កាត់បន្ថយកង្វះខាតព័ត៌មាន បង្កើនឱកាសអភិវឌ្ឍន៍

អនុវត្តកម្មវិធីគោលដៅជាតិស្តីពីការកាត់បន្ថយភាពក្រីក្រស្ថេររភាព ខេត្ត Cà Mau តែងបានយកចិត្តទុកដាក់យ៉ាងពិសេស ព្រមទាំងជំរុញការផ្សព្វផ្សាយនិងកាត់បន្ថយកង្វះខាតខាងព័ត៌មាន រួមចំណែកជួយប្រជាជនមានឱកាសបានចូលជិតគោលនយោបាយ និងសមត្ថភាពម្ចាស់ការដើម្បីឈានឡើងរួចចាកភាពក្រីក្រ។

ការបើកថ្នាក់បង្រៀនអក្សរ Khmer ក្នុងឱកាសវិស្សមកាល បានរួមចំណែកលើកកម្ពស់ប្រជា បញ្ញារបស់កូនក្មួយជនរួមជាតិភាគតិច។

នៅតាមបណ្តាតំបន់ជនជាតិភាគតិច ការកាត់បន្ថយកង្វះខាតខាងព័ត៌មានបានជួយប្រជាជនលើកកំពស់ប្រជាបញ្ញា និងធនធានសំខាន់ៗមួយចំនួន។​ តាមរយៈនោះរួមចំណែកកាត់បន្ថយភាពក្រីក្រមានប្រសិទ្ធភាព។

ដើម្បីជួយប្រជាជនមិនខ្វះខាងប្រភពព័ត៌មាន ការផ្តល់សេវាអ៊ីនធឺណិត បណ្តាញទូរស័ព្ទ ចល័ត និងការនាំយកព័ត៌មានទៅកាន់មូលដ្ឋាន ជាពិសេសនៅតំបន់ជនជាតិភាគតិច គឺមានសារៈសំខាន់ខ្លាំងណាស់ក្នុងការរួមចំណែកអនុវត្តសម្រេចជោគជ័យនូវគោលដៅនៃការកាត់បន្ថយក្រស្ថេរភាព។

ប៉ុន្មានឆ្នាំកន្លងមក អនុវត្តអនុគម្រោងស្តីពីការកាត់បន្ថយការកង្វះខាតខាងព័ត៌មាន មន្ទីរវប្បធម៌ កីឡា និងទេសចរណ៍បានសហការជាមួយស្ថាប័នពាក់ព័ន្ធ និងរដ្ឋអំណាចភូមិភាគ ចាត់ចែងហ្វឹកហាត់វិជ្ជាជំនាញជាប្រចាំក្នុងកងជួរកម្មាភិបាល ឃោសនា និងអ្នកឃោសនានៅតាមអនុសង្កាត់ ភូមិ អំពីកម្មវិធីបន្ថយភាពក្រីក្រ ព្រមទាំងបោះពុម្ពឯកសារស្តីពីគោលនយោបាយថ្មីៗ។ល។ ទន្ទឹមនឹងនោះក៏បានសហការជាមួយស្ថាប័នសារព័ត៌មាន ផលិតប​ទយកការណ៍ បធានបទ និងការបោះពុម្ពផ្សាយនានា ដើម្បីផ្សព្វផ្សាយអំពីគោលដៅជាតិស្តីពីការកាត់បន្ថយភាពក្រីក្រស្ថេររភាព ដំណាក់កាលឆ្នាំ ២០២១-២០២៥។

សៀវភៅ និងកាសែតគ្រប់ប្រភេទបានផ្តល់ជូនដល់ទីស្នាក់ការភូមិនីមួយៗ។

តាមរយៈការខិតខំទាំងនេះ ចំណេះដឹង បទពិសោធន៍ និងទម្រង់សេដ្ឋកិច្ច ប្រសិទ្ធភាពជាច្រើនបានផ្សព្វផ្សាយទាន់ពេលវេលា ព្រមទាំងគំរូឆ្នើម និងព័ត៌មានចាំបាច់ផ្សេងៗពាក់ព័ន្ធនឹងការកាត់បន្ថយភាពក្រីក្របានបញ្ជូនទៅដល់ជនជាតិភាគតិច។។ អាស្រ័យហេតុនេះ កម្មវិធីគោលដៅជាតិស្តីពីការបន្ថយភាពក្រីក្រស្ថេរភាពក្នុងខេត្ត សម្រេចបានលទ្ធផលសំខាន់ៗជាច្រើនផងដែរ។ អត្រាគ្រួសារក្របានថយចុះខ្លាំងក្នុងរយៈពេលប៉ុន្មានឆ្នាំនេះ ហើយគុណភាពរស់នៅរបស់បងប្អូននៅតាមតំបន់ជនជាតិភាគតិចក៏បានលើកកម្ពស់ជាលំដាប់។

លោកស្រី Lê Ly Kha អនុប្រធានការិយាល័យវប្បធម៌ឃុំ Ninh Thạnh Lợi មានប្រសាសន៍៖ “ប៉ុន្មានឆ្នាំកន្លងមកនេះ កម្មវិធីគោលដៅជាតិស្តីពីបន្ថយភាពក្រីក្រក្នុងឃុំបានអនុវត្តល្អ។ ឃុំបានសម្រេចការសាងសង់ផ្ទះ ១០០% សម្រាប់គ្រួសារក្រ និងគ្រួសារប្រកៀកបន្ទាត់ក្រ។ ដើម្បីបង្កើតមូលដ្ឋានគ្រឹះសម្រាប់គ្រួសារទាំងនោះក្នុងដំណើរការរួចចាកភាពក្រីក្រ រដ្ឋអំណាចភូមិភាគតែងបើកថ្នាក់ហ្វឹកហ្វឺនវិជ្ជាជីវៈ ឱ្យបុលដើមទុនបង្កបង្កើនផល និងចិញ្ចឹមសត្វ បង្កលក្ខណៈល្អបំផុតសម្រាប់បងប្អូនក្នុងការទទួលឧបត្ថម្ភធានារ៉ាប់រងសុខាភិបាល អាគុយថាមពលព្រះអាទិត្យ ធុងស្តុកទឹក ឧបត្ថម្ភស៊ីមទូរស័ព្ទភ្ជាប់អ៊ីនធឺណិត ជូនសៀវភៅ និងកាសែតតាមអាគារវប្បធម៌ភូមិ ព្រមទាំងបើកថ្នាក់បង្រៀនអក្សរ Khmer ឱ្យកូនចៅជនរួមជាតិភាគតិច។ល។

ឃុំ Ninh Thạnh Lợi  មានគ្រួសារជនជាតិភាគតិចប្រមាណជាង ៩០០ គ្រួសារ ប្រមូលផ្តុំច្រើននៅភូមិ៖ Chòm Cao, Thống Nhất, Ninh Thạnh Tây, Ninh Thạnh Đông, Cỏ Thum និង Sẻo Dừng។ ដោយការយកចិត្តទុកដាក់ និងគោលនយោបាយឧបត្ថម្ភរបស់បក្ស និងរដ្ឋ គុណភាពរបស់នៅរបស់បងប្អូនកាន់តែមានភាពរីកចម្រើន។

 “អាស្រ័យបានទទួលព័ត៌មានទាន់ហេតុការណ៍ បងប្អូននៅទីនេះមានការយល់ដឹងច្រើនជាងមុន។ ដូច្នេះហើយ ពួកគាត់ក៏មានលក្ខណៈកសាងសេដ្ឋកិច្ច និងផ្គត់ផ្គង់ជីវភាពគ្រួសារបានល្អប្រសើរជាងមុនច្រើនណាស់ដែរ។ ការក្តាប់ស្ថានការណ៍ព័ត៌មាន របៀបរកស៊ី ឬក៏ស្ថានភាពសន្តិសុខនយោបាយក៏បានឆាប់រហ័ស និងទាន់ពេលវេលា។ បងប្អូនណាដែលចង់អានកាសែត គឺគ្រាន់តែទៅកាន់អាគារវប្បធម៌ភូមិ នឹងមានស្រាប់ដើម្បីអាន” លោក Danh Phươl អ្នកភូមិ Thống Nhất បានចែករំលែកដូច្នេះ។

សម្ព័ន្ធយុវជនឃោសនា និងឧបត្ថម្ភប្រជាជនក្នុងការដំឡើងកម្មវិធី VNeID។

ដើម្បីបង្កើនប្រសិទ្ធភាពបន្ថែមទៀតនូវការផ្សព្វផ្សាយ និងបន្ថយភាពកង្វះខាតខាងព័ត៌មាននាពេលខាងមុខ ខេត្តនឹងបន្តពង្រីកលទ្ធផលសម្រេចបានក្នុងការងារផ្សព្វផ្សាយ និងកាត់បន្ថយភាពកង្វះខាតខាងព័ត៌មានក្នុងកម្មវិធីគោលដៅជាតិស្តីពីការកាត់បន្ថយភាពក្រីក្រស្ថេររភាព ដំណាក់កាល ២០២១-២០២៥។ ទន្ទឹមនឹងនោះ ជំរុញខ្លាំងខ្លាការឧបត្ថម្ភប្រជាជន ជាពិសេសជនរួមជាតិភាគតិច ក្នុងការប្រើប្រាស់សេវាទូរគមនាគមន៍ អ៊ីនធឺណិត ការអនុវត្តបច្ចេកវិទ្យាព័ត៌មាន និងបរិវត្តកម្មឌីជីថល ដើម្បីជួយប្រជាជនកាន់តែមានភាពម្ចាស់ការក្នុងការទទួលព័ត៌មាន គោលនយោបាយ ស្វែងរកប្រភពនៃការឧបត្ថម្ភ និងរៀនសូត្របទពិសោធន៍វិធានការ ដើម្បីសម្រេចបាននូវបំណងប្រាថ្នារួចផុតពីភាពក្រីក្រស្ថេរភាព៕

Thanh Hải