អភិរក្សវប្បធម៌ Khmer ផ្សារភ្ជាប់ជាមួយនឹងសេចក្តីសម្រេចលេខ ៨០

នៅ Cà Mau ការអភិរក្សវប្បធម៌ Khmer ដែលផ្សារភ្ជាប់ជាមួយសេចក្តីសម្រេចលេខ ៨០/NQ-CP (ស្តីពីទិសដៅអភិវឌ្ឍន៍សេដ្ឋកិច្ច-សង្គមនៃតំបន់ដីសណ្តទន្លេមេគង្គ) កំពុងត្រូវបានអនុវត្តយ៉ាងសកម្ម ដើម្បីធានាវប្បធម៌មិនត្រឹមតែបម្រើជាមូលដ្ឋានគ្រឹះខាងវិញ្ញាណប៉ុណ្ណោះទេ ប៉ុន្តែក៏ជា "បង្អែក" សម្រាប់ការអភិវឌ្ឍប្រកបដោយចីរភាពផងដែរ។

ទំនៀមគោរពបូជា និងសកម្មភាពវប្បធម៌នៅតាមវត្ត Khmer ទាំងឡាយតែងបានរក្សាយ៉ាងខ្ជាប់ខ្ជួនផងដែរ។

ជនរួមជាតិ Khmer ខេត្ត Cà Mau គឺជាសហគមន៍ជនជាតិភាគតិចមួយក្នុងចំណោមសហគមន៍ជនជាតិដែលមានប្រវត្តិសាស្ត្រដ៏យូរអង្វែង និងសម្បូរបែប រួមចំណែកដល់ភាពចម្រុះខាងវិស័យវប្បធម៌នៃតំបន់ដីសណ្តទន្លេមេគង្គ។ តម្លៃវប្បធម៌ប្រពៃណីមានដូចជាពិធីបុណ្យ (បុណ្យចូលឆ្នាំថ្មី បុណ្យអកអំបុក) សិល្បៈរបាំ តន្ត្រីពិណពាទ្យ ស្ថាបត្យកម្មវត្ត Khmer ជាដើម មិនត្រឹមតែមានសារៈសំខាន់ខាងវិញ្ញាណប៉ុណ្ណោះទេ ថែមទាំងបានឆ្លុះបញ្ចាំងពីអត្តសញ្ញាណដ៏សម្បូរបែប និងស្មារតីជំនឿរបស់សហគមន៍ទៀតផង។ ទោះជាយ៉ាងណាក៏ដោយ ដោយសារតែផលប៉ះពាល់នៃទីផ្សារភាវូបនីយកម្ម ការធ្វើសមាហរណកម្ម និងការផ្លាស់ប្តូររបៀបរស់នៅ តម្លៃវប្បធម៌ខ្មែរជាច្រើនកំពុងប្រឈមមុខនឹងហានិភ័យនៃការសាបសូនផងដែរ។

លោកស្រី Nguyễn Thu Tư នាយិកានៃមន្ទីរជនជាតិ និងសាសនា បានឱ្យដឹង៖ សេចក្តីសម្រេចលេខ ៨០ របស់ក្រសួងនយោបាយ បានកំណត់យ៉ាងច្បាស់អំពីតួនាទីរបស់វប្បធម៌ថាជា "អ្នកដឹកនាំបង្ហាញផ្លូវ" សម្រាប់ការអភិវឌ្ឍ។ ស្មារតីជាស្នូលនៃសេចក្តីសម្រេចនេះគឺដើម្បីបញ្ចូលវប្បធម៌ទៅក្នុងគ្រប់ទិដ្ឋភាពនៃជីវិតសង្គម ចាប់ពីការអប់រំ និងគ្រួសាររហូតដល់ការគ្រប់គ្រងរដ្ឋ ដោយហេតុនេះបង្កើតជាមូលដ្ឋានគ្រឹះសម្រាប់ការអភិវឌ្ឍប្រកបដោយចីរភាព។ ជាពិសេស សេចក្តីសម្រេចនេះក៏តម្រូវឱ្យមានតុល្យភាពរវាងការអភិរក្ស និងការអភិវឌ្ឍ ដោយសង្កត់ធ្ងន់លើការអភិរក្សតម្លៃប្រពៃណី ខណៈពេលដែលសម្របខ្លួនទៅ នឹងជីវិតសម័យទំនើប និងភ្ជាប់ជាមួយការអភិវឌ្ឍសេដ្ឋកិច្ច និងទេសចរណ៍។

អនុវត្តសេចក្តីសម្រេចលេខ ៨០ ខេត្ត Cà Mau បានអនុវត្តដំណោះស្រាយជាក់ស្តែងជាច្រើនដើម្បីអភិរក្សវប្បធម៌ Khmer។ ដំបូងបង្អស់ និងសំខាន់បំផុត គឺការអភិរក្សបេតិកភណ្ឌត្រូវបានផ្តល់អាទិភាពតាមរយៈការស្តារ និងជួសជុលកែលម្អបត្តអារាម Khmer ទាំងឡាយ ការថែរក្សាពិធីបុណ្យប្រពៃណី និងការលើកទឹកចិត្តដល់ការចូលរួមរបស់សហគមន៍ក្នុងការអភិរក្សអត្តសញ្ញាណវប្បធម៌។ សិប្បករ និងអ្នកមានកិត្យានុភាពក្នុងសហគមន៍ត្រូវបានផ្តល់ឱកាសឱ្យបង្រៀនសិល្បៈប្រជាប្រិយដល់យុវជនជំនាន់ក្រោយ។ ទន្ទឹមនិងនោះ រួមបញ្ចូលវប្បធម៌ទៅក្នុងជីវិតប្រចាំថ្ងៃត្រូវបានបង្ហាញតាមរយៈសកម្មភាពសហគមន៍ និងក្លឹបវប្បធម៌ រួមចំណែកដល់ការផ្សព្វផ្សាយពីតម្លៃប្រពៃណីក្នុងជីវិតសម័យទំនើបទៀតផង។

ទិសដៅសំខាន់មួយទៀតគឺការផ្សារភ្ជាប់វប្បធម៌ Khmer ជាមួយនឹងការអភិវឌ្ឍទេសចរណ៍។ ផលិតផលទេសចរណ៍វប្បធម៌ និងស្មារតី ការពិសោធន៍ក្នុងរាល់បណ្តាពិធីបុណ្យ និងម្ហូប Khmer កំពុងត្រូវបានស្តារឡើងវិញជាសន្សឹមៗ បង្កើតជីវភាពរស់នៅសម្រាប់ប្រជាជន រួមចំណែកលើកកម្ពស់អត្តសញ្ញាណនៅភូមិ ភាគ។

ប្ងូនៗសិស្សវិទ្យាល័យជនជាតិអន្តេវាសិកកាម៉ាវតែងបានចូលរួមសកម្មភាពវប្បធម៌ Khmer ទាំងក្រៅម៉ោងរៀនដើម្បីពូនផ្តុំនូវក្តីស្រឡាញ់ចំពោះតម្លៃរបស់ជាតិខ្លួន។

លោកស្រី Nguyễn Thu Tư នាយិកានៃមន្ទីរជនជាតិ និងសាសនា បានសង្កត់ធ្ងន់ថា៖ “ការអភិរក្សវប្បធម៌ Khmer នៅ Cà Mau នៅតែប្រឈមមុខនឹងការលំបាកជាច្រើនដូចជា ធនធានមានកម្រិត ហានិភ័យនៃការធ្វើពាណិជ្ជកម្មពិធីបុណ្យ និងភាពព្រងើយកន្តើយរបស់យុវជនមួយចំនួនផងដែរ។ ដើម្បីជំនះបញ្ហាទាំងនេះ យើងខ្ញុំត្រូវបន្តបង្កើនការយល់ដឹងរបស់សហគមន៍អំពីតម្លៃនៃវប្បធម៌ប្រពៃណី បង្កើនការវិនិយោគលើសកម្មភាពវប្បធម៌មូលដ្ឋាន។ ក្នុងពេលជាមួយគ្នានេះ យើងត្រូវលើកកម្ពស់ការអនុវត្តបច្ចេកវិទ្យាឌីជីថលក្នុងការអភិរក្ស និងលើកកម្ពស់បេតិកភណ្ឌ ទន្ទឹមនិងនោះ យើងត្រូវបណ្តុះបណ្តាលប្រភពធនធានមនុស្សដែលយល់បានច្បាស់អំពីវប្បធម៌ជនជាតិ”។

ការអភិរក្សវប្បធម៌ Khmer នៅ Cà Mau មិនត្រឹមតែជាភារកិច្ចនៃការការពារអត្តសញ្ញាណជនជាតិប៉ុណ្ណោះទេ ថែមទាំងជាកម្លាំងចលករសម្រាប់ការអភិវឌ្ឍសេដ្ឋកិច្ច-សង្គមទៀតផង។ នៅពេលដែលបានដាក់បញ្ចូលទៅក្នុងក្របខ័ណ្ឌនៃសេចក្តីសម្រេចលេខ ៨០ ការងារនេះទទួលបានទិសដៅច្បាស់លាស់ និងឥទ្ធិពលកាន់តែខ្លាំង រួមចំណែកដល់ការពង្រឹងអត្តសញ្ញាណវប្បធម៌ Việt Nam ​ខឿនវប្បធម៌នៃការឯកភាពក្នុងភាពចម្រុះ និងនិរន្តរភាពក្នុងការអភិវឌ្ឍស្ថិរភាព៕

Lâm Khánh