នារី Khmer មានទំនុកចិត្តដើម្បីបញ្ជាក់នូវតួនាទីរបស់ខ្លួន

ដោយមានជាង១២ពាន់គ្រួសារ និងចំនួនប្រជាជនប្រមាណជាង៥០ពាន់នាក់ បងប្អូនជនជាតិភាគតិចទាំងឡាយគឺជាប្រភពធនធានដ៏ខំាន់របស់ខេត្ត Cà Mau ទាំងមូលក្នុងដំណើរការអភិវឌ្ឍន៍។ ក្នុងនោះ តួនាទីរបស់បងប្អូននារីក៏មានសារៈសំខាន់ណាស់ដែរ ការរួមចំណែករបស់បងប្អូននារី Khmer ក៏តែងត្រូវបានបញ្ជាក់ និងមានល្បឿនឆ្ពោះទៅមុខមិនឈប់ឈរក្នុងវិស័យនៃជីវភាពរស់នៅរបស់ភូមិស្រុកនារយៈពេលកន្លង។

លោក Trần Hoàng Lê ប្រធានការិយាល័យជនជាតិស្រុក Thới Bình ឱ្យដឹង៖ "បងប្អូនានរីជនជាតិភាគតិចទូទាំងភូមិភាគមយយថ្ងៃកាន់តែបានចូលរួមយ៉ាងសកម្ម និងសំខាន់ខ្លាំងណាស់សម្រាប់តួនាទីក្នុងសង្គមគ្រួសារ ក៏ដូចជា សហគមជាដើមផង ដែរ។ បងប្អូននារីជនជាតិភាគតិចតែងមានគ្រប់លក្ខណៈ និងភាពជឿជាក់ដើម្បីបញ្ជាក់នូវតួនាទីរបស់ ខ្លួនលើគ្រប់វិស័យ។

កងកម្លាំងនារីជនជាតិភាគតិច តែងបានរួមចំណែកយ៉ាងធំសម្រាប់បុព្វហេតុនៃការអភិវឌ្ឍន៍ប្រទេសជាតិ មាតុភូមិ។ ក្នុងរូបថត៖ថ្នាក់ដឹកនាំនៃការិយាល័យជនជាតិស្រុក U Minh ប្រសិទ្ធពរបុណ្យសែនដូនតាមាមីងបងប្អូន Khmer នៅសាលាទានឃុំ Khánh Lâm ស្រុក U Minh។

អ្នកគ្រូ Bùi Thị Thuận ជនជាតិ Mường បានមករស់នៅតំបន់ដែនដី Cà Mau និងជាគ្រូបង្រៀនរបស់សាលាអនុវិទ្យាល័យ Biển Bạch Đông ស្រុក Thới Bình អស់រយៈកាល២០ឆ្នាំហើយដែរ។ លោកគ្រួ Phan Văn Có នាយកសាលា បានវាយតម្លៃលើអ្នកគ្រូថា៖ "អ្នកគ្រូ Thuận ជាគ្រូបង្រៀនដ៏ល្អមួយរូប មានចិត្តអំណត់ ស្រឡាញ់មុខរបរការងារ និងរស់នៅតំបន់ជួបលំបាកខ្លាំងណាស់។ ប្រការដែលគួរឱ្យកត់ សម្គាល់ទៀតនោះគឺ អ្នកគ្រូ Thuận អស់ជាច្រើនឆ្នាំបានស្ម័គ្រចិត្តបង្ហាត់សិស្សដែលមានកម្រិតអន់ខ្សោយ ជួយប្អូនៗរៀនបានល្អប្រសើរឡើងវិញរួមជាមួយមិត្តភក្តិផងដែរ។

នៅភូមិ Phước Hoà ឃុំ Biển Bạch Đông ស្រុក Thới Bình អ្នកភូមិទាំងឡាយតែងកោតសរសើរចំពោះគ្រួសារប្តីប្រពន្ធលោក Danh Hoành និងអ្នកមីង Thị Dươl ជាជនជាតិ Khmer។ ផ្តើមពីការឧស្សាហ៍ក្នុងការពលកម្មផលិត ប្តីប្រពន្ធលោកក៏សាងសង់បានផ្ទះមួយខ្នងយ៉ាងទូ លាយស្អាត គ្រួសាររស់នៅប្រកបដោយក្តីសុខ សុភមង្គល។ លោកហ្វាន់ បានឱ្យដឹង៖ "ប្រពន្ធខ្ញុំ មិនត្រឹមជាអ្នកយកចិត្តទុកដាក់លើ កិច្ច កាងារផ្ទះ និងពូកែក្នុងការចិញ្ចឹមដាំដុះនោះទេ ថែមទាំងរួមជាមួយខ្ញុំបាទធ្វើកិច្ចការងារធ្ងន់ស្រាលដើម្បី រកប្រាក់ចិញ្ចឹមកូនទាំង៥នាក់ទៀតផង។ ពិសេស គិតគូរការសិក្សារៀនសូត្រឱ្យកូនប្រុសពៅរបស់ខ្លួនគឺ Danh Mạnh តែម្តង សព្វថ្ងៃកំពុងជាអនុបណ្ឌិត ហើយកំពុងបំ ពេញការងារនៅទីក្រុង Hồ Chí Minh ផងដែរ។

ការបណ្តុះបណ្តាលប្រភពធនធានមនុស្សសម្រាប់ជនជាតិភាគតិច តែងត្រូវបានខេត្ត Cà Mau យកចិត្តទុកដាក់យ៉ាងពីសេស ផ្តើមពីនោះក៏សន្សឹមៗលើកកម្ពស់គុណភាព កងជួរកម្មាភិបាលនិយោជិកដែលជាជនជាតិ Khmer នៅគ្រប់លំដាប់ថ្នាក់ និងស្ថាប័នក្នុងប្រ ព័ន្ធនយោ បាយរបស់ខេត្តនិយាយរួម បងប្អូនជនរួមជាតិភាគតិចនិយាយដោយឡែក។

អ្នកគ្រូ Bù Thị Thuận តែងអស់ពីចិត្តជាមួយអាជីព និងប្អូនៗសិស្សានុសិស្សតំបន់ជនបទដែលជួបលំបាក។

ទូទាំងខេត្តមានបក្ខជនទាំងអស់៧៤៥រូប និងកម្មាភិបាលនិយោជិកជាជនជាតិភាគតិចសរុបទាំងអស់៣៨៤រូប។ ដោយឡែកចំពោះថ្នាក់ខេត្តវិញ មានកម្មាភិបាល និយោ ជិកជាជនជាតិភាគតិច៣១រូបដែលត្រូវបានរៀបចំគម្រោងការទទួលមុខងារសំខាន់ៗ ក្នុងនោះតែងតាំងតំណែងជាមេដឹកនាំតាមបណ្តាស្ថាប័នមុខងារផ្សេងៗរួមាមានទាំងអស់១១រូបយោងតាមឯកសារដែលបានកត់ត្រាកកាលពីចុងឆ្នាំ២០២៣។

អាចនិយាយបានថា យោងតាមបណ្តាកម្មាភិបាលជាជនជាតិភាគតិចទាំងឡាយដែលសុទ្ធសឹងជាបក្ខជនកំពុងទទួលបន្ទុកការងារសំខាន់ ៗថ្នាក់ខេត្ត តួយ៉ាងដូចជាលោកស្រី Lê Thị Nhung ជនជាតិ Thái ជាសមាជិកអចិន្ត្រៃយ៍ប្រចាំការបក្សខេត្ត អនុប្រធានក្រុមប្រឹក្សាប្រជាជនខេត្ត និងលោកស្រី Quách Kiều Mai ជនជាតិ Khmer ជាអនុប្រ ធានគណៈជនជាតិខេត្ត ព្រមទាំងបងប្អូននារីជនជាតិភាគតិចជាច្រើនទៀតដែលកំ ពុងទទួលមុខតំណែងសំខាន់ៗនៅតាមបណ្តាស្ថាប័ននានា តាំងពីថ្នាក់ស្រុក និងក្រុងរហូតដល់មូលដ្ឋានផងដែរ។

ជាពិសេស គំរូយុវជន Khmer ដែលខិតខំបំពេញការងារបានល្អ និងរួមចំណែកជាច្រើននៅតាមភូមិភាគ គឺគួររំលឹកដល់បងស្រី Thạch Thị Nương អនុប្រធានក្រុមប្រឹក្សាប្រជាជនឃុំ Khánh Bình Đông ស្រុក Trần Văn Thời និងបងស្រី Danh Thị Mị លេខាសម្ព័ន្ធយុវជនឃុំ Khánh Hoà ស្រុក U Minh អ្នកទាំងឡាយសុទ្ធសឹងមានស្នាដៃឆ្នើម។ ទូទាំងខេត្តមានអ្នកមានប្រជាប្រិយក្នុងជនរួមជាតិភាគតិចទាំងអស់ ៦៧រូប ក្នុងនោះមាន៧រូបដែលជានារីភេទ។

មិនថាស្ថិតក្នុងតួនាទីណា ឬក៏មុខតំណែងណានោះទេ បងប្អូននារីជនជាតិភាគតិចទាំងឡាយនៅខេត្ត Cà Mau ក៏តែងលើកតម្កើងស្មារតីកសាងគុណសម្បត្តិនារី Việt Nam ក្នុងយុគសម័យថ្មីផងដែរ ដើម្បីបញ្ជាក់នូវភាពជំហរ និងតួនាទីរបស់នារីយុគសម័យជឿនលឿនរបស់ខ្លួនសម្រាប់ប្រទេសជាតិមាតុភូមិ៕

Quốc Rin