បណ្តាសាលាអន្តេវាសិកត្រៀមជ្រើសសិស្សសម្រាប់ឆ្នាំសិក្សាថ្មី ២០២៦ - ២០២៧

អនុវត្តតាមសេចក្តីសម្រេចលេខ ៥៤/២០២៦/QĐ-UBND របស់គណៈកម្មាធិការប្រជាជនខេត្តស្តីពីសេចក្តីកំណត់នៃការបណ្តុះបណ្តាលប្រភពធនធានមនុស្សសម្រាប់ជនជាតិភាគតិចស្ថិតក្នុងការជម្រើសសិស្សដើម្បីចូលបន្តសិក្សាតាមបណ្តាសាលាអន្តេវាសិកលើភូមិសាស្ត្រខេត្ត គ្រប់បណ្តាមូលដ្ឋានអប់រំក៏ម្ចាស់ផ្សព្វផ្សាយផែនការជ្រើសសិស្សសម្រាប់ឆ្នាំសិក្សា ២០២៦២-០២៧ផងដែរ។ សេចក្តីសម្រេចនេះត្រូវបានដាក់ចេញដើម្បីធ្វើឱ្យសេចក្តីកំណត់របស់ក្រសួងអប់រំ និងបណ្តុះបណ្តាលស្តីពីការរៀបចំ និងប្រតិបត្តិការនៃសាលាជនជាតិអន្តេវាសិកទាំងឡាយ ស្របឱកាសនោះក៏ធានាការជ្រើសសិស្សត្រឹមត្រូវតាមមុខសញ្ញា ភាពយុត្តិធម៌ មានគោលដៅ និងសមស្របទៅនឹងលក្ខខណៈរបស់ភូមិភាគ។

​

ឆ្នាំ​សិក្សា ២០២៦-២០២៧ សាលាអនុវិទ្យាល័យជនជាតិអន្តេវាសិក Danh Thị Tươi  ជ្រើសសិស្ស​ចំនួន ១០០​ នាក់សម្រាប់​ថ្នាក់​ទី ៦ និង ១០ នាក់​ថ្នាក់​ទី ៧ និង ១០ នាក់​​ថ្នាក់​ទី ៨; និង​ ១០ នាក់​ថ្នាក់​ទី ៩។ សាលា​ត្រូវ​បាន​អនុញ្ញាតឱ្យជ្រើសសិស្សមិនលើសពី ១០% ជា​ជនជាតិ Kinh យោងតាមកូតា​ដែល​បាន​កំណត់។ 

បច្ចុប្បន្ន ខេត្ត Cà Mau មាន​ ៣ សាលាជនជាតិអន្តេវាសិក រួមមាន ២ សាលាកម្រិតសាកលវិទ្យាល័យ និង ១ សាលាអនុវិទ្យាល័យ។ មកទល់ពេលនេះ សាលាទាំឡាយក៏បានបញ្ចប់រាល់ជំហានត្រៀម និងកំពុងអនុវត្តការផ្សព្វផ្សាយជ្រើសសិស្សតាមផែនការ។

លោកគ្រូ Hữu Lý Vui លេខាសម្ព័ន្ធយុវជននៃវិទ្យាល័យជនជាតិអន្តេវាសិក Cà Mau បានឱ្យដឹង៖​ “សម្រាប់បុគ្គលដែលជ្រើសគឺសិស្សជាជនជាតិភាគតិចដែលខ្លួនឬឪពុកម្តាយ និងមេគ្រួសាររបស់ខ្លួនមានរយៈពេលរស់នៅជាប់លាប់ក្នុងតំបន់នោះយ៉ាងហោចណាស់ ៣៦ ខែរហូតដល់ថ្ងៃដាក់ពាក្យ។ លើសពីនេះ សាលាក៏ជ្រើសរើសសិស្សមដែលជាជនជាតិភាគតិចដែលមានចំនួនតិចបំផុតលើភូមិសាស្ត្រខេត្តយោងតាមអនុក្រឹត្យលេខ ៥៧/២០១៧/NĐ-CP របស់រដ្ឋភិបាល។ ទន្ទឹមនិងនោះ សិស្សដែលត្រូវជាជនជាតិ Kinh ដែលរស់នៅជាប់លាប់តាមបណ្តាឃុំ សង្កាត់ជួបលំបាកពិសេសចាប់ពី ៣៦ ខែឡើងទៅនឹងត្រូវបានជ្រើ។ ថ្វីត្បិតតែដូច្នេះ អត្រាសិស្សជាជនជាតិ Kinh នឹងមិនលើសពី ១០០% នៃកូតាជ្រើសថ្មីជារៀងរាល់ឆ្នាំរបស់សាលា”។

សម្រាប់ឆ្នាំសិក្សា ២០២៦-២០២៧ វិទ្យាល័យជនជាតិអន្តេវាសិក Cà Mau ឡើងផែនការនឹងជ្រើសសិស្សចំនួន ១៤៥ នាក់សម្រាប់ថ្នាក់ទី ១០ ចែកចេញជា ៤ ថ្នាក់។ ដំណើរការជ្រើសសិស្សត្រូវបានអនុវត្តតាមទម្រង់ជម្រើស។

រួមជាមួយវិទ្យាល័យជនជាតិអន្តេវាសិក Cà Mau អនុវិទ្យាល័យជនជាតិអន្តេវាសិក Danh Thị Tươi ក៏កំពុងធ្វើការជម្រើសសិស្សសម្រាប់ថ្នាក់ទី ៦ និងបន្ថែមកូតាមួយចំនួនសម្រាប់ថ្នាក់ទី ៧, ៨ និង ៩។ មុខសញ្ញាជម្រើសគឺជាសិស្សដែលបានបញ្ចប់កម្រិតបឋមសិក្សា និងអនុវិទ្យាល័យតាមការកំណត់។ យោងតាមផែនការ សាលានឹងជ្រើសសិស្សចំនួន ១០០ នាក់សម្រាប់ថ្នាក់ទី ៦ និង ១០ នាក់សម្រាប់ថ្នាកទី​៧ និង១០ សម្រាប់ថ្នាក់ទី ៨ និង ១០ នាក់ទៀតសម្រាប់ថ្នាក់ទី ៩ ផងដែរ។ ក្នុងកូតាសរុបដែលបានបែងចែក សាលាត្រូវបានអនុញ្ញាតឱ្យជ្រើសសិស្សមិនលើសពី ១០%​សម្រាប់សិស្សជាជនជាតិ Kinh តាមការកំណត់ជាធរមាន។

ម៉ោងរៀនភាសា Khmer របស់ប្អូនៗអនុវិទ្យាល័យជនជាតិ Danh Thị Tươi។

លោកគ្រូ Hữu Lý Vui បានបន្ថែមទៀតថា៖ បន្ទាប់ពីបញ្ចប់ដំណើរការជ្រើសសិស្ស និងទទួលយកសិស្សដែលបានជម្រើស សាលានឹងរៀបចំការប្រឹក្សា ណែនាំអំពីការជ្រើសរើសការរួមបញ្ចូលគ្នានៃមុខវិជ្ជា និងការរៀនជាក្រុម និងឯកទេសដែលសមស្របទៅនឹងសមត្ថភាព និងចំណុចខ្លាំងរបស់សិស្សម្នាក់ៗ។ មុខវិជ្ជាដែលចាំបាច់ត្រូវតែរៀន​ រួមមាន៖ គណិតវិទ្យា អក្សរសាស្ត្រ ភាសាអង់គ្លេស (tiếng Anh) ប្រវត្តិសាស្ត្រ អប់រំកាយ អប់រំការពារជាតិ និងសន្តិសុខ សកម្មភាពបទពិសោធន៍ - ណែនាំអាជីព និងការអប់រំនៅភូមិភាគ។

ជាមួយការ​រៀបចំ​យ៉ាង​ហ្មត់ចត់​ខាង​សម្ភារៈ បុគ្គលិកគ្រូ​បង្រៀន និង​ផែនការ​ជ្រើសសិស្សរបស់បណ្តាសាលាអន្តេវាសិកទាំងឡាយលើភូមិសាស្ត្រខេត្តកំពុងត្រៀមជាស្រេច​ដើម្បី​ស្វាគមន៍​សិស្ស​សម្រាប់ឆ្នាំ​សិក្សា​ថ្មី ដោយ​បន្ត​អនុវត្ត​ភារកិច្ច​បណ្តុះបណ្តាលប្រភព​ធនធាន​មនុស្ស​នៃតំបន់​ជនជាតិ​ភាគតិច ​រួម​ចំណែក​លើក​កម្ពស់​គុណភាព​អប់រំ និង​អភិវឌ្ឍ​ធនធាន​មនុស្ស​នៅ​តាមតំបន់​ជនជាតិ៕

Danh Điệp