រឹតបន្តឹងនៃការទំនាក់ទំនងជាមួយប្រជាជន

តាមរយៈសកម្មភាពការងារជាក់ស្តែង ស្នងការនគរបាលសង្កាត់វិញចាច់ បាននាំយកការងារប្រជាចលនាស៊ីជម្រៅជាបណ្តើរៗ រួមចំណែកគិតគូរដល់ជីវភាពរស់នៅរបស់បងប្អូនជនរួមជាតិភាគតិចដែលជួបលំបាកលើភូមិសាស្ត្រ ព្រមទាំងពង្រឹងជំនឿទុកចិត្តរបស់ប្រជាពលរដ្ឋចំពោះកងកម្លាំងនគរបាលផងដែរ។

 ស្នងការនគរបាលសង្កាត់វិញត្រាច់ជូនអង្ករនិងគ្រឿងឧបភោគបរិភោគដល់គ្រួសារបងស្រី​ យ័ញធីអ៊ុក។

ពីមុនមក ដោយសារស្ថានភាពគ្រួសារជួបលំបាក កូនៗរបស់អ្នកមីង យ័ញធីអ៊ុក នៅអនុសង្កាត់លេខ៤ មិនបានទៅរៀនដូចក្មេងដទៃនោះទេ។ ឥឡូវ អ្នកម្តាយរូបនេះមិនអាចលាក់បាំងនូវក្តីរីករាយបានឡើយពេលដែលកូនៗមានឱកាសបានរៀនអក្សរ។ អ្នកមីង អ៊ុក បានរៀបរាប់ថា៖ «ដោយសារតែបានកម្មាភិបាលនគរបាលសង្កាត់ជួយឧបត្ថម្ភ និងលើកទឹកចិត្ត ទើបកូនៗបានចូលរួមថ្នាក់រៀននៅវត្ត។ ខ្ញុំសប្បាយចិត្តណាស់ សង្ឃឹមថាកូនបានចេះអក្សរដើម្បីមានអនាគតភ្លឺស្វាងជាងមុន»។

ក្តីរីករាយរបស់អ្នកមីង អ៊ុក ទោះបីជាមានសភាពសាមញ្ញ ប៉ុន្តែបានបង្ហាញពីអត្ថន័យនៃការងារប្រជាចលនានៅពេលដែលឆ្លើយតបត្រូវនឹងតម្រូវការរបស់ប្រជាពលរដ្ឋ។

នៅតាមបណ្តាភូមិដែលមានបងប្អូនជនរួមជាតិខ្មែររស់នៅច្រើន ការងារប្រជាចលនាមិនត្រឹមតែឈប់ត្រឹមការផ្សព្វផ្សាយណែនាំគោលនយោបាយរបស់បក្ស ច្បាប់របស់រដ្ឋប៉ុណ្ណោះទេ ប៉ុន្តែថែមទាំងត្រូវបានធ្វើជាក់ស្តែងតាមរយៈសកម្មភាពថែទាំជីវភាពរស់នៅរបស់ប្រជាជនទៀតផង។ កងកម្លាំងនគរបាលសង្កាត់បានយកចិត្តទុកដាក់ស្វែងយល់ទំនាក់ទំនង និងក្តាប់បាននូវអារម្មណ៍ សេចក្តីប៉ងប្រាថ្នារបស់បងប្អូនប្រជាពលរដ្ឋ ផ្តើមពីនោះសម្របសម្រួលការឃោសនា ជំនួយឧបត្ថម្ភដល់ករណីជួបការលំបាក និងយកចិត្តទុកដាក់បន្តិចទៀតចំពោះការការពារកុមារ។

ព្រមជាមួយនឹងការចលនាក្មេងៗឱ្យទៅសាលា នគរបាលសង្កាត់ថែមទាំងបានរៀបចំវគ្គបង្រៀនហែលទឹក ណែនាំបច្ចេកទេសការពារ និងទប់ស្កាត់ការលង់ទឹកជូនកុមារទៀតផង។ បង ថាច់គឿង នៅភូមិយ៉ាបនឿក ឱ្យដឹង៖ «កន្លងមក ស្នងការនគរបាលសង្កាត់ក៏បានយកចិត្តទុកដាក់ថែទាំជីវភាពរស់នៅរបស់ប្រជាពលរដ្ឋ ឧបត្ថម្ភអង្ករ ប្រាក់។ល។ ដើម្បីជូនបងប្អូនជួបការលំបាកទាន់ពេលវេលា។ ស្នងការនគរបាលថែមទាំងបានរៀបចំវគ្គបង្រៀនហែលទឹក ការពារទប់ស្កាត់ការលង់ទឹក ដែលធ្វើឱ្យពួកយើងជាឪពុកម្តាយមានការកក់ក្តៅចិត្តអំពីសុវត្ថិភាពរបស់កូនចៅនៅតំបន់ព្រែកទន្លេ»។

វរសេនីយ៍ទោ ង្វៀនវុំាងធំ ប្រធាននគរបាលសង្កាត់ បានឱ្យដឹង៖ កន្លងមក ប្រពៃណីចលនាទូទាំងប្រជាជនការពារសន្តិសុខប្រទេសជាតិត្រូវបានផ្លាស់ប្តូរថ្មីជាបណ្តើរៗខ្លឹមសារ និងទម្រង់ផងដែរ។ ជាប់ទាក់ទងនឹងភារកិច្ចអភិវឌ្ឍន៍សេដ្ឋកិច្ច - សង្គម និងកសាងជីវភាពវប្បធម៌នៅមូលដ្ឋាន។ តាមរយៈការផ្សព្វផ្សាយ និងឃោសនា តួនាទីជាម្ចាស់ការរបស់ប្រជាពលរដ្ឋក្នុងការទប់ស្កាត់ រកឃើញ និងប្រយុទ្ធប្រឆាំងនឹងបទល្មើស គ្រឿងញៀន អំពើអបាយមុខ និងអំពើល្មើសច្បាប់ផ្សេងៗទៀត កាន់តែត្រូវបានយកចិត្តទុកដាក់ និងពង្រីកកម្លាំងសរុបនៃប្រព័ន្ធនយោបាយទាំងមូល និងទាំងក្នុងសហគមន៍ផងដែរ។

ស្នងការនគរបាលវិញត្រាច់តែងយកចិត្តទុកដាក់ និងលើកទឹកចិត្តប្អូនៗកូនក្មួយជនរួមជាតិខ្មែរដែលមានជីវភាពជួបលំបាកបានទៅសាលា។

ក្រៅពីនោះ ការងារប្រជាចលនាមានការប្រែប្រួលជាវិជ្ជមាននៅពេលដែលកងកម្លាំងនគរបាលបង្កើនទំនាក់ទំនង ស្តាប់យោបល់ និងក្តាប់បាននូវអារម្មណ៍ សេចក្តីប៉ងប្រាថ្នាដ៏ត្រឹមត្រូវរបស់បងប្អូនប្រជាជន។ បញ្ហាដែលកើតមានឡើងក្នុងមូលដ្ឋានត្រូវបានយកចិត្តទុកដាក់ និងផ្តល់យោបល់ដោះស្រាយទាន់ពេលវេលាចាប់តាំងពីមូលដ្ឋាន កាត់បន្ថយហានិភ័យនៃការបង្កើតជាករណីស្មុគស្មាញ។ តាមរយៈនោះ ទំនាក់ទំនងយ៉ាងស្អិតរមួតរវាងកងកម្លាំងនគរបាល និងប្រជាជនបន្តត្រូវបានពង្រឹង និងលើកកម្ពស់ជំនឿទុកចិត្តរបស់ប្រជាពលរដ្ឋចំពោះគណៈកម្មាធិការបក្ស រដ្ឋអំណាចភូមិភាគ និងកងកម្លាំងនគរបាល។

វរសេនីយ៍ទោ ង្វៀនវុំាងធំ បានបន្ថែមទៀតថា៖ «នាពេលខាងមុខ អង្គភាពនឹងធ្វើសេនាធិការជូនគណៈកម្មាធិការបក្ស និងគណៈកម្មាធិការប្រជាជនសង្កាត់ ណែនាំផ្សព្វផ្សាយមានប្រសិទ្ធភាពនូវបណ្តាសំណុំឯកសាររបស់បក្ស រដ្ឋ ក្រសួងសន្តិសុខ និងនគរបាលខេត្តស្តីពីការធានាសន្តិសុខ សណ្តាប់ធ្នាប់ និងកសាងចលនាមហាជនទាំងអស់គ្នាការពារសន្តិសុខមាតុភូមិ។ ក្នុងនោះ យកចិត្តទុកដាក់ពង្រឹងចលនានៅតាមបណ្តាតំបន់ដែលមានភាពស្មុគស្មាញអំពីសន្តិសុខ និងសណ្តាប់ធ្នាប់ ឃោសនាប្រជាពលរដ្ឋឱ្យចូលរួមក្នុងកម្មវិធីជាតិប្រយុទ្ធប្រឆាំងបទល្មើស កសាង និងពង្រីកទូលំទូលាយនូវទម្រង់ការពារខ្លួនឯង គ្រប់គ្រងខ្លួនឯង និងផ្សះផ្សាខ្លួនឯងនៅមូលដ្ឋាន»៕

អត្ថបទនិងរូប៖ ឡាមខាញ់