បង្រៀនប្រវត្តិសាស្ត្រដល់បញ្ញវន្តជំនាន់ក្រោយ

មិនចាំបាច់មានការបង្រៀនរយៈពេលវែងឆ្ងាយ ឬក៏បត់បែនក្នុងរាល់ពីធីជួបជុំផ្សេងៗនោះទេ ប្រវត្តិសាស្ត្រនៅតែអាចរស់ឡើងវិញបានយ៉ាងរំជួលចិត្តក្នុងដួងចិត្តយុវជនទាំងឡាយតាមវិធីដែលធ្លាប់បានឃើញបានស្គាល់ជាប្រចាំតាមរយៈភាពយន្តឯកសារ ឬខ្សែភាពយន្តដ៏រស់រវើកដូចជា៖ "ភ្លៀងក្រហម" នាពេលថ្មីៗនេះ បានឆក់យកអារម្មណ៍បេះដូងនៃមនុស្សយ៉ាងច្រើនកុះករ បង្កើនមោទនភាពជនជាតិ និងទឹកចិត្តស្នេហាជាតិសម្រាប់បញ្ញវន្តគ្រប់រូប។

ខ្សែភាពយន្ដ "ភ្លៀងក្រហម" ត្រូវបានបំផុសគំនិតឡើងដោយព្រឹត្តិការណ៍ប្រវត្តិសាស្ត្រដ៏ឈឺចាប់ ប៉ុន្តែពោរពេញដោយមោទនភាព មានដូចជា៖ ការប្រយុទ្ធរយៈពេល ៨១ ថ្ងៃយប់ ដើម្បីការពារ វិមានបុរាណក្វាងទ្រីក្នុងឆ្នាំ​១៩៧២។ នៅទីនោះ ទាហានដែលមានវ័យពេញកម្លោះទាំងឡាយតែងត្រៀមស្មារតីចេញទៅសមរភូមិដើម្បីការពារទឹកដី។ ខ្សែភាពយន្ត​នេះ​បានលើកឡើងពីប្រវត្តិស្នេហជាតិ ទាក់ទាញអារម្មណ៍ទឹក​ចិត្ត​អ្នក​ទស្សនា​តាំងពី​ភាព​សាមញ្ញធម្មតារហូតដល់ក្តុកក្តួលពេញទាំងបេះដូង។

នៅចុងខែកញ្ញាកន្លងហើយ ទូទាំងកម្មាភិបាល បក្ខជន និងអ្នកបម្រើការងារនៅធានាគារ BIDV Cà Mau រួមគ្នាចូលរួមសកម្មភាពនយោបាយដ៏ពិសេសមួយគឺ ការមើកុនជាក្រុម។ គ្មានពាក្យស្លោកជាសញ្ញា គ្មានសទ្ធាន្ត មានត្រឹមតែរូបភាព សំឡេង និងអារម្មណ៍ពិតៗពី "ភ្លៀងក្រហម" ប៉ុណ្ណោះ។ មានយ៉ាងច្រើនទស្សនីភាពដែលញាំងឱ្យទស្សនិកជនទាំងមូលសម្ងាត់មាត់ ស្រក់ទឹកភ្នែក ដូចជារូបភាពទាហានវ័យក្មេងកាន់សំបុត្រផ្ញើពីម្តាយយ៉ាងបន្ទាន់ តែមិនទាន់បានអានចប់ផងក៏ក៏ត្រូវពលី ឬក៏សាកសពគ្មានឈ្មោះ ដេកនៅមាត់ទន្លេ ថាច់ហាន រលាយចូលទៅក្នុងដី ក្នុងទន្លេ ដើម្បីប្រទេសជាតិ មាតុភូមិបានសុខសន្តិភាពដូចសព្វថ្ងៃនេះ។

ចុងខែកញ្ញាកន្លងហើយ ទូទាំងកម្មាភិបាល បក្ខជន និងបុគ្គលិកធនាគារ BIDV Cà Mau បានរួមគ្នាចូលរួមសកម្មភាពនយោបាយដ៏ពិសេស៖​ ទស្សនាខ្សែភាពយន្ត “ភ្លៀងក្រហម”។

លោក Trần Thanh Quỳnh នាយកធនាគារ BIDV Cà Mau បានចែករំលែកថា៖ "ការទស្សនាភាពយន្តនេះ មិនត្រឹមតែជាឱកាសដើម្បីស្វែងយល់បន្ថែមអំពីប្រវត្តិសាស្រ្តដែលបានបង្កើតឡើងវិញតាមរយៈខ្សែភាពយន្តប៉ុណ្ណោះទេ ថែមទាំងជាឱកាសសម្រាប់កម្មាភិបាលរដ្ឋការទាំងឡាយគ្រប់រូបដាស់ស្មារតី គោរពឱ្យតម្លៃនៃជីវិតដែលរស់នៅដ៏សុខដមរមនានេះផង។ ​យើងខ្ញុំគ្រប់គ្នាតែងសង្ឃឹុម អ្នករាល់គ្នាត្រូវយល់ថា ភារកិច្ចរបស់បញ្ញវន្តជំនាន់ក្រោយនេះ ត្រូវតែរស់​ ហើយរស់សម្រាប់លះបង់ដើម្បីប្រទេសជាតិ មាតុភូមិ សក្តិសមជាមួយការពលិកម្មដ៏អង់អាចក្លាហានរបស់បុព្វបុរសយើង”។

កម្មាភិបាល កម្មករទាំងឡាយ ជាពិសេសបណ្តាបុគ្គលិកវ័យក្មេងទាំងឡាយរបស់ធនាគារ BIDV Cà Mau យល់ច្បាស់ពីអត្ថន័យនៃសកម្មភាពដ៏ពិសេសនេះ។ អ្នកស្រី Lý Ngọc Thanh អនុប្រធានការិយាល័យអតិថិជនផ្ទាល់ខ្លួនទី១ បានមានប្រសាសន៍ថា៖ "បានមើលសខ្សែភាពយន្ត “ភ្លៀងក្រហម" ខ្ញុំមានអារម្មណ៍ដូចបានភ្ញាក់ឡើងវិញ។ នូវរាល់អ្វីៗដែលខ្ញុំបានអានក្នុងសៀវភៅឥឡូវកាន់តែមានភាពរស់រវើកជាងមុនទៅទៀត។ ខ្ញុំក្តុកក្តួលក្នុងចិត្តខ្លាំងណាស់ចំពោះទិដ្ឋភាពដែលទាហានបានពលិកម្មទាំងខ្លួនមិនទាន់បានអានសំបុត្រដែលម្តាយផ្ញើឱ្យ។ ខ្ញុំមានអារម្មណ៍ថាសំណាងណាស់ដែលបានរស់ក្នុងភាពសុខសាន្ត ដូច្នេហះើយគួររស់នៅដោយមានការទទួលខុសត្រូវថែមទៀត មិនត្រឹមតែក្នុងរាល់កិច្ចការងារប្រចាំថ្ងៃប៉ុណ្ណោះទេ ថែមតាំងកិច្ចការងារសង្គម និងប្រទេសជាតិផងដែរ”។

ស្មារតីនោះមិនត្រឹមតែពនាពង្រីកសាយភាយតាមក្នុងស្ថាប័នរដ្ឋប៉ុណ្ណោះទេ ថែមទាំងត្រូវបានសាបព្រោះទាំងក្នុងថ្នាក់រៀនដែលជាទីតាំងអនាគតនិឹងក្លាយជាម្ចាស់ការពារទឹកដីមាតុភូមិទៀតផង។ ប៉ុន្មានថ្ងៃកន្លងមកនេះ មានសាលារៀនជាច្រើនក្នុងខេត្តបានរៀបចំឱ្យសិស្សានុសិស្សទស្សនាខ្សែភាពយន្តរឿង "ភ្លៀងក្រហម" ប្រៀបបានដូចជាមធ្យោបាយអប់រំដ៏ទន់ភ្លន់ ប៉ុន្តែមានប្រសិទ្ធភាពណាស់។

បន្ទាប់ពីទស្សនាខ្សែភាពយន្ត ប្អូន Đặng Khánh Duy ជាសិស្សថ្នាក់ទី ៩G នៃអនុវិទ្យាល័យ Võ Thị Sáu បានសរសេររៀបរាប់ពីគោលគំនិតរបស់ខ្លួន ថ្វីត្បិតតែមានសភាពសាមញ្ញ ប៉ុន្តែពោរពេញដោយអារម្មណ៍ក្តុក្តួលថា៖ “បន្ទាប់ពីបានមើលរឿង កូនមិនត្រឹមតែបានស្វែងយល់បន្ថែមអំពីសមរភូមិ ៨១ ថ្ងៃយប់ដើម្បីការពារវិមានបុរាណ Quảng Trị ប៉ុណ្ណោះទេ ថែមទាំងមានអារម្មណ៍ថាស្មារតីជាអមតៈរបស់កងទាហានយើងទៀតផង។ លោកអ៊ំ លោកពូដែលជាកងទ័ពទាំងឡាយក៏មានគ្រួសារ មានក្តីស្រឡាញ់ មានជីវភាពរស់នៅដោយឡែកដូចគេឯងដែរ តែដោយសារប្រទេសជាតិមានសង្គ្រាម ពួកគាត់តែងត្រៀមពលីជីវិតជានិច្ច មានអ្នកខ្លះបានលះបង់ជីវិតនៅសមរភូមិយ៉ាងអាណោយអាធម្ម ដោយគ្មាននរណាម្នាក់ស្គាល់ឈ្មោះ ឬក៏ដឹងអាយុនោះទេ។ សង្គ្រាមបានឆក់យកអាយុជីវិតមនុស្ស និងក្តីស្រឡាញ់ជាច្រើនក្រៃលែងណាស់។ មើលកុន កូនឃើញថា យើងត្រូវតែស្រលាញ់សន្តិភាព និងរក្សាស្មារតីស្នេហាជាតិ កុំឱ្យកម្លាំងប្រតិកម្មមករង្គោះរង្គើការស្នេហាជាតិ និងទំនុកចិត្តរបស់បងប្អូនប្រជាជនជាដាច់ខាត”។

ប្រទេសជាតិយើងកំពុងឈានចូលយុគសម័យនៃការអភិវឌ្ឍន៍ប្រទេសជាតិជាងពេលណាៗទាំងអស់ ដូច្នេះហើយយើងត្រូវការបញ្ញវន្តដើម្បីរស់នៅប្រកបដោយទំនួលខុសត្រូវ និងការសិក្សារៀនសូត្រ ពលកម្ម ព្រមទាំងរួមចំណែកដោយអស់ពីចិត្តសម្រាប់ការស្នេហាជាតិ។ ដើម្បីបញ្ឆេះរឿងទាំងនេះ យើងត្រូវការមានខ្សែភាពយន្តដ៏ល្អៗបន្ថែមទៀត ដូចជារឿង "ភ្លៀងក្រហម" ដើម្បីឱ្យអ្នកទាំងអស់គ្នាបានយល់ច្បាស់ពីអតីតកាល និងយល់ពីបច្ចុប្បន្នកាល រួមគ្នាដើម្បីសរសេបន្តដំណើរជីវិតនៃពេលអនាគតដ៏ភ្លឺស្វាងសម្រាប់ប្រទេសជាតិ មាតុភូមិ៕

Hồng Phượng