ថ្នាក់រៀនសម្រាប់អភិរក្សវប្បធម៌ជនជាតិ

ពេលដែលឈានដល់រដូវវិស្សមកាលម្តងៗ ក៏ជារយៈពេលដែលបានឮនូវសូរសម្លេងអានព្យញ្ជនៈ Khmer របស់ប្អូននៅឃុំ Hồ Thị Kỷ បានបន្លើឡើងដែរ។ ជាច្រើនឆ្នាំកន្លងមកហើយ ថ្នាក់រៀននេះបានក្លាយជាសសៃនៃវប្បធម៌សម្រាប់ការបំប៉ន និងថែរក្សាភាសា និងអក្សសាស្ត្រ Khmer សម្រាប់បញ្ញវន្តគ្រប់ជំនាន់ផងដែរ។

ការខិតខំបង្រៀនអក្សរ គឺជាវិធីសាស្ត្រមួយសម្រាប់ព្រះពហុសូត្រ Danh Béo បណ្តុះខាងវប្បធម៌ជនជាតិក្នុងប្អូនៗកុមារផងដែរ។

រដូវវិស្សមកាលឆ្នាំនេះ ឃុំ Hồ Thị Kỷ មាន ២ ថ្នាក់បង្រៀនអក្សរ Khmer គឺនៅវត្តជ្រុងខ្មែរ (Rạch Giồng) ១ ថ្នាក់ និងភូមិ Cây Khô ១ ថ្នាក់។ នៅវត្តជ្រុងខ្មែរ (Rạch Giồng) សព្វថ្ងៃមានសិស្ស ៦០ នាក់កំពុងរៀនអក្សរ Khmer។ ដើម្បីធានាប្អូនៗបានយល់ និងចេះសរសេរអក្សរ Khmer ព្រះសង្ឃទាំងឡាយតែងខិតខំកែលម្អវិធីសាស្រ្តបក្នុងការង្រៀនរបស់ខ្លួន។

ព្រះតេជគុណ Danh Béo ព្រះពហុសូត្រវត្តសិរីមង្គល ជ្រុងខ្មែរ (Rạch Giồng) មានសង្ឃដីការ៖ «រដូវវិស្សមកាលឆ្នាំនេះ អាត្មានឹងបង្កើនកម្មវិធីក្នុងការបង្រៀនច្រើនជាឆ្នាំមុនបន្តិចផងដែរ។ ដោយផ្តោតលើសៀវភៅសិក្សាថ្នាក់ទី ២ និងទី ៣ អាត្មានឹងធ្វើបច្ចុប្បន្នភាពវាជាមួយវាក្យសព្ទដោយផ្តើលើភាពជាក់ស្តែង ដើម្បីជួយប្អូនៗពង្រីកវាក្យសព្ទ និងយល់កាន់តែច្បាស់អំពីមេរៀន។ ក្រៅពីការសរសេរ អាត្មានឹងបញ្ចូលការបង្រៀនប្ងូនៗអំពីសុជីវធម៌ វប្បធម៌ របៀបនិយាយស្តីឱ្យបានគួរសម រហូតដល់របៀបទំនាក់ទំនងជាមួយមនុស្សចាស់តាមរបៀបដែលសមស្របទៅនឹងប្រពៃណី Khmer»។

ប្អូន Nguyễn Hồng Nhẫn នៅភូមិ Đường Đào ឃុំ Hồ Thị Kỷ បានចែករំលែកដោយក្តីរំភើបថា៖ «នេះជាឆ្នាំទីពីរដែលប្អូនបានចូលរួមថ្នាក់នេះ។ កាលពីឆ្នាំមុន ប្អូនបានរៀនព្យញ្ជនៈ ស្រះ អក្ខរាវិរុទ្ធ និងរៀនសរសេរ។ ឆ្នាំនេះ ប្អូនចង់បន្តរៀនដើម្បីទទួលបានចំណេះដឹងកាន់តែស៊ីជម្រៅអំពីវប្បធម៌ជាតិរបស់ខ្លួន ព្រមទាំងបង្កើនចំណេះដឹងដើម្បីជួយឱ្យប្អូនអាចអានភាសា Khmer បានយ៉ាងស្ទាត់ជំនាញ»។

នៅថ្ងៃបើកថ្នាក់សម្រាប់ឆ្នាំសិក្សាថ្មីនៅវត្តជ្រុងខ្មែរ អនុសេនីយ៍ទោ Danh Thanh The អនុលេខាសាខាសម្ព័ន្ធយុវជនសន្តិសុខផ្ទៃក្នុងនៃនគរបាលខេត្ត Cà Mau រួមជាមួយសមាជិក សមាជិការ និងសម្ព័ន្ធយុវជនឃុំបានផ្តល់ជូនសៀវភៅ ១ ពាន់ក្បាលសម្រាប់ប្អូនៗថ្នាក់អក្សរ Khmer រដូវវិស្សមកាល។ នេះមិនត្រឹមជាអំណោយខាងសម្ភារៈប៉ុណ្ណោះទេ ប៉ុន្តែវាក៏ជាប្រភពនៃការឧបត្ថម្ភខាងកម្លាំងចិត្ត និងក្តីសង្ឃឹមពីអ្នកជំនាន់មុនមានចំពោះប្អូនៗកុមារផងដែរ។

លើសពីនេះ គម្រោង «សួនច្បារនៃការសាមគ្គី» ជាមួយនឹងដើមទន្លាប់ ២០ គុម្ព ដែលត្រូវបានដាំដោយយុវជន ក៏បានបញ្ជាក់ដែរថា៖ យុវជន Khmer សព្វថ្ងៃនេះមិនត្រឹមតែខិតខំក្នុងការងាររបស់ខ្លួនប៉ុណ្ណោះទេ ប៉ុន្តែក៏ជាកម្លាំងនាំមុខគេក្នុងការអភិរក្ស និងផ្សព្វផ្សាយអត្តសញ្ញាណជនជាតិផងដែរ។

ឆ្នាំនេះ ថ្នាក់បង្រៀនអក្សរ Khmer រដូវវិស្សមកាលនៅវត្តសិរីមង្គល ជ្រុងខ្មែរ (Rạch Giồng) មានប្អូនៗចូលរួមប្រមាណ ៦០ នាក់។

អនុសេនីយ៍ទោ Danh Thanh The បានចែករំលែកថា៖ «កើត និងធំដឹងក្តីនៅភូមិនេះ ខ្ញុំតែងតែមានបំណងចង់ចូលរួមចំណែកដល់ភូមិស្រុក និងបងប្អូនជនរួមជាតិរបស់ខ្លួនតាមដែលខ្លួនអាចធ្វើបាន។ តាមរយៈសកម្មភាពនេះ ខ្ញុំសង្ឃឹមថានឹងជំរុញទឹកចិត្តប្អូនៗសិស្សានុសិស្សបន្ថែមទៀតឱ្យចូលរួមថ្នាក់រៀនភាសា Khmer ដើម្បីរួមចំណែកថែរក្សាភាសា និងអក្សរជាកេមរតកវប្បធម៌ Khmer។ ចំពោះទម្រង់ «សួនច្បារនៃការសាមគ្គី» បណ្តាដើមទន្លាប់មួយដើមៗដែលបានដាំមិនត្រឹមតែធ្វើឱ្យទេសភាពស្រស់ស្អាតប៉ុណ្ណោះទេ ថែមទាំងបង្ហាញពីចំណងមិត្តភាព និងភាពស្និទ្ធស្នាលរវាងសមាជិកសម្ព័ន្ធយុវជន វត្តអារាម និងប្រជាជនក្នុងតំបន់ផងដែរ។ វាបង្ហាញពីសារនៃការសាមគ្គីភាព រួមគ្នាដើម្បីថែរក្សាការពារបញ្ញវន្តជំនាន់ក្រោយ និងចូលរួមកសាងមាតុភូមិមួយថ្ងៃកាន់តែសម្បូររុងរឿងតទៅអនាគត”។

រដូវវិស្សមកាលម្តងៗ គ្រូ និងសិស្សនៅតាមភូមិស្រុកតែងជួបជុំគ្នា ដើម្បីរួមកម្លាំងគ្នាថែរក្សានូវភាសា និងអក្សរសាស្ត្រ សម្រាប់ជាអណ្តាតភ្លើងនៃវប្បធម៌ប្រពៃណីជាតិក្លាយជាពន្លឺដ៏ភ្លឹស្វាងចាប់ពីថ្ងៃនេះរហូតដល់អនាគត៕

Trịnh Hải