បេក្ខសិស្សឈានដល់ដំនាកើកាល “ផ្តាច់ព្រ័ត”

សម័យប្រឡងសញ្ញាបត្រមធ្យមសិក្សាទុតិយភូមិមិនត្រឹមជាព្រឹត្តិការណ៍សំខាន់មួយដែលបង្ហាញពីការបញ្ចប់រយៈពេល ១២ ឆ្នាំនៃការសិក្សាប៉ុណ្ណោះទេ ប៉ុន្តែវាក៏ជាការបើកទ្វារឆ្ពោះទៅកាន់មហាវិទ្យាល័យ អនុមហាវិទ្យាល័យ ឬទីផ្សារការងារផងដែរ។ ប៉ុន្មានថ្ងៃនេះ រួមជាមួយសិស្សទូទាំងប្រទេស ប្អូនៗសិស្សវិទ្យាល័យជនជាតិអន្តេវាសិក Cà Mau កំពុងឈានចូលដំណាក់កាលផ្តាច់ព្រ័តនៃការរៀនសាឡើងវិញ និងការប្តេជ្ញាចិត្តនឹងឆ្លងផុតសម័យប្រឡងនេះ ដោយទទួលបានលទ្ធផលល្អបំផុត។

គ្រូនិងសិស្សថ្នាក់ទី ១២ នៃវិទ្យាល័យជនជាតិអន្តេវាសិក Cà Mau រៀនសាឡើងវិញសម្រាប់ឱ្យសម័យប្រឡងដ៏សំខាន់ខាងមុខនេះ។

សម័យប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៦ គឺជាដំណាក់កាលដ៏សំខាន់មួយ ហើយសម្ពាធផ្លូវចិត្តគឺជៀសមិនរួចនោះទេ។ ក្នុងបរិយាកាសនៃវិទ្យាល័យជនជាតិអន្តេវាសិក និងកម្លាំងចិត្តនៃការសាមគ្គីមិត្តភាពត្រូវបានពង្រីកយ៉ាងសកម្មផងដែរ។

មិនត្រឹមមានលោកគ្រូ អ្នកគ្រូនោះទេ មិត្តរួមបន្ទប់ស្នាក់នៅសាលាក៏ជាដៃគូដ៏ល្អបំផុតផងដែរ។ ពួកប្អូនបានរួមគ្នាធ្វើមេរៀនគណិតវិទ្យាដ៏លំបាកជាមួយគ្នាមុនពេលចូលគេង ចែករំលែកអាហារពេលយប់ជ្រៅ និងលើកទឹកចិត្តគ្នាទៅវិញទៅមកនៅពេលអស់កម្លាំង។ ការយល់ចិត្តថ្លើមគ្នារវាងយុវវ័យដែលមានគោលដៅរួមតែមួយក៏ជួយកាត់បន្ថយសម្ពាធនៃការប្រឡងខ្លះដែរ។

ប្អូន Sơn Thị Thuỳ Linh សិស្សថ្នាក់ទី ១២C2 បានចែករំលែកថា៖ “នៅផ្ទះ មានម្តាយជាអ្នករ៉ាប់រងគ្រប់សព្វបែបយ៉ាង។ តែនៅសាលា មានលោកគ្រូ អ្នកគ្រូគ្រប់គ្រងមើលថែប្អូនៗតាំងពីទឹកក្តៅ ទឹកត្រជាក់នាពេលអាធ្រាត្រ ដាស់តឿនប្អូនឱ្យដណ្តប់ភួយនៅពេលភ្លៀងខ្យល់។ ការយកចិត្តទុកដាក់ទាំងនេះ បានធ្វើឱ្យប្អូនមានអារម្មណ៍ថាខ្លួនមិនឯកោនោះទេ ប្អូនសន្យានឹងខិតខំសម្រេចបានបន្ទុកខ្ពស់បំផុតដើម្បីមិនធ្វើឱ្យខកបំណងលោកគ្រូ អ្នកគ្រូ និងឪពុកម្តាយ”។

អ្នកគ្រូ Lý Kim Khánh នាយករនៃវិទ្យាល័យជនជាតិអន្តេវាសិក Cà Mau ឱ្យដឹង៖ “ចូលរួមសម័យប្រឡងសញ្ញាបត្រមធ្យមសិក្សាទុតិយភូមិឆ្នាំនេះ សាលាមានបេក្ខសិស្ស ៩១ រូប។ ក្រៅពីការប្រមូលផ្តុំរៀនសាឡើងវិញ​នូវចំណេះដឹង សាលាថែមទាំងយកចិត្តទុកដាក់ដល់ខុសភាព និងចិត្តសាស្ត្ររបស់ប្អូនៗគ្រប់រូបផងដែរ។ រក្សាចិត្តសាស្ត្របានលំនឹងគឺជា “កូនសោរមាស” សម្រាប់ជួយប្អូនមានទំនុកចិត្តថែមទៀតសម្រាប់ឈានចូលសម័យប្រឡងខាងមុខនេះ។ សាលាតែងបង្កលក្ខណៈដើម្បីប្អូនៗទម្លាប់ពេលវាលាសម្រាកឱ្យបានសមស្រប គេងគ្រប់ម៉ោង បង្កើនរាល់អាហារជាតិបំប៉ន Vitamin និងធានាសុវត្ថិភាពខាងមុខម្ហូបដើម្បីប្អូនៗមានអារម្មណ៍ស្រស់ស្រាយបំផុត”។

ប្អូនៗបេក្ខសិស្សយកចិត្តទុកដាក់ស្តាប់គ្រូពន្យល់មេរៀន។

ក្រៅពីការរៀបចំម៉ោងរៀនតាមកាលវិភាគ ប្អូនៗថែមទាំងត្រូវបានលោកគ្រូ អ្នកគ្រូជួយបង្ហាត់បង្ហាញតាមថ្នាក់ តាមក្រុមនៃមុខសញ្ញានីមួយៗផងដែរ។ ផ្តើមពីនោះ ប្អូនៗក៏បានរៀនឡើងវិញតាមក្រុមនៅពេលយប់ទៀតផង។

“កត្តាសំខាន់មួយដែរនោះគឺការកសាងគម្រោងការរៀនសាឡើងវិញតាមបែបវិទ្យាសាស្ត្រ។ ដំណាក់កាលនេះ សាលាក៏មានអនុញ្ញាតឱ្យប្អូនៗរៀនបែករលែកគ្នា គឺត្រូវរៀបចំប្រព័ន្ធចំណេះដឹងតាមប្រធានបទ ដោយអនុវត្តតាមរចនាសម្ព័ន្ធនៃការប្រឡងគំរូដែលផ្តល់ដោយក្រសួងអប់រំ និងបណ្តុះបណ្តាល។ ការបែងចែកពេលវេលាឱ្យបានត្រឹមត្រូវរវាងមុខវិជ្ជានីមួយៗ និងការផ្តល់អាទិភាពដល់ការពង្រឹងចំណេះដឹងជាមូលដ្ឋាន និងការអនុវត្តជំនាញដោះស្រាយសំណួរដោយផ្អែកលើការអនុវត្ត នឹងជួយបង្កើនប្រសិទ្ធភាពនៃដំណើរការរៀនឡើងសាវិញផងដែរ» អ្នកគ្រូ Lý Kim Khánh បានអះអាងបែបនេះ។

សម័យប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៦ កាន់តែខិតជិត។ សម្រាប់ “យុទ្ធជន” នៃវិទ្យាល័យជនជាតិអន្តេវាសិកមិនត្រឹមជាកន្លែងសិក្សារៀនសូត្រនោះទេ ថែមទាំងបានក្លាយជាជម្រកគ្រួសារទីពីរ ជាកន្លែងរក្សានូវដំណក់ញើសរៀងរាល់រាត្រី និងស្នាមញញឹមដ៏ស្រស់បំព្រងរបស់យុវវ័យ។ ដូច្នេះសង្ឃឹមថាបេក្ខសិស្សគ្រប់រូបនឹងលំនឹងស្មារតី ទំនុកចិត្តឈានចូលបន្ទប់ប្រឡង ហើយនាមកតារាងពិន្ទុកកិត្តិយសដ៏ខ្ពស់បំផុតសម្រាប់បន្តកំណត់អនាគតរៀងខ្លួន៕

Danh Điệp