព្វថ្ងៃសេដ្ឋកិច្ចគ្រួសារខ្ញុំបានលំនឹងល្អជាងមុន។

លោក Lý Văn Viên អាយុ ៧៥ឆ្នាំ រស់នៅអនុសង្កាត់៦B ដែលជាអ្នករស់នៅភូមិភាគនេះអស់រយៈកាលយូរឆ្នាំ បានឃើញដោយផ្ទាល់ភ្នែកនៅទិដ្ឋភាពភូមិភាគមួយថ្ងៃកាន់តែផ្លាស់ប្តូរសកម្ម ជីវភាពបងប្អូនមាមីងក៏កាន់តែមានភាពធូរធាប្រ សើរឡើង លោកពិតជាមានក្តីសប្បាយរីករាយខ្លាំងណាស់។

លោក Lý Văn Viên រំភើបចិត្ត ខណៈពេលដែលជីវភាពកាន់តែប្រសើរឡើងពីមួយថ្ងៃទៅមួយថ្ងៃ។

លោក Viên បាន​ចែក​រំលែក​ថា៖ “មុខមាត់និគម Sông Đốc មានការប្តូរ​ផ្លាស់​យ៉ាង​ច្បាស់ ​បើ​ប្រៀប​នឹកាលពី​មុននេះ​។ គម្រោងហេដ្ឋារចនាសម្ព័ន្ធខាងចរាចរណ៍ជាច្រើន ត្រូវបានសាងសង់យ៉ាងទូលំទូលាយ។ លើសពីនោះ បណ្តាគោលនយោ បាយសន្តិសុខសង្គម និងគោលនយោបាយជនជាតិ គ្រួសារក្រីក្រ គ្រួសារជួបលំបាកក៏ត្រូវបានអនុវត្តយ៉ាងល្អផងដែរ។ ផ្តើមពីនោះ ជីវភាពស្មារតីសម្ភរៈរបស់បងប្អូនជនរួមជាតិមួយថ្ងៃកាន់តែមានការលើកកម្ពស់គ្រប់វិស័យ”។

ក្រៅពីលទ្ធផលដែលសម្រេចបាន យោងតាមប្រសាសន៍របស់លោក Trần Thanh Hải ថ្វីត្បិតតែភូមិភាគបានបើកយ៉ាងច្រើនថ្នាក់បណ្តុះបណ្តាលវិជ្ជាជីវៈ តែបងប្អូនជនរួមជាតិដែលចូលរួមក៏មិនសូវច្រើន អាស្រ័យហេតុនេះហើយទើបមានការ ជួបលំបាកក្នុងការផ្លាស់ប្តូរមុខរបរការងារធ្វើ ហើយក៏នៅតែមានមួយចំនួនគ្រួសារ Khmer មិនទាន់មានស្មារតីខិតខំ ឈានឡើង នូវមានគំនិតទន្ទឹងរង់ចាំជំនួយឧបត្ថម្ភនៅឡើយ។

“នាពេលខាងមុខ ភូមិភាគនឹងបន្តយកចិត្តទុកដាក់ចំពោះបងប្អូនជនរួមជាតិពង្រីកបន្ថែមទៀតនូវតួនាទីអ្នកមានប្រ ជាប្រិយក្នុងការឃោសនាចលនាបងប្អូនជនរួមជាតិឱ្យខិតខំប្រឹងប្រែងឈានឡើង ពោលគឺមិនទន្ទឹងរង់ចាំជំនួយឧបត្ថម្ភទៀតនោះទេ។​ ផ្តើមពីនោះ សន្សឹមៗ លំនឹងជីវភាព ឈានឡើងរួចចាកក្រចីរភាព” លោក Hải ឱ្យដឹងដូច្នេះ៕

 ហឹងថាយ-ភីឡុង