Thứ hai, 23-11-26 03:16:08
Cà Mau, 32°C/ 32°C - 33°C Icon thời tiết nắng
Theo dõi Báo điện tử Cà Mau trên

រក្សាភាពរស់រវើកនៃសម្លៀកបំពាក់ប្រពៃណី

Báo Cà Mau ចាប់ពីស្នាមម្ជុល ថ្នេរអំបោះយ៉ាងប៉ិនប្រសប់ រហូតដល់ពណ៌សម្បុរ និងក្បូរក្បាច់រចនាប្រកបដោយលក្ខណៈពិសេស សម្លៀកបំពាក់ប្រពៃណីរបស់ជនរួមជាតិ Khmer បង្កប់នូវរឿងរ៉ាវអំពីវប្បធម៌ ទំនៀមទម្លាប់ និងជីវភាពរស់នៅរបស់សហគមន៍ដែលប្រកបដោយអត្តសញ្ញាណ។ ប៉ុន្តែ តាមសិល្បការិនី Thạch Thị Hồng Nhung សមាគមអក្សរសិល្ប៍-សិល្បៈប្រជាប្រិយខេត្ត Cà Mau ក្នុងចង្វាក់រស់នៅសម័យទំនើប និងដំណើរការសមាហរណកម្មយ៉ាងស៊ីជម្រៅ សម្លៀកបំពាក់ប្រពៃណីកំពុងតែមានការសាបរលាបបន្តិចម្ដងៗក្នុងជីវភាពប្រចាំថ្ងៃ ហេតុដូច្នេះហើយ ចាំបាច់ត្រូវមានដំណោះស្រាយអភិរក្សឱ្យបានទាន់ពេលវេលា។

 

ភ្ញៀវទេសចរថតរូបជាមួយយុវតី Khmer ក្នុងសម្លៀកបំពាក់ប្រពៃណីនៅវត្តព្រែកជ្រៅ (Xiêm Cán) សង្កាត់ Hiệp Thành។

- តើអ្នកស្រីមានការវាយតម្លៃយ៉ាងណាចំពោះហានិភ័យដែលសម្លៀកបំពាក់ប្រពៃណីកំពុងសាបរលាបក្នុងជីវភាពរស់នៅរបស់បងប្អូនជនរួមជាតិ Khmer នាពេលបច្ចុប្បន្ន?

សិល្បការិនី Thạch Thị Hồng Nhung ៖ ការប្រែប្រួលនៃចំណង់ចំណូលចិត្តសោភ័ណភាព និងការផ្ទុះឡើងនៃបច្ចេកវិទ្យា បានធ្វើឱ្យសម្លៀកបំពាក់ប្រពៃណីប្រឈមមុខនឹងហានិភ័យសាបរលាបទាំងទម្រង់រូបរាងនិងតម្លៃវប្បធម៌។ អ្វីដែលគួរឱ្យបារម្ភមិនត្រឹមតែជាចំនួនមនុស្សស្លៀកពាក់សម្លៀកបំពាក់ប្រពៃណីជាប្រចាំកាន់តែថយចុះប៉ុណ្ណោះទេ ប៉ុន្តែស៊ីជម្រៅជាងនេះទៅ ទៀត គឺការផ្អាកដំណើរការបន្តវេនមុខរបរ ការបង្រៀនជំនាញ និងចំណេះដឹងវប្បធម៌រវាងជំនាន់មួយទៅជំនាន់មួយ។

សម្រាប់យុវវ័យជាច្រើន សម្លៀកបំពាក់ជនជាតិគ្រាន់តែលេចធ្លោឡើងក្នុងឱកាសពិធីបុណ្យទាន ឬកម្មវិធីសម្ដែងសិល្បៈប៉ុណ្ណោះ ជំនួសឱ្យការមានវត្តមានដូចជាចំណែកមួយដ៏ធម្មជាតិនៃជីវភាពវប្បធម៌សហគមន៍។ យុវជន Khmer មិនតិចនាក់ទេនាពេលបច្ចុប្បន្ន ដែលមិនទាន់ចេះស្លៀកសំពត់ឱ្យបានត្រឹមត្រូវ និងមិនទាន់ចេះញែកដាច់ពីគ្នារវាងសម្លៀកបំពាក់ប្រើប្រាស់ក្នុងពិធីមង្គលការ ពិធីបុណ្យទាន ឬសម្លៀកបំពាក់ក្នុងពិធីបុណ្យសាសនានៅតាមវត្តជាដើម។ មនុស្សជាច្រើនក៏មិនទាន់យល់ដឹងបានពេញលេញអំពីអត្ថន័យនៃពណ៌នីមួយៗ ឬក៏ក្បូរក្បាច់រចនា និងនិមិត្តរូបវប្បធម៌ដែលបានបង្កប់នៅក្នុងសម្លៀកបំពាក់នីមួយៗនោះដែរ។

នៅពេលដែលអត្ថន័យវប្បធម៌ត្រូវបានបំភ្លេចចោលជាសន្សឹមៗ សម្លៀកបំពាក់ប្រពៃណីងាយនឹងត្រូវបានចាត់ទុកគ្រាន់តែជាផលិតផលម៉ូដសម័យ ដែលបង្កើតឡើងនូវចន្លោះប្រហោងនៃសតិចងចាំសហគមន៍ និងដំណើររក្សាអត្តសញ្ញាណវប្បធម៌ដោយអចេតនាប៉ុណ្ណោះ។

ការប្រឡងបង្ហាញសម្លៀកបំពាក់ប្រពៃណីសម្រាប់សិស្សានុសិស្ស គឺជាសកម្មភាពជាក់ស្ដែង ជួយឱ្យយុវជនជំនាន់ក្រោយលើកកម្ពស់ការយល់ដឹង និងការទទួលខុសត្រូវក្នុងការថែរក្សាវប្បធម៌ជនជាតិផងដែរ។

- តាមអ្នកស្រី តើចាំបាច់ត្រូវមានដំណោះស្រាយអ្វីខ្លះដើម្បីអភិរក្ស និងថែរក្សាភាពរស់រវើកសម្រាប់បេតិកភណ្ឌវប្បធម៌នេះបាទ?

សិល្បការិនី Thạch Thị Hồng Nhung ៖ ជាដំបូង គឺត្រូវដំណើរការអង្កេតស្រាវជ្រាវ ប្រមូលផ្ដុំ ធ្វើស្ថិតិ វាស់វែងគូរ និងកត់ត្រាឱ្យបានពេញលេញនូវម៉ូដសម្លៀកបំពាក់ ក្បូរក្បាច់ ពណ៌សម្បុរ វត្ថុធាតុដើម បច្ចេកទេសខាងតម្បាញ និងរបៀបប្រើប្រាស់សម្លៀកបំពាក់របស់បងប្អូនជនរួមជាតិ Khmer។ ផ្អែកលើមូលដ្ឋាននោះ កសាងកម្រងឯកសារវិទ្យាសាស្ត្រ និងសៀវភៅណែនាំស្តង់ដារបម្រើការស្រាវជ្រាវ ការបង្រៀន ការស្រោចស្រង់ស្ដារឡើងវិញ និងការបណ្ដុះបណ្ដាលបន្តវេនសម្រាប់អ្នកជំនាន់ក្រោយ។

បេតិកភណ្ឌពិតជាមានជីវិតរស់រវើកបាន លុះត្រាតែត្រូវបានអនុវត្តក្នុងជីវភាពប្រចាំថ្ងៃ។ ហេតុដូច្នេះហើយ ចាំបាច់ត្រូវលើកទឹកចិត្តឱ្យប្រើប្រាស់សម្លៀកបំពាក់ប្រពៃណីក្នុងសកម្មភាពវប្បធម៌សហគមន៍ សាលារៀន ក្លឹបសិល្បៈប្រជាប្រិយ ផ្សារភ្ជាប់នឹងការរៀបចំបង្រៀនបច្ចេកទេសខាងតម្បាញ និងកាត់ដេរ។

ក្នុងនិន្នាការបរិវត្តកម្មឌីជីថលបេតិកភណ្ឌ ចាំបាច់ត្រូវជំរុញការប្រមូលវត្ថុតាងដែលកំពុងរក្សាទុកក្នុងប្រជាជន តាមបណ្តាវត្តអារាម Khmer សារមន្ទីរ ដើម្បីអនុវត្តការធ្វើឌីជីថលរូបនីយកម្ម សំដៅកសាងមូលដ្ឋានទិន្នន័យអេឡិចត្រូនិក បណ្ណាល័យរូបភាព គំរូ 3D អំពីសម្លៀកបំពាក់ប្រពៃណី។ នេះនឹងក្លាយជាប្រភពឯកសារដ៏មានតម្លៃបម្រើការស្រាវជ្រាវ អប់រំ ផ្សព្វផ្សាយវប្បធម៌ និងរក្សាទុកឱ្យបានយូរអង្វែងនូវបណ្ដាតម្លៃដែលមានហានិភ័យសាបរលាប។

ទន្ទឹមនឹងការផ្សព្វផ្សាយ ការអភិរក្សនឹងកាន់តែមានចីរភាពឡើង នៅពេលបេតិកភណ្ឌបានក្លាយជាប្រភពធនធានសម្រាប់ការអភិវឌ្ឍ។ ហេតុដូច្នេះហើយ ត្រូវលើកទឹកចិត្តដល់បណ្ដាសិល្បករ សិប្បការិនី សហករណ៍ មូលដ្ឋានផលិត និងអាជីវកម្មវប្បធម៌ អភិវឌ្ឍបណ្ដាផលិតផលពាក់ព័ន្ធនឹងសម្លៀកបំពាក់ប្រពៃណី Khmer បង្តើតកម្មវិធីបង្ហាញសំលៀកបំពាក់ លំហពិសោធន៍មុខរបរតម្បាញ ពិធីបុណ្យវប្បធម៌ និងផលិតផលទេសចរណ៍សហគមន៍៕

- សូមអរគុណអ្នកស្រី!

Hữu Thọ

 

 

ពណ៌សម្បុរនៃវប្បធម៌ខ្មែរ

នៅឃុំតឹនឡុក វត្តវង្សស្រង់ក្របីឃ្លៀច មិនត្រឹមជាមណ្ឌលជីវភាពខាងជំនឿសាសនារបស់បងប្អូនជនរួមជាតិខ្មែរណាមបូប៉ុណ្ណោះទេ ថែមទាំងជាទីកន្លែងកត់ត្រានូវប្រពៃណីប្រយុទ្ធតស៊ូ និងធ្វើបដិវត្តន៍យ៉ាងអង់អាចក្លាហានផងដែរ។ ឆ្លងកាត់រយៈពេលជាងមួយសតវត្សរ៍នៃការបង្កបង្កើត និងរីកចម្រើន វត្តនេះនៅតែបន្តរក្សាបាននូវតម្លៃប្រវត្តិសាស្ត្រ វប្បធម៌យ៉ាងខ្ជាប់ខ្ជួន រួមចំណែកក្លាយជាទីបង្អែកផ្លូវចិត្ត និងជាមោទនភាពរបស់សហគមន៍ជនជាតិខ្មែរទាំងឡាយនៅទីនេះទៀតផង។

រក្សាប្រភពសិល្បៈប្រពៃណី

នៅភូមិភ្នៀត ឃុំហូធីគី ក្បាច់រាំ សំនៀងច្រៀង និងតន្ត្រីប្រពៃណីរបស់ជនរួមជាតិខ្មែរ គឺនៅតែបានថែរក្សា និងបន្តវេនតាមរយៈថ្នាក់រៀនដ៏ពិសេសមួយ។ នៅទីនោះ អ្នកជំនាន់មុនកំពុងព្យាយាមអត់ធ្មត់ក្នុងការផ្ទេរចំណេះដឹងដ៏មានតម្លៃនៃវប្បធម៌ជនជាតិទៅឱ្យយុវជនជំនាន់ក្រោយ។

ត្រៀមឱ្យរដូវបុណ្យអកអំបុកសំពះព្រះខែ

ប៉ុន្មានថ្ងៃនេះ នៅតាមបណ្តាវត្តខ្មែរក្នុងខេត្តកាម៉ាវ បរិយាកាសហ្វឹកហាត់ត្រៀមលក្ខណៈសម្រាប់ឱ្យការណាំងទូក.ងឱកាសបុណ្យអកអំបុកសំពះព្រះខែបានប្រព្រឹត្តទៅយ៉ាងសកម្ម និងអ៊ូអរផងដែរ។

ទម្លាប់បូជា ក្វាងកុង របស់ជនជាតិចិន

ទំនៀមទម្លាប់បូជា ក្វាងថាញ់ដេគ្វឹង - ហៅម្យ៉ាងទៀតថា ក្វាងកុង ជាលក្ខណៈប្រពៃនៃវប្បធម៌ជំនឿរបស់សហគមន៍ជនជាតិចិន ដែលបង្ហាញពីក្តីប្រាថ្នាសេចក្តីសុខសាន្ត និងការបួងសួងសុំឱ្យរកស៊ីមានបាន និងមានលាភមានជ័យ។

កាម៉ាវនឹងមានចាត់តាំងពីធីប្រណាំងទូក.ងថ្នាក់ខេត្តក្នុងឆ្នាំ ២០២៧

ខេត្តកាម៉ាវមានទិសដៅរៀបចំការប្រណាំងទូក.ងថ្នាក់ខេត្តចាប់ក្នុងឆ្នាំ ២០២៧ ក្នុងគោលបំណងដើម្បីអភិរក្សវប្បធម៌ខ្មែរ ព្រមទាំងបង្កើតបានជាផលិតផលវប្បធម៌ - ទេសចរណ៍លក្ខណៈពិសេស ដើម្បីផ្សព្វផ្សាយរូបភាពទឹកដី និងប្រជាជនកាម៉ាវ។

អឹកធឹកនៃខ្សែទឹកប្រណាំងទូក.ងខ្នាតតូច

ពេលថ្មីៗកន្លងទៅ វត្តជ្រុង Khmer បានសហការជាមួយគណៈកម្មាធិការប្រជាជនឃុំ Hồ Thị Kỷ រៀបចំការប្រណាំងទូក.ងខ្នាតតូចអំណរបុណ្យសែនដូនតា ឆ្នាំ២០២៦ ដោយទាក់ទាញបាន ១៣ ក្រុមចូលរួម រួមមានទាំងអស់ ៩ ក្រុមបុរស និង ៤ ក្រុមនារី មកពីឃុំ Hồ Thị Kỷ និងឃុំ Tân Lộc)។

រក្សាភាពរស់រវើកនៃសិល្បៈ Khmer

ក្នុងលំហូរនៃជីវភាពសម័យបច្ចុប្បន្ន បណ្តាទម្រង់សិល្បៈប្រពៃណីរបស់ជនរួមជាតិ Khmer កំពុងប្រឈមមុខនៃតម្រូវការផ្លាស់ថ្មីដើម្បីឱ្យកាន់តែខិតជិតមហាជន និងថែរក្សាតម្លៃដើមដែលបានផ្ទេរបន្តឆ្លងកាត់ជាច្រើនជំនាន់មក។

បំពេញកតញ្ញូតាធម៌ចំពោះបុព្វការីជន

បងប្អូនជនរួមជាតិ Khmer ទើបតែឆ្លងកាត់រដូវបុណ្យសែនដូនតា (ចាប់ពីថ្ងៃទី ១០ ដល់ ១២ ខែតុលា) រីកសាយភាយនូវលក្ខណៈដ៏ល្អប្រពៃនៃភាពកតញ្ញូតាធម៌ ជាមួយបណ្តាពិធីបុណ្យរំលឹកគុណ ដឹងគុណចំពោះបុព្វការីជន និងបណ្តាពេលបាយសាមគ្គីជួបជុំគ្រួសារយ៉ាងកក់ក្តៅ។

រក្សាភាពរស់រវើកនៃសម្លៀកបំពាក់ប្រពៃណី

ចាប់ពីស្នាមម្ជុល ថ្នេរអំបោះយ៉ាងប៉ិនប្រសប់ រហូតដល់ពណ៌សម្បុរ និងក្បូរក្បាច់រចនាប្រកបដោយលក្ខណៈពិសេស សម្លៀកបំពាក់ប្រពៃណីរបស់ជនរួមជាតិ Khmer បង្កប់នូវរឿងរ៉ាវអំពីវប្បធម៌ ទំនៀមទម្លាប់ និងជីវភាពរស់នៅរបស់សហគមន៍ដែលប្រកបដោយអត្តសញ្ញាណ។ ប៉ុន្តែ តាមសិល្បការិនី Thạch Thị Hồng Nhung សមាគមអក្សរសិល្ប៍-សិល្បៈប្រជាប្រិយខេត្ត Cà Mau ក្នុងចង្វាក់រស់នៅសម័យទំនើប និងដំណើរការសមាហរណកម្មយ៉ាងស៊ីជម្រៅ សម្លៀកបំពាក់ប្រពៃណីកំពុងតែមានការសាបរលាបបន្តិចម្ដងៗក្នុងជីវភាពប្រចាំថ្ងៃ ហេតុដូច្នេះហើយ ចាំបាច់ត្រូវមានដំណោះស្រាយអភិរក្សឱ្យបានទាន់ពេលវេលា។

ត្រៀមជាស្រេចសម្រាប់បម្រើរដូវបុណ្យសែនដូនតា

បុណ្យសែនដូនតារបស់បងប្អូនជនរួមជាតិ Khmer ឆ្នាំនេះ ប្រព្រឹត្តទៅចាប់ពីថ្ងៃទី ១០ ដល់ទី ១២ ខែតុលា។ ក្រុមសិល្បៈ Khmer ខេត្តបានរៀបចំកម្មវិធីសិល្បៈដ៏សម្បូរបែបសម្រាប់លើកយកទៅសម្តែងបម្រើមាមីងបងប្អូនតាមបណ្តាភូមិ ស្រុក និងតាមទីវត្តអារាម សាលាទាន ក្នុងបណ្តាថ្ងៃបុណ្យ។