ស្តារឡើងវិញនូវរបររកស៊ីដោយទម្រង់ចិញ្ចឹមពពែនៅ Đất Mũi

ដើម្បីសម្រេចបានល្អនូវការកាត់បន្ថយភាពក្រីក្រប្រកបដោយចីរភាព គឺការស្វែងរកទម្រង់ចិញ្ចឹមជីវិតដែលសមស្របនឹងលក្ខណៈភូមិភាគពិតជាមានសារៈសំខាន់ខ្លាំងណាស់។ ឃុំដឹកមូយ កំពុងស្តារឡើងវិញជាសន្សឹមៗនូវទម្រង់ចិញ្ចឹមពពែ និងការងារធ្វើជាប្រចាំរបស់បងប្អូនប្រជាជននៅតាមតំបន់ឆ្នេរសមុទ្រ ត្រូវបានអនុវត្តយ៉ាងមានរៀបរៀបរយជាងមុន បើកឱកាសរកបានប្រាក់ចំណូលស្ថិរភាពសម្រាប់គ្រួសារជាច្រើន ជាពិសេសមនុស្សចាស់។

លោក Nguyễn Văn Chào នៅភូមិ Rạch Thọ ឃុំ Đất Mũi ថែទាំហ្វូងពពែរបស់ខ្លួន។

នៅភូមិ Rạch Thọ ឃុំ Đất Mũi ចិញ្ចឹមពពែគឺជារបរដែលត្រូវបានផ្សព្វផ្សាយយ៉ាងទូលំទូលាយដោយសារដើមទុនវិនិយោគទាប ឆ្លៀតយកប្រភពចំណីធម្មជាតិ​ ដូចជា៖ ស្លឹកស្មែ អង្គាដី ស្លឹកដំឡូងឈ្វា ត្រកួន។ល។ សមស្របទៅតាមលក្ខណៈនៃទម្រង់ផលិតខ្នាតតូច។​ទោះជាយ៉ោងណាក្តី ចាប់ពីឆ្នាំ២០២០ រួមជាមួយការជះឥទ្ធពលនៃជំងឺអាសន្នរោគកូវិដ-១៩បណ្តោយឱ្យទីផ្សារនាំចេញមិននឹងនរ តម្លៃប្រែប្រួលខុសប្រក្រតី គ្រួសារជាច្រើនត្រូវផ្អាក់ការចិញ្ចឹម។ ទម្រង់នេះត្រូវបង្អាក់មកវិញ បណ្តោយឱ្យប៉ះពាល់ដល់ជីវភាពគ្រួសារជាច្រើនទៀតផង។

ដើម្បីឆ្លើយតបទៅនឹងស្ថានភាពនេះ កាលពីខែមីនា ឆ្នាំ២០២៦ សមាគមកសិករឃុំ Đất Mũi បានសហការជាមួយការិយាល័យសេដ្ឋកិច្ចឃុំ ជំនួយឧបត្ថម្ភ ១៥ គ្រួសារនៅភូមិ Rạch Thọ ក្នុងការបង្កើនហ្វូងពពែរបស់ខ្លួនឡើងវិញ។ គ្រួសារនីមួយៗទទួលបានថវិកាចំនួន ២៨ លានដុង ស្មើនឹងពពែបង្កាត់ពូជចំនួន ៨ ក្បាល។ នេះមិនត្រឹមតែជាទុនដំបូងប៉ុណ្ណោះទេ ថែមទាំងជាកម្លាំងចលករមួយសម្រាប់លើកទឹកចិត្តបងប្អូនប្រជាជនឱ្យខិតខំបង្កើតហ្វូងពពែរបស់ខ្លួនឡើងវិញដោយទំនុកចិត្ត និងស្តារជីវភាពរស់នៅរបស់សង្គមគ្រួសារ។

លោក Tạ Văn Hợp អនុប្រធានសមាគមកសិករឃុំ Đất Mũi បានមានប្រសាសន៍ថា៖ “នៅភូមិភាគនេះ យើងទទួលស្គាល់ថា ទម្រង់ចិញ្ចឹមពពែគឺមានលក្ខណៈសមស្របជាក់ស្តែងខ្លាំងណាស់ ជាពិសេសសម្រាប់មនុស្សមានវ័យចាស់ ដូច្នេះយើងខ្ញុំកំពុងអនុវត្តការឧបត្ថម្ភសម្រាប់បង្កើតហ្វូងចិញ្ចឹមឡើងវិញ។ សំខាន់គឺជួយប្រជាជនឱ្យមានជីវភាពរស់នៅនឹស្ថិរភាព ដោយមិនចាំបាច់មានការវិនិយោគច្រើន ប៉ុន្តែនៅតែទទួលបានប្រាក់ចំណូលជាប្រចាំ”។

ប្រការដែលគួរឱ្យកត់សម្គាល់នៅះគឺ របរនេះមានលក្ខណៈស្ថិរភាព។ បណ្តាគ្រួសារដែលមានបទពិសោធន៍ត្រូវបានចាត់តាំងឱ្យណែនាំកសិករថ្មីថ្មោង ដោយចែករំលែកបច្ចេកទេសសម្រាប់ការថែទាំ និងការបង្ការជំងឺ ដើម្បីកាត់បន្ថយហានិភ័យផ្សេងៗនៅដំណាក់កាលដំបូង និងបង្កើនប្រសិទ្ធភាពក្នុងការចិញ្ចឹម។

សហករណ៍ចិញ្ចឹមពពែនៅភូមិ Rạch Thọ កំពុងត្រូវពង្រឹងឡើងវិញ ដោយឆ្ពោះទៅរកការបង្កើតសហករណ៍មួយដើម្បីភ្ជាប់ផលិត លក់និងទិញ។ នៅពេលដែលគ្រួសារភ្ជាប់ទំនាក់ទំនងគ្នា ពួកគេមិនត្រឹមតែមានការគ្រប់គ្រងកាន់តែច្រើនលើទិន្នផលប៉ុណ្ណោះទេ ថែមទាំងអាចទទួលបានគោលនយោបាយឧបត្ថម្ភ និងពង្រីកទំហំផលិតផងដែរ។

លោក Tạ Văn Hợp អនុប្រធានសមាគមកសិករឃុំ Đất Mũi (កណ្តាល) ដោះដូរបទពិសោធក្នុងការចិញ្ចឹមសត្វជាមួយបងប្អូនប្រជាជនក្នុងភូមិ Rạch Thọ។

ជាអ្នកផ្សារភ្ជាប់នឹងរបរអស់រយៈកាលយូរឆ្នាំផងនោះ លោក Nguyễn Văn Chào នៅភូមិ Thạch Thọ បានចែករំលែកថា៖ “នៅទីនេះ បងប្អូនប្រជាជនពឹងផ្អែកលើការចិញ្ចឹមពពែ ពីព្រោះពពែមិនសូវងាយនឹងកើតមានជំងឺ ងាយស្រួលចិញ្ចឹម ហើយកង្វល់ចម្បងគឺការប្រែប្រួលខាងតម្លៃ។ ប្រសិនបើទីផ្សារមានស្ថិរភាព វានឹងចំណេញកាន់តែច្រើន”។

លោក Lê Văn Mười Lớn ជាអ្នកចិញ្ចឹមពពែយូរឆ្នាំនៅភូមិ Rạch Thọ បានឱ្យដឹង៖ "ពពែងាយស្រួលថែទាំ និងប្រើប្រាស់ប្រភពចំណីដែលអាចរកបានយ៉ាងងាយស្រួល។ ប្រសិនបើចិញ្ចឹមបានល្អត្រឹមត្រូវ ប្រាក់ចំណូលប្រចាំឆ្នាំអាចឡើងដល់ប្រហែល ២០០ លានដុង គ្រប់គ្រាន់សម្រាប់ចំណាយ និងសន្សំសំចៃផងដែរ"។

បច្ចុប្បន្ន សហករណ៍ចិញ្ចឹមពពែនៅភូមិ Rạch Thọ មានសមាជិកចំនួន ២៤ នាក់ ហើយកំពុងស្តារឡើងវិញជាសន្សឹមងៗនូវទំហំហ្វូងពពែរបស់ខ្លួន។ ការពង្រឹងឡើងវិញនូវទម្រង់ដោយផ្តោត លើបទពិសោធន៍ដែលមានស្រាប់បានជួយបងប្អូនប្រជាជនមានស្ថិរភាពផលិតកម្មយ៉ាងឆាប់រហ័ស និងបង្កើតភាពស្អិតរមួតក្នុងសហគមន៍នៃការចិញ្ចឹមសត្វទៀតផង។ វិធីសាស្រ្តនេះមិនត្រឹមតែនាំមកនូវប្រាក់ចំណូលដល់ប្រជាជនប៉ុណ្ណោះទេ ថែមទាំងរួមចំណែកដល់ការបង្កើតខ្សែសង្វាក់តម្លៃប្រកបដោយចីរភាព ជាមូលដ្ឋានគ្រឹះដ៏សំខាន់មួយនៃគោលដៅកាត់បន្ថយភាពក្រីក្ររយៈពេលវែងរបស់តំបន់ភូមិភាគផងដែរ៕

Hồng Nhi - Quốc Ngữ