ពិពិធកម្មក្នុងការរស់នៅដើម្បីរួចចាកប្រកៀកបន្ទាត់ក្រ

និទាឃរដូវឆ្នាំ ២០២៦ គ្រួសារបង Huỳnh Văn Vũ (អាយុ ៤២ ឆ្នាំ ភូមិ Bình Tốt A ឃុំ Vĩnh Phước​ បានទទួលបុណ្យតេតដោយក្តីសប្បាយរីករាយ ខណៈពេលដែលខ្លួនមិនស្ថិតក្នុងករណីនៃគ្រួសារប្រកៀកបន្ទាត់ក្រទៀត។ លទ្ធផលនេះគឺជា "ផ្លែផ្អែម" នៃការឧបត្ថម្ភទាន់ពេលវេលា និងសមស្របផ្តើមពីគោលនយោបាយរបស់ភូមិភាគ រួមជាមួយនឹងការខិតខំប្រឹងប្រែង និងការប្តេជ្ញាចិត្តរបស់គ្រួសារក្នុងការយកឈ្នះលើភាពក្រីក្ររបស់គ្រួសារ។

លោក Nguyễn Chí Bảo កម្មាភិបាលទទួលបន្ទុកផ្នែកខាងសេដ្ឋកិច្ចឃុំ Vĩnh Phước (ឆ្វេង) ស្វែងយល់ពីទម្រង់ចិញ្ចឹមជ្រូករបស់បង Huỳnh Văn Vũ  ដើម្បីវាយតម្លៃប្រសិទ្ធភាពក្នុងការរស់នៅ និងកំណត់ទិសដៅនៃការឧបត្ថម្ភយ៉ាងសមស្របនាពេលខាងមុខ។

ពីមុន សេដ្ឋកិច្ចគ្រួសារបង Vũ ភាគច្រើនពឹងផ្អែកលើដីស្រែចំនួន ៣ ហិចតាដែលខ្ចីពីជីតារបស់ខ្លួន។ តំផ្ទៃតិចតួច និងប្រាក់ចំណូលមិននឹងនរខ្វះមុខខ្វះក្រោយជាប្រចាំ។ តែដើម្បី មានប្រាក់សម្រាប់ផ្គត់ផ្គង់ជីវភាព បងបានដើរលក់មាន់ ទាគ្រប់ទិសទី តែប្រាក់ចមណូលដែលទទួលបានក៏មិននឹងនរនោះដែរ។ ភាពលំបាកកាន់តែខ្លាំងឡើងខណៈពេលដែលឪពុករបស់បងកើតមានជំងឺខាងវិបត្តិខួរក្បាល។ បងរួមជាមួយប្រព័ន្ធបានធ្វើការបន្ថែមខាងបោចរោមទា ម្នាកអាចទទួលបានប្រាក់ប្រមាណ ១០០ ពាន់ដុង គ្រប់ត្រឹមតែផ្គត់ផ្គត់ជីវភាពប្រចាំថ្ងៃ និងទិញឱសថសម្រាប់ព្យាយបាលជំងឺជូនឪពុកប៉ុណ្ណោះ។ ចំពោះគំនិតដែលចង់ស្តារសេដ្ឋកិច្ច ក៏ត្រូវផ្អាក់មកវិញ ដោយសារគ្មានដើមទុន និងគ្មានលក្ខណៈក្នុងការវិនិយោគ។

ខែសីហា ឆ្នាំ​២០២៥ គ្រួសារបងទទួលបានការឧបត្ថម្ភទឹកជ្រូពូជ ៨ ​ក្បាល រួមទាំងចំណីដែលផ្តើមពីគម្រោងពហុបែបនៃការចិញ្ចឹមជីវភាពរបស់ភូមិភាគ។ នេះត្រូវបានចាត់ទុកថាជាចំណុចរបត់ដ៏សំខាន់មួយដែលបានជួយគ្រួសារឱ្យអភិវឌ្ឍសេដ្ឋកិច្ច។ បន្ទាប់ពីការចិញ្ចឹមថែទាំរយៈពេលពី ៤-៥ ខែ ជ្រូកមួយហ្វូងដំបូងត្រូវបានលក់ចេញដោយទទួលបានប្រាក់ចំណូលជាង ៥០ លានដុង។ ជាមួយនឹងដើមទុននេះ គ្រួសារបងបានចិញ្ចឹមបន្ថែមហ្វូងជ្រូកបង្កើនចំនួន ៩ ក្បាលទៀត។ បច្ចុប្បន្ន ហ្វូងជ្រូកកំពុងធំធាត់ល្អ ដោយសង្ឃឹមថានឹងទទួលបានប្រាក់ចំណូលនឹងនរនាពេលអនាគត។

ប្តីប្រពន្ធបងថែមទាំងបានវិនិយោគចិញ្ចឹមទា និងសត្វក្ងានចំនួន ៥០ ក្បាល ដោយរួមបញ្ចូលគ្នានូវការលក់ដុំ និងលក់រាយប្រកបដោយភាពបត់បែន ដើម្បីបង្កើនប្រភពប្រាក់ចំណូលប្រចាំថ្ងៃផងដែរ។ អាស្រ័យការខិតខំប្រឹងប្រែង និងចេះគិតគូរក្នុងការចិញ្ចឹម សេដ្ឋកិច្ចគ្រួសារក៏បានធូរធារឡើងជាសន្សឹមៗផង ដែរ ជីវភាពរស់នៅក៏មានភាពល្អប្រសើរ។

បង Huỳnh Văn Vũ រំភើបចិត្តនិយាយប្រាប់ថា៖ “ពីមុន គ្រួសារខ្ញុំតែងខ្វះមុខខ្វះក្រោយរៀងរាល់ឆ្នាំ តែអាស្រ័យបានបក្ស និងរដ្ឋជួយឧបត្ថម្ភពូជជ្រូកចិញ្ចឹម យើងខ្ញុំក៏មានលក្ខណៈក្នុងការរកស៊ី ព្រមទាំងបង្កើនប្រភពប្រាក់ចំណូលនឹងនរល្អផងដែរ ជីវភាពគ្រួសារកាន់តែប្រសើរឡើងជាងឆ្នាំមុនៗផងដែរ”។

ប្តីប្រពន្ធបង Huỳnh Văn Vũ ថែទាំហ្វូងទា ក្ងាន​ ដែលមានការរីកចម្រើនជាសន្សឹមយោងតាមទិសដៅបហុបែបនៃការរស់នៅ និងការលើកកម្ពស់ប្រភពប្រាក់ចំណូលគ្រួសារ។

យោងតាមលោក Nguyễn Thanh Hoàng ប្រធានគណៈកម្មាធិការប្រជាជនឃុំ Vĩnh Phước នៅដើមឆ្នាំ ២០២៥ ទូទាំងឃុំមានគ្រួសារក្រចំនួន ២៦ គ្រួសារ (ស្មើនឹង 0.៣២%) និងគ្រួសារប្រកៀកបន្ទាត់ក្រចំនួន ៧៧ គ្រួសារ (ស្មើនឹង 0.៩៥%)។ ប្រឈមមុខនឹងស្ថានភាពនេះ រដ្ឋអំណាចភូមិភាគបានបង្កើនការចង្អុលណែនាំយ៉ាងមឹងម៉ាត់ និងចាត់តាំងកម្មាភិបាលឱ្យទទួលបន្ទុកលើភូមិសាស្ត្រ។ ធ្វើការពិនិត្យជាប្រចាំ ណែនាំ និងរួមដំណើរការជាមួយប្រជាជនដោយផ្ទាល់ក្នុងដំណើរការអនុវត្តទម្រង់នៃការរស់នៅដូចជាការចិញ្ចឹមជ្រូក ទា និងសត្វកញ្ជ្រោង។ល។ ដោយសារការផ្សព្វផ្សាយយ៉ាងទូលំទូលាយនៃការកាត់បន្ថយភាពក្រីក្រ និងដំណោះស្រាយសន្តិសុខសង្គម ដល់ចុងឆ្នាំ ចំនួនគ្រួសារក្រីក្របានថយចុះនូវត្រឹម ២២ (ស្មើនឹង 0.២៧%) និងគ្រួសារប្រកៀកបន្ទាត់ក្រនូវត្រឹម ៦៧ (ស្មើនឹង 0.៨២%)។

ដោយផ្តោតលើការឧបត្ថម្ភយ៉ាងល្អពីរដ្ឋអំណាចភូមិភាគ រួមជាមួយការខិតខំប្រឹងប្រែងរបស់ខ្លួន គ្រួសារបង Huỳnh Văn Vũ ក៏ដូចជាគ្រួសារក្រីក្រ និងគ្រួសារប្រកៀកបន្ទាត់ក្រដទៃទៀត បានបញ្ចប់ក្នុងឆ្នាំ ២០២៥ ជាមួយនឹងព្រឹត្តិការណ៍ដ៏សំខាន់មួយក្នុងការរួចចាកពីការប្រកៀកបន្ទាត់ក្រប្រកបដោយអត្ថន័យខ្លឹមសារ។ រឿងរ៉ាវរបស់បងក៏ជាភស្តុតាងសម្រាប់ប្រសិទ្ធភាពនៃគោលនយោបាយឧបត្ថម្ភការរស់នៅ រួមចំណែកបង្កើតកម្លាំងចិត្តសម្រាប់គ្រួសារក្រីក្រ និងប្រកៀកបន្ទាត់ក្រ ព្រមទាំងគ្រួសារដែលជួបលំបាកតែមានចិត្តក្លាហានក្នុងការឈានឡើងដើម្បីអភិវឌ្ឍសេដ្ឋកិច្ច និងលំនឹងជីវភាពរស់នៅ៕

Tú Quyên