ស្នូលសំខាន់ដែលតែងផ្សារភ្ជាប់និងសហគម

នៅឃុំ Hưng Hội ជាភូមិភាគដែលមាន ៣០% ចំនួនប្រជាជន Khmer កងជួរអ្នកមានកិត្យានុភាព បាននិងកំពុងបានក្លាយជា “ស្ពានតភ្ជាប់” ដ៏សំខាន់រវាងបក្ស និងរដ្ឋអំណាច ព្រមទាំងប្រជាជន។ ដោយខ្លួនជាអ្នកមានកិត្យានុភាព និងភាពជាគំរូផងនោះ ពួកគាត់បានរួមចំណែកយ់ាងសំខាន់ក្នុងការពង្រីក សាយភាយនូវស្មារតីសាមគ្គី និងចលនាជនរួមជាតិ Khmer សកម្មចូលរួមប្រឡងប្រណាំង និងអភិវឌ្ឍន៍សេដ្ឋកិច្ច និងរក្សាអត្តសញ្ញាណវប្បធម៌ជាតិ។

ប្រជាជននៅឃុំ Hưng Hội ថែទាំផ្កាលម្អដើម្បីបង្កើតរូបរាងជនបទថ្មីឱ្យកាន់តែមានភាពស្រស់ស្អាត។

ឃុំ Hưng Hội បានបង្កើតឡើងលើមូលដ្ឋាននៃការរួមបញ្ចូលរវាងឃុំទាំង ២ គឺឃុំ Hưng Hội និងឃុំ Hưng Thành។ បណ្ដាឆ្នាំកន្លង សេដ្ឋកិច្ច-សង្គមរបស់ឃុំហ៊ឹងហូយមានការកចម្រើនគ្រប់វិស័យ ទាំងស្មារតីសម្ភាៈនិងការរស់នៅរបស់ប្រជាជនក៏មានការអភិវឌ្ឍន៍មិនឈប់ឈរផងដែរ។ ចំណែកខាងប្រភពប្រាក់ចំណូលមធ្យមសម្រាប់មនុស្សម្នាក់ៗសម្រេចបានចាប់ពី ៧៨ លានដុង។ អត្រាគ្រួសារក្រនូវត្រឹម ០,៣៧% និងគ្រួសារប្រកៀកបន្ទាត់ក្រនូវត្រឹម ១,៥៣%...។ លទ្ធផលទាំងនោះ ក៏មានការចូលរួមវិភាគទានដ៏ស្ងៀមស្ងាត់របស់កងជួរអ្នកមានកិត្យានុភាព ដែលសុទ្ធសឹងជាស្នូលផ្សារភ្ជាប់និងសហគម។

គណៈប្រចាំការនៃក្លឹប “៣សកម្មក្នុងជនរួមជាតិ Khmer” ប្រជុំតាមពេលកំណត់។

ដែលលេចធ្លោជាងគេសម្រាប់ការចូលរួមវិភាគទាននេះគឺជាក្លិប “៣សកម្មក្នុងជនរួមជាតិខ្មែរ”។ នេះជាទម្រង់រូបភាពប្រមូលផ្តុំអ្នកមានកិត្យានុភាពទាំងឡាយ សាមគ្គី ប្តេជ្ញាចិត្តចំពោះសហគម។ ត្រូវបានបង្កើតកាលពីឆ្នាំ ២០១៤ ដោយមានសមាជិកទាំងអស់ចំនួន ២៥នាក់ ដែលធ្វើសកម្មភាពអស់រយៈពេលជាង ១០ ឆ្នាំកន្លងមកហើយ មកដល់សព្វថ្ងៃ ក្លិបមានសមាជិក ប្រមាណជិត ៦០ នាក់ដែលសុទ្ធសឹងជាអ្នកមានកិត្យានុភាព និងអ្នកមុខអ្នកការនៅតាមបណ្តាវត្ត Khmer ព្រមទាំងបងប្អូនប្រជាជននៅតាមបណ្តាភូមិទូទាំងឃុំផងដែរ។ សមាជិកម្នាក់ៗក្នុងក្លឹបតែងសកម្មក្នុងរាល់កិច្ចការងារ រួមជាមួយរដ្ឋអំណាចភូមិភាគ និងបងប្អូនជនរួមជាតិលើភូមិសាស្ត្ររក្សាការពារសន្តិសុខ និងសណ្តាប់ធ្នាប់ជាប់ជាប្រចាំ ញាំងឱ្យឃុំ Hưng Hội ក្លាយជាចំណុចដ៏ភ្លឺស្វាងក្នុងការចលនាទូទាំងប្រជាជនការពារសន្ដិសុខប្រទេសជាតិ។

ជីវភាពរស់នៅរបស់ប្រជាជនឃុំ Hưng Hội កាន់តែមានភាពរីកចម្រើនឡើង ក្នុងនោះក៏មានការរួមកម្លាំងដ៏ស្ងៀមស្ងាត់របស់កងជួរអ្នកមានកិត្យានុភាពផងដែរ។

លោក Thạch Son ប្រធានក្លឹបបានចែករំលែកថា៖ “យើងខ្ញុំប្រមូលផ្តុំអនុវត្តចំនួន ៣ ភារកិច្ចសំខាន់ៗ (៣សកម្ម) រួមមាន៖ សកម្មឃោសនាផ្សព្វផ្សាយ និងចលនាប្រជាជនអនុវត្តល្អគោលការណ៍ណែនាំ និងគោលមាគ៌ារបស់បក្ស ក្រឹត្តច្បាប់របស់រដ្ឋ។ សកម្មក្នុងការរក្សា និងពង្រីក អត្តសញ្ញាណវប្បធម៌ជាតិ សកម្មក្នុងការជួយគ្នាដើម្បីស្វែងរកការងារធ្វើ លំនឹងជីវភាពរស់នៅ និងព្រួតដៃគ្នាកសាងជនបទថ្មី។ ផ្តើមពីនោះមិនត្រឹមតែរួមចំណែកក្នុងការកាត់បន្ថយករណីបំពានច្បាប់ក្នុងសហគមឡើយ ថែមទាំងជំរុញស្មារតីជួយគ្នាទៅវិញទៅមក សាមគ្គីរួមគ្នាពង្រីកសេដ្ឋកិច្ច និងកាត់បន្ថយក្រចីរភាពក្នុងជនរួមជាតិទៀតផង”។

ឃុំ Hưng Hội មាន ៣០% នៃចំនួនប្រជាជន Khmer។

“អាស្រ័យការរួមដំណើរការជាមួយបណ្តាអ្នកមានកិត្យានុភាព ទើបតម្លៃនៃលក្ខណៈវប្បធម៌ខ្មែរទទួលបានការអភិរក្ស បណ្ដាទម្រង់រូបភាពផលិត និងជួញដូរអាជីវកម្មផ្សេងៗក៏រត្រូវបានពង្រីកយ៉ាងទូលំទូលាយ ក្តីជំនឿរបស់បងប្អូនជនរួមជាតិខ្មែរទៅលើបក្ស និងរដ្ឋតែងបានលំ នឹងល្អ”​ លោក Đặng Văn Bắc ប្រធានគណៈកម្មាធិការរណសិរ្សមាតុភូមិ Việt Nam ឃុំ Hưng Hội បានអះអាងបែបនេះ។

មុខមាត់នៃតំបន់ឃុំ Hưng Hội មួយថ្ងៃកាន់តែមានសម្រស់ស្រស់ស្អាត ក្នុងនោះក៏មានការចូលរួមដ៏ស្ងៀមស្ងាត់របស់កងជួរអ្នកមានកិត្យានុភាពផងដែរ។

ជាក់ស្តែងសឱ្យឃើញថា អ្នកមានកិត្យានុភាព មិនបញ្ឈប់ត្រឹមការផ្សព្វផ្សាយនោះទេ ថែមទាំងបានចូលរួមពិនិត្យតាមដានកិច្ចការសហគមទៀតផង រួមមតិកសាងគោលនយោបាយ រក្សាលំនឹងសន្តិសុខ និងសណ្តាប់ធ្នាប់ ព្រមទាំងពង្រឹងស្មារតីសាមគ្គីរវាងបណ្ដាជនជាតិជាបងប្អូន ក្នុងដំណើរការនៃសមាហរណកម្ម ទំនើបភាវូបនីយកម្មជនបទ។ បណ្ដាអ្នកមានកិត្យានុភាពទាំងឡាយកាន់តែបង្ហាញច្បាស់ពីតួនាទីរបស់ខ្លួន ពួកគាត់សុទ្ធសឹងជា “អ្នកនាំផ្លូវ” ជាទីបង្អែកសម្រាប់ខាងស្មារតី ជាកត្តាដ៍សំខាន់ក្នុងការកសាងផែនមហាសាមគ្គីទូទាំងជនជាតិ កត្តាសម្រេចជោគជ័យនៃបុព្វហេតុកសាង និងការពារប្រទេសជាតិ មាតុភូមិ៕

Huyền Trang