ដល់ឆ្នាំ ២០២៧ គ្រប់សាលារដ្ឋទាំងអស់នឹងមានបន្ទប់អនាម័យសម្រេចស្តង់ដារ

យោងតាមការជាក់ស្តែង នៅតាមសាលារៀនជាច្រើននាពេលបច្ចុប្បន្ននេះ ករណីបន្ទប់មានសភាពទ្រុឌទ្រោម ដោយសារការវិនិយោគរយៈពេលវែង ឬលើសទម្ងន់ មិនអាចឆ្លើយតបតម្រូវការរបស់សិស្សដែលកើនឡើងចំនួនច្រើនដោយសារការលុបបំបាត់សាលារាយប៉ាយ ផ្តើមពីនោះក៏មិនអាចធានាលក្ខណៈអនាម័យ បណ្តោយឱ្យប៉ះពាល់ដល់សុខភាពនិងទាំងផ្លូវចិត្តរបស់ប្ងូនៗសិស្សានុសិស្សទៀតផង។ ប្រការនេះបានធ្វើឱ្យឪពុកម្តាយសិស្ស និងសាលាមានការព្រួយបារម្ភខ្លាំង។

សំណង់សាងសង់បន្ទាប់អនាម័យថ្មីនៅសាលាបឋមសិក្សា Thuận Hoà កំពុងត្រូវបានជំរុញល្បឿន។

យោងតាមស្ថិតិ ទូទាំងខេត្តនាពេលបច្ចុប្បន្នមានបន្ទប់អនាម័យចំនួន ៨៣៩ បន្គន់ នៅតាមបណ្តាសាលាទាំងឡាយត្រូវការសាងសង់ថ្មី ឬជួសជុលកែលម្អ (បន្ទប់ដែលទើបនឹងសាងសង់ថ្មីចំនួន ១៨៨ បន្ទប់ ជួសជុលបាន ៦៥១ បន្ទប់)។ បន្ទប់ទាំងនេះភាគច្រើនស្ថិតតែក្នុងសភាពទ្រុឌទ្រោម ឬមានទំហំតូច មិនអាចឆ្លើយតបនឹងតម្រូវការធៀបនឹងចំនួនសិស្សរបស់សាលា។

ផ្តោតលើតម្រូវការជាក់ស្តែងនេះ ខេត្តបានវិនិយោគជាទឹកប្រាក់ជិត ១៨០ ពាន់លានដុងដែើផ្តើមពីប្រភពថវិការដ្ឋ និងប្រភពដែលស្របច្បាប់ផ្សេងទៀត ដើម្បីអនុវត្តគម្រោងសាងសង់ និងជួសជុលបន្ទប់អនាម័យនៅតាមសាលារៀន។ គោលដៅរបស់គម្រោងគឺដល់ឆ្នាំ ២០២៧ សាលារដ្ឋទាំងអស់ក្នុងតំបន់នឹងមានបន្ទប់ទឹកស្តង់ដារ បម្រើតម្រូវការរបស់សិស្សបានល្អបំផុត បញ្ចប់ស្ថានភាពសិស្ស "ភ័យខ្លាច" មិនហ៊ានចូលបន្ទប់ទឹក។

នៅសាលាបឋមសិក្សា Thuận Hoà ភូមិ Thuận Hoà ឃុំ Tân Thuận ការសាងសង់បន្ទប់អនាម័យកំពុងជិតបានសម្រេច ឆ្លើយតបតម្រូវការរបស់សាលា និងឪពុកម្តាយ ជាពិសេសប្អូនៗសិស្សានុសិស្ស។ លោកគ្រូ Tiêu Hoàng Khởi នាយកសាលាបានចែករំលែកថា៖ “ខណៈពេលដែលបានអនុវត្តគោលនយោបាយរួមបញ្ចូលគ្នារវាងសាលារាយប៉ាយ សាលាបឋមសិក្សា Thuận Hoà មានចំនួនសិស្សកើនដល់ជាង ៣០០ នាក់។ ខណៈបន្ទប់អនាម័យមានត្រឹមតែ ១ ប៉ុណ្ណោះ ហើយក៏ត្រូវខូតខាតទៀតផង។ លើកនេះ សាលាបានវិនិយោគលើការជួសជុលបន្ទប់អនាម័យដែលមានស្រាប់ និងសាងសង់ថ្មីតាមតម្រូវការរបស់សិស្ស។ ដើម្បី​ធានា​អនាម័យ​សម្រាប់ប្អូនៗសិស្សានុសិស្ស”។

ស្ថិតក្នុងឃុំជាមួយគ្នាដែរ អនុវិទ្យាល័យ Tân Thuận ឃុំ Thuận Hoà  B ល្បឿននៃការសាងសង់តំបន់អនាម័យថ្មីកំពុងត្រូវបានជំរុញយ៉ាងខ្លាំងខ្លា។ លោកគ្រូ Nguyễn Ngọc Trường នាយកសាលា​បានឱ្យដឹង៖ ឆ្នាំសិក្សា ២០២៤-២០២៥ សាលាមានទាំងអស់ ៩ ថ្នាក់ ដែលមានសិស្សប្រមាណជិត ៣០០ នាក់។ ប៉ុន្តែបន្ទប់អនាម័យមានត្រឹមតែ ៦ បន្ទប់ប៉ុណ្ណោះសម្រាប់ទាំងសិស្សប្រុស និងសិស្សស្រី ហើយបណ្តាសំ​ណង់ផ្សេងៗមួយចំនួនក៏ទ្រុឌទ្រោម ទើបប្អូនៗសិស្សានុសិស្សមុនពេលចេញសម្រាកមានតម្រូវការខាង​អនាម័យគឺត្រូវរង់ចាំគ្នាទៅវិញទៅមក។

មណ្ឌលនៃបន្ទាប់អនាម័យរបស់សាលាអនុវិទ្យាល័យ Tân Thuận មិនអាចឆ្លើយតបតម្រូវការរបស់ប្អូនៗសិស្សានុសិស្សប្រមាណជាង ៣០០ នាក់ ដូច្នេះហើយទើបទទួលបានការវិនិយោគសាងសង់ថ្មីបន្ថែមទៀត។

"បច្ចុប្បន្ន ខណៈពេលដែលទទួលបានការវិនិយោគសាងបន្ទប់អនាម័យថ្មី ក៏ឆ្លយតបតម្រូវការរបស់ប្អូនៗសិស្សានុសិស្សផងដែរ។ សាលាក៏មានគម្រោងការរៀបចំជួលអ្នកបោសសម្អាតតំបន់បន្ទប់អនាម័យ ស្របឱកាសនោះក៏អប់រំចំណេះដឹងប្អូនខាងស្មារតីរក្សាការពារអនាម័យរួមសម្រាប់ដំណើរការប្រើប្រាស់” លោកគ្រូ Trường បានឱ្យដឹងឱ្យបន្ថែមបែបនេះ។

លោក Phạm Thanh Duy អនុប្រធានគណៈកម្មាធិការប្រជាជនឃុំ Tân Thuận បានមានប្រសាសន៍ថា នៅពេលដែលបានកែលម្អបន្ទប់អនាម័យត្រូវ សាលារៀនក៏មានការរំភើបចិត្តជាខ្លាំង រហូតមកទល់ពេលនេះ ក៏មានអង្គភាពមួយចំនួនកសាងសម្រេចបានលើសពី ៥០% ផងដែរ។​គណៈកម្មាធិការប្រ ជាជនឃុំកំពុងចង្អុលការណែនាំសាលាទាំងឡាយឱ្យបង្កើនល្បឿនសម្រាប់សំណង់នេះឆាប់បានដាក់​ឱ្យប្រើប្រាស់ជាផ្លូវការសម្រាប់ប្អូនៗសិស្សសាលា។

ដោយបានដឹងថា នាពេលបច្ចុប្បន្ន ផ្នែកអប់រំកំពុងសហការជាមួយបណ្តាអង្គភាព ភូមិភាគប្រញ៉ាប់ធ្វើការផ្សព្វផ្សាយគម្រោងការ ធានាត្រឹមត្រូវតាមការកំណត់ ល្បឿន និងគុណភាព ដើម្បីរួមចំណែកបង្កើតបរិស្ថានបៃតង ស្អាត និងមេត្រីភាព។ “​បន្ទាប់​ពី​ដាក់​ឱ្យ​ប្រើប្រាស់​ជាផ្លូវការ ​ឃុំ​បាន​ចង្អុលការណែនាំ និងកែ​ជួសជុល​ជា​ប្រចាំ ដើម្បី​ធានា​​គម្រោង​នេះ​ត្រូវ​បាន​ប្រើប្រាស់​រយៈពេល​យូរអង្វែង” ​លោក Duy​ បានចែករំលែក៕

Nguyễn Phú - Chí Diện