អភិរក្សនិងពង្រីកអត្តសញ្ញាណវប្បធម៌ Khmer

ការអភិរក្សនិងពង្រីកអត្តសញ្ញាណវប្បធម៌ Khmer គឺជាសារៈដ៏សំខាន់មួយក្នុងយុគសម័យទំនើបនៃពេលបច្ចុវប្បន្ននេះផងដែរ ។

ព្រះឧបជ្ឈាយ៍ Tăng Sa Vong ព្រះចៅអធិការវត្តខ្វែងបបែលចាស់ (Cái Giá Chót) ផ្តល់អំណោយលើកទឹកចិត្តដល់សិស្សជាកូន Khmer ដើម្បីបន្តការសិក្សារៀនសូត្រ។

ដោយយល់ច្បាស់ពីបញ្ហានេះ រយៈពេលកន្លង ផ្នែកវិទ្យាសាស្ត្រសង្គមនៃមហាវិទ្យាល័យ Bạc Liêu បានបន្តសកម្មភាពចាត់តាំងឱ្យសិស្សនិស្សិតបានចូលរួមពិសោធន៍ជាក់ស្តែងជាប្រចាំនៅវត្តខ្វែងបបែលចាស់ (Cái Giá Chót) ឃុំ Hưng Hội ក្នុងរាល់បណ្តាពិធីបុណ្យទានប្រពៃណី Khmer។

ក្នុងឱកាសបុណ្យចូលឆ្នាំថ្មីកន្លងហើយនេះ មានសិស្សនិស្សិតជាច្រើនបាននាំគ្នាចូលវត្តដើម្បីប្រសិទ្ធពរប្រសិទ្ធពរឆ្នាំថ្មីប្រគេនដល់ព្រះឧបជ្ឈាយ៍ ព្រះតេជគុណ ព្រះចៅអធិការ និងព្រះសង្ឃ ព្រមទាំងចូលរួមដោយផ្ទាល់ និងសិក្សាស្វែងយល់អំពីលក្ខណៈវប្បធម៌ដ៏ពិសេសរបស់ក្រុសហគមន៍ជនជាតិ Khmer។ ក្រៅពីដំណើរកម្សាន្តជាក់ស្តែង សកម្មភាពនេះក៏មានតម្លៃអប់រំយ៉ាងជ្រាលជ្រៅផងដែរ ដោយសារសិស្សនិស្សិតទាំងឡាយមានឱកាសបានស្លៀកសំលៀកបំពាក់ប្រពៃណី ចូលរួមក្នុងបណ្តាពិធីផ្សេងៗ ដោយហេតុនេះទទួលបានការយល់ដឹងកាន់តែស៊ីជម្រៅអំពីជីវិតខាងវិញ្ញាណ និងជំនឿរបស់បងប្អូនជនរួមជាតិ Khmer ទៀតផង។

និស្សិត Trương Minh Thành បានចែករំលែកថា៖ “ការពិសោធលើកនេះបានជួយប្អូនៗយល់ដឹងកាន់តែច្បាស់ថែមទៀតពីលក្ខណៈវប្បធម៌ជំនឿសាសនា ជាពិសេសអត្ថន័យបុណ្យចូលឆ្នាំថ្មីប្រពៃណី Khmer ផ្តើមពីនោះក៏បង្កើតឱកាសដើម្បីសិក្សារៀនសូត្រជាក់ស្តែងសម្រាប់ផ្នែកសិក្សារបស់ប្អូនៗរៀងៗខ្លួនផងដែរ”។

យោងតាមបណ្ឌិត Trương Thu Trang ប្រធានផ្នែកវិទ្យាសាស្ត្រសង្គមនៃមហាវិទ្យាល័យ Bạc Liêu ការចាត់តាំងសម្រាប់សិស្សនិស្សិតបានចូលរូមពិសោធន៍ខាងវប្បធម៌ជនជាតិ គឺជាសកម្មភាពប្រចាំឆ្នាំ ដែលស្របនឹងការតម្រង់ទិសបណ្តុះបណ្តាលរបស់មហាវិទ្យាល័យក្នុងវិស័យវប្បធម៌ និងទេសចរណ៍។ តាមរយៈសកម្មភាពនៅតាមវត្តអារាម និស្សិតទាំងឡាយមិនត្រឹមតែបានសិក្សាស្វែងយល់ពីបុណ្យទានប្រពៃណីប៉ុណ្ណោះទេ ថែមទាំងស្តាប់ការបង្រៀនអំពីសីលធម៌ទៀតផង ដោយហេតុនេះលើកកម្ពស់ស្មារតី «ផឹកទឹកនឹកប្រភព» គោរពគ្រូ និងមនុស្សចាស់ និងការយល់ដឹងអំពីការរក្សាតម្លៃវប្បធម៌ជាតិ។

និស្សិតផ្នែកបច្ចេកវិទ្យាសង្គមនៃមហាវិទ្យាល័យ Bạc Liêu ស្តាប់ព្រះសង្ឃព័ណ៌នាអំពីផ្ទះថ្កល់បុរាណ Khmer នៅវត្តខ្វែងបបែលចាស់ (Cái Giá Chót)។

ក្នុងរាល់ពិធីជួបជុំម្តងៗ ព្រះឧបជ្ឈាយ៏ ព្រះចៅអធិការ និងព្រះសង្ឃវត្តខ្វែងបបែលចាស់ (Cái Giá Chót) ក៏បានផ្តល់អំណោយដ៏មានអត្ថន័យជាច្រើនសម្រាប់ជាការលើកទឹកចិត្តដល់សិស្សនិស្សិតទាំងឡាយឱ្យខិតខំប្រឹងប្រែងក្នុងការសិក្សា និងបណ្តុះបណ្តាល ព្រមទាំងរស់នៅដោយមានការទទួលខុសត្រូវចំពោះខ្លួនឯង ក្រុមគ្រួសារ និងសង្គមផងដែរ។ ជាពិសេស ជុំរុញទឹកចិត្ត ឱ្យបន្ត និងថែរក្សាតម្លៃវប្បធម៌ដ៏ល្អផូរផង់របស់ជនរួមជាតិ Khmer ដើម្បីកុំឱ្យវារសាបរលាបបាត់ទៅ។

បញឈប់ដំណើរនៃការពិសោធ រាល់សិស្សនិស្សិត​ម្នាក់ៗ​មិន​ត្រឹម​តែបន្សល់ទុកនូវអនុស្សាវរីយ៍ដ៏ស្រស់ស្អាតប៉ុណ្ណោះទេ ថែមទាំងទទួល​បាន​ការ​យល់​ដឹង​កាន់តែ​ស៊ីជម្រៅ​អំពី​វប្បធម៌​ជនជាតិ Khmer ​ផង​ដែរ។ តាមរយៈ​នេះ តម្លៃ​ប្រពៃណី​មិន​ត្រឹម​តែ​ត្រូវ​បាន​ថែរក្សា​ប៉ុណ្ណោះ​ទេ ប៉ុន្តែ​ក៏​ត្រូវ​បាន​ផ្សព្វផ្សាយ​យ៉ាង​ទូលំទូលាយ​ក្នុង​ជន​ជំនាន់​ក្រោយ ដែល​នឹង​បន្ត​ការពារ និង​លើកកម្ពស់​អត្តសញ្ញាណ​វប្បធម៌​ជនជាតិ​​ក្នុង​យុគសម័យ​ទំនើប៕

Trung Kiên