Truyền hình
បញ្ជាការដ្ឋានកងទ័ពការពារព្រំដែនខេត្តសុកត្រាំង បានកំណត់ច្បាស់ការឃោសនា ផ្សព្វផ្សាយ អប់រំច្បាប់ដល់ប្រជាជនតំបន់ព្រំដែន ជាការងារជាប្រចាំនិងជាប់ជានិច្ច។ ផ្តើមពីនោះ កម្មាភិបាល យុទ្ធជនក្នុងអង្គភាពសកម្មផ្សព្វផ្សាយអនុវត្ត ដើម្បីជួយប្រជាជនតំបន់ព្រំដែនសមុទ្រ គោរពតាមសេចក្តីកំណត់របស់ច្បាប់។
កម្មាភិបាល យុទ្ធជនការពារព្រំដែនផ្សព្វផ្សាយច្បាប់សមុទ្រ កោះវៀតណាមដល់នេសាទករ។
ការងារឃោសនា ផ្សព្វផ្សាយអប់រំច្បាប់ ត្រូវបានកងទ័ពការពារព្រំដែនខេត្ត ផ្សព្វផ្សាយដោយរូបភាពសម្បូរបែប សមស្របជាមួយនឹងមុខសញ្ញានិងភូមិភាគនីមួយៗ។ ដោយឡែកឆ្នាំ២០២៣ ការឃោសនា ផ្សព្វផ្សាយប្រមូលផ្តុំបាន៤០លើក ដោយមានអ្នកចូលរួមជាង២.០០០លើកនាក់ ផ្សព្វផ្សាយខ្នាតតូចៗមិនប្រមូលផ្ដុំដល់គ្រួសារប្រជាជនបានជាង៩.០០០លើកគ្រួសារ និងអ្នកនេសាទនៅតាមតំបន់ព្រំដែនសមុទ្រ១.៨៧០នាក់ ផ្សព្វផ្សាយតាមរយៈប្រព័ន្ធផ្សាយសំឡេងភូមិភាគបាន៧២៥លើក; “ឧគ្ឃោសនស័ព្ទការពារព្រំដែន” ផ្សព្វផ្សាយបាន៨៧៥លើក; ផ្សព្វផ្សាយនៅតាមអនុវិទ្យាល័យ វិទ្យាល័យនៅតាមស្រុក និងទីរួមខេត្តដែលកងទ័ពឈរជើង អំពីខ្លឹមសារ៖ ច្បាប់ការពារព្រំដែនវៀតណាម និងអធិបតេយ្យសមុទ្រ កោះវៀតណាមដល់សិស្សានុសិស្ស កម្មាភិបាល គ្រូបង្រៀនរាប់រយនាក់; សហការជាមួយមន្ទីរ គណៈ ផ្នែកខេត្ត រៀបចំផ្សព្វផ្សាយការងារព័ត៌មាន សារគមនាគមន៍ និងព័ត៌មានកិច្ចការបរទេសដល់មនុស្សជាង៥០០នាក់។
ផ្សព្វផ្សាយច្បាប់ការពារព្រំដែនវៀតណាមដល់សិស្សានុសិស្ស។
ក្រៅពីនោះ កងទ័ពការពារព្រំដែនខេត្ត នៅទាំងយកចិត្តទុកដាក់បង្កើតក្លឹប មជ្ឈមណ្ឌល ពិគ្រោះច្បាប់ ក្រុមពិគ្រោះផ្សព្វផ្សាយច្បាប់ កងជួរអ្នកធ្វើរបាយការណ៍ និងឃោសនិកច្បាប់ ។ល។ នៅតាមឃុំ សង្កាត់ព្រំដែន។ ឆ្លងតាមរយៈនោះ បង្កការវិវឌ្ឍយ៉ាងខ្លាំងក្លាអំពីការយល់ដឹងនិងសកម្មភាពក្នុងកម្មាភិបាល ប្រជាជន រួមចំណែកកសាងតំបន់ព្រំដែនសមុទ្ររបស់ខេត្តសន្តិភាព ស្ថិរភាពនិងកាន់តែអភិវឌ្ឍន៍ពីមួយថ្ងៃទៅមួយថ្ងៃ។ អ្នកស្រី ផាងធ្វីមឹង លេខាសាខាបក្សភូមិឈូងធំ ឃុំឡាយហ្វា ទីរួមខេត្តវិញចូវ ឱ្យដឹង៖ “ខ្ញុំឃើញការឃោសនា ផ្សព្វផ្សាយអប់រំច្បាប់ គឺមានប្រសិទ្ធភាពនិងចាំបាច់ណាស់ ដើម្បីជួយមាមីងខ្មែរនៅតំបន់ព្រំដែនសមុទ្រយល់ដឹងអំពីច្បាប់ និងគោលនយោបាយអនុគ្រោះជាច្រើនរបស់បក្ស រដ្ឋ។ ឆ្លងតាមរយៈនោះ មាមីងខ្នះខ្នែងចូលរួមចលនា “ទូទាំងប្រជាជនចូលរួមការពារអធិបតេយ្យទឹកដី សន្តិសុខព្រំដែនជាតិក្នុងស្ថានភាពថ្មី”; យុវជនជាច្រើនយល់ច្បាស់ពីកាតព្វកិច្ចពលរដ្ឋ ម្ល៉ោះហើយតែងខ្នះខ្នែងត្រៀមលក្ខណៈចូលបម្រើកងទ័ព។ ដោយឡែករូបខ្ញុំផ្ទាល់តែងលើកទឹកចិត្តមាមីងខ្មែរ ខិតខំប្រកបការងាររកស៊ី អភិវឌ្ឍសេដ្ឋកិច្ច កសាងគ្រួសារវប្បធម៌ ភូមិវប្បធម៌ និងរួមជាមួយយុទ្ធជនការពារព្រំដែនចូលរួមនូវសកម្មភាពនានា រួមចំណែកការពារអធិបតេយ្យទឹកដីតំបន់សមុទ្ររបស់ខេត្ត”។
វរសេនីយ៍ឯកបម្រុង ហាហ្វីត្រឿង ប្រធានស្នងការនយោបាយកងទ័ពការពារព្រំដែនខេត្តសុកត្រាំង ឱ្យដឹង៖ “អង្គភាពតែងយកចិត្តទុកដាក់ក្នុងការដឹកនាំ ចង្អុលការ និងផ្សព្វផ្សាយអនុវត្តបានល្អនូវការឃោសនា ផ្សព្វផ្សាយអប់រំច្បាប់។ ឆ្លងតាមរយៈការឃោសនា ឃើញថា ប្រជាជន បំផុតគឺជនរួមជាតិខ្មែរនៅលើភូមិសាស្រ្ត មានស្មារតីគោរពម៉ឺងម៉ាត់នូវគោលការណ៍ គោលមាគ៌ារបស់បក្ស ច្បាប់របស់រដ្ឋ។ ពិសេស បច្ចុប្បន្ននេះ មាមីងខ្មែរជាច្រើនបានមោះមុត ខ្នះខ្នែងចូលរួមថ្កោលទោសឧក្រិដ្ឋកម្ម រួមចំណែករក្សាសន្តិសុខនយោបាយ សណ្តាប់ធ្នាប់ សុវត្ថិភាពសង្គម នៅលើភូមិសាស្រ្តតំបន់ព្រំដែនសមុទ្ររបស់ខេត្ត”៕
យ្វីអាញ - វិមាន
Xem thêm bình luận