Truyền hình
នៅតាមតំបន់ដែលមានបងប្អូនជនជាតិភាគតិចរស់នៅកុះករ ការផ្លាស់ប្តូរថ្មីនាពេលបច្ចុប្បន្ននេះ បានបង្ហាញច្បាស់តាមរយៈរបៀបគិតគូរ និងរបៀបធ្វើរបស់បងប្អូន។ ពីការផលិតតូចតាច ដែលពឹងផ្អែកច្រើនលើធាតុអាកាស និងព្រេងសំណាង គ្រួសារជាច្រើនបានម្ចាស់ការស្វែងរកទិសដៅថ្មី តស៊ូពលកម្មដើម្បីបង្កើតមុខរបរចិញ្ចឹមជីវិត បង្កើតប្រាក់ចំណូលមានស្ថេរភាព និងបោះជំហានលើកកម្ពស់ជីវភាពរស់នៅលើទឹកដីកំណើតរបស់ខ្លួន។
អ្នកមីង Lâm Hồng (ខាងស្តាំ) ផ្លាស់ប្តូរ និងចែករំលែកបទពិសោធន៍អភិវឌ្ឍន៍មុខរបរចិញ្ចឹមជីវិត ពីគំរូដាំដំណាំនិងចិញ្ចឹមសត្វចម្រុះ បោះជំហានទៅរកការរក្សាលំនឹងជីវភាព។
គ្រួសារអ្នកមីង Lâm Hồng ជនជាតិ Khmer នៅភូមិ Vàm Đình ឃុំ Phú Mỹ ជាគំរូមួយដូច្នេះ។ កាលពីមុន មុខរបររបស់គ្រួសារគឺពឹងផ្អែកលើការចិញ្ចឹមបង្កា ដែលមានចំណូលមិននឹងនរ។ ដោយមិនព្រមទទួលយកភាពខ្វះខាត ប្តីប្រពន្ធរបស់គាត់បានប្តេជ្ញាចិញ្ចឹមបន្ថែមនូវក្តាម ត្រី និងឆ្លៀតយកផលប្រយោជន៍ពីភ្លឺស្រះ ដើម្បីដាំដំណាំរួមផ្សំ និងដើមឈើហូបផ្លែសម្រាប់បង្កើនប្រភពចំណូលមានភាពសម្បូរបែប។
នៅពេលផ្លាស់ប្តូរទិសដៅផលិត ប្តីប្រពន្ធអ្នកមីង Hồng បានខិតខំស្វែងយល់ និងសន្សំបទពិសោធន៍ គិតគូរយ៉ាងម៉ត់ចត់រាល់រដូវចិញ្ចឹម ដោយអនុវត្តវិធី "យកខ្លីចិញ្ចឹមវែង" ដើម្បីកាត់បន្ថយហានិភ័យ។ អាស្រ័យដោយការឧស្សាហ៍ព្យាយាម និងតស៊ូ ប្រាក់ចំណូលរបស់គ្រួសារបានបោះជំហានទៅរកភាពលំនឹង ជីវភាពកាន់តែប្រសើរឡើងពីមួយថ្ងៃទៅមួយថ្ងៃ។ "ចង់មានបានគឺត្រូវខិតខំធ្វើការងារ មិនអាចចេះតែរង់ចាំជំនួយនោះទេ" ពាក្យសម្តីដ៏សាមញ្ញរបស់អ្នកមីង Hồng បានបង្ហាញពីស្មារតីម្ចាស់ការដែលកំពុងពង្រីកសាយភាយក្នុងជីវភាពជនបទសព្វថ្ងៃ។
យោងតាអ្នកមីង Đặng Thị Mỹ Phương ប្រធានភូមិ Vàm Đình បានឱ្យដឹងថា៖ គ្រួសារ Khmer ជាច្រើនក្នុងភូមិ កាន់តែម្ចាស់ការក្នុងការឆ្លៀតយកផលប្រយោជន៍ពីដីធ្លី ដោយប្រសិទ្ធភាព ជ្រើសរើសគំរូផលិតសមស្របនឹងលក្ខណៈគ្រួសារនីមួយៗ។ ផ្នត់គំនិតរង់ចាំជំនួយឧបត្ថម្ភត្រូវបានជំនួសដោយស្មារតីម្ចាស់ការឈានឡើង។ អាស្រ័យហេតុនោះ រហូតមកទល់ពេលនេះ ក្នុងភូមិលែងមានគ្រួសារក្រីក្រក្នុងជនរួមជាតិ Khmer ទៀតហើយ ជីវភាពប្រជាជនកាន់តែមានស្ថិរភាព។
នៅភូមិ Vĩnh Lộc ឃុំ Phước Long គ្រួសារលោក Sơn Hồng ក៏ជាសក្ខីភាពមួយនៃឆន្ទៈជំនះការលំបាកឈានឡើង។ ក្រៅពីចិញ្ចឹមបង្គាគួបផ្សំជាមួយស្រូវ គាត់បានឆ្លៀតយកផលប្រយោជន៍ពីដីដែលនៅទំនេរជុំវិញផ្ទះដើម្បីចិញ្ចឹមសត្វ និងត្រីទឹកសាបផងដែរ មិនត្រឹមតែជួយកែលម្អអាហារប្រចាំថ្ងៃប៉ុណ្ណោះទេ ថែមទាំងបង្កើនប្រាក់ចំណូលទៀតផង។ ដោយតស៊ូតាមទិសដៅ "ដាំដំណាំច្រើនមុខ ចិញ្ចឹមសត្វច្រើនប្រភេទ" លើផ្ទៃដីតែមួយ គ្រួសារលោក Sơn Hồng បានបោះជំហានទៅរកភាពធូរធារ។ ចំពោះគាត់ សមិទ្ធផលថ្ងៃនេះគឺជាលទ្ធផលនៃការតស៊ូពលកម្មអស់រយៈពេលជាច្រើនឆ្នាំ ហ៊ានគិត ហ៊ានធ្វើ។
ការថែទាំសួនបន្លែបៃតងមុខផ្ទះ ទាញយកផលប្រយោជន៍ពីដីតូចៗដើម្បីផ្គត់ផ្គង់អាហារស្អាតដោយខ្លួនឯង រួមចំណែកលើកកម្ពស់ជីវភាពជនបទ។
"ការងារណាដែលសមស្របនឹងសមត្ថភាព និងជាពលកម្មសុចរិត គឺខ្ញុំត្រៀមខ្លួនធ្វើ ដើម្បីឲ្យជីវភាពកាន់តែប្រសើរឡើង។ មានតែការឧស្សាហ៍ព្យាយាមទើបអាចរួចផុតពីភាពក្រីក្របាន" លោក Hồng បានសង្ខេបន័យយ៉ាងដូច្នេះ។
ការអនុវត្តជាក់ស្តែងបានបង្ហាញថា នៅពេលដែលហេដ្ឋារចនាសម្ព័ន្ធ និងគោលនយោបាយបានបង្កើតជាមូលដ្ឋានគ្រឹះ ប្រជាជនមានតួនាទីស្នូលសម្រាប់ឆន្ទៈ និងការប្តេជ្ញាចិត្ត នោះការងារកាត់បន្ថយភាពក្រីក្រក្នុងតំបន់បងប្អូនជនជាតិ Khmer នឹងមានចីរភាព។ ឆន្ទៈខិតខំពលកម្មឈានឡើង មានវត្តមាននៅក្នុងរាល់រដូវផលិតដែលមានប្រសិទ្ធភាព ជាមួយពេលបាយគ្រប់គ្រាន់ និងប្រកបដោយក្តីសង្ឃឹមសម្រាប់អនាគតនៃការសិក្សារបស់កូនក្មួយ៕
Nguyễn Đào
Xem thêm bình luận