ការផលិតមានអំណោយផលបន្ទាប់ពីបុណ្យ Tết

បន្ទាប់ពីបុណ្យ Tết មកទល់សព្វថ្ងៃ បងប្អូនជនរួមជាតិ Khmer នៅឃុំ Khánh Bình Đông ស្រុក Trần Văn Thời តែងសកម្មក្នុងការពលកម្មផលិត។ នៅលើវាលស្រែដ៏ធំល្វឹងល្វើយ ក្រៅពីផលិតស្រូវរដូវប្រាំង ក៏មានគ្រួសារកសិករជាច្រើនបានស្រុះគ្នាចុះបន្លែតាមស្រែ។ នេះជារដូវផលិតពេញដោយក្តីសង្ឃឹមនឹងនឹងផ្តល់មកនូវប្រភពចំណូលខ្ពស់ទៀតផង។

ជាអ្នកមានបទពិសោធក្នុងការចុះពូជបន្លែតាមស្រែអស់រយៈកាលជាង១០ឆ្នាំ លោក Trần Văn Dũng នៅភូមិ Minh Hà A សព្វថ្ងៃកំពុងសកម្មថែទាំចម្ការល្ពៅ ត្រៀមប្រមូលផលក្នុងខែ២ (ចន្ទគតិ) ខាងមុខនេះ។ កាលពីមុននេះ ខណៈពេលដែលទទួលបុណ្យចូលឆ្នាំ Tết រួចរាល់ គ្រួសារលោកក៏បានចាប់ផ្តើមឱ្យេដូវផលិតថ្មី។

គ្រួសារលោក Trần Văn Dũng ថែទាំចម្កាល្ពៅរបស់ខ្លួន។

“គ្រួសារ​ខ្ញុំ​ដាំ​ចម្ការ​ល្ពៅ​ជិត៥​ពាន់​ដើម​លើ​ផ្ទៃដី​ជាង៣​ហិកតារ។ លើក​នេះ​ខ្ញុំ​ដាំពូជល្ពៅលឿង ល្ពៅទ្រីង និងល្ពៅឃ្លោក។ ឆ្នាំនេះអាកាសធាតុអំណោយផល ដូច្នេះហើយប្រហែលជាដើមខែ១២ (ចន្ទគតិ) ខ្ញុំនឹងចុះពូជ។ ដល់ប្រហែលដើមខែ២ (ចន្ទគតិ) នឹងប្រមូលផល។ នេះជារដូវដែលពេញដោយក្តីសង្ឃឹមបំផុតសម្រាប់ឱ្យរដូវដើមឆ្នាំ” លោក Dũng បានចែករំលែកថដូច្នេះ។

យោងតាមការប៉ានស្មានរបស់លោក Dũng តម្លៃល្ពៅលក់ចេញនាពេលសព្វថ្ងៃប្រមាណ១០ពាន់ដុង/គីឡូក្រាម។​ គ្រួសារអាចរកបានប្រាក់ចំណូលជិត១០០លានដុង។ ផ្តើមពីប្រភពទុននេះ គ្រួសារនឹងអាច់ប្រឹតសំចៃសម្រាប់អភិវឌ្ឍន៍សេដ្ឋកិច្ច។

លោក Dũng សង្ឃឹមថា៖ បងប្អូនកសិករយើងខ្ញុំតែងសង្ឃឹមអាកាសធាតុអំណោយផល មានកំណើនផល លកើបានតម្លៃខ្ពស់ដើម្បីមា មីងបងប្អូនមានទំនុកចិត្តរស់នៅប្រកបដោយភាពសុខសាន្តនៅភូមិស្រុក។ ជារៀងរាល់ឆ្នាំ ធ្វើស្រែ២រដូវ តែរដូវល្ពៅតែងជាក្តីសង្ឃឹមរបស់គ្រួសារ ពីព្រោះប្រភពចំណូលផ្តើមពីរដូវល្ពៅតែងទទួលបានផលខ្ពស់។ សង្ឃឹមថាដល់ពេលប្រមូលផល តម្លៃល្ពៅនឹងបានលំនឹងល្អ។

លោក Trần Văn Dũng រួមទាំងគ្រួសារជាចហរើនទៀតនៅភូមិ Minh Hà A សង្ឃឹមថារដូវផលល្ពៅនឹងទទួលបានជៅគជ័យ។

ក្នុងនាមជាអ្នកមានប្រជាប្រិយក្នុងតំបន់ជនរួមជាតិ Khmer លោក Thạch Ngát នៅភូមិលេខ៧ ក្រៅពីអនុវត្តល្អការងារសង្គម លោកនិងគ្រួសារតែងជាគំរូក្នុងការពលកម្មផលិត ប្រឹតសំចៃប្រភពប្រាក់ចំណូល។ ជាមួយផ្ទៃដីកសិកម្មជាង១ហិកតា គ្រួសារផលិតស្រូវ ចិញ្ចឹមត្រី ដាំបន្លែ ទទួលប្រាក់ចំណូលរៀងរាល់ឆ្នាំជាង១០០លានដុង។

“ជាមួយ​ការ​ជឿ​ទុក​ចិត្តរបស់បងប្អូនជនរួមជាតិ​ក្នុង​តំបន់ ខ្ញុំ​តែងសម្រេចល្អនូវរាល់ភារកិច្ចដែលបានប្រគល់ជូន។ គំរូតាំងពីគ្រួសាររហូតដល់កិច្ចការងារសង្គម ដូច្នេះហើយទើបខ្ញុំតែងបានមាមីងបងប្អូនគាំទ្រ និងជឿទុកចិត្ត” លោក Thạch Ngát មានប្រសាសន៍បែបនេះ។

គ្រួសារលោក Thạch Ngát ជាគំរូក្នុងការពលកម្មផលិត ក៏ដូចជាកិច្ចការងារសង្គមជាដើម ដូច្នេះហើយទើបតែងបានមាមីងបងប្អូនគោរពស្រឡាញ់ និងជឿទុកចិត្ត។

លោក Trần Trọng Thể អនុប្រធានគណៈកម្មាធិការប្រជាជនឃុំ Khánh Bình Đông ឱ្យដឹង៖ បច្ចុប្បន្ន ឃុំមានគ្រួសារជនរួមជាតិ Khmer ចំនួន៣១៥/៤.៦៨៤គ្រួសារ ក្នុងនោះមាន២២គ្រួសារក្រ និង៦គ្រួសារក្បែរបន្ទាត់ក្រ។ មាមីងបងប្អូនតំបន់ជនរួមជាតិភាគច្រើនប្រកប របរកសិកម្ម មានដូចជា៖ ធ្វើស្រែ ចិញ្ចឹមត្រី ដាំដំណាំជាដើម។ ក្រោយរដូវបុណ្យ Tết ក៏មានគ្រួសារជាច្រើនបានចាប់ផ្តើមឱ្យការផលិតរបស់ខ្លួន ព្រមទាំងប្រមូលផលដំណាំកសិផលទៀតផង។

និយាយរួម ស្ថានភាពផលិតរបស់មាមីងបងប្អូនក៏មានអំណោយផល លំនឹងល្អ រដូវផលដំណាំសង្ឃឹមថានឹងទទួលបានជោគជ័យ ផ្តល់មកនូវភាពកក់ក្តៅសម្រាប់មាមីងបងប្អូនជនរួមជាតិ Khmer នៃឱកាសឆ្នាំថ្មី៕

Hằng My