បង្កើនទំនុកចិត្តសម្រាប់ជនរួមជាតិ Khmer

ចាប់ពីវត្តមុនីវង្សា បុប្ផារាម ដែលមានទីតាំងស្ថិតនៅភូមិលេខ ១០ សង្កាត់ An Xuyên ការផ្លាស់ប្តូរនៃជីវភាពរស់នៅរបស់បងប្អូន Khmer គឺជាក់ស្តែងជាប្រចាំថ្ងៃ។ ជុំវិញបរិវេណវត្តនេះ មានគ្រួសារប្រមាណជិត ១០០ គ្រួសារ ដែលភាគច្រើនសុទ្ធសឹងជាអ្នកប្រកបរបររកប្រាក់ចិញ្ចឹមជីវិតតាមរយៈការជួញដូរខ្នាតតូច ធ្វើការស៊ីឈ្នួលដោយកម្លាំងពលកម្ម និងអាជីវកម្មគ្រួសារ។ ប្រសិនបើពីមុនមានគ្រួសារក្រីក្រជាង ១០ គ្រួសារ និងគ្រួសារប្រកៀកបន្ទាត់ក្រប្រហែល ២០ គ្រួសារ សព្វថ្ងៃនេះលែងមានគ្រួសារក្រីក្រ ឬប្រកៀកបន្ទាត់ក្រទៀតនោះទេ ហើយជីវភាពរស់នៅក៏មានភាពប្រសើរជាងមុនផងដែរ។

ព្រះឧបជ្ឈាយ៍ Thạch Hà ព្រះចៅអធិការវត្តមុនីវង្សា បុប្ផារាម តែងជំរុញទឹកចិត្តមាមីងបងប្អូនឱ្យខិតខំរកស៊ី ដើម្បីលំនឹងជីវភាពរស់នៅ។

អស់រយៈពេលជាច្រើនឆ្នាំកន្លងមក ព្រះឧបជ្ឈាយ៍ Thạch Hà ព្រះចៅអធិការវត្តមុនីវង្សា បុប្ផារាម គឺជាទីបង្អែងខាងស្មារតីសម្រាប់សហគមន៍ខ្មែរនៅទីនេះ។ មិនត្រឹមគិតគូរខាងសាសនាប៉ុណ្ណោះទេ ព្រះឧបជ្ឈាយ៍តែងជំរុញទឹកចិត្តប្រជាជនឱ្យខិតខំធ្វើការរកស៊ី សន្សំប្រាក់ និងចិញ្ចឹមកូនចៅឱ្យសិក្សារៀនសូត្រ​ ជៀសឆ្ងាយគ្រោះសង្គម។

យោងតាមព្រះឧបជ្ឈាយ៍ Thạch Hà ដើម្បីចាកផុតពីភាពក្រីក្រប្រកបដោយចីរភាព គ្រួសារនីមួយៗត្រូវតែមានឆន្ទៈក្នុងការខិតខំ និងធ្វើការយ៉ាងយកចិត្តទុកដាក់។ ព្រះឧបជ្ឈាយ៍តែងជំរុញទឹកចិត្តប្រជាពុទ្ធបរិស័ទចំណុះជើងឱ្យក្លាហានចូលរួមបុលប្រាក់កម្ចីអនុគ្រោះពីរដ្ឋ ប្រើប្រាស់វាសម្រាប់គោលបំណងត្រឹមត្រូវដើម្បីជួញដូរ ផលិតទំនិញ បង្កើតជីវភាពរស់នៅប្រកបដោយស្ថិរភាព។ ទន្ទឹមនិងនោះ ព្រះអង្គតែងរំលឹកមាមីងប្រជាពុទ្ធបរិស័ួគ្រប់រូបឱ្យគោរពយ៉ាងតឹងរ៉ឹងតាមគោលការណ៍ណែនាំរបស់បក្ស និងគោលនយោបាយ ក្រឹត្យច្បាប់របស់រដ្ឋទៀតផង។

ប៉ុន្មានឆ្នាំកន្លងមកនេះ គ្រួសារអ្នកមីង Trần Thanh Thuý ដែលធ្លាប់ជាគ្រួសារក្រីក្រ។ តែអាស្រ័យបានការយកចិត្តទុកដាក់ និងលើកទឹកចិត្តពីព្រះឧបជ្ឈាយ៍ អ្នកមីង និងស្វាមីក៏បានខិតខំប្រឹងប្រែងធ្វើការយ៉ាងសកម្ម ដោយសន្សំប្រាក់យ៉ាងយកចិត្តទុកដាក់ដើម្បីផ្គត់ផ្គង់ជីវភាពគ្រួសារ និងចិញ្ចឹមកូនពីរនាក់ផងដែរ។ សព្វថ្ងៃនេះ គ្រួសាររបស់គាត់បានក៏បានរួចផុតពីភាពក្រីក្រ កូនទាំង ២ នាក់របស់អ្នកមីងសព្វថ្ងៃក៏ធំដឹងក្តីអស់ដែរ  ហើយផ្ទះសម្បែងក៏ត្រូវបានសាងសង់យ៉ាងរឹងមាំផងដែរ។

ទន្ទឹមនិងនោះ សម្រាប់ដងផ្លូវគមានគមន៍ជុំវិញបរិវេណវត្តក៏ត្រូវបានរដ្ឋអំណាចភូមិភាគវិនិយោគជួសជុលធ្វើឱ្យប្រសើរឡើងសម្រាប់ពុទ្ធបរិស័ទទៅវត្តធ្វើបុណ្យផងដែរ។ ឆ្លៀតយកអំណោយផលពីរឿងនេះ គ្រួសារជាច្រើនបានបើកតូប និងហាងលក់ដូរកំប៊ិចកំប៉ុកទៀតផង។ បណ្តាតម្រង់សេដ្ឋកិច្ចទាំងនេះ ទោះបីជាមិនមានទំហំធំក៏ដោយ ក៏បង្កើតប្រាក់ចំណូលបន្ថែម និងជួយបងប្អូនប្រជាជនអាចរកប្រាក់ចិញ្ចឹមជីវិតនៅកន្លែងដែលពួកគាត់រស់នៅផងដែរ។

រាល់ការជំនួយឧបត្ថម្ភដើមទុន និងប្រឹតសំចៃបានជួយបងប្អូននារីជាច្រើនមានលក្ខណៈលក់ដូរ និងពង្រីកសេដ្ឋកិច្ចគ្រួសារ។

លោក Trần Hữu Lực ប្រធានអនុសង្កាត់លេខ ១០ បានឱ្យដឹង៖ “ប៉ុន្មានឆ្នាំកន្លងមកនេះ បងប្អូនប្រជាទាំងឡាយត្រូវបានផ្តល់ឱកាសឱ្យទទួលបានដើមទុនសម្រាប់ការលក់ដូរ និងធ្វើអាជីវកម្ម។ ក្រៅពីនេះ សមាគមនារីភូមិថែមទាំងបានបន្តដំណើរការក្លឹបសន្សំសំចៃ ជួយឧបត្ថម្ភសមាជិកគ្រប់រូបជាមួយនឹងប្រាក់កម្ចីគ្មានការប្រាក់ ជួយគ្រួសារជាច្រើនមានឱកាសសម្រាប់អភិវឌ្ឍសេដ្ឋកិច្ចរបស់រៀងខ្លួនទៀតផង។ ខណៈពេលដែលមានការងារធ្វើ និងប្រាក់ចំណូលស្ថិរភាព ជីវភាពបងប្អូនប្រជាជនត្រូវបានកែលម្អ ហើយគ្រោះសង្គមក៏ត្រូវបានកាត់បន្ថយផងដែរ”។

វត្តមុនីវង្សា បុប្ផារាម មិនត្រឹមតែជាកន្លែងអភិរក្សជីវភាពវប្បធម៌ និងសាសនារបស់បងប្អូនជនរួមជាតិ Khmer ប៉ុណ្ណោះទេ ប៉ុន្តែវាក៏ជាកន្លែងដែលបង្រួបបង្រួមសហគមន៍ និងបង្កើតទំនុកចិត្តដល់ប្រជាជនឱ្យខិតខំដើម្បីជីវិតកាន់តែប្រសើរឡើងទៀតផង។ ផ្តើមពីការយកចិត្តទុកដាក់របស់រដ្ឋ ការឧបត្ថម្ភពីរដ្ឋអំណាចភូមិភាគ និងអង្គការនានា រួមទាំងស្មារតីសាមគ្គី និងការពឹងផ្អែកលើខ្លួនឯងរបស់បងប្អូនប្រជាជន ជីវភាពរស់នៅជុំវិញវត្តរបស់បងប្អូនប្រជាជនកាន់តែមានភាពកក់ក្តៅ សុភមង្គល និងសុខក្សេមក្សាន្តទៀតផង៕

Nguyễn Đào - Chí Thức