ផ្តល់ឱកាសដើម្បីបង្កើតការងារធ្វើជូនបងប្អូននារីជនបទ

សកម្មភាពនៃការបណ្តុះបណ្តាលវិជ្ជាជីវៈសម្រាប់បងប្អូននារីជនបទ ប៉ុន្មានឆ្នាំកន្លងមកនេះ ត្រូវបានខេត្តធ្វើការផ្សព្វផ្សាយយ៉ាងសកម្មផងដែរ ជាមួយទិសដៅលើកកម្ពស់គុណភាព ការប្រគួតប្រជែងរបស់បងប្អូននារី និងផ្តល់ឱកាសសម្រាប់បងប្អូននារីស្វែករកការងារធ្វើ ដើម្បីកាត់បន្ថយក្រ ព្រមទាំងលើកកម្ពស់តួនាទីរបស់ខ្លួនទៀតផង។

លោកស្រី​ Nguyễn Hồng Nhung នាយកសាលាអនុមហាវិទ្យាល័យសហគមន៍ Cà Mau (ឆ្វេង)​ រួមជាមួយគ្រូឧទ្ទេសវគ្គបណ្តុះបណ្តាលវិជ្ជាជីវៈ Triệu Mỹ Phương បង្ហាញពីផលិតផលដែលសិក្ខាកាមបានរៀបចំតុងតែងឡើង។

ដើម្បីបង្កលក្ខណៈងាយស្រួលសម្រាប់បងប្អូនានរីជនបទបានបង្រៀនវិជ្ជាជីវៈ និងលើកកម្ពស់មុខជំនាញរបស់ខ្លួន ព្រមទាំងបង្កើតការងារធ្វើ សាលាអនុមហាវិទ្យាល័យសហគមន៍កាម៉ាវបានអញ្ជើញគ្រូឧទ្ទេសមួយរូបដើម្បីសហការជាមួយរដ្ឋអំណាចភូមិភាគ បើកថ្នាក់បង្រៀនវិជ្ជាជីវៈសម្រាប់បងប្អូននារីចំ នួន ៣៥ នាក់នៅអនុសង្កាត់លេខ៧ សង្កាត់ Tân Thành ដោយមិនគិតប្រាក់។ បន្ទាប់ពីរៀនបានរយៈពេល ៣ខែ សិក្ខាកាមទាំងឡាយមិនត្រឹមក្តាប់បាននូវបណរូបមន្ត និងបំណិនខាងច្នៃប្រតិដ្ឋរសើបណ្តាមុខម្ហូបអាហា នំនេកប៉ុណ្ណោះទេ ថែមទាំងទទួលបានចំណេះដឹងដ៏មានផលប្រយោជន៍សម្រាប់ពង្រីកទិស ដៅថ្មីក្នុងការស្វែងរកការងារធ្វើ។

អ្នកស្រី Triệu Mỹ Phương គ្រូឧទ្ទេសសម្រាប់ថ្នាក់បង្រៀនវិជ្ជាជីវៈជូនបងប្អូននារី បានឱ្យដឹង៖ “យើងខ្ញុំបានរៀបចំកម្មវិធីរៀនសមស្របយោងតាមតម្រូវការជាក់ស្តែង។ សិក្ខាកាមជាច្រើនរូប ដំបូងមានការច្របូកច្របល់បន្តិច តែបន្ទាប់ពីរៀនបានមួយរៈពេល ក៏ស្ទាត់ជំនាញ។ ដែលសំខាន់ទៀតនោះគឺពួកគាត់បង្កើនចំណេះដឹងស្តីពីការធានាអនាម័យខាងមុខម្ហូប និងគិតគូររាល់ការចំណាយ តម្លៃទីផ្សារ ព្រមទាំងរៀបរៀងបញ្ជីមុខម្ហូបយ៉ាងសមស្របទៀតផង”។

ថ្នាក់រៀនត្រូវបានចាត់តាំងឡើងនៅភូមិភាគ ជាមួយខ្លឹមសារនៃការបណ្តុះបណ្តាលប្រមូលផ្តុំចូលក្នុងបំណិនខាងរបៀបច្នៃមុខម្ហូបសម្រាប់គ្រួសារប្រចាំថ្ងៃ ព្រមទាំងអាចយកនូវបទពិសោធរបសើខ្លួនសម្រាប់បង្កើតអាជីពផងដែរ។ ក្នុងដំណើរការរៀន សិក្ខាកាមទាំងឡាយត្រូវបានគ្រូឧទ្ទេសណែនាំអំពីរៀបដាំស្លរាល់មុខម្ហូបដ៏ពិសេសៗ មានដូចជា៖ សម្លជើងជ្រូក (តាមប្រជាជនភាគខាងជើង) នំចាក់ជាន់ នំអាកោរ និងបណ្តាមុខម្ហូបសម្រាប់ញាំជាប្រចាំតាមសាលារៀន និងក្នុងពិធីជប់លៀងផ្សេងៗជាដើម។

“ខ្ញុំពិតជារំភើបខ្លាំងណាស់ដែលបានចូលរួមថ្នាក់បង្រៀននេះ។ ពីមុនខ្ញុំចេះត្រឹមដាំស្លមុខម្ហូបខ្លះៗប្រចាំគ្រួសារប៉ុណ្ណោះ តែឥឡូវខ្ញុំក៏មានទំនុកចិត្តណាស់ដែរដែលអាចធ្វើមុខម្ហូបបានយ៉ាងច្រើនប្រភេទសម្រាប់លក់នៅផ្ទះ ឬក៏អាចទៅដាំស្លស៊ីឈ្នួលក៏បាន។ មានវិជ្ជាក្នុងខ្លួនស្រាប់ ខ្ញុំគិតថា យើងត្រូវតែម្ចាស់ការ ថែមទៀតសម្រាប់ក្នុងការរកប្រាក់ចំណូលជូនគ្រួសារ” បងស្រី Bạch Thuý An ជាសិក្ខាកាម​បានចែករំលែកដូច្នេះ។

ក្រោយបញ្ចប់វគ្គសិក្សា សិក្ខាកាមទាំងឡាយអាចជម្រើសទិសដៅសម្រាប់វិវឌ្ឍដោយខ្លួនឯង ដូចជា៖ សូមការងារធ្វើនៅតាមសណ្ធាគារ ហាងបាយ បង្កើតសេវាដាំស្លនៅគ្រួសារ ឬក៏ធ្វើលក់រាល់មុខម្ហូបសម្រាប់ស្រស់ស្រូបអាហារពេលព្រឹក និងប្រភេទនំប្រពៃណីលក់នៅតាមបណ្តាសាលារៀន និងទីផ្សារជាដើម។ នេះជាបណ្តាទម្រង់ធម្មតា ងាយស្រួលចែកចាយ និងមានភាពសមស្របទៅតាមលក្ខណៈគ្រួសារនីមួយៗផងដែរ។

បងប្អូននារីអនុសង្កាត់លេខ៧ សង្កាត់ Tân Thành រីករាយខណៈពេលដែលខ្លួនបានចូលរួមវគ្គបណ្តុះបណ្តាល។

លោកស្រី Nguyễn Hồng Nhung នាយិការសាលាអនុមហាវិទ្យាល័យសហគមន៍ Cà Mau បានឱ្យដឹង៖ “យើងខ្ញុំតែងបញ្ជាក់ច្បាស់ថាការបណ្តុះបណ្តាលវិជ្ជាជីវៈសម្រាប់បងប្អូនានរី ជាពិសេសនារីជនបទ គឺជាទិសដៅដ៏សំខាន់ និងចាំបាច់ខ្លាំងណាស់។ យោងតាមលក្ខណៈពិសេសដោយឡែករបស់ភូមិភាគ សាលារៀននឹងសហការចាត់តាំងបើកវគ្គបណ្តុះបណ្តាលយ៉ាងណាឱ្យមានការសមស្របទៅតាមទិសដៅនៃការបង្រៀនរបរដែលផ្សារភ្ជាប់ជាមួយតម្រូវការទីផ្សារ ដើម្បីបន្ទាប់ពីបានរៀនចប់ សិក្ខាកាមទាំងឡាយអាចយកចូលអនុវត្តបានភ្លាម”។

ថ្នាក់រៀននេះមិនត្រឹមផ្តល់មកនូវចំណេះដឹងខាងអាជីពប៉ុណ្ណោះទេ ថែមទាំងជាទីកន្លែងសម្រាប់ផ្សារភ្ជាប់ និងដោះដូរ ចែករំលែករវាងបងប្អូននារីជាច្រើនរូបទៀតផង។ មិនអ្នកខ្លះ ពីមុននេះមិនធ្លាប់បានចូលរួមវគ្គបណ្តុះបណ្តាលនេះទេ តែពេលនេះក៏ផ្ចិតផ្ចង់ក្នុងការរៀនសូត្រ ផ្តើមពីនោះក៏បង្កើតស្មារតីខាង ជួញដូរកំប៊ិចកំប៉ុក សមស្របជាមួយសមត្ថភាព និងលក្ខណៈរៀងខ្លួន។

ជាមួយការយកចិត្តទុកដាក់របស់ភូមិភាគ និងការចូលរួមយ៉ាងសកម្មរបស់មូលដ្ឋានអប់រំរបរវិជ្ជាជីវៈ មានបងប្អូននារីជនបទជាច្រើនរូបមានឱកាសសម្រាប់ស្តារជីវភាពសេដ្ឋកិច្ចគ្រួសារ។ សកម្មភាពបណ្តុះបណ្តាលវិជ្ជាជីវៈ មិនត្រឹមជួយបងប្អូននារីមានប្រភពចំណូលប៉ុណ្ណោះទេ ថែមទាំងបានរួមចំណែកលើកកម្ពស់តួនាទីរបស់នារីក្នុងយុគ្គសម័យថ្មីទៀតផង៕

Trúc Linh - Chí Linh