ជំនួយការអប់រំតាមរយៈកម្លាំងសហគមន៍

នៅឃុំ Phong Hiệp សកម្មភាពយកចិត្តទុកដាក់ខាងបុព្វហេតុនៃការអប់រំមិនត្រឹមតែស្ថិតក្នុងវិសាលភាពរបស់សាលារៀនតែម្យ៉ាងប៉ុណ្ណោះទេ ថែមទាំងបានក្លាយជាការទទួលខុសត្រូវរួមគ្នានៃប្រព័ន្ធនយោបាយ និងសហគមន៍ទាំងមូលទៀតផង។ ដោយមានការឧបត្ថម្ភពីគ្រប់បណ្តាគណៈផ្នែក រដ្ឋអំណាចភូមិភាគ វិស័យអប់រំ សមាគមជំរុញការសិក្សា ក៏ដូចជាសង្គមគ្រួសារ និងសប្បុរសជនជាដើម សិស្សដែលមានជីវភាពជួបលំបាកជាច្រើនត្រូវបានផ្តល់ការលើកទឹកចិត្តបន្ថែម ដើម្បីបន្តចិញ្ចឹមនូវក្តីស្រមៃរបស់ខ្លួនក្នុងការរៀនសូត្រផងដែរ។

លោក La Thành Tân ប្រធានសមាគមជំរុញការសិក្សាអប់រំឃុំ Phong Hiệp អញ្ជើញទៅសួរសុខទុក្ខ និងលើកទឹកចិត្តប្អូន Phạm Huỳnh Thăng Long ក្នុងការសិក្សារៀនសូត្រ។

យើងខ្ញុំមានមុខនៅហាងជួសជុលម៉ូតូដែលជាកន្លែងប្អូន Phạm Huỳnh Thăng Long សិស្សសាលាមធ្យមសិក្សា Phong Thạnh Tây A កំពុងស្នាក់នៅជាមួយម្តាយអាយុជិត ៧០ ឆ្នាំ ទើបបានឃើញថាជីវភាពម្តាយកូនកំពុងប្រឈមមុខជាមួយការលំបាកខ្លាំង។ គ្មានផ្ទះស្នាក់នៅ ជីវភាពម្តាយកូនពឹងលើតែប្រាក់បានមកពីរបរស៊ីឈ្នួលបន្តិចបន្តួចរបស់ម្តាយ។ ទោះជាយ៉ាងណាក៏ដោយ ដំណើរសិក្សារៀនសូត្ររបស់ប្អូន Long មិនដែលឈប់ឡើយ ពីព្រោះគាត់តែងតែទទួលបានឧបត្ថម្ភពីសាលា រដ្ឋអំណាចភូមិភាគ និងអង្គការសង្គមផងដែរ។

រយៈពេល ៣ ឆ្នាំកន្លង ប្អូន Long បានទទួលអាហារូបករណ៍ កង់ សៀវភៅ និងអំណោយជាច្រើនទៀតដើម្បីជំនួយឱ្យការសិក្សារបស់ខ្លួន។ អំណោយទាំងនេះ ទោះបីជាមិនច្រើនក៏ដោយ ក៏វាបានជួយកាត់បន្ថយបន្ទុកសម្រាប់ប្អូន ដើម្បីបន្តសិក្សារៀនសូត្រដូចជាមិត្តភក្តិដទៃទៀតដែរ។

អ្នកមីង Huỳnh Lan Đài ម្តាយរបស់ Long បានចែករំលែកថា៖ «គ្រួសារខ្ញុំពិតជាអរគុនខ្លាំងណាស់ចំពោះការយកចិត្តទុកដាក់របស់រដ្ឋអំណាចភូមិ សាលា និងសប្បុរសជនគ្រប់ទិសទី។ ក្តីប្រាថ្នាដ៏ធំបំផុតរបស់ខ្ញុំគឺចង់ឱ្យកូនបានបន្តការសិក្សាដល់ទីបញ្ចប់ ដើម្បីអនាគតមានជីវិតកាន់តែប្រសើរឡើង»។

រឿងរ៉ាវរបស់ Thăng Long គ្រាន់តែជាករណីមួយក្នុងចំណោមករណីជាច្រើនដែលទទួលបានការចាប់អារម្មណ៍ និងការឧបត្ថម្ភរបស់ភូមិភាគ។ ដោយមានទស្សនៈថា គ្មានសិស្សណាម្នាក់គួរត្រូវបានបង្ខំឱ្យឈប់រៀនដោយសារតែលក្ខណៈគ្រួសារមានការជួបការលំបាកនោះទេ អស់រយៈពេលជាច្រើនឆ្នាំមកហើយ សាលាទាំងឡាយនៅភូមិភាគបានសម្របសម្រួលយ៉ាងសកម្មជាមួយអង្គការនានា ដើម្បីពិនិត្យ ប្រមូលផ្តុំ និងស្វែងរកប្រភពនៃការឧបត្ថម្ភសម្រាប់សិស្សដែលមានហានិភ័យនៃការឈប់រៀន។

លោក Vũ Ngọc Đan នាយករងសាលាបឋមសិក្សា A Phong Thạnh Tây B បានឱ្យដឹង៖ “ជារៀងរាល់ឆ្នាំ យើងខ្ញុំតែងកៀរគរប្រភពធនធានដើម្បីជំនួយឧបត្ថម្ភដល់ប្អូនៗស្សានុសិស្សជាមួយនឹងសៀវភៅ សំលៀកបំពាក់ និងអាហារូបករណ៍ជាដើម។ លោកគ្រូ អ្នកគ្រូ និងរដ្ឋអំណាចភូមិភាគក៏បានទាក់ទងសិស្សដែលមានហានិភ័យនៃការបោះបង់ចោលការសិក្សាដើម្បីជួយពួកគេបានទាន់ពេលផងដែរ។ អាស្រ័យហេតុនេះហើយ ទើបរយៈពេលជាច្រើនឆ្នាំកន្លងមក សាលាមិនមានសិស្សបោះបង់ចោលការសិក្សានោះទេ អត្រាសិស្សរៀនបង្គួរ និងពូកែក៏កើនឡើងផងដែរ”។

ទន្ទឹមជាមួយការខិតខំប្រឹងប្រែងរបស់វិស័យអប់រំ ប្រពៃណីចលនាកសាងសង្គមសិក្សានៅ Phong Hiệp កំពុងរីកសាយភាយ។ តួយ៉ាងដូចជាទម្រង់៖ គ្រួសារសិក្សា រៀនសូត្រ វង្សត្រកូលសង្វាតរៀនសូត្រ សហគមន៍សិក្សាបង្កើតបរិយាកាសសម្រាប់ជំរុញការសិក្សាក្នុងគ្រួសារនីមួយៗ និងតាមតំបន់ប្រជុំជនផងដែរ។

គណៈប្រតិបត្តិការនៃសមាគមជំរុញការសិក្សាអប់រំឃុំ Phong Hiệp អាណត្តិឆ្នាំ ២០២៦-២០៣១ បង្ហាញមុខនៅមហាសន្និបាត និងដាក់ចេញទិសដៅក្នុងការខិតខំប្រឹងប្រែងអភិវឌ្ឍចំនួនសមាជិកបន្ថែមទៀតដល់ឆ្នាំ ២០៣១នឹងសម្រេច ៧៥% នៃចំនួនស្ថិតិ ដើម្បីជំរុញប្រពៃណីសិក្សារៀនសូត្រពេញមួយជីវិតមានការស៊ីជម្រៅក្នុងប្រជាជនទាំងមូល។

លោក Nguyễn Việt Chiều នៅភូមិលេខ ២​A ចែករំលែក៖ «ខ្ញុំគិតថា មិនថាកាលៈទេសៈលំបាកយ៉ាងណានោះទេ យើងត្រូវតែមានចិត្តព្យាយាមឱ្យអស់ពីសមត្ថភាពដើម្បីបង្កលក្ខណៈឱ្យកូនៗរបស់ខ្លួនបានសិក្សារៀនសូត្រត្រឹមត្រូវ។ យើងត្រូវយកតម្រាប់តាមគ្រួសារដែលទទួលបានជោគជ័យលើការសិក្សារៀនសូត្រដើម្បីជំរុញទឹកចិត្តកូនៗឱ្យខិតខំបន្ថែមទៀត”។

ដើម្បីធានាបាននូវនិរន្តរភាពនៃសកម្មភាពទាំងនេះ ប្រភពធនធានសង្គមជាច្រើនត្រូវបានកៀរគរ។ ក្នុងអាណត្តិ ២០២០-២០២៥ ឃុំ Phong Hiệp ក៏បានរៃអង្គាសប្រាក់បានជាង ១ ពាន់លានដុង សម្រាប់ផ្តល់អាហារូបករណ៍ កង់ សៀវភៅ និងរង្វាន់ដល់សិស្សដែលបានជម្នះការលំបាក រៀនបានពូកែ។ រួមជាមួយគ្នានោះ ប្រពៃណីរៀនសូត្រពេញមួយជីវិតនៅតែបន្តអភិវឌ្ឍយ៉ាងទូលំទូលាយ ដោយមានសមាជិកចូលរួមជាង ១៣ ពាន់នាក់ និងមានជាង ៤.៨០០​ គ្រួសាររៀនសូត្រ ៤២ វង្សត្រកូលរៀនសូត្រ និង ១៣ តំបន់ប្រជុំជនសម្រេចជាសហគមន៍រៀនសូត្រ រួមជាមួយទូទាំងអង្គភាពរៀនសូត្រលើទូទាំងភូមិសាស្ត្រត្រូវបានទទួលស្គាល់។

លោក La Thành Tân ប្រធានសមាគមជំរុញការសិក្សាអប់រំឃុំ Phong Hiệp បានឱ្យដឹង៖ «សមាគមបន្តសម្របសម្រួលជាមួយនាយកដ្ឋាន ភ្នាក់ងារ និងអង្គការនានា ដើម្បីកសាងទម្រង់សិក្សា ព្រមទាំងពង្រឹងការឃោសនាបន្តទៀតដើម្បីលើកទឹកចិត្តដល់ការសិក្សាពេញមួយជីវិតសម្រាប់មនុស្សគ្រប់គ្នា និងកៀរគរធនធានបន្ថែម ដើម្បីជំនួយឧបត្ថម្ភដល់សិស្សក្រីក្រដែលជំនះការលំបាក»៕

Thanh Hải - Duy Phong