បង្កើតជីវភាពរស់នៅប្រកបដោយភាពនឹងនរសម្រាប់ជនរួមជាតិ

អនុវត្តកម្មវិធីគោលដៅជាតិសម្រាប់ការកាត់បន្ថយភាពក្រីក្រប្រកបដោយចីរភាពក្នុងតំបន់ជនជាតិភាគតិច រយៈពេលកន្លង ឃុំ Hoà Bình បានផ្តោតលើការអនុវត្តការផ្សព្វផ្សាយយ៉ាងព្រមគ្នាច្រើនកម្មវិធីផ្គត់ផ្គង់ជីវភាពរស់នៅជាក់ស្តែងដែលសមស្របទៅនឹងលក្ខខណៈរបស់ភូមិភាគ។ ចាប់ពីការផ្តល់ដើមទុន ពូជសត្វចិញ្ចឹម និងសម្ភារៈផលិត រហូតដល់ការណែនាំបច្ចេកទេស គោលនយោបាយទាំងនេះបានសន្សឹមៗផ្លាស់ប្តូរផ្នាត់គំនិតសម្រាប់បងប្អូនប្រជាជន Khmer ព្រមទាំងបង្កើនប្រាក់ចំណូល ធ្វើឱ្យជីវិតកាន់តែមានស្ថេរភាព និងបង្កើតជាមូលដ្ឋានគ្រឹះសម្រាប់ការកាត់បន្ថយភាពក្រីក្រប្រកបដោយចីរភាពទៀតផង។

គ្រួសារអ្នកមីង Danh Thị Hà មានលក្ខណៈស្តារជីវភាពរស់នៅរបស់ខ្លួនជាសន្សឹមៗអាស្រ័យការផ្លាស់ប្តូរទម្រង់ដាំឪឡឹក។

នៅភូមិ Thị Trấn A1 គ្រួសារអ្នកមីង Danh Thị Hà ធ្លាប់ជាគ្រួសារក្រអស់ជាច្រើនឆ្នាំ ជីវភាពជាពសេសពឹងផ្អែកលើកម្លាំងពលកម្មស៊ីឈ្នួល និងផលិតកម្មខ្នាតតូចដែលមានប្រាក់ចំណូលមិនស្ថិតស្ថេរ។ តាមរយៈកម្មវិធីគាំទ្រជីវភាពរស់នៅរបស់ភូមិភាគ គ្រួសារអ្នកមីងក៏បានទទួលដើមទុន សំណាប ជី ជីកំប៉ុសកសិកម្ម និងការណែនាំបច្ចេកទេសខាងការផលិត។ ចាប់តាំងពីពេលនោះមក គាត់បានបំប្លែងដីស្រែចំនួន ២ ហិចតាទៅជាការដាំឪឡឹក ដោយបើកទិសដៅថ្មីសម្រាប់ការអភិវឌ្ឍសេដ្ឋកិច្ច។

អ្នកមីង Danh Thị Hà បានចែករំលែកថា៖ «ចាប់ពីឆ្នាំ២០២៤រហូតមកដល់បច្ចុប្បន្ន គ្រួសារខ្ញុំ ទទួលបានការឧបត្ថម្ភពីរដ្ឋ ដើម្បីអនុវត្តទម្រង់ដាំឪឡឹក ដោយមានកម្មាភិបាលជួយបង្ហាញណែនាំយើងអំពីរបៀបដាំ និងថែទាំដំណាំ។ ទម្រង់នេះបាននាំមកនូវប្រាក់ចំណូលល្អប្រសើរ ជីវភាពក៏បានលំនឹងជាសន្សឹមៗជាងមុនផងដែរ»។

ការផ្លាស់ប្តូរផលិតកម្មដ៏ជោគជ័យនេះ មិនត្រឹមតែបានជួយគ្រួសារលោកស្រី Hà បង្កើនប្រភពប្រាក់ចំណូលរបស់ខ្លួនប៉ុណ្ណោះទេ ថែមទាំងបានបង្ហាញយ៉ាងច្បាស់ពីប្រសិទ្ធភាពនៃគោលនយោបាយឧបត្ថម្ភជីវភាពរស់នៅសម្រាប់ជនជាតិភាគតិចលើភូមិសាស្ត្រ។

ថ្នាក់ដឹកនាំភូមិភាគអញ្ជើញទស្សនា និងវាយតម្លៃពីប្រសិទ្ធភាពនៃទម្រង់ឧបត្ថម្ភជីវភាពរស់នៅដោយរបរដាំឪឡឹករបស់គគ្រួសារអ្នកមីង Danh Thị Hà។

បច្ចុប្បន្ន ឃុំ Hoà Bình មានគ្រួសារ Khmer ជាង ១.៨០០ គ្រួសារ ដោយមានប្រជាជនជិត ៧.៦០០នាក់។ ជាពិសេស ភូមិ Thị Trấn A1 មានគ្រួសារចំនួន ៤៧៧ គ្រួសារ និងប្រជាជនជាង ១.៨០០ នាក់ ដែលជាភូមិភាគប្រមូលផ្តុំជនរួមជាតិ Khmer ច្រើនបំផុតទូទាំងឃុំ។ អាស្រ័យការផ្សព្វផ្សាយមានប្រសិទ្ធភាពរាល់បណ្តាកម្មវិធីជំនួយឧបត្ថម្ភ អត្រាគ្រួសារក្ររបស់ភូមិក៏បានបន្ថយចុះគួរឱ្យកត់សម្គាល់ បច្ចុប្បន្ននូវត្រឹម ៨ គ្រួសារក្រប៉ុណ្ណោះ។

លោក Đào Nhung ប្រធានភូមិ Thị Trấn A1 បានមានប្រសាសន៍ថា៖ “ភូមិនេះមានជនរួមជាតិ Khmer រស់នៅច្រើន ដូច្នេះហើយតែងទទួលបានការយកចិត្តទុកដាក់ និងឧបត្ថម្ភពីរដ្ឋាភិបាលគ្រប់លំដាប់ថ្នាក់តាមរយៈកម្មវិធីជាក់ស្តែងជាច្រើន។ ចាប់ពីការឧបត្ថម្ភជីវភាពរស់នៅ និងលំនៅដ្ឋាន រហូតដល់ដើមទុនផលិត ប្រជាជនមានឱកាសកាន់តែច្រើនក្នុងការអភិវឌ្ឍសេដ្ឋកិច្ចរបស់រៀងខ្លួន ហើយគ្រួសារជាច្រើនក៏មានលក្ខណៈឈានឡើងរួ៍ចចាកក្រផងដែរ”។

ទម្រង់នេះមិនត្រឹមតែបានបង្កើតការផ្លាស់ប្តូរសេដ្ឋកិច្ចប៉ុណ្ណោះទេ ប៉ុន្តែវាក៏បានផ្លាស់ប្តូរមុខមាត់តំបន់ជនរួមជាតិភាគតិចផងដែរ។ លោក Lý Khon អ្នកមានកិត្យានុភាពក្នុងជនរួមជាតិ Khmer ឃុំ Hoà Bình បានសង្កត់ធ្ងន់ថា៖ “ផ្លូវថ្នល់មានទំហំធំទូលាយជាងមុន ស្តង់ដារជីវភាពកំពុងប្រសើរឡើងឥតឈប់ឈរ ហើយទម្រង់នៃការរស់នៅជាច្រើនកំពុងបង្ហាញឱ្យឃើញពីប្រសិទ្ធភាពជាក់ស្តែង ជួយបងប្អូនប្រជាជនមានទំនុកចិត្តកាន់តែច្រើនក្នុងការអភិវឌ្ឍផលិត”។

ផ្តើមពីលទ្ធផលសេដ្ឋកិច្ចដែលទទួលបាន គ្រួសារអ្នកមីង Danh Thị Hà ក៏បានបន្តពង្រីកទម្រង់ផលិតដោយទ្រង់ទ្រាយធំ ដើម្បីឆ្ពោះទៅអភិវឌ្ឍចីរភាព។

យោងតាមលោកស្រី Trần Việt Thuỳ អនុប្រធានគណៈកម្មាធិការប្រជាជនឃុំ Hoà Bình ការអនុវត្តទម្រង់នៃការរស់នៅតែងតែជាអាទិភាពសម្រាប់តំបន់ ដោយផ្តោតលើដំណោះស្រាយជាក់ស្តែងបំពេញតម្រូវការរបស់ប្រជាជន៖ “ឃុំបានកំណត់ការឧបត្ថម្ភជីវភាពរស់នៅជាដំណោះស្រាយដ៏សំខាន់សម្រាប់ការអភិវឌ្ឍសេដ្ឋកិច្ចប្រកបដោយចីរភាពរបស់សហគមន៍ជនជាតិភាគតិច។ ភូមិភាគបានប្រមូលផ្តុំការជម្រើសទម្រង់ដ៏សមស្របសម្រាប់គ្រួសារនីមួយៗ ផ្តើមពីនោះបង្កើនការណែនាំខាងបច្ចេកទេស តាមដាន និងរួមដំណើរដើម្បីប្រជាជនពង្រីកប្រសិទ្ធភាពប្រភពធនធាននៃការឧបត្ថម្ភ”។

បណ្តាកម្មវិធីឧបត្ថម្ភជីវភាពរស់នៅក្នុងឃុំ Hoà Bình កំពុងបង្ហាញឱ្យឃើញពីប្រសិទ្ធភាពខ្ពស់ មិនត្រឹមតែជួយបងប្អូនប្រជាជន Khmer បង្កើនប្រាក់ចំណូលរបស់ខ្លួន និងសម្រេចបាននូវការកាត់បន្ថយភាពក្រីក្រប្រកបដោយចីរភាពប៉ុណ្ណោះទេ ថែមទាំងពង្រឹងទំនុកចិត្តរបស់ប្រជាជនលើគោលនយោបាយ និងគោលការណ៍ណែនាំរបស់បក្ស និងរដ្ឋផងដែរ។ នេះគឺជាមូលដ្ឋានគ្រឹះដ៏សំខាន់សម្រាប់ពង្រឹងផែនមហាសាមគ្គីទូតាំងជនជាតិ និងបង្កើនការអភិវឌ្ឍសេដ្ឋកិច្ច-សង្គមតំបន់ជនជាតិភាគតិចមួយថ្ងៃកាន់តែប្រស់រឡើង៕

Hồng Nhi