ជនជាតិ Hoa នៅសង្កាត់២ សកម្មចូលរួមការងារសុខមាលភាពសង្គម

ក្រុង Cà Mau មានបងប្អូនជនជាតិ Hoa រស់នៅយ៉ាងច្រើនកុះករ ដោយមានជិត១.៦០០ គ្រួសារ ក្នុងនោះប្រមូលផ្តុំភាគច្រើននៅសង្កាត់២ ដោយមានទាំងអស់ចំនួន៤០៣គ្រួសារ។ ដូច្នេះហើយ ទូទាំងភូមិសាស្ត្រសង្កាត់សរុបទាំងអស់មានប្រមាណ៥០០មូលដ្ឋានអាជីវកម្មតូចធំរបស់បងប្អូនជនជាតិ Hoa។ ភាគច្រើនអ្នករាល់គ្នាសុទ្ធតែមានជីវភាពធូរធារល្អ ផ្តើមពីនោះ ក៏រួមចំណែកយ៉ាងសកម្មជាមួយរដ្ឋអំណាចសង្កាត់២ក្នុងការលុបបំបាត់ក្រទាំងស្រុងរបស់សង្កាត់កាលពីឆ្នាំ២០២១ស្តីពីការងារសុខមាលភាពសង្គម។

លោក Thái Quang Minh (ទី២គិតពីស្តាំ) រួមជាមួយក្រុមប្រឹក្សាភិបាលនៃវិហារបុរាណ Hải Nam ជូនអង្ករដល់បងប្អូនប្រជាជនជួបលំបាកលើភូមិសាស្ត្រក្រុង Cà Mau នាឱកាសថ្ងៃពេញបូណ៌មី ខែអាសាឍកន្លងហើយ។

ក្នុងឱកាសថ្ងៃពេញបូណ៌មី ខែពិសាខ កន្លងហើយ នៅវិហារបុរាណ Hải Nam (វិថី Lý Văn Lâm សង្កាត់១ ក្រុង Cà Mau) សមូហភាពនៃសមាគមវិហារបុរាណក៏បានជូនអំណាយជាអង្ករជាង២តោនសម្រាប់មាមីងបងប្អូនក្រលំបាកលើភូមិសាស្ត្រសង្កាត់ ព្រមទាំងក្រុមផ្ទះបាយសប្បុរសធម៌លើភូមិសាស្ត្រខេត្ត។ នេះជាសកម្មភាពប្រចាំឆ្នាំរបស់អង្គភាព ដោយមិនទាន់និយាយពីការផ្គត់ផ្គង់ជំនួយសម្ភារៈចាំបាច់ក្នុងឱកាសបន្ទាន់ និងកើតឡើងផ្សេងទៀតផង។ ចំពោះលទ្ធផលនេះ ក៏មានការរួមចំណែកយ៉ាងធំធេងរបស់លោក Thái Quang Minh ក្រុមប្រឹក្សាភិបាលនៃវិហារបុរាណ Hải Nam ផងដែរ លោកជាអ្នកមានប្រជាប្រិយក្នុងជនរួមជាតិភាគតិចរបស់សង្កាត់២ទៀតផង។

លោក Dương Văn An សមាជិកនៃសមាគមជនជាតិ Hoa គឺជាគ្រួសារអាជីវកម្មដ៏ឆ្នើមមួយដែលបានរួមចំណែកយ៉ាងធំទាំងស្មារតី និងសម្ភារៈសម្រាប់ការងារសុខមាលភាពសង្គមនៅភូមិភាគ។

 លោក Minh មានប្រសាសន៍៖ “លើភូមិសាស្ត្រសង្កាត់១ និងសង្កាត់២ មានបងប្អូនជនរួមជាតិ Hoa រស់នៅកុះករ ដែលភាពច្រើនជាអ្នករកស៊ីជួញដូរ។ ផ្តើមពីនោះ មាមីងបងប្អូនថែមទាំងចេះជួយចែករំលែកចំពោះគ្រួសារក្រីក្រ គ្រួសារជួបលំបាក ដូច្នេះហើយ ការងារឃោសនាផ្សព្វផ្សាយអំពីសប្បុរសធម៌ក៏មានភាពងាយស្រួលណាស់ដែរ”។

សង្កាត់២ មានជាង៥០០អាជីវកម្ម និងទីតាំងលក់ដូរកំប៊ិចកំប៉ុករបស់បងប្អូនជនជាតិ Hoa។

ដូចគ្នានេះដែរ លោក Dương Văn An កើតឆ្នាំ១៩៤០ ជាសមាជិកនៃសមាគមជនជាតិ Hoa ជាគ្រួសារអាជីវកម្ម Tòng An មានទីតាំងស្ថិតនៅវិថី Lê Lợi សង្កាត់២ ក៏ជាគ្រួសារមួយក្នុងចំណោមគ្រួសារឆ្នើមទាំងឡាយលើភូមិសាស្ត្រ។ លោក An បានចែករំលែកថា៖ “ខ្ញុំកើតនិងធំដឹងក្តីក្នុងគ្រួសារក្រីក្រ មានបងប្អូន៥នាក់ នៅសង្កាត់៤ ក្រុង Cà Mau។ ក្នុងនាមខ្ញុំជាបងច្បង កាលនៅក្មេង ខ្ញុំក៏មានគំនិត្តចេះផ្តួចផ្តើមដោយខ្លួនឯងតាំងពីដំបូងម្លេ៉ះ ធ្វើការស៊ីឈ្នួលជាច្រើនមុខរបរដើម្បី ជួយឪពុកម្តាយចិញ្ចឹមប្អូនៗ។ នឹកឃើញកាលប្រទេសជាតិទើបតែបានរំដោះរួច ខ្ញុំរៀបការចេញរស់នៅដោយឡែក ហើយមានដើមទុនបន្តិបន្តួចសម្រាប់បើកមូលដ្ឋានលក់ដូរខាងដែក បំប៉ុងទឹក ឧបករកសិម្មសម្រាប់បម្រើក្នុងការផលិតក៏ បានដំណើរការរហូតមកទល់សព្វថ្ងៃ។ ផ្តើមពីនោះ គិតគូរឱ្យកូនសិក្សារៀនសូត្រ សព្វថ្ងៃកូនទាំង៤នាក់របស់ខ្ញុំសុទ្ធតែមានជីវភាពលំនឹងរៀងៗខ្លួន ក្នុងនោះមាន៣នាក់កំពុងធ្វើការនៅធនាគារ ចំណែកកូនស្រីច្បងវិញ បន្តមុខរបររបស់ខ្ញុំនាពេលបច្ចុប្បន្ននេះឯង។ ដោយឡែកសម្រាប់ខ្ញុំផ្ទាល់ ស្ថិតលើកម្លាំងដែលអាចទៅរួច ជារៀងរាល់ឆ្នាំខ្ញុំតែងចលនាអង្ករសម្រាប់ចែកជូនគ្រួសារក្រីក្រ សមាគជនជាតិ Hoa ជាអ្នកទទួលបន្ទុកខាងចុះទៅតាមតំបន់ដើម្បីជូនអង្ករដល់មាមីង បងប្អូនគ្រួសារក្រ និងបណ្តាទីតាំងដែលមានតម្រូវការជំនួយឧបត្ថម្ភ”។

លោក Lê Thanh Toàn (ខាងស្តាំបង្អស់) ប្រធានគណៈកម្មាធិការរណសិរ្សមាតុភូមិសង្កាត់២ និងលោក Nguyễn Văn Thống (ខាងឆ្វេងបង្អស់) អនុប្រធានគណៈកម្មាធិការរណសិរ្សមាតុភូមិសង្កាត់២ ជូនអំណោយដល់គ្រួសារជួបលំបាកលើភូមិសាស្ត្រក្នុងឱកាសបុណ្យ Vu Lan ឆ្នាំ២០២៤។

លោក Lê Thanh Tuấn អនុលេខាគណៈកម្មាធិការបក្ស ប្រធានគណៈកម្មាធិការប្រជាជនសង្កាត់២ បានឲ្យដឹង៖ គ្រួសារ Hoa ដែលរស់នៅលើភូមិសាស្ត្រសង្កាត់២ភាគច្រើនជាអ្នកប្រកបអាជីវកម្មជួញដូរ ហើយតែងមានស្មារតីសាមគ្គី ជួយគ្នាទៅវិញទៅមកដើម្បីឈានឡើងក្នុងជីវភាព។ ផ្តើមពីនោះ មានច្រើនគ្រួសារបានឈានឡើងជីវភាពធូរធារ ព្រមទាំងសកម្មរួមចំណែកដើម្បីកិច្ចការងារសុខមាលភាពសង្គមលើភូមិសាស្ត្រ។ ជារៀងរាល់ឆ្នាំ សមាគមជនជាតិ Hoa បានរួមចំណែកយ៉ាងធំក្នុងរាល់សកម្មភាពសុខមាលភាពសង្គមដោយសរុបទឹកប្រាក់ប្រមាណ៤០០លានដុង៕

ឡងភឿង