ពង្រីកតួនាទីនៃក្លឹប «៣សកម្ម»

រយៈពេលជាច្រើនឆ្នាំកន្លងមក ឃុំ Hưng Hội បានបន្តយ៉ាងមានប្រសិទ្ធភាពចំពោះសកម្មភាពរបស់ក្លឹប «៣សកម្ម» ក្នុងជនរួមជាតិ Khmer ។ នេះមិនត្រឹមជាកន្លែងសម្រាប់ប្រមូលផ្តុំ និសាមគ្គីរវាងជនរួមជាតិប៉ុណ្ណោះទេ ក្លឹបនេះថែមទាំងបានរួមចំណែកដល់ការអភិរក្សអត្តសញ្ញាណវប្បធម៌ជនជាតិ ធានាសន្តិសុខ និងសណ្តាប់ធ្នាប់ ព្រមទាំងលើកកម្ពស់ការអភិវឌ្ឍសេដ្ឋកិច្ចរបស់ភូមិភាគទៀតផង។

បណ្តាសមាជិកក្នុងក្លឹប “៣សកម្ម” តែងសកម្មផ្សព្វផ្សាយចលនាបងប្អូនប្រជាជនលើកកម្ពស់ស្មារតីអនុវត្តច្បាប់ កសាងជីវភាពវប្បធម៌នៅតំបន់ប្រជុំជន។

ក្លឹប «៣សកម្មភាព» Hưng Hội ត្រូវបានបង្កើតឡើងក្នុងឆ្នាំ ២០១៤ ដោយមានសមាជិកចំនួន ២៥ នាក់ ដំបូងគឺមានអ្នកមានប្រជាប្រិយភាព និងអ្នកមុខអ្នកការប្រចាំវត្តអារាម និងអ្នកតំណាងឱ្យសមាគមនានារបស់ភូមិភាគប៉ុណ្ណោះ។ បន្ទាប់ពីប្រតិបត្តិការបានជាង ១១ ឆ្នាំ ក្លឹបនេះបានកើនឡើងសមាជិកជិត ៦០ នាក់ ដែលគ្របដណ្តប់គ្រប់ភូមិទាំងឡាយលើភូមិសាស្ត្រឃុំ។

ទម្រង់សកម្មភាពជាមយយទិសដៅនៃការអនុវត្ត «៣សកម្ម» រួមមាន៖ ការចូលរួមយ៉ាងសកម្មក្នុងការការពារខ្លួន ការគ្រប់គ្រងខ្លួនឯង និងការការពារសន្តិសុខ និងសណ្តាប់ធ្នាប់ដោយខ្លួនឯង ការថែរក្សា និងលើកកម្ពស់អត្តសញ្ញាណវប្បធម៌ជនជាតិខ្មែរ សកម្មក្នុងការជួយគ្នាទៅវិញទៅមកដើម្បីពង្រីកសេដ្ឋកិច្ច និងកសាងជនបទថ្មី។  

ក្នុងដំណើរការសកម្មភាព បណ្តាសមាជិកក្លឹបតែងផ្សព្វផ្សាយគោលការណ៍ណែនាំ និងគផលនយោបាយរបស់បក្ស ក្រឹត្យច្បាប់របស់រដ្ឋដល់ជនរួមជាតិ Khmer ជាប្រចាំ ព្រមទាំងចលនាបងប្អូនប្រជាជនលើកកម្ពស់ស្មារតីអនុវត្តច្បាប់​កសាងជីវភាពវប្បធម៌នៅតំបន់ប្រជុំជន និងចូលរួមប្រពៃណីចលនាប្រជាជនទូទាំងប្រទេសការរពារសន្តិសុខជាតិ។ ក្នុងពេលជាមួយគ្នានេះ ក្លឹបក៏ផ្តោតលើការថែរក្សាតម្លៃវប្បធម៌ប្រពៃណីរបស់ប្រជាជន Khmer តាមរយៈការរក្សាពិធីបុណ្យទាន ភាសា អក្សរសាស្ត្រ និងសកម្មភាពវប្បធម៌នៅតាមវត្តអារាមជាដើម។

លោក Thạch Son ប្រធានក្លឹប "៣សកម្ម" ក្នុងជនរួមជាតិ Khmer ឃុំ Hưng Hội បានឱ្យដឹង៖ ដោយសារក្លឹបមានសកម្មភាពជាក់ស្តែងទើបចំនួនសមាជិកចូលរួមមួយថ្ងៃកាន់តែកើនឡើងជាលំដាប់។ រាល់សមាជិកម្នាក់ៗមានតួនាទីយ៉ាងសំខាន់ខ្លាំងណាស់សម្រាប់ការផ្សព្វផ្សាយនិងចលនាប្រជាជនឱ្យចូលរួមក្នុងការរក្សាសន្តិសុខ និងសណ្តាប់ធ្នាប់ កសាងជីវិតវប្បធម៌ និងជួយគ្នាទៅវិញទៅមកក្នុងការអភិវឌ្ឍផលិត។

មិនត្រឹមធ្វើល្អការងារផ្សព្វផ្សាយប៉ុណ្ណោះទេ សមាជិកក្លឹបថែមទាំងសកម្មចលនាប្រភពកម្លាំងដើម្បីជំនួយឧបត្ថម្ភបណ្តាគ្រួសារដែលមានជីវភាពក្រលំបាក។ ដោយឡែកក្នុងត្រីមាសទី I នៃឆ្នាំ ២០២៦ ក្លឹបបានកៀរគរអង្ករប្រមាណជាង ១ តោន និងអំណោយ ១៥០ ចំណែកដើម្បីចែកជូនដល់គ្រួសារក្រីក្រទូទាំងឃុំក្នុងឱកាសបុណ្យទាន រួមចំណែកជាមួយរដ្ឋអំណាចភូមិភាគអនុវត្តល្អសកម្មភាពសុខុមាលភាពសង្គម។

លោក ថាច់សន អធិការក្លឹប "៣សកម្ម" ក្នុងជនរួមជាតិខ្មែរឃុំហឹងហូយ ជូនអង្ករដល់គ្រួសារដែលមានជីវភាពជួបលំបាក។

លោក Đặng Văn Bắc ប្រធានគណៈកម្មាធិការរណសិរ្សមាតុភូមិ Việt Nam ឃុំ Hưng Hội បានវាយតម្លៃថា ក្លឹបនេះបានពង្រីកតួនាទីជាស្នូល ជាស្ពានតភ្ជាប់រវាងរដ្ឋអំនាចភូមិភាគនិងប្រជាជន។ បានដើរតួនាទីយ៉ាងមានប្រសិទ្ធភាពជាស្ពានតភ្ជាប់រវាងរដ្ឋាភិបាល និងប្រជាជន។ “ដោយសារការគាំទ្ររបស់ក្លឹប តម្លៃវប្បធម៌ Khmer ជាច្រើនត្រូវបានអភិរក្ស ទម្រង់ផលិត និងធ្វើអាជីវកម្មក៏ត្រូវបានពង្រីកយ៉ាងទូលំទូលាយផងដែរ​ ហើយទំនុកចិត្តរបស់បងប្អូនប្រជាជន Khmer ចំពោះបក្ស និងរដ្ឋត្រូវបានពង្រឹងកាន់តែខ្លាំងឡើង” លោក Bắc ឱ្យដឹងបន្ថែម។

តាមរយៈសកម្មភាពច្បាស់ប្រាកដ និងជាក់ស្តែង សមាជិករបស់ក្លឹប “៣សកម្ម” ក្នុងជនរួមជាតិ Khmer នៅ Hưng Hội បានដើរតួនាទីយ៉ាងមានប្រសិទ្ធភាពជាអ្នកដឹកនាំសហគមន៍ដ៏គួរឱ្យគោរព  និងបានក្លាយជាស្ពានតភ្ជាប់រវាងសហគមន៍ រួមចំណែកដល់ការអភិរក្សអត្តសញ្ញាណវប្បធម៌ជនជាតិ ពង្រឹងសាមគ្គីភាព និងកសាងភូមិភាគឱ្យកាន់តែមានការអភិវឌ្ឍន៍ថែមទៀត៕

Huyền Trang – Anh Tuấn