ជំនួយសិស្ស Khmer ទៅសាលា

ដើម្បីចែករំលែកការលំបាកដល់ដល់សិស្សានុសិស្សតំបន់ជនជាតិភាគតិចសម្រាប់ដើមឆ្នាំសិក្សាថ្មី មន្ទីរជនជាតិ និងសាសនា ព្រមទាំងសប្បុរសជនទាំងឡាយបានសហការជាមួយរដ្ឋអំណាចភូមិភាគចាត់តាំងបណ្តាសកម្មភាពជំនួយឧបត្ថម្ភ ដើម្បីប្អូនៗកុំឱ្យបោះបង់ការសិក្សារៀនសូត្រដោយសារតែជីវភាពជួបលំបាក។

លោក Nguyễn Thành Niệm នាយករងនៃមន្ទីរជនជាតិ និងសាសនា ជូនសៀវភៅសិក្សាដល់ប្អូនៗសិស្សសាលាក្នុងពិធីបិទវគ្គថ្នាក់បង្រៀនអក្សរ Khmer ឱកាសវិស្សមកាលនៅសាលាទានភូមិ Đồng Tâm A ឃុំ Đầm Dơi។

អស់រយៈពេលជាច្រើនឆ្នាំកន្លង នៅពេលដែលថ្នាក់រៀនអក្សរ Khmer ឱកាសវិស្សមកាលបាន បិទវគ្គ ប្អូនៗសិស្សសាលាជាក្មួយជនជាតិភាគតិចទាំងលាយក៏ទទួលបានអំណោយដោយសាររៀនបានល្អក្នុងឆ្នាំសិក្សា ព្រមទាំងអាហារូបករណ៍ កង់ សៀវភៅសិក្សា សៀវភៅសរសេរ រួមទាំងឧបកររៀនសូត្រដើម្បីឆ្នាំសិក្សាថ្មី។

លោក Nguyễn Thành Niệm នាយករងនៃមន្ទីរជនជាតិ និងសាសនា បានចែករំលែក៖ “នេះគឺជាសកម្មភាពដ៏ប្រចាំដែលត្រូវបានមន្ទីរសិក្សាអប់រំ និងសប្បុរសជនទាំងឡាយរួមជាមួយរដ្ឋអំណាចភូមិភាគចាត់តាំងមុនពេលប្អូនៗឈានចូលឆ្នាំសិក្សាថ្មី ជាក់ស្តែងបានផ្តល់មកនូវភាពសប្បាយរីករាយ និងការលើកទឹកចិត្តសម្រាប់ប្អូនៗខិតខំសិក្សារៀនសូត្រទៀតផង”។

នៅពិធីបិទវគ្គនៃការបង្រៀនអក្សរ Khmer នៅសាលទានភូមិ Đồng Tâm A ឃុំ Đầm Dơi រួមបញ្ចូលជាមួយបរិយាកាសសប្បាយរីករាយ ជាការលើកទឹកចិត្តសម្រាប់ខាងដាស់តឿនស្មារតីប្អូនៗឱ្យខិតខំរៀនសូត្របានល្អក្នុងឆ្នាំសិក្សាថ្មី ជាពិសេសសកម្មភាពផ្តល់អំណោយ។

លោក Lê Hoàng Hôn អនុប្រធានគណៈកម្មាធិការប្រជាជនឃុំ Đầm Dơi បានឱដឹងថា៖ “មុនឈានចូលឆ្នាំសិក្សាថ្មី ឃុំបានប្រមូលធនធាន កម្មវិធី ក៏ដូចជាការកៀរគរអ្នកឧបត្ថម្ភ និងសប្បុរសជន ដើម្បីផ្តល់អាហារូបករណ៍ សៀវភៅសរសេរ និងសៀវភៅសិក្សា ព្រមទាំងឧបករណ៍សិក្សាសម្រាប់ប្អូនៗសិស្សានុសិស្ស ជាពិសេសសិស្សដែលមានជីវភាពក្រលំបាក។ ផ្តើមពីនោះក៏បានរួមចំណែកជួយឱ្យប្អូនៗសម្រេចនូវក្តីសង្ឃឹមរបស់ខ្លួន ចូលរួមកសាងអនាគត និងសហគមមួយថ្ងៃកាន់តែល្អប្រសើរ ព្រមទាំងរួមកម្លាំងគ្នាចែករំលែករាល់ការលំបាក​ជាមួយ​សិស្ស​ជនជាតិ​ភាគ​តិច”។

ប្អូន Diệp Hữu Kiều Luyến ទទួលអាហារូបករណ៍ពីសប្បុរសជន។

ថ្ងៃដែលបានទទួលអាហារូបករណ៍ ប្អូន Diệp Hữu Kiều Luyến ជាជនជាតិ Khmer រៀនថ្នាក់ទី៦ សាលាមធ្យមសិក្សា Tân Hồng (ឃុំ Đầm Dơi) មានប្រសាសន៍៖ ដោយទទួលបានអាហារូបករណ៍ និងសៀវភៅសរសេរ សៀវភៅសិក្សា ប្អូនពិតជាមានក្តីរំភើបនឹងដឹកគុណខ្លាំងណាស់។ ប្អូនសន្យាថានឹងខិតខំរៀនសូត្រឱ្យបានពូកែ​ដើម្បីមិនធ្វើឱ្យលោកគ្រូអ្នកគ្រូ ព្រមទាំងឪពុកម្តាយ​និងមាមីងសប្បុរសជនខកបំណងជាដាច់ខាត”។

ប្អូន Lương Thị Thảo Nguyễn សិស្សថ្នាក់ទី១០នៃសាលាមធ្យមសិក្សាចំណេះទូទៅ Đầm Dơi មានប្រសាសន៍៖ “ស្ថានភាពគ្រួសារជួបលំបាក តែប្រាក់កាស់សម្រាប់ផ្គត់ផ្គង់ឱ្យប្អូនបន្តសិក្សាថ្នាក់ទី១០គឺមានការលំបាកខ្លាំងណាស់ ណាប្រាក់សម្រាប់ទិញសំលៀកបំពាក់ ណាទិញសំពៀត សៀវភៅសិក្សា និងសៀវភៅសរសេរ... អាស្រ័យដូច្នេះហើយ ពេលនេះប្អូនបានទទួលអាហារូបករណ៍ សៀវភៅសរសេរ ប្អូនពិតជាសប្បាយរីករាយខ្លាំងណាស់។ ការជំនួយឧបត្ថម្ភទាំងនេះ បានជួយឱ្យប្អូនៗមានលក្ខណៈបានទៅសាលាគ្រប់គ្នា។ ប្អូននឹងខិតខំរៀនសូត្រឱ្យបានល្អ”។

សម្រាប់ក្នុងឆ្នាំសិក្សាថ្មីេនះ ប្អូនៗសិស្សសាលាជាកូនក្មួយជនជាតិភាគតិច ព្រមទាំងសិស្សដែលមានជីវភាពជួបលំបាកនៅឃុំហូធីគី បានទទួលកង់ដោយគណៈកម្មាធិការរណសិរ្សមាតុភូមិ Việt Nam ខេត្តផ្តើមចលនាម្ចាស់ក្រុមហ៊ុនឧបត្ថម្ភ។

បន្តការជំនួយប្អូនៗសិស្សានុសិស្សឱ្យបានទៅសាលា គឺជាសកម្មភាពជាក់ស្តែង ជួយប្អូនៗសិស្សសាលានៅតាមតំបន់ជនជាតិភាគតិច និងតំបន់ភ្នំ ព្រមទាំងតំបន់ជនជាតិភាគតិចដែលមានជីវភាពក្រលំបាកបានបន្តការសិក្សារៀនសូត្រ។ រាល់ការរួមចំណែកដ៏សាមញ្ញបែបនេះក៏បានរួមចំណែកធ្វើឱ្យផ្លាស់ប្តូរយ៉ាងធំក្នុងការជំនួយប្អូនៗសិស្សានុសិស្សទាំងឡាយមានលក្ខណៈដើម្បីសម្រេចនូវក្តីសង្ឃឹមខាងចំណេះដឹងរបស់ខ្លួន។

អាហារូបករណ៍ កង់ សៀវភៅសរសេរ សៀវភៅសិក្សា។ល។ បណ្តាអំណោយទាំងនេះមិនត្រឹមជាតម្លៃសម្រាប់ផ្នែកខាងសម្ភារៈប៉ុណ្ណោះទេ ថែមទាំងជាប្រភពនៃការលើកទឹកចិត្តសម្រាប់ប្អូនៗបន្តការសិក្សាបានល្អ ព្រមទាំងវិវឌ្ឍខ្លួនឱ្យក្លាយជាប្រជាពលរដ្ឋមានប្រយោជន៍សម្រាប់សង្គម៕

Quỳnh Anh