ឆ្លាតវៃ និងអស់ពីចិត្តក្នុងការលះបង់

ក្នុងលំហូរនៃការច្នៃប្រតិដ្ឋ និងការធ្វើសមាហរណកម្ម យុវជន Khmer កំពុងបញ្ជាក់ពីតួនាទី និងជំហររបស់ពួកគេបន្តិចម្តងៗ ជាមួយនឹងស្មារតីហានគិត និងធ្វើសកម្មភាព ចូលជិតចំណេះដឹងថ្មីៗយ៉ាងសកម្ម និងខិតខំថែរក្សាអត្តសញ្ញាណវប្បធម៌ជាតិទៀតផង។ ក្នុងវិស័យជាច្រើន ចាប់ពីការអប់រំ និងវប្បធម៌ រហូតដល់ការងារសម្ព័ន្ធយុវជន និងការផ្លាស់ប្តូរឌីជីថល យុវជន Khmer កំពុងរួមចំណែកក្នុងការបង្កើតមុខមាត់ថ្មីសម្រាប់ភូមិស្រុករបស់ខ្លួនផងដែរ។

បងស្រី Nguyễn Hồng Diễm តែងខិតខំបង្កើនចំណេះដឹងរបស់ខ្លួនដើម្បីលើកកម្ពស់គុណភាពខាងថែទាំ និងអប់រំកុមារនៅភូមិភាគ។

ក្នុងនាមជាបក្ខជន និងជាគ្រូបង្រៀនវ័យក្មេងរបស់សាលាមត្តេយ្យ Khánh Bình Tây បងស្រី Nguyễn Hồng Diễm ជឿជាក់ថា យុវជន Khmer សព្វថ្ងៃនេះមិនត្រឹមតែទទួលបានអត្ថប្រយោជន៍ពីផ្លែផ្កានៃការអភិវឌ្ឍប៉ុណ្ណោះទេ ថែមទាំងជាកម្លាំងដែលបង្កើតអនាគតសម្រាប់សហគមន៍ដោយផ្ទាល់ផងដែរ។

ខ្លួនបងស្រី Hồng Diễm ផ្ទាល់គឺជាសក្ខីភាពនៃស្មារតីនេះ។ រយៈពេលកន្លង បងស្រីបានចូលរួមយ៉ាងសកម្មក្នុងការប្រឡងគ្រូបង្រៀនពូកែ និងស្រាវជ្រាវវិធីសាស្រ្តបង្រៀនប្រកបដោយភាពច្នៃប្រតិដ្ឋ និងស្នើវិធីសាស្រ្តបង្រៀនប្រកបដោយប្រសិទ្ធភាពជាច្រើនផងដែរ។ ការខិតខំប្រឹងប្រែងទាំងនេះបានជួយឱ្យបងស្រីសម្រេចបាននូវសមិទ្ធផលជាច្រើននៅក្នុងការងារវិជ្ជាជីវៈរបស់ខ្លួន និងអភិវឌ្ឍគំនិតផ្តួចផ្តើមជាច្រើនដែលមានប្រសិទ្ធភាព រួមចំណែកដល់ការកែលម្អគុណភាពនៃការថែទាំ និងអប់រំកុមារនៅភូមិភាគ។

ជាទម្រេង់មួយក្នុងចំណោមទម្រង់ដ៏ឆ្នើមដែលត្រូវបានបងស្រីរួមជាមួយមិត្តរួមអាជីពបានផ្សព្វផ្សាយអនុវត្តគឺ «ជ្រុង STEAM» ដែលផ្តើមពីសម្ភារៈកែច្នៃឡើងវិញ។ សំបកកង់ចាស់ៗ បំពង់កាវស៊ូ PVC សំបកដូង ឫស្សី ស្លឹកត្នោត ជាដើម ក៏ត្រូវបានផ្លាស់ប្តូរយ៉ាងច្នៃប្រតិដ្ឋទៅជាទម្រង់ខ្លោងទ្វារនៃវត្ត Khmer ទូក.ង ឧបករណ៍ភ្លេងប្រពៃណី និងឧបករណ៍ជំនួយការសិក្សាជាច្រើនដែលបម្រើដល់ការសិក្សារបស់កុមារយ៉ាងមានប្រសិទ្ធភាព។

រួមជាមួយនឹងស្មារតីនៃការច្នៃប្រតិដ្ឋក្នុងការរៀនសូត្រ និងកិច្ចការងារ យុវជន Khmer ក៏កំពុងថែរក្សា និងផ្សព្វផ្សាយតម្លៃវប្បធម៌ប្រពៃណីយ៉ាងសកម្មផងដែរ។ នៅសាលាដែលខ្លួនង្រៀន បងស្រី Diễm និងមិត្តរួមអាជីពតែងរៀបចំសកម្មភាពបទពិសោធន៍ទាក់ទងនឹងវប្បធម៌ជនជាតិភាគតិច ដូចជា៖ រៀបចំការសម្តែងរបាំ ចម្រៀង Khmer និងបង្ហាញសំលៀកបំពាក់ប្រពៃណី ឬស្វែងយល់ពីបណ្តាពិធីបុណ្យសំខាន់ៗរបស់ជនជាតិ។ រាល់សកម្មភាពទាំងនេះបានជួយប្អូនៗកុមារឱ្យយល់កាន់តែច្បាស់អំពីវប្បធម៌របស់ជនជាតិខ្លួនទៀតផង ផ្តើមពីនោះ បំពេញបន្ថែមនូវក្តីស្រឡាញ់មាតុភូមិ មោទនភាពជាតិសម្រាប់បញ្ញវន្តជមនាន់ក្រោយផងដែរ។

មិនត្រឹមតែផ្លាស់ថ្មី និងភាពច្នៃប្រតិដ្ឋក្នុងការសិក្សា និងការងារប៉ុណ្ណោះទេ ប៉ុន្តែយុវជន Khmer សព្វថ្ងៃនេះក៏កំពុងដើរតួនាទីជាស្នូលយ៉ាងសកម្មក្នុងសកម្មភាពសម្ព័ន្ធយុវជន ចលនាយុវជន ព្រមទាំងកសាងផែនមហាសាមគ្គីទូទាំងជនជាតិទៀតផង។ ជាមួយនឹងស្មារតីទទួលខុសត្រូវ ភាពស្វាហាប់ និងប្តេជ្ញាចិត្តរបស់យុវជនវ័យក្មេង មានកម្មាភិបាលជាច្រើនរួបរួមសាមគ្គី សមាជិកយុវជន Khmer ជាច្រើនកំពុងក្លាយជាអ្នករួមចំណែកយ៉ាងសកម្មក្នុងការផ្សព្វផ្សាយតម្លៃដ៏ថ្លៃថ្នូក្នុងសហគមន៍ និងកសាងមាតុភូមិមួយថ្ងៃកាន់តែមានការអភិវឌ្ឍថែមទៀត។

បង Thạch Minh Trí លេខាធិសាខាសម្ព័ន្ធយុវជនភូមិកឺយ ៥ A បានអះអាងថា យុវជន Khmer ត្រូវដើរតួនាទីជា «ទូតវប្បធម៌» លើប្រព័ន្ធអ៊ីនធឺណិត រួមចំណែកផ្សព្វផ្សាយនូវរូបភាព និងតម្លៃដ៏ល្អថ្លៃថ្នូរបស់ជនជាតិសម្រាប់សហគមន៍ទាំងក្នុងប្រទេស និងអន្តរជាតិ។ ផ្តើមពីនោះក៏សកម្មក្នុងការដោះដូរ និងសហការជាមួយយុវជនបណ្តាជនជាតិទាំងឡាយដើម្បីពង្រឹងផែនមហាសាមគ្កីទូទាំងជនជាតិ។

«កម្លាំងរស់ថ្មី» របស់យុវជន Khmer សព្វថ្ងៃនេះ មិនត្រឹមតែបានបង្ហាញតាមរយៈទម្រង់នៃការច្នៃប្រតិដ្ឋ ឬសមិទ្ធផលលេចធ្លោប៉ុណ្ណោះទេ ថែមទាំងបានបញ្ជាក់ដោយស្មារតីហានគិត ហានធ្វើ ដើម្បីរួមចំណែកដល់សហគមន៍ផងដែរ។ នេះគឺជាប្រភពធនធានដ៏សំខាន់មួយជួយឱ្យភូមិស្រុកមួយថ្ងៃកាន់តែអភិវឌ្ឍរីកចម្រើន ស៊ីវិល័យ ប្រកបដោយអត្តសញ្ញាណវប្បធម៌ក្នុងសម័យសមាហរណកម្ម៕

Lam Khánh