ទូក.ងលុងរស់ឡើងវិញ

នៅប្រមាណជាង ២ ខែទៀតប៉ុណ្ណោះ ពិធីបុណ្យអកអំបុក ប្រណាំងទូក.ងឆ្នាំ២០២៥នឹងប្រព្រឹត្តឡើង។ នេះជាព្រឹត្តិការណ៍វប្បធម៌ កីឡាដ៏ពិសេសរបស់បងប្អូនជនរួមជាតិ Khmer ទូទាំងតំបន់ Nam Bộ និយាយរួមនិង Cà Mau និយាយដោយឡែក រួមចំណែកអភិរក្ស និងលើកតម្កើងអត្តសញ្ញាណជាតិ។

ខុសប្លែកពីទូក.ងផ្គុំក្តារ ទូក.ងលុងគឺមិនបានប្រើដងសន្ទូចនោះទេ។

ទូក.ងលុង បន្ទាប់ពីបាត់មុខអស់រយៈកាលជាច្រើនឆ្នាំ ថ្មីៗនេះដែរក៏បានលេចមុខសាជាថ្មី និងនាំមកនូវភាពសប្បាយរីករាយ និងចំណាប់អារម្មណ៍ក្នុងពិធីប្រណាំងទូក.ងប្រពៃណីរបស់ជនជាតិ Khmer ទៀតផង។ ជាពិសេសបុណ្យអកអំបុក សំពះព្រះខែ និងប្រណាំងទូក.ងឆ្នាំ២០២៤ ដែបានប្រព្រឹត្តិឡើងនៅខេត្ត Sóc Trăng (ចាស់) ទូក.ងលុងវត្តក្រពុំមានជ័យ កោះធំ ឃុំ Ninh Thạnh Lợi​ ខេត្ត Cà Mau បានយកឈ្នះលើបណ្តាគូប្រកួតខ្លាំងៗជាបន្តបន្ទាប់ រួច ដណ្តើម យកពាន រង្វាន់លេខពីរដោយចម្ងាយ ១.២០០ម៉ែត្រ សម្រាប់ក្រុមទូកបុរស។ ជ័យជម្នះ​ដែល​មិនគួរ​នឹក​ស្មាន​នេះ ​ប្រៀប​បានដូច​ជា​ការ​លើក​ទឹក​ចិត្ត​យ៉ាង​ខ្លាំងខ្លា​ក្នុង​ការ​រស់​ឡើង​វិញ​នូវ​ជំនឿ​សម្រាប់ឱ្យ​តម្លៃ​ទូក.ងលុងក្នុងសន្តានចិត្តនៃអ្នក​គាំទ្រទាំងឡាយផងដែរ។ នេះ​ជា​ទូក.ង​លុងដំបូង​គេ​ដែល​បាន​ចូល​រួម​​ប្រ ណាំង ព្រមទាំង​សម្រេច​បាន​លទ្ធផល​ខ្ពស់ និង​ធ្វើ​ឱ្យ​មាន​ការ​ចាប់​អារម្មណ៍​បំផុត​ក្នុងពិធីប្រគួត។

នៅវត្តក្រពុំមានជ័យ កោះធំ ឃុំ Ninh Thạnh Lợi កំពុងបោះថ្មីទូក.ងលុងចំនួន ៣ គ្រឿង សម្រាប់ចូលរួមប្រគួតក្នុងឱកាសបុណ្យអកអំបុក ប្រណាំងទូក.ង ឆ្នាំ២០២៥។

ជាមួយឥទ្ធិពលនោះ បច្ចុប្បន្ននេះ ក៏មានវត្តជាច្រើននៅតាមបណ្តាខេត្តមួយចំនួនដែលសម្បូរប្រពៃណីប្រណាំងទូក.ង ដូចជា៖ ទីក្រុង Cần Thơ, Vĩnh Long, An Giang, Cà Mau... បានផ្តើមបោះទូក.ងលុងថ្មីសម្រាប់ត្រៀមឱ្យពីធីប្រគួត ឆ្នាំ២០២៥ ខាងមុខនេះ។ ក្នុងនោះ វត្តក្រពុំមានជ័យ ​កោះធំ ​កំពុងបោះថ្មីបន្ថែមចំនួន ៣ គ្រឿងផងដែរ។

បណ្តាទូក.ងលុងទាំងនេះមានប្រវែងជាង ៣០ម៉ែត្រ ដោយមួយគ្រឿងសរុបតម្លៃចាប់ពី ៦០០ ដល់៨០០លានដុង។ ចំណែកជាងបោះត្រូវ​បាន​អញ្ជើញ​មក​ពី​ប្រទេស Campuchia ហើយ​ឈើ​គគីរក៏​ត្រូវ​បាន​នាំ​មក​ពី​ប្រទេស​ជាមិត្តនេះផង​ដែរ។

ក្នុងពិធីបុណ្យអកអំបុក ប្រណាំងទូក.ង ឆ្នាំ២០២៤ ទូក.ងលុង (ឯកសណ្ធានព័ណ៌លឿង)​ របស់វត្តក្រពុំមានជ័យ កោះធំ បានបន្សល់ទុកនូវការចាប់អារម្មណ៍សម្រាប់ទស្សនិកជនទាំងឡាយខណៈដែលដណ្តើមយកជ័យជម្នះលើដៃគូរដ៏ខ្លាំងៗរួចទទួលបានពានរង្វាន់លេខពីរ។

ព្រះតេជគុណ Trần Duyên ចៅអធិការវត្ត​កោះធំ មានសង្ឃដីការប្រាប់ថា៖ “ក្នុងអំឡុងជាងមួយទស្សវត្សកន្លង រូបភាពទូក.ងលុង​ មិនសូវមានវត្តមានក្នុងការប្រគួតដូចកាលពីមុននោះទេ ចំណុះឱ្យនោះគឺជាទូក.ងដែលគេបានផ្គុំដោយបន្ទះក្តារដើម្បីចេញជារាងទូង.ង។ មូលហេតុដោយសារពិបាកក្នុងការរកឈើធំៗដែលាមនអាយុកាលយូរសម្រាប់លុងជាទូង.ង។​ ដូច្នេះហើយទើបប្រភេទទូកលុងមានមុខសញ្ញាសាបរលាប់ជាសន្សឹមៗ ម្យ៉ាងទៀត ដោយភាគច្រើនគេគិតថាទូក.ងដែលផ្គុំដោយបន្ទះក្តារអាចមានល្បឿនលឿនជាងទូកលុង។ ពីព្រោះមានដើមសន្ទូចជំនួយ ចំណែកទូកលុងគ្មាននោះទេ។ ហើយដែលពិបាកនោះគឺការស្វែងរកដើមស្មាច់សម្រាប់ធ្វើជាដងសន្ទូច ដើមស្មាច់ត្រូវធានាមានអាយុកាលចាប់ពី ២០ ឆ្នាំឡើងទៅទើបអាចប្រើការបាន។ នោះមិនទាន់គិតពីការចំណាយប្រាស់សម្រាប់ជួលមេជាងកែដើមសន្ទូចផង។ ដូច្នេះហើយ​ ទើបអាត្មាសម្រេចចិត្តបែរមកលេងទូកលុងចំណុះវិញ ដោយទៅទិញទូកនៅប្រទេស Campuchia ១ គ្រឿងសម្រាប់យកមកចូលរួមប្រណាំងក្នុងពិធីបុណ្យអកអំបុក សំពះព្រះខែ ប្រណាំទូក.ងប្រពៃណី​ ឆ្នាំ២០២៤ ព្រមទាំងទទួលបានពានរង្វាន់ លេខពីរផងដែរ”។

ក្រុមកីឡាទូក.ងលុងរបស់វត្តក្រពុំមានជ័យ កោះធំ កំពុងប្រញ៉ាប់ប្រញ៉ាលធ្វើច្រវា ដើម្បីត្រៀមឱ្យរដូវប្រគួតឆាប់ដល់។

ការត្រលប់មកវិញរបស់ទូក.ងលុង ថែមទាំងជាដំណើរការដ៍សំខាន់មួយដើម្បីរក្សានូវអត្តសញ្ញាណវប្បធម៌របស់បងប្អូនជនរួមជាតិ Khmer Nam Bộ និយាយរួម។ ពីព្រោះថា រាល់​ទូក.ងលុងមួយៗសុទ្ធសឹងជាកេរដំណែលវប្បធម៌ដ៍វិសេសវិសាល​និងជាស្លាកស្នាមសម្រាប់ខាងរបរលុងទូក.ង ព្រមទាំងជំនឿ និងមោទនភាពដ៏ថ្លៃថ្នូរបស់សហគមន៍៕

Danh Điệp