លទ្ធផលនៃទម្រង់ចិញ្ចឹមបង្គាសុវត្ថិភាពជីវសាស្ត្រ។

បន្ទាប់ពីការរួមបញ្ចូលគ្នាផ្នែករដ្ឋបាល វិស័យជលផលនៅតែត្រូវបានកំណត់ថាជាវិស័យសេដ្ឋកិច្ចដ៏សំខាន់របស់ឃុំ Tân Hưng។ ពង្រីកសក្តានុពលស្តីពីលក្ខណៈធម្មជាតិ ភូមិភាគបានប្រមូលផ្តុំអភិវឌ្ឍទម្រង់ចិញ្ចឹមបង្គាវិបុលវប្បធម៌ទំនើបតាមទិសដៅធម្មជាតិ និងអនុវត្តផលិតផលមីក្រូជីវសាស្ត្រ និងការកែលម្អគុណភាពផលិតផល និងតម្លៃសេដ្ឋកិច្ច។

នៅតាមភ្លឺជុំវិញស្រះចិញ្ចឹមបង្គា លោក  Đoàn Hoàng Vĩnh (ឆ្វេង) មានដាំបន្លែ និងឈឺហូបផ្លែជាច្រើនប្រភេទផងដែរ។

សមមិត្ត Nguyễn Minh Phụng ប្រធានគណៈកម្មាធិការប្រជាជនឃុំ Tân Hưng បានឱ្យដឹង៖ «ក្នុងរយៈពេល ៦ ខែដើមឆ្នាំ ២០២៦ ស្ថានភាពសេដ្ឋកិច្ច-សង្គមក្នុងស្រុករក្សាបានកំណើនជាវិជ្ជមានផងដែរ។ ក្នុងវិស័យជលផលតែមួយ ផលិតកម្មសរុបបានឈានដល់ ៧.៦៥០ តោន សម្រេចបាន ៥៧% នៃផែនការប្រចាំឆ្នាំ។ លទ្ធផលនេះត្រូវបានអាស្រ័យភូមិភាគបានជំរុញទឹកចិត្តបងប្អូនប្រជាកសិករទាំងឡាយឱ្យចូលរួមអភិវឌ្ឍយ៉ាងខ្លាំងនូវការចិញ្ចឹមបង្គាតាមរបៀបប្រកបដោយចីរភាព សុវត្ថិភាព និងសម្របខ្លួនទៅនឹងការប្រែប្រួលអាកាសធាតុផងដែរ»។

ជាមួយនឹងដីស្រះចិញ្ចឹមបង្គាចំនួន ៥ កុង លោក Đoàn Hoàng Vĩnh នៅភូមិ Tân Bửu ចិញ្ចឹមបង្គា និងក្តាមរួមផ្សំគ្នា។ ពេញមួយដំណើរការចិញ្ចឹម លោកមិនបានប្រើថ្នាំអង់ទីប៊ីយ៉ូទិក ឬសារធាតុគីមីហាមឃាត់នោះទេ គ្រាន់តែបន្ថែមជាប្រចាំជាមួយនឹងការរៀបចំមីក្រូសជីវសាស្ត្រ ដើម្បីបង្កើនគុណភាពទឹក បង្កើតសារាយ និងប្រភពអាហារធម្មជាតិសម្រាប់បង្គា។ ដោយសារតែប្រព័ន្ធអេកូឡូស៊ីដែលមានក្នុងស្រះចិញ្ចឹម​មានជាប្រចាំ ម៉្លោះហើយទើបបង្គាមានការឆាបើធំ និងលូតលាស់បានល្អ កាត់បន្ថយជំងឺ សាច់មានគុណភាព ផ្អែមឆ្ងាញ់ និងរក្សាបាននូវរសជាតិលក្ខណៈរបស់បង្គាចិញ្ចឹមដោយធម្មជាតិទៀតផង។

ជាមួយនឹងវិធីសាស្រ្តចិញ្ចឹមនេះ បន្ទាប់ពីគិតចំណាយរួចរាល់ លោក Vĩnh ទទួលបានប្រាក់ចំណេញប្រហែល ១២០ លានដុងក្នុងមួយឆ្នាំ។ ទម្រង់នេះ បានបន្តរក្សាប្រសិទ្ធភាពស្ថិរភាពអស់រយៈពេលជាច្រើនឆ្នាំមកហើយ ពោលគឺមិនសូវកើតមានជំងឺ ហើយចំណាយសម្រាប់ក្នុងការវិនិយោគក៏មិនច្រើនណាស់ដែរ ប៉ុន្តែបង្កើតបានផលិតផលធានាគុណភាពខ្ពស់ទៀតផង។

“ការចិញ្ចឹមបង្គាតាមបែបធម្មជាតិតម្រូវឱ្យមានការអត់ធ្មត់ និងការត្រួតពិនិត្យជាប្រចាំនៃបរិស្ថានទឹក ប៉ុន្តែជាថ្នូរវិញ វាអាចជួយកាត់បន្ថយថ្លៃថ្នាំបង្ការ និងសារធាតុគីមីយ៉ាងច្រើន ព្រមទាំងកាត់បន្ថយហានិភ័យកើតមានជំងឺ និងផលិតផលស្អាតផងដែរ” លោក Vĩnh បានចែករំលែកដូច្នេះ។

ផ្តើមពីប្រសិទ្ធភាពដូចខាងលើនេះ ទម្រង់ចិញ្ចឹមបង្គារបស់គ្រួសារលោក Vĩnh ត្រូវបានរដ្ឋអំណាចភូមិភាគជ្រើសរើសសម្រាប់ផ្សព្វផ្សាយទូលាយដល់ភ្ញៀវអតិថិជនទាំងក្នុង និងក្រៅប្រទេសមកទស្សនា និងដើម្បីសិក្សាស្វែងយល់អំពីការចិញ្ចឹមបង្គាអេកូឡូស៊ីដែលផ្សារភ្ជាប់ជាមួយការអភិវឌ្ឍប្រកបដោយចីរភាព។

ភ្ញៀវអន្តរជាតិជាច្រើន បន្ទាប់ពីបានទៅទស្សនាស្រះចិញ្ចឹមបង្គាដោយផ្ទាល់ និងរីករាយជាមួយបង្គាដែលចិញ្ចឹមតាមរបៀបធម្មជាតិទាំងស្រុងនេះខ្លាំងណាស់ ហើយថែមទាំងបានកោតសរសើរយ៉ាងខ្លាំងចំពោះគុណភាព និងរសជាតិរបស់បង្គាទៀតផង។

លោក Đoàn Hoàng Vĩnh (ស្តាំ) ដោះដូរបទពិសោធជាមួយកម្មាភិបាលនៃការិយាល័យសេដ្ឋកិច្ចស្តីពីស្ថានភាពស្រះចិញ្ចឹមបង្គារបស់ខ្លួន។

យោងតាមលោក Đặng Văn Mạnh កម្មាភិបាលឯកទេសនៃការិយាល័យសេដ្ឋកិច្ចឃុំតឹនហឹងទម្រង់ចិញ្ចឹមបង្គា និងក្តាមរួមបញ្ចូលគ្នារបស់លោក Đoàn Hoàng Vĩnh គឺជាទម្រង់ផលិតដ៏មានប្រសិទ្ធភាពប្រចាំភូមិភាគផងដែរ វាមានភាពស្របស្របតាមទិសដៅនៃការអភិវឌ្ឍវារីវប្បកម្មឆ្ពោះទៅរកបរិស្ថានវិទ្យា សុវត្ថិភាពជីវសាស្ត្រ និងការសម្របខ្លួនទៅនឹងការប្រែប្រួលអាកាសធាតុផងដែរ។ ការប្រើប្រាស់ថ្នាំ និងសារធាតុគីមីមានកម្រិត ការអាទិភាពក្នុងការប្រើប្រាស់ផលិតផលមីក្រូជីវសាស្ត្រ និងឆ្លៀតយកប្រភពអាហារធម្មជាតិ បង្កើតផលិតផលដែលមានគុណភាពខ្ពស់ ឆ្លើយតបតម្រូវការកាន់តែតឹងរ៉ឹងសម្រាប់ទីផ្សារស្តីពីសុវត្ថិភាពចំណីអាហារ។

វិស័យជលផលរបស់ខេត្ត Cà Mau កំពុងមានគោលបំណងបង្កើនតម្លៃ ហើយទម្រង់នេះគឺជាវិធីសាស្រ្តសមស្របមួយដើម្បីបង្កើនប្រាក់ចំណូលសម្រាប់ប្រជាជនក្នុងតំបន់ និងការពារប្រព័ន្ធអេកូឡូស៊ីនៃតំបន់ចិញ្ចឹម។ ក្នុងពេលជាមួយគ្នានេះ វានឹងជួយបង្កើតម៉ាកយីហោបង្គាអេកូឡូស៊ី Cà Mau ដោយបញ្ជាក់បន្ថែមទៀតអំពីជំហររបស់ខ្លួននៅលើទីផ្សារក្នុងប្រទេស និងអន្តរជាតិផងដែរ៕

Thanh Hải