សាយភាយនៃព័ត៌មានពុទ្ធសាសនា

ក្នុងចំណោមការផ្លាស់ប្តូរយ៉ាងសកម្មនៃយុគសម័យបច្ចេកវិទ្យា បណ្តាអង្គការសង្គម និងសាសនាកំពុងសម្របខ្លួនទៅនឹងនិន្នាការប្រព័ន្ធផ្សព្វផ្សាយថ្មីៗផងដែរ។ នៅកាម៉ាវ សមាគមពុទ្ធសាសនា Việt Nam ខេត្តបានជ្រើសរើសទិសដៅផ្ទាល់ខ្លួនខណៈពេលដែលបង្កើតប្រព័ន្ធព័ត៌មានច្រើនភាសានៅលើវេទិកាឌីជីថល ដើម្បីផ្សព្វផ្សាយព័ត៌មានជាផ្លូវការយ៉ាងទូលំទូលាយក្នុងសហគមន៍។

ប្រព័ន្ធសារព័ត៌មានពុទ្ធសាសនាកាម៉ាវត្រូវបានផ្សាយជាភាសា Việt Nam  និង Khmer  ផងដែរ។

ជារៀងរាល់ថ្ងៃ លើទំព័រ Fanpage "ពុទ្ធសាសនា Cà Mau" រួមមានខ្លឹមសារជាច្រើនដោយប្រើជាភាសា Việt Nam, tiếng Anh និងភាសា Khmer ​ជាបន្តបន្ទាប់។ ចាប់ពី​សកម្មភាព​ព្រះពុទ្ធសាសនា ​ការងារ​សប្បុរសធម៌ រហូតដល់​ព្រឹត្តិការណ៍ព័ត៌មានសំខាន់ៗ និងគោលនយោបាយ​របស់បក្ស និងក្រឹត្យ​ច្បាប់​រដ្ឋ។ល។ ទាំងអស់​ត្រូវបាន​បង្ហាញ​តាមរបៀប​ដែល​អាច​ចូលទៅ​ប្រើប្រាស់​បាន និង​ទាក់ទង​ទៅនឹងមុខសញ្ញាខុសៗគ្នា។

ចំណុចពិសេសនោះគឺអ្នកដែលទទួលបន្ទុកលើ​ព័ត៌មាន​ទាំងនេះ​សុទ្ធតែជា​ព្រះសង្ឃ។ ចាប់ពី​ការនិពន្ធ និងរៀបរៀង​ខ្លឹមសារ និង​ការបកប្រែ​រហូតដល់​ការបង្ហោះ​ព័ត៌មាន ជំហាន​នីមួយៗ​ត្រូវបាន​អនុវត្ត​យ៉ាង​ប្រុងប្រយ័ត្ន ដោយ​មាន​បំណង​ផ្សព្វផ្សាយ​ភាពវិជ្ជមាន និង​តភ្ជាប់​ជាមួយសហគមន៍។

យោងតាមព្រះតេជគុណ Thích Đồng Tâm សមាជិកក្រុមប្រឹក្សាភិបាលនៃសមាគមពុទ្ធសាសនា Việt Nam ខេត្ត Cà Mau មានសង្ឃដីការថា “ទម្រង់សារគំនាគមន៍នេះនៅតែប្រឈមនឹងការលំបាកជាច្រើន។ បុគ្គលិកមានកម្រិត ខណៈពេលដែលតម្រូវការកម្រិតខ្ពស់ ជាពិសេសជំនាញខាងភាសាបរទេស និងចំណេះដឹងខាងវិជ្ជាជីវៈ។ ទន្ទឹមនិងនោះ សម្ពាធក្នុងការរក្សាខ្លឹមសារជាប្រចាំ ថវិកាក៏មានកម្រិត ហើយបច្ចេកទេសគឺជាបញ្ហាដ៏ធំមួយសម្រាប់អ្នកអនុវត្តផងដែរ”។

ទោះបីយ៉ាងណាក្តី ប្រសិទ្ធភាពនៃជំហានដំបូងរបស់ទម្រង់នេះបានឆ្លុះបញ្ជាក់ឱ្យឃើញថា ដំណើរការមានលក្ខណៈសមស្របទៅនឹងយុគ្គសម័យបច្ចុប្បន្នផងដែរ។ ប្រសិនប់កាលពីមុននេះ ព័ត៌មានភាគច្រើនសម្រាប់បម្រើប្រជាពុទ្ធបរិស័ទក្នុងខេត្ត ឥឡូវនេះបែរជាពង្រីកទូលាយជាងច្រើនណាស់ដែរ។ បងប្អូនជនរួមជាតិ Khmer អាចងាយស្រួលតាមដានព័ត៌មានជាភាសារបស់ខ្លួន ដោយខណៈពេលព័ត៌មានជាភាសា tiếng Anh ក៏ទទួលបានការយកចិត្តទុកដាក់ពីសិស្សនិស្សិត និងសហគមន៍បងប្អូនជនជាតិ Việt Nam នៅបរទេសផងដែរ។

មិនបញ្ឈប់ត្រឹមការនាំសារ និងបញ្ជូនព័ត៌មានប៉ុណ្ណោះទេ បណ្តាសារព័ត៌មានពហុភាសាទាំងនេះក៏បានរួមចំណែកបង្កើតបានជាស្ពានតភ្ជាប់រវាងសាសនា និងសង្គមផងដែរ។ តាមរយៈនេះ រូបភាពរបស់ព្រះសង្ឃមិនត្រឹមតែជាប់ទាក់ទងជាមួយវត្តអារាម និងសកម្មភាពសាសនាប៉ុណ្ណោះទេ ថែមទាំងមានវត្តមានយ៉ាងសកម្មក្នុងការផ្សព្វផ្សាយពីតម្លៃមនុស្សធម៌នៅលើអ៊ីនធឺណិតទៀតផង។

ព្រះតេជគុណ Thích Đồng Tâm បានបញ្ជាក់ដែរថា៖ “ដើម្បីពង្រីកប្រសិទ្ធភាពខាងសារព័ត៌មានពុទ្ធសាសនាក្នុងសម័យ ៤.០ គួរតែបង្កើនការអនុវត្តបច្ចេកវិទ្យាឌីជីថល ផ្តើមពីនោះកសាងយុទ្ធសាស្ត្រខាងស្លឹមសារសមស្របជាមួយមុខសញ្ញាអ្នកទទួលព័ត៌មាន”។

បណ្តាខ្លឹមសារព័ត៌មានដែលត្រូវបានសមាគមពុទ្ធសាសនា Việt Nam ខេត្ត Cà Mau ជម្រើស និងពង្រីកសាយភាយដល់សហគមន៍បរទេស និងជនរួមជាតិ Khmer។

វាយតម្លៃពីទម្រង់នេះ លោក Bùi Minh Hải អនុប្រធានគណៈកម្មាធិការរណសិរ្សមាតុភូមិ Việt Nam ខេត្ត Cà Mau បានឱ្យដឹង៖ “ប្រព័ន្ធសារព័ត៌មានពុទ្ធសាសនាខេត្តបានពង្រីកតួនាទីជាស្ពានតភ្ជាប់រវាងសមាគមនឹងពុទ្ធបរិស័ទ ព្រមទាំងគ្រប់ស្រទាប់វណ្ណៈប្រជាជនផងដែរ។ នេះមិន​ត្រឹមឆ្លុះបញ្ចាំងពីសកម្មភាពខាងកិច្ចការសាសនាប៉ុណ្ណោះទេ បណ្តាសារព័ត៌មានទាំងនេះថែមទាំងបានផ្សព្វផ្សាយនូវរូបភាពដ៏ល្អប្រពៃរបស់ប្រជាជន Cà Mau ដែលយោងតាមបណ្តាកម្មវិធីសុខុមាលភាពសង្គម និងមនុស្សធម៌ស្ម័គ្រចិត្តដើម្បីសហគមន៍ទៀតផង”។

ជាពិសេស ការបន្ថែមជាភាសា tiếng Anh និងភាសា Khmer បានជួយឱ្យព័ត៌មានលើសពីវិសាលភាពក្នុងស្រុក ពង្រីកសាយភាយពីសមត្ថភាពរបស់ខ្លួនទៅកាន់សហគមន៍អន្តរជាតិ និងបងប្អូនជនរួមជាតិ Khmer ផងដែរ។ ផ្តើមពីនោះ នឹងរួមចំណែកដល់ការពង្រឹងចំណងសាមគ្គីទូទាំងជនជាតិ ព្រមទាំងផ្សព្វផ្សាយអំពីរូបភាពនៃតំបន់ដែនដីចុងជ្រោយបង្អស់របស់ប្រទេសជាតិដល់មិត្តភក្តិជិតឆ្ងាយទាំងឡាយផងដែរ។

ក្នុងយុគ្គសម័យដែលទូរសព្ទមួយៗសុទ្ធមានសមត្ថភាពអាចក្លាយទៅជា "ការិយាល័យព័ត៌មានខ្នាតតូច” បណ្តាព្រះសង្ឃគ្រប់អង់នៅ Cà Mau កំពុងបញ្ជាក់ពីសមត្ថភាពរបស់ខ្លួនពីវិធីសាស្ត្របង្កើតសារព័ត៌មានបែបថ្មី និងប្រកបដោយអត្ថន័យទៀតផង៕

Lam Khánh – Tiến Luận