ដើម្បីធានាផលប្រយោជន៍រយៈពេលយូរអង្វែង

ចាប់ពីថ្ងៃទី១ ខែកក្កដា ម្ចាស់អាជីវកម្មបង់ពន្ធតាមវិធីប្រកាសចាំបាច់ត្រូវតែចូលរួមធានារ៉ាប់រងសង្គម ដែលយោងតាមបទប្បញ្ញត្តិនៃច្បាប់ធានារ៉ាប់រងសង្គមលេខ ៤១/២០២៤/QH១៥។ នេះគឺជាជំហានដ៏សំខាន់មួយក្នុងដំណើរការ ដើម្បីពង្រីកការគ្របដណ្តប់សុខមាលភាពសង្គម រួមចំណែកធានាផលប្រយោជន៍រយៈពេលយូរអង្វែងសម្រាប់ពលករ និងមេគ្រួសារ។

ម្ចាស់គ្រួសារអាជីវកម្មយល់ស្របជាមួយបទកំណត់ចូលរួមធានារ៉ាប់រងសង្គមជាកំហិត។

លើភូមិសាស្ត្រ អាស្រ័យដោយធានារ៉ាប់រងសង្គមមូលដ្ឋាន Bạc Liêu ជាអ្នកគ្រប់គ្រង ស្ថាប័នធានារ៉ាប់រងសង្គមមូលដ្ឋានបានម្ចាស់ការផ្សព្វផ្សាយនូវសេចក្តីកំណត់នេះដល់គ្រួសារអាជីវកម្មនីមួយៗ​ ដើម្បីធានាការអនុវត្តន៍ច្បាប់បាន​ត្រឹមត្រូវ និងញុំាងឱ្យច្បាប់កាន់តែមានប្រសិទ្ធភាព។​ តាមរយៈការពិនិត្យឡើងវិញ ទូទាំងភូមិសាស្ត្រធា​នា​​រ៉ាប់រងសង្គមមូលដ្ឋាន Bạc Liêu  ជាអ្នកគ្រប់គ្រង​ បច្ចុប្បន្ន​មានគ្រួសារអាជីវកម្មនិង​បុគ្គល​​ចំនួន ៣៣១ គ្រួសារដែលស្ថិតក្នុងការធានារ៉ាប់រងសង្គមជាកំហិត។ ព្រមជាមួយនោះដែរ ​ធានារ៉ាប់រងសង្គមមូលដ្ឋាន​ក៏បានកសាង​ផែនការ និងផ្សព្វផ្សាយដាក់​ឱ្យដំណើរការស្របគ្នានូវ​ដំណោះស្រាយកៀកជិតជាច្រើន ឧបត្ថម្ភ និងផ្សព្វ​ផ្សាយ​ដល់​បណ្តាគ្រួសារអាជីវកម្មទាំងឡាយ។

លោក Nguyễn Thành Đồng នាយកធានារ៉ាប់រងសង្គមមូលដ្ឋាន Bạc Liêu បាន​ឱ្យដឹង៖ “ដើម្បីផ្សព្វផ្សាយធានារ៉ាប់រងសង្គមចំពោះគ្រួសារ​អាជីវកម្ម​បុគ្គល យើងខ្ញុំបានកសាងគម្រោងការលេខ ០២​​ ហើយនឹងចាប់ផ្តើមដំណើរការផ្សព្វ​ផ្សាយ​ចាប់ពីពេល​នេះ​រហូតដល់ដំណាច់ឆ្នាំ ២០២៥។​ ចំពោះមុខ​ ស្ថាប័នបញ្ជូនកម្មា​ភិបាលជំនាញខាងគ្រប់គ្រងទៅដល់គ្រួសារនីមួយៗ ដើម្បីផ្សព្វផ្សាយ ជំនួយឧបត្ថម្ភ និង​ជំរុញឱ្យមានការចូលរួមស្របតាមសេចក្តីកំណត់របស់ច្បាប់”។

ដោយកម្រឹតទាបបំផុត​ មេគ្រួសារអាជីវកម្មដែលត្រូវវាល់រួមមានទឹកប្រាក់ ៥៨៥.០០០​ ដុង/ខែ។

មិន​ត្រឹម​​មាន​ការ​ចូល​រួម​យ៉ាង​សកម្ម​ពី​ស្ថាប័នមុខងារ​ប៉ុណ្ណោះ​ទេ បណ្ដា​គ្រួសារអាជីវកម្ម​ក្នុងភូមិដ្ឋាន​ក៏​បាន​បង្ហាញពី​ការ​ឯកភាព​គ្នា​ និង​ម្ចាស់ការអនុវត្ត​សេចក្តីកំណត់ថ្មី។ លោក Mã Tuấn Kiệt ម្ចាស់គ្រួសារអាជីវកម្ម Phú Nguyên (អនុសង្កាត់​លេខ៥ សង្កាត់ Bạc Liêu) ចែករំលែក៖ ចាប់ពីពេលដែលបានបង្កើតគ្រួសារអា​ជីវកម្មមក ខ្ញុំបានបង់ថ្លៃធានារ៉ាប់រងសង្គមពេញលេញសម្រាប់ពលករ។ នេះជា​គោលនយោបាយមនុស្សធម៌របស់បក្សនិងរដ្ឋ​ មិនត្រឹមតែធានាសុខមាលភាព​ជូនពលករប៉ុណ្ណោះទេ ប៉ុន្តែថែមទាំងឲ្យ​ម្ចាស់គ្រួសារដល់់ពេលចាស់ទៅពុំមាន​នៅសមត្ថភាពពលកម្ម ដូច្នេះហើយ បណ្តាគ្រួសារអាជីវកម្មទាំងឡាយគួរ​ចូល​រួម​។

អ្នកស្រី Đặng Thị Thái Ngọc ម្ចាស់ហាងឱសថ Thái Ngọc (អនុសង្កាត់លេខ១១ សង្កាត់​ Bạc Liêu) ក៏បានយល់ស្របៈ “​ខ្ញុំយល់ស្របជាមួយសេចក្តី​កំណត់នេះ​ និងបានអនុវត្តតាមច្បាប់។ ក្នុងរយៈកាលចូលរួមធានារ៉ាប់រងសង្គមជាកំហិត ខ្ញុំត្រូវបានកម្មាភិបាលធានារ៉ាប់រងសង្គមណែនាំយ៉ាងអស់ពីចិត្ត​ និងជំនួយឧបត្ថម្ភគ្រប់សព្វបែបយ៉ាង ​ដើម្បីអនុវត្តងាយស្រួលបំផុត”។

យោងតាមមាត្រា ៣៣ នៃច្បាប់ធានារ៉ាប់រងសង្គមឆ្នាំ ២០២៤ កម្រឹតវាល់ធា​នា​រ៉ាប់រងសង្គមជាកំហិតរបស់ម្ចាស់អាជីវកម្មត្រូវបានគិត​ដូចខាងក្រោមនេះ៖ ៣% ចូលក្នុងមូលនិធិឈឺថ្កាត់និងពរផ្ទៃ ២២% ទៅ​ក្នុងមូល​និធិសម្រាប់អ្នកចូលនិវត្តន៍​ និងមរណ​ភាព។ សរុបគឺ ២៥% នៃកម្រឹតប្រាក់ចំណូលប្រើជាមូលដ្ឋានសម្រាប់ការវាល់​ធានារ៉ាប់រងសង្គម។

កម្រឹតប្រាក់ចំណូលធ្វើជាមូលដ្ឋានវាល់អាស្រ័យមេគ្រួសារជាអ្នកជ្រើសរើស​​ ប៉ុន្តែមិនទាបជាងកម្រឹតបៀវត្សរ៍មូលដ្ឋាននោះទេ ​(បច្ចុប្បន្នគឺ ២.៣៤០.០០០ ដុង/ខែ)​​ និងមិន​លើសពី២០ ដងកម្រឹតនេះឡើយ។ ដោយកម្រឹតទាបបំផុត​ ម្ចាស់គ្រួសារងាជីវកម្មដែលត្រូវវាល់ ៥៨៥.000 ដុង/ខែ។​ ជាវិសេសដើម្បីបង្កលក្ខណៈបត់បែនក្នុងការធានារ៉ាប់​រងសង្គមអនុញាតិឱ្យមេ​គ្រួសារជម្រើសកម្រិតវាល់៖ តាមត្រៃមាស​ ៣ខែ ឬក៏ ៦ ខែ​ម្តងយោងតាម​ស្ថាន​​ភាពនៃអាជីវកម្ម។

ការពង្រីកគ្របដណ្ដប់ធានារ៉ាប់រងសង្គមជាកំហិតដល់ក្រុមម្ចាស់គ្រួសារអាជីវកម្ម​និងបុគ្គល មិនត្រឹមតែជួយធានាផលប្រយោជន៍​យូរអង្វែងប៉ុណ្ណោះទេ ថែមទាំងជាជំហានជាក់ស្តែងឆ្ពោះទៅដល់គោល​ដៅ​ធានារ៉ាប់រងសង្គម ធានា​រ៉ាប់​រងសុខាភិបាលទូទាំងប្រជាជនតាម​ស្មារតីនៃសេចក្តីសម្រេចចិត្តលេខ ២៨-NQ/TW ។

​​​​​​​លើភូមិសាស្ត្រធានារ៉ាប់រងសង្គមមូលដ្ឋាន Bạc Liêu ដែលជាម្ចាស់គ្រប់គ្រង បច្ចុប្បន្នមាន ​៣៣១​​ គ្រួ​សារអាជីវកម្ម និងបុគ្គលស្ថិតក្នុងការចូលរួមធានារ៉ាប់រងសង្គមជាកំហិត។

គោលនយោបាយនេះមិនត្រឹមបង្ហាញពីការទទួលខុសត្រូវរបស់រដ្ឋក្នុងការគិតគូរពីសុខមាលភាពសង្គមប៉ុណ្ណោះទេ​ ថែមទាំងអំពាវនាវនូវដំណើរការចូលរួម និងចែករំលែកពីខាងប្រជាជន និងបណ្តាអ្នកដែលទទួលផលដោយ​ផ្ទាល់ទៀតផង។ ការចូលរួមធានារ៉ាប់រងសង្គមមិនត្រឹមតែការពារបានប្រាក់​ចំណូលនៅពេលឈឺថ្កាត់​ សម្រាលកូននិងវ័យចាស់ជរាប៉ុណ្ណោះទេ ថែមទាំង​ជាការទទួលខុសត្រូវចំពោះខ្លួនឯង និងសហគមទៀតផង។

ដោយការចូលរួមយ៉ាងប្តូរផ្តាច់ពីស្ថាប័នមុខងារ​ និងការយល់​ស្របពី​ប្រជា​ជនផង និងគោលនយោបាយធានារ៉ាប់រងសង្គម​ជាកំហិត​ចំ​ពោះមេគ្រួសារ​អាជីវកម្ម​សន្យានឹងឈានឆ្ពោះទៅកាន់​ជីវភាព​រស់នៅប្រកបដោយប្រសិទ្ធភាព និងចីរភាព រួមចំណែកធ្វើឱ្យប្រកដគោលដៅ “មិនទុកឱ្យនរណាម្នាក់នៅពីក្រោយនោះទេ” ក្នុងដំណើរអភិវឌ្ឍសេដ្ឋកិច្ច-សង្គម​របស់ប្រទេសជាតិ៕

អត្ថបទនិងរូថត៖ Hồng Phượng