ស្ពានមេត្រីពង្រឹងផែនមហាសាមគ្គីទូទាំងជនជាតិ

ពេលមានព្រះជន្មបាន ១៧ ឆ្នាំដែលស្នាកអាស្រ័យនៅវត្ត ឃោសិតារាម (chùa Đầu) ឃុំ Hưng Hội ពេញដោយស្មារតីជាអ្នកសិក្សាធម៌អាថ៌វិន័យ ព្រះឧបជ្ឈាយ៍ Thạch Hà បានតាំងព្រះទ័យផ្សារភ្ជាប់អស់មួយឆាកជីវិតជាមួយពុទ្ធសាសនា។ ជាងកន្លះសតវត្សរ៍បានកន្លងផុតទៅ ចាប់តាំងពីជំហានដំបូងលើមាគ៌ាសិក្សាធម៌វិន័យ រហូតដល់កាន់តំណែងជាសមាជិកក្រុមប្រឹក្សាភិបាលនៃសមាគមពុទ្ធសាសនា Việt Nam ប្រធានគណៈអភិបាលសមាគមពុទ្ធសាសនា Việt Nam ខេត្ត Cà Mau អនុប្រធានប្រចាំការសមាគមព្រះសង្ឃសាមគ្គីស្នេហាជាតិខេត្ត ព្រះឧបជ្ឈាយ៍បានលះបង់ពេញមួយជីវិតដើម្បីសាសនា និងជនជាតិ។

សមមិត្ត Trung Việt សមាជិកអចិន្ត្រៃប្រចាំការ និងជាប្រធានគណៈឃោសនាអប់រំនៃគណៈកម្មាធិការបក្សខេត្ត អញ្ជើញទៅសួរសុខទុក្ខ និងប្រគេនអំណោយព្រះឧបជ្ឈាយ៍ Thạch Hà ព្រះចៅអធិការវត្ត មុនីវង្សា បុប្ផារាម សង្កាត់ An Xuyên។

ផ្សារភ្ជាប់សាសនាជាមួយសង្គម រឹតបន្តឹងផែនមហាសាមគ្គីទូទាំងជនជាតិ

ដោយក្តីប្រាថ្នាដំបូងគឺសិក្សាដើម្បីយល់ពីសីលធម៌ និងដំណើរការរស់នៅក្នុងសង្គម ឱឱ្យកាន់តែយូរអង្វែងផងនោះ ព្រះឧបជ្ឈាយ៍កាន់តែទទួលស្គាល់ច្បាស់ពីការទទួលខុសត្រូវក្នុងការរួមដំណើរ និងជួយឧបត្ថម្ភបងប្អូនពុទ្ធបរិស័ទ កសាងរបៀបរស់នៅ "ប្រើសើរផ្លួវធម៌ បវរផ្លូវលោក"។

ព្រះឧបជ្ឈាយ៍ Thạch Hà មានថេរដីកាថា៖ "ពង្រីកប្រពៃណី "សាសនា - ប្រជាជាតិ និងសង្គមនិយម" ព្រះឧបជ្ឈាយ៍តែងចលនាព្រះសង្ឃ និងប្រជាពុទ្ធបរិស័ទ អនុវត្តយ៉ាងម៉ឺងម៉ាត់នូវគោលការណ៍ណែនាំ និងគោលនយោបាយរបស់បក្ស ច្បាប់របស់រដ្ឋ។ សកម្មក្នុងការរក្សាសន្តិសុខសណ្តាប់ធ្នាប់នៅមូលដ្ឋាន រួមចំណែកកសាងខេត្ត Cà Mau ឱ្យមានស្ថិរភាព អភិវឌ្ឍន៍ និងមានមនោសញ្ចេតនាកាន់តែប្រសើរឡើង"។

ព្រះឧបជ្ឈាយ៍បានធ្វើការឃោសនាដោយផ្ទាល់ និងតម្រង់ទិសការយល់ដឹងដល់ព្រះសង្ឃ និងពុទ្ធបរិស័ទ។ ជួយបងប្អូនជនរួមជាតិស្គាល់ច្បាស់ពីឧបាយកល និងល្បិចកលរបស់មុខសញ្ញាដែលឆ្លៀតប្រើប្រាស់សាសនា ដើម្បីធ្វើសកម្មភាពនយោបាយខុសច្បាប់ ដែលផ្ទុយនឹងគោលនយោបាយមហាសាមគ្គីទូទាំងជនជាតិ និងសិទ្ធិសេរីភាពជំនឿ សាសនារបស់បក្ស និងរដ្ឋ រួមចំណែកពង្រឹងផែនមហាសាមគ្គីជាតិ និងសាសនា។

ឆ្ពោះទៅកាន់សហគមន៍

ព្រះឧបជ្ឈាយ៍ Thạch Hà គឺជាគំរូឆ្នើមក្នុងកិច្ចការសុខុមាលភាពសង្គម។ ជារឿយៗព្រះអង្គតែងចលនាបច្ច័យ អង្ករ និងគ្រឿងឧបភោគបរិភោគដើម្បីជួយជនក្រីក្រ ព្រមទាំងរួមចំណែកកសាងស្ពាន ផ្លូវចរាចរណ៍ជនបទ និងផ្ទះមេត្តាធម៌ជូនគ្រួសារជួបលំបាក។

ព្រះឧបជ្ឈាយ៍ Thạch Hà ចលនាព្រះសង្ឃ និងពុទ្ធបរិស័ទឱ្យអនុវត្តល្អនូវគោលនយោបាយបក្ស បិងក្រឹត្យច្បាប់របស់រដ្ឋ រស់នៅ "ប្រសើរផ្លូវធម៌ បវរផ្លូវលោក"។

ក្នុងឆ្នាំ ២០២៥ គណៈអភិបាលសមាគមពុទ្ធសាសនាវៀតណាមខេត្ត Cà Mau បានចលនាអនុវត្តកិច្ចការសុខុមាលភាពសង្គម ដោយសរុបតម្លៃជាទឹកប្រាក់ប្រមាណជាង ១០០ ពាន់លានដុង។

លោក Dương Minh Vũ អនុប្រធានមន្ទីរជនជាតិ និងសាសនាខេត្ត Cà Mau បានចែករំលែកថា៖ “ក្នុងឆ្នាំ ២០២៥ សមាគមពុទ្ធសាសនា Việt Nam ខេត្ត Cà Mau បានចលនាកសាងស្ពានជាង ១៥០ ខ្សែ ផ្ទះមេត្តាធម៌ ១៨០ ខ្នង និងផ្តល់អំណោយ ៤០ ពាន់ចំណែកដល់ជនក្រីក្រ។ ព្រះឧបជ្ឈាយ៍ Thạch Hà ថែមទាំងបានចលនាដោយផ្ទាល់នូវថវិកា ១២ ពាន់លានដុង ដើម្បីឧបត្ថម្ភមាមីងបងប្អូននៅតំបន់ដែលរងគ្រោះដោយទឹកជំនន់”។

ដោយការលះបង់ក្នុងពេលកន្លងមក ព្រះឧបជ្ឈាយ៍ Thạch Hà មានកិត្តិយសបានប្រធានរដ្ឋជូនគ្រឿងឥស្សរិយយស មហាសាមគ្គីជាតិ។ ទទួលបានប័ណ្ណសរសើរពីនាយករដ្ឋមន្ត្រីចំនួន ៣ លើក ព្រមទាំងរង្វាន់ដ៏ខ្ពង់ខ្ពស់ជាច្រើនពីគណៈកម្មាធិការជនជាតិ ក្រសួងនគរបាល និងគណៈកម្មាធិការប្រជាជនខេត្ត Cà Mau។ រង្វាន់ទាំងនេះមិនត្រឹមតែជាការទទួលស្គាល់របស់រដ្ឋចំពោះព្រះឧបជ្ឈាយ៍ប៉ុណ្ណោះទេ ថែមទាំងបញ្ជាក់ពីតួនាទីដ៏ឆ្នើមរបស់ថ្នាក់ដឹកនាំពុទ្ធសាសនាក្នុងបុព្វហេតុកសាងមាតុភូមិ រួមចំណែកធ្វើឱ្យកាន់តែសម្បូរបែបនូវទំព័រប្រវត្តិសាស្ត្រដ៏រុងរឿងស្តីពីផែនមហាសាមគ្គីជាតិក្នុងសម័យកាលថ្មី៕

Thuỳ Liên - Duy Phong