ឆ្លើយតបក្តីបំណងប្រាថ្នារបស់បងប្អូនជនរួមជាតិ

ប៉ុន្មានឆ្នាំកន្លង រួមជាមួយការគិតគូរដល់ជីវភាពរស់នៅជូនបងប្អូនជនរួមជាតិខ្មែរ គ្រប់បណ្តាគណផ្នែកទូទាំងខេត្តតែងយកចិត្តទុកដាក់យ៉ាងពិសេសចំពោះសកម្មភាពនៃការអភិរក្សនិងពង្រីកអត្តសញ្ញាណវប្បធម៌ដ៏ថ្លៃថ្នូររបស់ជនរួមជាតិខ្មែរ ក្នុងនោះមានការវិនិយោគកសាង និងកែជួស ជុលវត្តអារាម សាលាទាន ដើម្បីឆ្លើយតបតាមក្តីបំណងប្រាថ្នារបស់បងប្អូនមាមីងខ្មែរមានទី កន្លែង សមរម្យសម្រាប់ចាត់តាំងរាល់សកម្មភាពជំនឿសាសនា។

ផ្តើមពីកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គមតំបន់ជនជាតិ ភាគតិច និងតំបន់ភ្នំតំណាក់កាល១ ឆ្នាំ២០២១-២០២៥ ហៅកាត់ថាកម្មវិធី។ គ្រប់បណ្តាស្ថាប័ននិងភូមិភាគទូទាំងខេត្ត បាននិងកំពុងបានអនុវត្តមានប្រសិទ្ធភាពបណ្តាខ្លឹមសារ ឧបត្ថម្ភ និងប្រភពធនធានផ្តើមពីកម្មវិធីសម្រាប់ខាងការអភិរក្សនិងពង្រីកអត្តសញ្ញាណវប្បធម៌ប្រពៃណីដ៏ល្អផូរផង់របស់ជន រួមជាតិភាគតិចលើភូមិសាស្ត្រ។

ស្របឱកាសនោះ ផ្តើមពីប្រភពថវិកាផ្តល់ជូនមានជិត២ពាន់លានដុង មន្ទីរវប្បធម៌ កីឡានិងទេសចរណ៍ក៏បានអនុវត្តការកែជួសជុល និងវិសិដ្ឋកម្ម ផ្លូវ ខ្លោងទ្វារនិងរបងចូលវត្តដូវណាយស្ថិតនៅឃុំតឹងឡុកបាក់ ស្រុកធើយប៊ិញ ព្រមទាំងកសាង សមណៈកុដិថ្មីនៅវត្តតាមហ៊ីប ឃុំត្រឹងហឺយ ស្រុកត្រឹងវុំាងថើយ។

ក្រៅពីការកែជួសជុល វិសិដ្ឋកម្មផ្លូវចូលនិងសាងល្បង ខ្លោងទ្វារនៅវត្តដូវណាយ ឃុំតឹងឡុក បាក់ ស្រុកធើយប៊ិញ គឺគណៈកម្មការវត្តថែមទាំងចលនាប្រភពថវិកាបន្ថែមសម្រាប់កសាងព្រះវិហារទៀតផង។

លោកឡឹមហ៊ឺវហ៊ីប ប្រធានគណៈកម្មការវត្តដូវណាយ ឲ្យដឹង៖ “ខណៈដែលវត្តបានធ្វើវិសោធកម្មនិងកែជួសជុលបណ្តាសមិទ្ធផល ផ្សេងៗ គ្រប់បណ្តាសមាជិកនៃគណកម្មការវត្តក៏ដូចជាមាមីងបងប្អូន   ប្រជាពុទ្ធបរិស័ទទាំងឡាយពិតជាមានក្តីសប្បាយរីករាយយ៉ាងពន់ពេក            ណាស់។ ពីព្រោះថា ក្នុងជីវភាពវប្បធម៌ និងស្មារតីរបស់បងប្អូនជនរួមជាតិខ្មែរគឺចាត់ទុកវត្ត អារាម និងសាលាទានជាទីតាំងដ៏សំខាន់ខ្លាំងណាស់សម្រាប់សកម្មភាពសហគម។ មាមីងបងប្អូនខ្មែរមកជួបជុំរាល់បណ្តា ពិធីបុណ្យទានធំៗរបស់ខ្លួនដើម្បីចូលរួមបណ្តាពីធីបុណ្យទានផ្សេងៗ សកម្មភាពខាងកីឡា ដោះដូរវប្បធម៌ សិល្បៈ។ល។ នេះគឺជាឱកាស            សម្រាប់រឹតចំណងសាមគ្គី ចែករំលែកបទពិដោធក្នុងការផលិត ព្រមទាំងអប់រំកូនចៅរស់នៅល្អជាតិ ល្អសាសនា”។

ក្រៅពីនោះ ផ្តើមពីប្រភពទុនរបស់កម្មវិធី ក៏បានវិនិយោគឧបត្ថម្ភសម្ភារៈខាងវប្បធម៌សម្រាប់សាលាទានទាំង១០និង អាគារវប្បធម៌របស់៦៥ភូមិ អនុសង្កាត់ដែលជួបលំបាកខ្លាំង។ ពិសេស ដើម្បីជនរួមជាតិមានទីកន្លែងបន្ថែមសម្រាប់សកម្មភាពវប្បធម៌នាឱកាសបុណ្យទានផ្សេងៗ ព្រមទាំងបុណ្យចូលឆ្នាំថ្មីប្រពៃណីជាតិជាដើម កាលពីដើមខែមករាឆ្នាំនេះ គណៈ            ជនជាតិខេត្តបានចាត់តាំងផ្តើមកសាងសាលាទានថ្មីបន្ថែមទៀតនៅភូមិលេខ៦ ឃុំខាញ់ហ្វា ស្រុកអ៊ូមិញ និងសាលាទាន ឃុំខាញ់ធ្វឹង ស្រុកដឹមយើយ រាល់សាលាទាននិមួយៗសុបថវិកាកសាងអស់ជាង២ពាន់លានដុង។ គិតមកទល់សព្វថ្ងៃ សំណង់ទាំង២នេះក៏កំពុងដំណើរការសាងសង់សម្រេចបានប្រមាណ៥០%ផងដែរហើយ។

សាលាទាននៅភូមិលេខ៦ ឃុំខាញ់ឡឹម ស្រុកអ៊ូមិញក៏ទើបបានកសាងរបងថ្មី។

សប្បាយរីករាយខណៈដែលគិតដល់ការមានសាលាទានថ្មី មាមីងបងប្អូនខ្មែរមានទីកន្លែងសម្រាប់សកម្មភាពសហគម ជួបជុំជាដើម។ លោកយ័ញហ្វាយរៀម ប្រធានគណៈកម្មការសាលាទានភូមិលេខ៦ ឃុំខាញ់ហ្វា មានប្រសាសន៍៖ “សាលាទាននេះបានដាក់ឲ្យប្រើប្រាស់រយៈកាលយូរណាស់ដែរ ហើយក៏មានការខូចខាតច្រើន មាមីងបងប្អូនតែងមានបំណង ចង់បានសាលាទានថ្មី ហើយសព្វថ្ងៃក្តីបំណងក៏ក្លាយជាការពិត។ សំណង់ត្រូវបានផ្តើមកសាងកាលពីថ្ងៃទី៩មករា មានអត្ថ            ន័យយ៉ាងសំខាន់ផ្នែកខាងស្មារតី ឆ្លើយតបតកាតទន្ទឹងរង់ចាំអស់រយៈកាលដ៏យូរអង្វែងរបស់បងប្អូនខ្មែរទូទាំងភូមិលេខ៦។ មានសាលាទាន នាឱកាសបុណ្យទានសំខាន់ៗដូចជាបុណ្យចូលឆ្នាំខ្មែរ សែនដូនតា គ្រួសារខ្ញុំ ព្រមទាំងគ្រួសារខ្មែរដទៃឯទៀតក្នុងតំបន់តែងមកជួបជុំដើម្បីរៀបចំពិធីកិច្ចផ្សេងៗតាមប្រពៃណី ព្រមទាំងមានចាត់តាំងសកម្មភាពកម្សាន្តសប្បាយជាមួយល្បែងប្រជាប្រិយទៀតផងដើម្បីបង្កើនចំណងសាមគ្គីរវាងគ្នានិងគ្នា”។

ដូច្នេះ គិតមកទល់សព្វថ្ងៃ លើភូមិសាស្ត្រខេត្តសរុបទាំងអស់មាន        វត្តខ្មែរ៦ និង១១សាលាទាន ជួយឲ្យបងប្អូនជនរួមជាតិខ្មែរមានទីតាំងសម្រាប់ចាត់តាំងសកម្មភាពកម្សាន្តសប្បាយនិងជួបជុំ ប្រារព្ធធ្វើបុណ្យទានផ្សេងៗ។ ផ្តើមពីនោះក៏កាន់តែមានភាពជឿជាក់លើការដឹកនាំរបស់បក្សនិងរដ្ឋ ព្រួតដៃគ្នារក្សាលំនឹងនយោបាយ សន្តិសុខនិងសណ្តាប់ធ្នាប់សង្គម នៅភូមិភាគទៀតផង៕

អត្ថបទនិងរូបថត៖ គ្វីញអាញ