ផ្លាស់ប្តូរផ្នាត់គំនិតរកស៊ីបង្កើនប្រសិទ្ធភាពសេដ្ឋកិច្ច

ប៉ុន្មានឆ្នាំកន្លងមកនេះ អាស្រ័យការវិនិយោគព្រមគ្នារបស់រដ្ឋខាងវិស័យហេដ្ឋារចនាសម្ព័ន្ធរួមជាមួយបណ្តាគោលនយោបាយឧបត្ថម្ភផលិត ជីវភាពបងប្អូនតំបន់ជនរួមជាតិមួយថ្ងៃកាន់តែមានការអភវឌ្ឍគ្រប់វិស័យ។ ប្រការនេះបង្កើតបានការផ្លាស់ប្តូរយ៉ាងសកម្មតាំងពីផ្នាត់គំនិតក្នុងការរកស៊ីរបស់បងប្អូនប្រជាជន ខណៈពេលដែលផ្លាស់ប្តូរការផលិតដោយផ្តោតលើបទពិសោធទៅជាគម្រោងការ ចេះអនុវត្តបច្ចេកវិទ្យា សន្សឹមៗលើកកម្ពស់ប្រសិទ្ធភាពខាងសេដ្ឋកិច្ច។

លោក Liêu Hó នៅឃុំ Thới Bình ដោះដូរជាមួយរដ្ឋអំណាចភូមិភាគអំពីទម្រង់ចិញ្ចឹមបង្គាវិបុលវប្បកម្មធ្វើឱ្យប្រសើរឡើង។

នៅឃុំ Thới Bình លោក Liêu Hó ជាជនជាតិ Hoa នៅភូមិលេខ ១៥ ក្នុងចំណោមគ្រួសារដ៏ឆ្នើមមួយផងដែរ។ កាលពីមុន គ្រួសារលោកប្រកបរបរចិញ្ចឹមបង្គាបែបធម្មជាតិ បន្ទាប់ពីលែងពូជទន្ទឹងរង់ចាំដល់ថ្ងៃប្រមូលផល មិនសូវយកចិត្តទុកដាក់ខាងបច្ចេកទេសនោះទេ ទើបមិនសូវមានប្រសិទ្ធភាព។

ដោយគិតថាត្រូវតែមានការផ្លាស់ប្តូរដើម្បីអភិវឌ្ឍការចិញ្ចឹម លោក Hó ក៏បានខិតខំស្វែងយល់បន្ថែម ព្រមទាំងចូលរួមវគ្គបណ្តុះបណ្តាល និងបានប្តូរទៅចិញ្ចឹមបង្គាតាមទិសដៅវិបុលវប្បកម្មធ្វើឱ្យប្រសើរឡើង។ លោកក៏បានផ្តោតលើដំណើរការជាប្រព័ន្ធ ចាប់ពីការកែលម្អស្រះ និងប្រព្រឹត្តិកម្មបរិស្ថានទឹក រហូតដល់ការជ្រើសពូជ ព្រមទាំងពិនិត្យតាមដានជាប្រចាំ។ល។ ហេតុដូច្នេះទើបលទ្ធផលនៃការផលិតមួយថ្ងៃកាន់តែខ្ពស់។ ​យោងតាមលោក Liêu Hó ប្រសិនបើចង់រកស៊ីរយៈពេលយូរអង្វែង គឺត្រូវមានការផ្លាស់ប្តូរផ្នាត់គំនិត ចេះសិក្សាស្រាវជ្រាវ និងអនុវត្តបច្ចេកវិទ្យាទំនើប តែផ្ទុយទៅវិញបើគិតតែតាមរៀបចាស់ៗនឹងមិនអាចមានការអភិវឌ្ឍបាននោះទេ។

ការផ្លាស់ប្តូរផ្នាត់គំនិតថែមទាំងបានបង្ហាញច្បាស់ក្នុងសកម្មភាពនៃការជួញដូររបស់បងប្អូនប្រជាជនទៀតផង។ នៅឃុំ Cái Đôi Vàm លោក Lê Văn Tư ជាគ្រួសារ Khmer ទោះបីជាមានអាយុកាលជាង ៦០ ឆ្នាំក៏ដោយ ក៏លោកនៅតែបន្តមុខរបរប្រមូលទិញក្តាមសាច់ដោយទទួលបានប្រាក់ចំណុលនឹងនរល្អ។ ពីមុន លោកត្រូវទៅប្រមូលទិញនៅគ្រប់ទីកន្លែង តែសព្វថ្ងៃលោកក៏បានសម្រេចចិត្តប្រមូលទិញនៅផ្ទះរបស់ខ្លួន អាស្រ័យការលក់ដូរមានប្រិយភាពទើបប្រភពទំនិញរបស់ខ្លួនមានគ្រប់ជាប្រចាំ។ លោក Tư បានចែករំលែកថា៖ “ខ្ញុំក៏មានវ័យចាស់ដែរហើយ មិនអាចទៅប្រមូលទិញបានច្រើនដូចមុនទៀតនោះទេ តែមាមីងបងប្អូនមានទមនុកចិត្តលើខ្លួនខ្លាំងណាស់ទើបតែងយកក្តាមមកលក់ឱ្យខ្ញុំរហូត ​ហើយភ្ញៀវអ្នកទិញក៏មករកយើងជានិច្ច។ ខ្ញុំចងក្តាមដោយខ្សែតូចៗ និងជម្រើសក្តាមធានាឆ្ងាញ់ និងលក់សុទ្ធតែក្តាមមានគុណភាពទើបអាចទាក់ទាញភ្ញៀវបានយូរអង្វែង”។

សម្រាប់ក្តាមមួយៗត្រូវបានជម្រើសយ៉ាងល្អិតល្អន់ និងធានាគុណភាពទៀតផង ​របៀបធ្វើនេះតែងផ្តោតលើប្រជាបិ្រយភាពដែលជួយឱ្យលោក Lê Văn Tư អាចទំនាក់ទំនងភ្ញៀវអតិថិជន និងបន្តរកបានប្រភពប្រាក់ចំណូលនឹងនរផងដែរ។

របៀបធ្វើរបស់លោកបានសឱ្យឃើញច្បាស់ចំពោះផ្នាត់គំនិតក្នុងការជួញដូរ ដោយមានចាំបាច់រត់តាមចំនួន គឺត្រូវគិតពីគុណភាព និងប្រជាប្រិយភាព ផ្តើមពីនោះបង្កើតទំនាក់ទំនងស្ថិរភាបជាមួយភ្ញៀវអតិថិជនទៀតផង។

តាមប្រសាសន៍លោក Tô Tấn Nghiệp អនុប្រធានគណៈកម្មាធិការប្រជាជនឃុំ Cái Đô Vàm ដោយសារតែម្ចាស់ការផ្លាស់ប្តូរផ្នាត់គំនិត និងរបៀបធ្វើរបស់ខ្លួន បានជួយបងប្អូនប្រជាជនរុករកល្អជាងនូវសក្តានុពលប្រចាំភូមិភាគ។ ខណៈពេលដែលបានអនុវត្តបច្ចេកវិទ្យា និងគិតគូរបានល្អក្នុងការផលិត ជួញដូរ ប្រសិទ្ធភាពសេដ្ឋកិច្ចក៏មានការរីកចម្រើន ជីវភាពបងប្អូនប្រជាជនមួយថ្ងៃកាន់តែធូរធារប្រសើរឡើង។

តាំងពីផ្នាត់គំនិតរហូតដល់របៀបធ្វើ អាចសឱ្យឃើញថា ផ្នាត់គំនិតក្នុងការរកស៊ីបានចាប់ផ្តើម “បើកផ្លូវ” ជីវភាពបងប្អូនប្រជាជនក៏មានការផ្លាស់ប្តូរណាស់ដែរ។  ពោលគឺមិនមានគំនិតពឹងលើជំនួយទៀតនោះទេ អ្នករាល់គ្នាតែងម្ចាស់ការដើម្បីស្វែងរកទិសដៅដែលសមស្រប និងក្លាហានក្នុងការឈានឡើងទៀតផង។ បណ្តាស្រះចិញ្ចឹមបង្គារដែលត្រូវបានអនុវត្តតាមបច្ចេកទេស ព្រមទាំងរាល់មុខទំនិញបញ្ជូលទៅយ៉ាងមានប្រជាបិយភាព និងគុណភាបផងនោះ មិន​ត្រឹមរកបានប្រាក់ចំណូលតែម្យ៉ាងប៉ុណ្ណោះទេ ថែមទាំងជួយពូនផ្តុំនូវទំនុកចិត្តសម្រាប់នាពេលអនាគតមានភាពលំនឹងល្អ​និងអភិវឌ្ឍជនបទចីរភាព៕

Nguyễn Đào - Chí Thức