ពង្រីកប្រពៃណីសាមគ្គីក្នុងសហគមន៍ជនជាតិ Hoa

ស្មារតីសាមគ្គី និងជួយគ្នាទៅវិញទៅមកក្នុងសហគមន៍ជនជាតិ Hoa ជាប្រពៃណីដ៏យូរលង់ណាស់មកហើយ បានក្លាយជាលក្ខណៈប្រពៃដ៏ល្អស្អាតផងដែរ។ នេះត្រូវបានបង្ហាញយ៉ាងច្បាស់ថែមទៀតដោយយោងតាមការជាក់ស្តែងថា គ្រប់ទីកន្លែងដែលមានសហគមន៍ជនជាតិ Hoa រស់នៅតែងមានទីសក្ការៈបូជាដូនតាបុព្វការីជន (ទីសក្ការៈបូជាគ្រួសារ) ដើម្បីថែរក្សាវប្បធម៌របស់ពួកគេ ព្រមទាំងពង្រីកប្រពៃណីសាមគ្គីនេះ។

សហគមន៍ជនជាតិ Hoa រៀបចំពិធីបួងសួងសុំសុខសន្តិភាព និងវិបុលភាពជាតិនៅសមាគមជនជាតិ Hoa Triều Châu  នៅវត្ត Bang សង្កាត់ Bạc Liêu។

សម្រាប់សហគមន៍ជនជាតិ Hoa នៅតំបន់ណាមបូ និងសហគមន៍ Hoa នៅ Cà Mau សមាគម និងទីសក្ការៈបូជាគ្រួសារត្រូវបានបង្កើតឡើងតាំងពីដំបូង។ សមាគមភាគច្រើនត្រូវបានបង្កើតឡើងនៅតាមវត្តអារាម និងទីសក្ការៈបូជា បានក្លាយជាមជ្ឈមណ្ឌលវប្បធម៌សម្រាប់សហគមន៍ទៀតផង។ ក្នុងនោះ អ្នកមានកិត្យានុភាពបំផុតនឹងត្រូវបានសហគមន៍ជ្រើសរើសដោយផ្ទាល់។ ប្រសិនបើសម័យអាណានិគមបារាំងត្រួត សមាគមទាំងនោះមានតួនាទីជាអ្នកពិគ្រោះដោយផ្ទាល់ជាមួយរដ្ឋអំណាចភូមិភាគក្នុងការដោះស្រាយបញ្ហារដ្ឋបាល ចាប់ពីឆ្នាំ ១៩៧៥ រហូតមកដល់បច្ចុប្បន្ន រាល់សមាគមត្រឹមតែមានតួនាទីជាអ្នកផ្សារភ្ជាប់ជាមួយសហគមន៍ ប្រមូលផ្តុំការអភិរក្សវប្បធម៌ និងកិច្ចការងារសប្បុរសធម៌សង្គម។

លោក Ngô Vũ Đại អនុប្រធានសមាគមជនជាតិ Hoa Triều Châu នៅសង្កាត់ Bạc Liêu បានមានប្រសាសន៍ថា៖ “ជាមួយនឹងការថែរក្សាវប្បធម៌ប្រពៃណី សមាគម និងទីកន្លែងគោរពបូជារបស់សហគមន៍ជនជាតិ Hoa បានរួមចំណែកថវិការាប់សិបពាន់លានដុងដល់ការងារសុខុមាលភាពសង្គម មានដូចជាការសាងសង់ផ្ទះសប្បុរសធម៌ ឧបត្ថម្ភអ្នកជំងឺក្រីក្រ និងជូនអង្កររាប់រយតោន រួមទាំងអំណោយផ្សេងៗទៀតសម្រាប់អ្នកក្រក្នុងឱកាសបុណ្យទានផ្សេងៗជាដើម។

រួមជាមួយនឹងអង្គការភ្ជាប់ទំនាក់ទំនងរវាងសហគមន៍ និងគ្រួសារពូជពង្សវង្សត្រកូលបានរៀបចំសកម្មភាពជាប្រចាំ ដូចជាកសាងទីសក្ការៈបូជាដូនតា វង្សត្រកូលដើម្បីចាត់តាំងសែនថ្វាយដួងវិញ្ញណក្ខន្ធរបស់បុព្វការីជន និងអប់រំ ថែរក្សាវប្បធម៌ប្រពៃណី ជួយគ្នាទៅវិញទៅមកក្នុងការផលិត និងជួញដូរ ព្រមទាំងឧបត្ថម្ភ មាជិកគ្នាទៅវិញទៅមក ដូចជាត្រកូលគ្រួសារត្រឹន ត្រកូល Dương និងត្រកូល Trương ជាដើម។

លោក Ngô Vũ Thăng អនុប្រធានគណៈកម្មាធិការប្រជាជនខេត្ត Cà Mau ជូនអំណោយបុណ្យតេតង្វៀនទីវដល់តំណាងក្រុមប្រឹក្សាភិបាលនៃគណៈកម្មការវត្ត និងទីសក្ការៈបូជារបស់សហគមន៍ Hoa នៅ Cà Mau  (សង្កាត់ Bạc Liêu)

លោក Dương Gia Lộc សមាជិកម្នាក់នៃត្រកូល Dương នៅសង្កាត់ Bạc Liêu បានឱ្យដឹង៖ “សម្រាប់សហគមន៍ជនជាតិ Hoa អ្នកដែលមកពីត្រកូលដូចគ្នាត្រូវបានចាត់ទុកជាបងប្អូនប្រុសស្រីក្នុងសង្គមគ្រួសារដើម្បីងាយស្រួលខាងការកំណត់ថាអ្នកណាតូច អ្នកណាធំ។ ជារៀងរាល់ឆ្នាំ ត្រកូល Dương បានប្រារព្ធពិធីគោរពបូជាបុព្វបុរសពីរដង គឺនៅឱកាសបុណ្យនិទាឃរដូវ និងពិធីបុណ្យថ្វាយប្រចាំឆ្នាំ តែងជួយគ្នាទៅវិញទៅមកជាប្រចាំក្នុងការរស់នៅ និងថែរក្សាប្រពៃណីវប្បធម៌របស់ត្រកូលគ្រួសារ។ អាស្រ័យការផ្សារភ្ជាប់ និងតែងខិតខំអភិរក្ស និងកត់ត្រាវប្បធម៌ជាបន្តបន្ទាប់ ទើបរហូតមកទល់ពេលនេះ មនុស្សជាច្រើន នៅពេលត្រឡប់មកស្រុកកំណើតខ្លួនវិញ នៅតែអាចស្វែងរកសាច់ញាតិរបស់ពួកគេតាមរយៈកំណត់ត្រា និងប្រវត្តិដែលរក្សាទុកពីផ្ទះដូនតារបស់ត្រកូល”។

ប្រការដែលគួរឱ្យកត់សម្គាល់ទៀតនោះគឺ តាមរយៈការឧបត្ថម្ភគ្នាទៅវិញទៅមកក្នុងសមាគម និងត្រកូលគ្រួសារ ព្រមទាំងការអប់រំ ចំនួនគ្រួសារក្រីក្រ និងប្រកៀកបន្ទាត់ក្រជាច្រើនបានថយចុះជារៀងរាល់ឆ្នាំ។ ជាពិសេស សព្វថ្ងៃមានអាជីវករ និងអ្នកនយោបាយជាច្រើនដែលជំនាញខាងវិស័យសេដ្ឋកិច្ចជាច្រើននៅតំបន់ណាមបូដែលមានដើមកំណើតជាជនជាតិ Hoa។

អាចនិយាយបានថា សមាគម និងត្រកូលនានាក្នុងសហគមន៍ជនជាតិ Hoa មានតួនាទីយ៉ាងសំខាន់ខ្លាំងណាស់ក្នុងការអភិរក្ស និងលើកកម្ពស់វប្បធម៌ប្រពៃណី។ ការរួបរួមគ្នានេះបង្កើតបានជាប្រភពកម្លាំងក្នុងការកសាងផែនមហាសាមគ្គីទូទាំងជនជាតិ និងការប្រឡងប្រណាំង កសាងមាតុភូមិស្រស់ស្អាត និងសម្បូរដ៏រុងរឿង៕

Lâm Hy

Gia Lộc