Truyền hình
ក្នុងឱកាសវិស្សមកាលកន្លងហើយ នៅតាមឃុំទាំង៣ ដែលជាឃុំមានបងប្អូនជនរួមជាតិ Khmer រស់នៅច្រើនកុះកររបស់ស្រុក Trần Văn Thời ក៏បានចាត់តាំងបើកថ្នាក់បង្រៀនអក្សរ Khmer ដោយទទួលបានលទ្ធផលគួរឲ្យកត់សម្គាល់។
មិនត្រឹមគិតគូរដល់ជីវភាពសេដ្ឋកិច្ច និងសន្តិសុខសង្គមប៉ុណ្ណោះទេ ស្រុក Trần Văn Thời ថែមទាំងយកចិត្តទុកដាក់លើការអប់រំដល់កូនក្មួយជនរួមជាតិ Khmer។ ស្រុកបានអនុវត្តយ៉ាងពេញលេញនូវគោលនយោបាយលើកលែង និងកាត់បន្ថយថ្លៃសិក្សានៅគ្រប់កម្រិតនៃការអប់រំវិទ្យាល័យ គោលនយោបាយជម្រើសសិស្ស បម្រុងចូលមហាវិទ្យាល័យ។ ពិសេសអនុវត្តគោលនយោបាយឧបត្ថម្ភដ៏ពិសេសរបស់ខេត្ត ស្តីពីការបង្រៀនអក្សរជូនជនរួមជាតិភាគតិច។ តំណាក់កាល ២០១៩-២០២៤ ស្រុកបើកបាន៤៣ថ្នាក់ ដោយមានកូនក្មួយជនរួមជាតិ Khmer ប្រមាណជាង៧៥០នាក់ចូលរួមសិក្សា។
ពិធីបិទវគ្គថ្នាក់បង្រៀនអក្សរ Khmer នៅស្រុក Trần Văn Thời ប្រព្រឹត្តិឡើងយ៉ាងអធឹកអធម។
ក្នុងឱកាសវិស្សមកាល២ខែកន្លងហើយ នៅឃុំទាំង៣ រួមមាន៖ Khánh Hưng និង Khánh Bình Tây បានចាត់តាំងចំនួន ៩ទីតាំងបង្រៀនអក្សរ Khmer ដោយមានទាំងអស់១៣ថ្នាក់ និងគ្រូបង្រៀនចំនួន១២រូប សរុបប្អូនៗចុះឈ្មោះចូលរៀនទាំងអស់ចំនួន២០១នាក់។
ប្អូន Nguyễn Như Ý នៅភូមិ Kinh Đứng B ឃុំ Khánh Hưng ឱ្យដឹង៖ មកទល់ពេលនេះ ប្អូនក៏ចេះអាន និងចេះសរសេរភាសា Khmer ផងដែរ។ ពីមុន ប្អូនគ្រាន់តែនិយាយភាសា Khmer សម្រាប់ការទំនាក់ទំនងក្នុងគ្រួសារ មានយាយតាជាដើម។ ឥឡូវចេះអក្សរ ប្អូនអាចអានបានសៀវភៅខ្មែរនៅក្នុងវត្ត។ ប្អូនសប្បាយរីករាយខ្លាំងណាស់ ហើយក៏មានចិត្តចង់រៀនបន្តទៀតដែរក្នុងឱកាសវិស្សមកាលក្រោយៗនេះ។
ប្អូនៗសិស្សានុសិស្សរីករាយដោយខ្លួនបានចេះអាន និងចេះសរសេរអក្សរ Khmer បន្ទាប់ពីរៀនបានរយៈពេល២ខែ។
ថ្វីត្បិត ការបង្រៀនអក្សរ Khmer មានការជួបលំបាកមួយចំនួន។ លោក Diệp Huỳnh My ជាគ្រូបង្រៀនអក្សរ Khmer អស់រយៈកាល១០ឆ្នាំនៅឃុំ Khánh Hưng ឱ្យដឹង៖ មាទីតាំងមួយចំនួនត្រូវខ្ចីកន្លែងសម្រាប់បង្រៀន ហើយក៏មានតាំង តុមិនគ្រប់គ្រាន់សម្រាប់ក្នុងការរៀននោះដែរ។ ក្រៅពីនោះ ការឧបត្ថម្ភទឹកប្រាក់សម្រាប់គ្រូបង្រៀនក៏តិចតួចស្តួចស្តើង ហើយមានគ្រូបង្រៀនខ្លះត្រូវចំណាយប្រាក់ផ្ទាល់ខ្លួនដើម្បីផ្គត់ផ្គង់ក្នុងការបង្រៀនរៀងរាល់សបា្តហ៏។
ថ្នាក់បង្រៀនអក្សរ Khmer សម្រាប់ប្អូនៗនៅឃុំ Khánh Hưng បង្ហាត់ដោយលោកគ្រូ Diệp Huỳnh Mi។
គ្រប់បណ្តាឃុំ និងភូមិដែលមានបើកថ្នាក់បង្រៀនអក្សរ Khmer ក៏បានស្នើដល់គណៈជនជាតិខេត្ត និងគណៈកម្មាធិការប្រជាជនស្រុក Trần Văn Thời ដើម្បីធ្វើការស្ងើចសរសើរគ្រូបង្រៀនទាំងឡាយដែលមានស្នាដៃក្នុងការបង្ហាត់ក្នុងឱកាស បិទវគ្គសិក្សារៀងរាល់ឆ្នាំ។ ម្យ៉ាងទៀត ក៏គួរមានទម្រង់ដោះដូរ រៀនសូត្របទពិសោធរវាងភូមិភាគសម្រាប់ក្នុងការបង្រៀនអក្សរ Khmer។ ស្របឱកាសនោះដែរ ក៏មានការជំនួយឧបត្ថម្ភទឹកប្រាក់សម្រាប់ទិញសម្ភរៈតាំងតុរៀន ផ្តើមពីនោះ អភិរក្ស និងពង្រីកតម្លៃវប្បធម៌របស់ជនរួមជាតិ Khmer។
គណៈជនជាតិខេត្ត និងគណៈកម្មាធិការប្រជាជនស្រុក Trần Văn Thời បានកត់សម្គាល់រាល់បញ្ហាលំបាកសម្រាប់បណ្តាទីតាំងបង្រៀនអក្សរ Khmer នេះដែរ។ លោកស្រី Quách Kiều Mai អនុប្រធានគណៈជនជាតិខេត្ត ឱ្យដឹង៖ បណ្តាថ្នាក់បង្រៀនអក្សរ Khmer ក៏បានបន្តរក្សាការបង្ហាត់បានយ៉ាងល្អ។ ជារៀងរាល់ឆ្នាំ យើងខ្ញុំរៀបចំចាត់ចែងថវិកាសម្រាប់ជំនួយឧបត្ថម្ភក្នុងការបង្រៀនអក្សរ Khmer។ ពិសេស ក្នុងឱកាសវិស្សមកាល ប្អូនៗក៏បានឆ្លៀតឱកាសដើម្បីនាំគ្នាទៅរៀនអក្សរ Khmer។ គ្រូអាចារ្យ ព្រមទាំងព្រះសង្ឃទាំងឡាយដែលជាគ្រូបង្រៀនក៏អស់ពីចិត្តក្នុងការបង្ហាត់បង្រៀនអក្សរជាតិខ្លួនផង ដែរ ក្នុងឆ្នាំ២០២៤ គណៈជនជាតិខេត្តក៏បានធ្វើសេនាធិការឱ្យគណៈកម្មាធិការប្រជាជនខេត្តឧបត្ថម្ភថវិកា លើកទឹកចិត្តកូនក្មួយជនរួមជាតិ Khmer ក្នុងការអភិរក្សនូវភាសា និងអក្សរសាស្ត្រ Khmer ទៀតផង៕
ឡាមខាញ់
Xem thêm bình luận