គ្រោងជំនួយសម្រាប់អ្នកក្រឆ្លងផុតក្តីលំបាក

តាំងពីពេលបានចេញផ្សាយអនុក្រឹត្យលេខ ២៨/២០២២/NĐ-CP របស់រដ្ឋាភិបាល ការិយាល័យប្រតិបត្តិការរបស់ធនាគារសង្គម Đầm Dơi សកម្មចូលរួមសហការផ្សព្វផ្សាយទាន់ពេលវេលា និងមានប្រសិទ្ធភាព ព្រមទាំងអនុវត្តល្អបណ្តាខ្លឹមសារតាមការណែនាំរបស់ខេត្តទៀតផង។

យោងតាមប្រភពទុនរបស់ធនាគារគោលនយោបាយសង្គម ក៏បានជួយឱ្យគ្រួសារបងស្រី Dương Kiều Diễm មានលក្ខណៈពង្រីកការលក់ដូររបស់ខ្លួន និងបង្កើនប្រភពចំណូលទៀតផង។

មុខសញ្ញាដែលបានបុលប្រាក់គឺជាគ្រួសារជនជាតិភាគតិចក្រីក្រ ព្រមទាំងគ្រួសារគោលនយោបាយតាមការកំណត់។ តាមរយៈនៃប្រភពទុនអនុគ្រោះ អនុក្រឹត្យនេះបានបង្កលក្ខណៈងាយស្រួលសម្រាប់បងប្អូនប្រជាជនបានបុលប្រាក់ដើម្បីយកទៅកែជួសជុល និងសាងសង់ផ្ទះថ្មី ព្រមទាំងទិញដីធារសម្រាប់សង់ផ្ទះ ដីផលិត អភិវឌ្ឍន៍ផលិត ផ្លាស់ប្តូរមុខរបរការងារធ្វើ​និងស្តារជីវភាពរស់នៅទៀតផង ដោយប្រាក់កម្រៃទាបចាប់ពី៣-៣,៣%ក្នុងមួយឆ្នាំ រយៈពេល បុលមិនលើសពី១៥ឆ្នាំសម្រាប់សាងលំនៅឋាន ដីធារ ព្រមទាំង១០ឆ្នាំសម្រាប់សំណង់ផ្សេងៗដទៃទៀត។

លោក Trần Ngọc Tâm នាយករងនៃការិយាល័យប្រតិបត្តិការរបស់ធនាគារគោលនយោបាយសង្គម Đầm Dơi ​ឱ្យដឹង៖  “ការិយាល័យប្រតិបត្តិការរបស់ធនាគារគោលនយោបាយសង្គម Đầm Dơi គឺជាអង្គភាពដំបូងបង្អស់របស់ខេត្តដែលបានឱ្យបុលប្រាក់តាមកម្មវិធី។ គិតមកទល់ពេលនេះ​ធនាគារក៏បានផ្សព្វផ្សាយឱ្យបុលប្រាក់ចំនួន ៩៧ គ្រួសារ ក្នុងនោះមាន ៤១ គ្រួសារបុលសម្រាប់ផ្លាស់ប្តូរមុខរបរ និងអភិវឌ្ឍផលិត។ ៥៦ គ្រួសារបុលសម្រាប់សង់ផ្ទះស្នាក់នៅ​ដោយសរុបទឹកប្រាក់ ៣ ពាន់ ៩១០ លានដុង។ បន្ទាប់រយៈពេលគ្រប់គ្រង ខ្ញុំឃើញថា បណ្តាគ្រួសារដែលបានបុលភាគច្រើនយកទៅពង្រីកសេដ្ឋកិច្ច បង្កើនប្រភពចំណូលបន្ថែមទៀតផង ជាពិសេសគ្រួសារក្រីក្រដែលគ្មានដីផលិត​ តែប្រើប្រាស់ប្រភពទុនមានប្រសិទ្ធភាពសម្រាប់ជួញដូរ និងចិញ្ចឹមសត្វ ជីវភាពបានលំនឹងល្អ”។

មុននេះប្រហែលជាង២ឆ្នាំ​យោងតាមប្រភពមូលនិធិផ្តល់សិទ្ធិអំណាចរបស់ធនាគារគោលនយោបាយសង្គមដោយសមាគមកសិករភូមិ Tân Hùng ឃុំ Thanh Tùng ទទួលគ្រប់គ្រង បងស្រី Dương Kiều Diễm ត្រូវបានពិនិត្យឱ្យបុលប្រាក់ចំនួន ៣០ លានដុងសម្រាប់អភិវឌ្ឍផលិត។ បងស្រី Diễm បើកហាងលក់ដូរកំប៊ិចកំប៉ុក ចាប់ពីពេលនោះមក គ្រួសារក៏មានជីវភាពល្អប្រសើរឡើង។

បងស្រី Diễm ឱ្យដឹង៖ “មុននេះ ខ្ញុំខ្វះដើមទុន ទើបបានត្រឹមបើកហាងលក់កំប៊ិចកំប៉ុក តែសព្វថ្ងៃដោយមានប្រភពដើមទុន ដូច្នេះហើយខ្ញុំក៏ពង្រីកការលក់ដូររបស់ខ្លួន។ ជារៀងរាល់ខែ ប្រាក់ដែលខ្ញុំរកបានក៏ផ្ញើចូលធនាគារដោយកម្រៃប្រមាណ ៥០០ ពាន់ដុង ដូច្នេះហើយទើបខ្ញុំអាចគិតគូរបាន។ ខ្ញុំពិតជាមានអារម្មណ៍សប្បាយរីករាយខ្លាំងណាស់ ព្រមទាំងសូមអរគុណចំពោះប្រភពមូលនិធិនេះ ដែលជួយធ្វើឱ្យជីវភាពគ្រួសារខ្ញុំកាន់តែមានភាពល្អប្រសើរជាងមុន”។

លោក Trần Ngọc Tâm (ស្តាំ) ស្វែកយល់ពីទម្រង់ចិញ្ចឹមគ្រែងឈាមរបស់បង Trần Thanh Vui។

ដូចគ្នានេះដែរ លោក Trần Thanh Vui នៅភូមិ Hiệp Hoà ឃុំ Thanh Tùng បានបុលទឹកប្រាក់ចំនួន ៣០ លានដុង។ បងវិនិយោគទិញពូជគ្រែងឈាមយកមកចិញ្ចឹម។ បន្ទាប់ពីច្រើនរដូវចិញ្ចឹម លោកក៏បានទទួលប្រាក់ដើមវិញ និងចំណេញកាន់តែច្រើនទៀតផង។

មិនត្រឹមជួយឱ្យបណ្តាគ្រួសារទាំងនេះមានលក្ខណៈអភិវឌ្ឍផលិតប៉ុណ្ណោះទេ កម្មវិធីអនុគ្រោះនេះថែមទាំងបានជួយគ្រួសារក្រជាច្រើនលំនឹងជីវភាពរស់នៅទៀតផង។ គ្រួសារបងស្រី Lê Thị Hồng Cúc នៅភូមិ Tấn Ngọc ឃុំ Thanh Tùng បានបុលប្រាក់ចំនួន ៤០ លានដុងអំពីកម្មវិធីគោលនយោបាយឥណទានដែលយោងតាមអនុក្រឹត្យលេខ ២៨។ រួមបន្ថែមជាមួយប្រាក់ដែលគ្រួសារសន្សំបានផងបោះ ក៏សង់បានផ្ទះមួយខ្នង ដំបូលប្រក់តូន និងក្រាលកម្រាលក្បឿង ជំនួសផ្ទះប្រក់ស្លឹកចាស់កាលពីមុន។

បងស្រី Cúc បានឱ្យដឹង៖ “សម្រាប់ប្តីប្រពន្ធខ្ញុំ ផ្ទះមួយខ្នងនេះមិនត្រឹមជួយឱ្យមានកន្លែងជម្រកប៉ុណ្ណោះទេ ប៉ុថែមទាំងជានិម្មិតសញ្ញានៃការចាប់ផ្តើមថ្មី ទំ នុកចិត្តសម្រាប់កូនក្មួយយកតម្រាប់តាម”។

គោលនយោបាយឥណទានអនុគ្រោះមិនត្រឹមតែជួយឧបត្ថម្ភតាមតម្រូវការជាក់ស្តែងខាងលំនៅឋាន ឧបករសម្រាប់អភិវឌ្ឍន៍ផលិតនោះទេ ថែមទាំងបំផុសឡើងវិញនូវឆន្ទៈខិតខំឈានឡើងដោយខ្លួនឯងអំពីការរកស៊ី គិតគូរសងបំណុល និងឆក់ឱកាស ព្រមទាំងពង្រឹងស្មារតីសម្រាប់អនាគត។

លោក Trần Ngọc Tâm ចែករំលែកក្តីសប្បាយរីករាយជាមួយគ្រួសារបងស្រី Lê Thị Hồng Cúc (ឆ្វេង)​ ខណៈដែលខ្លួនសង់បានផ្ទះថ្មី។

លោក Trần Ngọc Tâm ឱ្យដឹង៖ “អនុវត្តអនុក្រឹត្យលេខ ២៨ ធនាគារបន្តសហការ​និងធ្វើសេនាធិការឱ្យគណៈកម្មាធិការប្រជាជនថ្នាក់ឃុំជំរុញខ្លាំងខ្លាការផ្សព្វផ្សាយសម្រាប់អ្នកបុលនៅតាមមូលដ្ឋានក្តាប់បានច្បាស់នូវរាល់បណ្តាកម្មវិធីឱ្យបុលរបស់ធនាគារ។ ផ្តើមពីនោះក៏បន្តធ្វើការពិនិត្យជម្រើសមុខសញ្ញាដែលគ្រប់លក្ខណៈ និងមានតម្រូវការបុលទុនតាមការកំណត់ ពិនិត្យសារឡើងវិញនូវតម្រូវការបុលទុន ព្រមទាំងកសាងគម្រោងការជាប្រចាំឆ្នាំ”។

ជាក់ស្តែងបានសឱ្យឃើញថា គោលនយោបាយឥណទានអនុគ្រោះតាមអនុក្រឹត្យលេខ ២៨ បាននិងកំពុងត្រូវបានក្លាយជាគ្រោងជំនួយដ៏រឹងមាំ សម្រាប់បណ្តាគ្រួសារទាំងឡាយពង្រឹងជីវភាពរស់នៅ កាត់បន្ថយភាពក្រីក្រចីរភាព បំព្រួញមកវិញនូវគម្លាតរវាងតំបន់ភូមិភាគ កសាងអនាគតសុភមង្គលទាំងនៅលើទឹកដីភូមិកំណើតរបស់ខ្លួន៕

Quỳnh Anh