ផ្ញើក្តីស្រឡាញ់ជូនចំពោះលោកគ្រូ អ្នកគ្រូ

ទិវាគ្រូបង្រៀន Việt Nam ថ្ងៃទី២០ ខែវិច្ឆិកា គឺជាឱកាសសម្រាប់សិស្សានុសិស្សបានសម្តែងនូវការដឹងគុណ និងក្តីស្រឡាញ់ចំពោះលោកគ្រូអ្នកគ្រូ។ ជំនួសឱ្យការទិញបាច់ផ្កា និងអំណោយ ឬក៏ការផ្ញើសារតាមទូរសព្ទដៃ សិស្សានុសិស្សទាំងឡាយនៃវិទ្យាល័យជនជាតិអន្តេវាសិកខេត្ត បានរួមគ្នារចនានូវក្រដាស់លិខិតដ៏ស្រស់ស្អាតនិងពោរពេញដោយអត្ថន័យខ្លឹមសារសម្រាប់ផ្ញើនូវក្តីស្រឡាញ់ជូន ចំពោះលោកគ្រូ អ្នកគ្រូរបស់ខ្លួន។

បើកលិខិតដែលបានរចនាយ៉ាងប្រណិត និងប្រកបដោយភាពច្នៃប្រឌិតជាមួយនឹងកំពាទ្យ ពាក្យស្លោកប្រសិទ្ធពរជ័យដែលសរសេរដោយការប្រុងប្រយ័ត្ន ប្អូន Kim Hồng Bưởi ជាសិស្សថ្នាក់ទី១២C2   បានចែករំលែកថា៖ “ដើម្បីរចនាបាននូវលិខិតនេះ ប្អូនត្រូវបង្កើតគំនិតជាមុន រួចហើយគូរ និង​តុបតែង ប្រមទាំងសរសេរនូវវាចារជូនពរ។ សង្ឃឹមថាក្រដាស់លិខិតដែលធ្វើដោយការផ្តួចផ្តើមអស់ពីចិត្តនឹងនាំមកនូវការភ្ញាក់ផ្អើល និងភាពសប្បាយរីករាយសម្រាប់លោកគ្រូ អ្នកគ្រូ”។

ប្អូន Lý Mỹ Duyên (ឆ្វេង) និង ប្អូន Kim Hồng Bưởi ចែករំលែកអំពីអត្ថន័យនៃលិខិតដែលខ្លួនបានធ្វើដោយដៃសម្រាប់ជូនលោកគ្រូ អ្នកគ្រូនាឱកាសថ្ងៃទី២០ វិច្ឆិកា។

ប្អូន Lý Mỹ Duyên ជាសិស្សរួមថ្នាក់ រីករាយនិយាយថា៖ “ថ្ងៃ២០ វិច្ឆិកា ជាឱកាសសម្រាប់ប្អូន និងមិត្តភក្តិទាំងឡាយសម្តែងនូវការដឹកគុណចំពោះលោកគ្រូ អ្នកគ្រូ។ បណ្តាលិខិត ថ្វីត្បិតតែមានភាពសាមញ្ញ តែវាកើតចេញពីទឹកចិត្តនៃក្តីស្រឡាញ់ដ៏ស្មោះស្ម័គ្ររបស់ប្អូនៗមានចំពោះលោកគ្រូ អ្នកគ្រូ”។

កាន់លិខិតក្នុងដៃដែលធ្វើដោយដៃផ្ទាល់របស់មិត្តរួមថ្នាក់ ប្អូន Nguyễn Minh Thư ជាសិស្សថ្នាក់ទី១២C3 បានរៀបរាប់ថា៖ “ទោះបីជាពួកប្អូនសុទ្ធសឹងជាអ្នកកើតទាន់សម័យផ្លាស់ប្តូរនៃឌីជីថលក៏ពិតមែន តួយ៉ាងដូចជាថ្ងៃទី២០វិច្ឆិកាប៉ុន្មានឆ្នាំមុនៗ ពួកប្អូនក៏តែងផ្ញើសារប្រសិទ្ធពរលោកគ្រូ អ្នកគ្រូ តែចំពោះប្អូន ខណៈពេលដែលបានរចនាលិខិតដោយផ្ទាល់ដៃសម្រាប់ប្រសិទ្ធពរលោកគ្រូ អ្នកគ្រូពិតជាមានភាពពិសេសខ្លាំងណាស់។ ប្អូនៗសង្ឃឹមថា បណ្តាលិខិតទាំងនេះគឺជាអំណោយប្រកបដោយក្តីស្រឡាញ់ លោកគ្រូ អ្នកគ្រូនឹងមានការភ្ញាក់ផ្អើលជាមួយគំនិតច្នៃប្រឌិត រួមទាំងវាចារជូនពរជាទីស្រឡាញ់របស់ពួកប្អូន”។

សាភ្ជាប់ជាមួយបុព្វហេតុនៃការបណ្តុះបណ្តាលប្រភពធនធានមនុស្សអស់រយៈកាលជា១២ឆ្នាំកន្លង ដោយតួនាទីជាលេខាសម្ព័ន្ធយុវជនរបស់សាលា ផ្តើមចលនាដ៏មានអត្ថន័យនេះ លោកគ្រូ Hữu Lý Vui មានក្តីរំភើបជាខ្លាំង ពីព្រោះក្នុងរយៈពេលដ៏ខ្លី តែប្អូនៗអាចរចនាបានយ៉ាងច្រើនលិខិតសម្រាប់ប្រសិទ្ធពរលោកគ្រូ​ អ្នកគ្រូក្នុង​កាសដ៏ពិសេសនេះ។

បណ្តាលិខិតដែលត្រូវបានប្អូនៗរចនាយ៉ាងយកចិត្តទុកដាក់សម្រាប់ផ្ញើនូវក្តីស្រលាញ់របស់ខ្លួនជូនចំពោះលោកគ្រូ​អ្នកគ្រូ។

“ដោយគ្រាន់តែប្រើសម្ភារៈសាមញ្ញ ដូចជា ក្រដាសពណ៌ ក្រដាសកាតុង ផ្កាស្ងួត ខ្សែបូ... ប្អូនៗបានកាត់យកទៅបិទភ្ជាប់យ៉ាងផ្ចិតផ្ចង់ លាបពណ៌ រួចហើយរចនាជាលិខិតដ៏ស្រស់ស្អាត និងរស់រវើក ដោយមានសរសេរវាចារប្រសិទ្ធពរដ៏មានអត្ថន័យជូនចំពោះលោកគ្រូ អ្នកគ្រូ។ ជាពិសេស ប្អូនៗជាច្រើនរូបបានរចនាលិខិតតាមរបៀប ៣D ភ្ជាប់ជាមួយនឹងផ្កាក្រដាសដែលមានពណ៌ដ៏ស្រស់ត្រកាលគួរជាទីចំ ណាប់អារម្មណ៍ បត់ក្រដាស់តូចៗ បង្កើតជារូបភាពផ្កាយផ្សងសំណាង ឬគូរគំនូរតុបតែងដោយគំនិតច្នៃប្រឌិត សរសេរកំណាព្យ ព្រមទាំងវាចារដោយស្មោះអស់ពីចិត្ត ញុំាងឱ្យអត្ថន័យក្នុងលិខិតកាន់តែមានអត្ថន័យវិសេសវិសាលថែមទៀត។ មានថ្នាក់ខ្លះ ថែមទាំងស្រាវ ជ្រាវនូវបណ្តារូបភាពអនុស្សាវរីយ៍របស់ថ្នាក់រៀនផងដែរ” លោកគ្រូ Vui រីករាយ ឱដឹងដូច្នេះ។

ខ្លឹមសារទាំងឡាយក្នុងលិខិត ត្រូវបានសរសេរយ៉ាងផ្ចិតផ្ចង់និងបង្កប់នូវដោយទឹកចិត្តដ៏ស្មោះត្រង់របស់ប្អូនៗសិស្សសាលា។

លោកគ្រូ Vui ជឿជាក់ថា ពេលទទួលបាននូវបណ្តាលិខិតដ៏ចម្លែកភ្នែក និងគួរឲ្យស្រលាញ់ទាំងនេះ លោកគ្រូ អ្នកគ្រូ នឹងមានមោទនៈភាពជាក់ជាមិនខាន។ ហើយនេះ​ក៏​ជា​អំណោយ​ដ៏មានខ្លឹមសារ នឹងជាទឹកចិត្តនៃក្តីស្រឡាញ់របស់សិស្សមានចំពោះលោកគ្រូ​ អ្នកគ្រូនាឱ កាសថ្ងៃទី២០វិច្ឆិកាដ៏មានអត្ថន័យនេះ៕

​Băng Thanh