បណ្តាបុគ្គលគំរូឆ្នើមក្នុងការអភិវឌ្ឍសេដ្ឋកិច្ច

បងប្អូនជនជាតិ Khmer ខេត្ត Cà Mau បាននិងកំពុងបញ្ជាក់ពីតួនាទីយ៉ាងសំខាន់លើរូបភាពសេដ្ឋកិច្ចកសិកម្មប្រកបដោយចីរភាព។ កសិករកាន់តែមានភាពសកម្ម និងពូកែធ្វើការងារ អាស្រ័យដោយស្មារតីឧស្សាហ៍ព្យាយាមសិក្សារៀនសូត្រ និងឆន្ទៈដ៏មោះមុតឈានឡើងក្នុងជីវិត។ បណ្តាបុគ្គលគំរូផលិតពូកែទាំងឡាយ មិនត្រឹមតែធ្វើឱ្យគ្រួសារមានភាពធូរធារប៉ុណ្ណោះទេ ថែមទាំងរួមចំណែកផ្លាស់ប្តូរមុខមាត់ស្រុកកំណើតឱ្យកាន់តែរីកចម្រើនថ្កុំថ្កើងទៀតផង។

សមាគមកសិករឃុំ Hồng Dân អញ្ជើញទស្សនាទម្រង់ចិញ្ចឹមអន្ទង់គ្មានភក់របស់លោក Danh Dương។

ខេត្ត Cà Mau បច្ចុប្បន្នគឺជាខេត្តមួយដែលមានគ្រួសារបងប្អូនជនជាតិ Khmer រស់នៅប្រមាណជាង ២៦.៨០០ គ្រួសារ ដោយមានចំនួនប្រជាជនជាង ១១៦.០០០ នាក់។ ហើយធ្លាប់ឆ្លងកាត់ជីវភាពទុក្ខលំបាកខ្លាំងណាស់ដែរ ប៉ុន្តែរហូតមកដល់ចុងឆ្នាំ ២០២៥ មុខមាត់តំបន់បងប្អូនជនជាតិ Khmer ក៏មានការផ្លាស់ប្តូរជាវិជ្ជមាន។ ប្រាក់ចំណូលមធ្យមសម្រាប់មនុស្សម្នាក់សម្រេចបានជាង ៨០ លានដុងក្នុងមួយឆ្នាំ។ ជាពិសេស តាមរយៈការឧស្សាហ៍ព្យាយាម អត់ធ្មត់ សកម្មរៀនសូត្រ និងផ្លាស់ថ្មីគ្រប់វិស័យ កសិករ Khmer ជាច្រើនបានឈានឡើងជីវភាពធូរធារ ក្លាយជាបុគ្គលគំរូឆ្នើមក្នុងចំណោមកសិករ Khmer ផងដែរ។

គ្រួសារលោក Phạm Minh Quang នៅភូមិលេខ ៩ ឃុំ Khánh Bình ទោះបីជាកំពុងមមាញឹកនឹងការសាងសង់ផ្ទះថ្មីក៏ដោយ ក៏នៅតែបន្តផលិតមុខទំនិញរបរជាងឈើដូចជា៖ ជ្រុញ ដងវែក ច្រវាឈើ ដើម្បីឱ្យទាន់ពេលប្រគល់ជូនម៉ូយបោះដុំរបស់ខ្លួន។

លោក Quang បានឱ្យដឹង៖ “ក្រៅពីធ្វើស្រែ គ្រួសារខ្ញុំបានបើករោងជាងឈើដើម្បីកែលម្អសេដ្ឋកិច្ចគ្រួសារ។ ឈើគឺយើងទិញដោយខ្លួនឯង ហើយភាគច្រើនធ្វើផលិតផលដោយផ្ទាល់ដៃ ដោយគ្រាន់តែជួលមនុស្សជួយការងារបន្តិចបន្តួចប៉ុណ្ណោះ។ ជួនកាលយើងធ្វើការរហូតដល់យប់ជ្រៅផងដែរ”។ ដោយមានបទពិសោធន៍ជាច្រើនឆ្នាំក្នុងនាមជាកសិករ និងការខិតខំរៀនសូត្រវិទ្យាសាស្ត្រ-បច្ចេកទេស ស្រែរបស់លោកទទួលបានទិន្នផល និងចំណូលយ៉ាងល្អទៀតផង បូករួមនឹងប្រភពចំណូលពីរោងជាងឈើ ក្នុងមួយខែលោកទទួលបានថវិការាប់សិបលានដុង (មិនទាន់គិតចំណាយ) អាស្រ័យហេតុនេះ ជីវភាពគ្រួសារកាន់តែមានភាពប្រសើរឡើង។

ដោយសារឥទ្ធិពលនៃការប្រែប្រួលអាកាសធាតុ និងការចំណាយខាងផលិតកាន់តែខ្ពស់ កសិករជាច្រើននៅឃុំ Hồng Dân បានម្ចាស់ការផ្លាស់ប្តូររចនាសម្ព័ន្ធដំណាំ និងសត្វចិញ្ចឹម ដើម្បីលើកកម្ពស់ប្រាក់ចំណូលគ្រួសារ។

ប្តីប្រពន្ធលោក Danh Dương នៅភូមិ Trèm Trẹm ឃុំ Hồng Dân បានផ្តើមរបរចិញ្ចឹមជីវិតជាមួយ ដីស្រែតូចមួយដែលឪពុកម្តាយបានចែកឱ្យ។ ដោយមានឆន្ទៈជម្នះការលំបាក រហូតមកដល់ពេលនេះ លោកមានដីស្រែសរុបទាំងអស់ជាង ៣ ហិកតា ដែលផ្តល់ប្រាក់ចំណេញស្ថិរភាពប្រហែល ១០០ លានដុងក្នុងមួយឆ្នាំៗផងដែរ។ ទន្ទឹមនឹងការធ្វើស្រែ លោកថែមទាំងមានចិញ្ចឹមអន្ទង់គ្មានភក់ និងដាំបន្លែ។ សរុបប្រភពចំណូលទាំងអស់នាំមកនូវជីវភាពធូរធារសម្រាប់គ្រួសារទៀតផង ហើយលោកបានក្លាយជាបុគ្គលគំរូស្តីពីកសិករផលិតពូកែប្រចាំភូមិភាគទៀតផង។

នៅភូមិ Bà Hiên ឃុំ Hồng Dân ចាប់តាំងពីបង្វែដីស្រែមួយផ្នែកទៅជាដាំដំណាំរួមផ្សំ លោក Danh Rớt ក៏មានប្រភពសេដ្ឋកិច្ចគួរឱ្យត្រេកអរផងដែរ។ គំនិតនេះបានចាប់ផ្តើមនៅពេលលោកសង្កេតឃើញតម្រូវការទីផ្សារចំពោះកសិផលដូចជា៖ ម្រះ ត្រឡាច ឃ្លោក ននោង និងត្រសក់ កាន់តែធំទៅៗ ចំណែកតម្លៃក៏មានភាពស្ថិនឹងនរណាស់ដែរ។ លោកបានជម្រើសវិធីសាស្ត្រដាំដុះវិលជុំ ក្រោយពេលប្រមូលផលម្តងៗ លោកធ្វើការកែលម្អផ្ទៃដីឱ្យនៅទំនេរក្នុងរយៈពេលខ្លី រួចបន្តចុះពូជរដូវថ្មី។ អាស្រ័យដោយវិធីធ្វើសមស្របនេះហើយទើបទម្រង់ដាំដំណាំរួមផ្សំលើផ្ទៃដីស្រែ ៣ កុងផ្តល់ប្រាក់ចំណូលជូនលោកជាង ១០០ លានដុងក្នុងមួយឆ្នាំ កើនជាង ៣ ដងបើធៀបនឹងពេលមុននេះ។

លោក Phạm Minh Quang (ខាងឆ្វេង) កំពុងធ្វើជ្រុញពីឈើដើម្បីប្រគល់ជូនម៉ូយបោះដុំរបស់ខ្លួន។

លោក Danh Rớt បានឱ្យដឹងថា៖ “ការដាំដំណាំរួមផ្សំគឺហត់នឿយណាស់ យើងត្រូវនៅជាប់ចម្ការស្ទើរតែរាល់ពេល ប៉ុន្តែដោយសារដាំដុះក្នុងរយៈពេលខ្លី ពេលប្រមូលផលគឺអាចលក់បានរាល់ថ្ងៃ ទើបផ្តល់ប្រាក់ចំណេញយ៉ាងល្អ”។

រាល់រដូវបុណ្យចូលឆ្នាំថ្មីប្រពៃណីកន្លងផុតទៅ តំបន់បងប្អូនជនជាតិ Khmer នៅ ហាក់ហាក់បីដូចជាបាន "គ្របដណ្តប់" ដោយអាវថ្មីដ៏ស្រស់ស្អាត និងរុងរឿងជាងមុន។ បណ្តាកសិករដែលបានរៀបរាប់ខាងលើ មិនត្រឹមតែធ្វើឱ្យខ្លួនឯងមានបានប៉ុណ្ណោះទេ ថែមទាំងជាអ្នកនាំមុខ និងបំផុសគំនិតដល់សហគមន៍ផងដែរ។ ពួកគេគឺជាភស្តុតាងដែលបញ្ជាក់ថា មិនចាំបាច់ទៅឆ្ងាយដើម្បីស្វែងរកឱកាសនោះទេ ឱ្យតែមានការខិតខំឧស្សាហ៍ព្យាយាម ភាពវៃឆ្លាត និងមិនខ្លាចក្នុងការផ្លាស់ថ្មី មនុស្សគ្រប់រូបសុទ្ធតែអាចមានជីវភាពគ្រប់គ្រាន់ និងមានសុភមង្គលនៅលើទឹកដីកំណើតរបស់ខ្លួនដែរ៕

Thanh Hải